均樂茶餐廳

营业中

休息中

10:40入去食早餐，當時冇乜人，坐到11:15見多工人入去食飯，阿姐叫話攞起個袋讓個位出嚟，都覺得冇乜嘢，已醒水埋單走人，但阿姐話「食咁耐都唔走」，收錢哥哥都話唔好意思，知嗰位阿姐講錯嘢，但認真「冇下次」，普通茶餐廳食物，無謂貼錢買難受👎

無黎一排 經過諗住俾個機會睇下間野會唔會有改善 食物質素會唔會好左少少 但再試完發覺係一_樣無變 食物質素其實係好一般 已經談及唔上好食 仲要態度都可以無變 睇番過往既留言原來都提及態度差 飲食業話哂都叫服務行業 可唔可以對客人既態度好番少少 再用心少少去煮嘢食茶餐廳其實唔會要求你要去到咩水準 咩level咩級別就會expect番你同等既價值 但係呢間野可以連最基本嘅野都達唔到 再加上餐廳內部環境清潔亦都有待改善希望無再下次

餐廳防疫措施不足 環境衛生又有問題 伙記落錯單上錯野仲話番你轉頭 上菜又慢 可以拖足成半個鐘大佬 茶水間明明open area 都可以見住沖茶個個偷食….打開門做生意完全唔掂 疫情下衛生環境就做番足啲啦食環署24小時熱線2868 0000

中午叫左個咖喱雞飯餐，51蚊。唔叫還好，一打開就鬧出聲。成盒簡直差到不得了，盒野九成都係薯仔🥔，有無咁賤呀，做生意做到咁。唔好叫咖喱雞飯啦，不如叫咖喱薯仔飯啦，欺世盜名。剩低的雞呢，全部都係骨，餸頭餸尾的雞件來，接近無肉。難得搵到一舊肉，一咬落去，紅的，完全未熟。奉勸大家中環的打工仔，中午食飯中環大把食肆，如無必要就去其他餐廳，大把平過佢又好過佢，唔駛一打開盒外賣就一肚氣。當然，想食咁樣的極品就去吧。

是日3號午餐 - 高質凍鴛鴦 金針雲耳蒸雞飯  (+2元凍飲)   4/5分   50元- 凍鴛鴦實在難能可貴,咖啡和奶茶的比例剛剛好,好飲,少冰更加有更上一層樓的因素- 金針雲耳蒸雞的底部仲有少少凝固,雞件就不算好多件,味道我覺得普通- 米飯頗多,可以叫多飯自己對中環區茶餐廳的要求不會太高,始終地價太高,但只需要50元就可以吃到一餐中式飯+好飲的鴛鴦~環境當然比較一般,其實你可以買外賣/速速吃完離開~經濟不算太好的情況下,豐儉由人,各取所需吧~

初次認識這間茶餐廳是有同事買了一份港式早餐給我吃開始的最基本的abc餐, 我的是沙爹牛肉麵, 腸仔蛋, 熱奶茶, 吃下去立即發覺他是那種傳統茶餐廳的味道, 用心做的口感今天和同事來吃午餐, 發覺餐牌上的價目表都相對便宜, 可能位置是在街市裏,而且較為平民化, 座位都是以圓枱為主 , 午餐飯忙的時候, 會坐得比較擠迫, 食物也是多選擇, 如蒸魚飯, 上海麵, 炸雞髀薯條, 碟頭飯等等, 每次來也可選擇不同的食物, 是中環區平價之選, 值得推薦 👍

早餐時段，其實我係附近工作，為左方便就腳，一星期都會幫襯呢間野幾次。但經過今日以後唔會再幫襯，因為態度惡劣! 平時都係食即食麵餐B，D 麵淋到一BAT BAT, 我叫左個樓面呀E 話D 麵好淋，佢叫我下之落單前要叫爽麵，我話平時食開都無叫，都唔會好似而家咁淋，佢無理到我行開。我無食碗麵，以為會換比我，點知又等左陣，佢地都反應，我再要求更換，廚房個女人(似係老闆)向住我講: 食30蚊野咁高要求! D 麵一早落定左.....我即刻就叫佢唔洗再煮，我比錢走! 我黎食野都要受您氣! 比錢既時候: 我再講，有D 野係雙向既，您話30蚊野咁高要求，我都一樣，食您30蚊野要受您氣?! bye bye!其實唔換都唁緊要，您唔好比氣我受 !  

今天我和家姐兩人想著隨便找間餐廳醫肚，因為要趕時間去另外一個行程，亂衝亂撞來到位於中環的均樂茶餐廳。這間茶餐廳外貌看起來有點陳舊，但因為看見也有很多人在此處食飯，也不想再浪費時間去找其他餐廳了。看到所有食品也標明價錢，好奇怪唯獨午市快餐沒有價錢，後來問了店員才知道是$48，我點了腊味蒸雞飯，而我家姐點了豬扒餐蛋飯，我們同樣點了熱檸檬水作為餐飲。我的腊味蒸雞飯無論賣相和味道真的好一般，我家姐讓我試了她的豬扒，豬扒還有點硬。以咁嘅價錢其實我們可以還有其他的選擇。

今天 book 了參觀大館察館的入門票，本來想食蘭芳園，可是沒有開，於是走過另一條街入去均樂餐廳。我點了魚餅冬菇米線，味道不錯，但細細一碗卻叫價$47元。我還叫咗炸雞翼，$20四隻，價錢合理，味道非常棒。我發现香港的傳統茶餐廳，員工的態度都是一貫的串，這是我在其它寫的食評裡面經常提到的。香港人惡劣的態度好像已經成為香港的一個文化，在我們外國人眼中看來是蠻可悲的。我們南洋人在敘舊的時候私底下都會慶幸自己不是香港人。以前香港人不是這樣的，他們很文明，很有禮貌，很努力，但為何現在會變成咁樣? 我十分支持香港品牌和傳統的保留。每到一個國家我都會融入當地，學習他們值得我學習的地方。當然，我也遇過好有 heart 的鋪頭，默默耕耘的老闆。他們盡自己的能力做到最好，讓我十分欽佩。均樂餐廳還是不錯食的，個人推薦炸雞翼。記得要交代廚房炸耐 d，脆 d 仲好味。

某男樓面員工服務態度悪劣，叫佢外賣唔好綁咁實好難開，佢就寸寸貢咁，張份早餐掉埋一邊，叫我自己綁，你唔想做咪好做囉，唔好影響餐廳個名，一朝早受你氣，你冇嘢呀？😡