地道館車仔麵

营业中

休息中

收工去左何文田睇中醫，睇完就揾下午茶食。呢頭唔熟路，開個app睇下有咩好野食。而家食野通常都揾志同道合嘅食肆，揾到間車仔麵啱晒咀型，一於去試車仔麵我必食大腸，呢度竟然有酸齋添，一定要食啦大腸洗得乾淨，鹵得夠入味，軟身又易咬，超讚👍🏽酸齋都唔錯，酸酸甜甜中和左個湯嘅濃味呢間車仔麵真係唔錯！

有一日，去愛民，冬菇亭餐廳未開，在商場發現車仔麵店。店舖裝修簡單，食也簡單，車仔麵。$42，三餸一麵連熱飲。 每加一款餸$7。 $7 的倍數麵底 ($7)，可揀粗幼麵餅、油麵、米粉、米線、河粉，出前一丁及烏冬要加入3；湯底 ($7 x2 = $14)，清湯、腩汁、咖哩汁、麻辣汁； 每款基本餸 ($7)，例如豬紅、蟹柳、豆卜、蘿白、芝士腸、豬皮、牛丸、貢丸、魚皮餃、紅腸、煎蛋、冬菇、芝心丸等。另加錢 ($2 + 7)，可揀牛腩、豬大腸、牛展、肥牛片、麻辣雞腎。 這一碗， 麵、魚片頭 ($1+7)、魚蛋，魚蛋麻麻地。這一碗， 河粉、腩汁、蘿白、芝士腸、牛丸、牛腩 ($2+7)。這一碗， 河粉、清湯 (攪笑的是，清湯和腩汁差不多顏色)，雞翼、芝士腸。小食，加錢，芝士年糕 ($32)，好味；炸魚皮 ($17)。總評味道：可以，中上；環境：簡單；服務：可以；衛生：正常。地道館車仔麵 何文田忠孝街60號愛民廣場地下G2號舖

在何文田區，一碗三餸車仔麵連嘢飲都係$42，仲係份量十足味道又好，真係好抵食。而每次必食豬紅和豬大腸（另加$2），兩樣都好入味，份量都唔少。今次再加蘿蔔，大大舊又淋又清甜。熱柚子蜜，味道濃咗啲，可能換個大啲個杯更加好😅另外值得一讚係店員超有禮貌☺️

何文田愛民邨既黃車仔麵店下午茶時間比較少人所以坐得都幾舒服車仔麵3餸42蚊我就叫左米線 腩汁 餸就 鹵水雞中翼 陳皮魚蛋 唐生菜加杯凍檸水 total $46首先講下最好食既係陳皮魚蛋好有陳皮味 亦好彈牙 讚其次鹵水雞中翼 雞翼唔散 亦有鹵水味 (要加$1)唐生菜份量都算多算係飽肚又好食既不過唯一需要改善係送錯左好多野可能果日廚房唔夠人或者有d事如果送返岩既話會開心d☺️總括而言食物方面 好食 最好食係陳皮魚蛋環境方面 坐得舒服服務方面 店員有禮 但要改善送錯食物野飲既問題

今日去何文田揾朋友順便食飯，朋友帶我去愛民邨地道館食車仔麵，佢唔單止有車仔麵食飯都有得食，我們叫咗門碗麵一碟飯開心share，有鳳爪,豬大腸,蘿蔔,豬紅,瑞士雞翼,魚皮餃,陳皮魚旦,響鈴,冬菇……米粉嘅份量好似俾一般嘅多，另外再叫了一碟蝦條雞翼腸蛋飯，佢個車仔麵有秘製辣汁同麻辣汁好夠辣非常惹味，特別推介豬紅,蘿蔔,豬大腸好入味~尤其是豬紅好有以前車仔麵嘅味道，佢個柚子蜜都好濃好夠味唔會好似一般店好淡冇乜味

喺何文田餐廳冇咩選擇，有搵間黃店更加難上加難，所以呢間喺愛民邨嘅車仔麵己經成為我地其中一個飯堂～平時啲車仔麵會食唔飽，呢間車仔麵夠足料！雖然唔算平，$43三餸包熱飲，但味道真係唔錯，佢個油麵好食，唔會煮到"林"哂，碗麵仲送條生菜如果食得少少辣會推薦秘製汁湯底，甜甜地少少辣，好正！佢啲餸都唔少，特別鍾意佢嘅咖哩魷魚、豬皮、冬菇～咖哩魷魚唔會硬；豬皮係辣嘅，好入味；冬菇甜甜地，配秘製汁一流佢杯熱奶茶都唔錯，係屬於偏向茶味少奶味嘅奶茶，不過凍奶茶走甜未做到完全唔甜⋯⋯同埋冷氣唔太夠，夏天食可能會有啲熱

#黃店推介 係新蒲崗上堂前要搵地方醫肚🤔發覺呢區都唔少黃店🤩地道館車仔麵位於崇齡街，唔好睇佢好似一間普通嘅車仔麵舖，入邊貼有唔少文宣，而且服務態度一流👍🏻👍🏻

實在太好啦，竟然開到嚟何文田之前食過一次之後，簡直係念念不忘今日竟然比我喺愛民邨見到佢，即刻支持下先入門口量體溫，枱與枱之間有膠板隔住呢間車仔麵除咗有面之外仲有飯食今日叫咗三餸車仔麵如果鍾意食辣佢個秘製辣汁一定要試，好香好夠辣，唔食得辣嘅記得要叫小辣豬腸入味，好乾淨蘿蔔冇渣好清甜柏葉加埋呢個辣汁真係冇得輸另外叫咗瑞士雞翼餐肉蛋飯瑞士雞翼好林好入味餐肉可以再煎香脆少少就好啦凍檸茶熱柚子蜜，柚子蜜一啲都唔慳，好夠味，因為試過喺出邊飲好多次都係比好少柚子蜜，成杯野好淡D 哥哥姐姐仔超nice7:00至11:30仲有早餐啊，聽日再落去試吓先

朋友話佢屋企新開左間車仔麵黃店，咁我就順路去試試。門口量體溫，入面枱同枱之間有透明膠版隔開。好耐冇食過車仔麵～我當放題咁嗌😅三餸一麵已經嗌左韮菜、蘿白、豬紅、粗麵餅（$42），凍咖啡(+$3)，再追加柱侯牛腩(+$7 +$2)同豬大腸(+$7 +$2)。到啦到啦～呢碗野真係好有份量😂😂首先，粗麵餅，都幾吸腩汁味，不錯豬大腸，好味！乾淨！都幾多舊蘿白，腩汁入味，有蘿白嘅甜味豬紅，正常韮菜，個人喜愛重點，柱侯牛腩，好味！嫩，入味，正正子！推介！凍啡，for your reference 咁啱新聞播緊777，搞到我冇咩胃口總結，好味車仔麵，牛腩一定要嗌，同蘿白我覺得。好味黃店

未食晏，一個人坐車經過愛民村，落車睇下有咩食，記得 search 過有間新開車仔麵就走去試下。疫情其間做足安全措施，量體溫，坐位間距1.5M。其實間舖本身坐位都寬闊，見有 BB車入都好輕鬆進入同入座。講返食物，車仔麵餸夠入味，湯底偏甜，有D似永年個湯底咁。但麵底就好足料，差D食唔晒，唔同永年果D食完唔飽。😬 我叫左小辣，其實真係都幾辣，下次要再叫小小辣會好D。豬紅夠入味，唔似一般好流既車仔麵店係咁易淥下就算。雞亦都一咬即甩骨，尤魚都好爽口。整體感覺幾好，會多D來幫襯。