均香餅家

营业中

休息中

平日下晝幾點深水埗 順便去試下人氣糯米糍去到即叫既整 但都好快手 前後大概10分鐘內就有雖然最岀名係開心果味糯米糍 但我都係鐘意傳統口味多啲 所以我淨係叫左黑芝麻同花生兩個味一整完暖暖地 即刻試食左 好好食 好足料 皮薄得黎又爆餡 同埋都幾大粒 食完好滿足😌下次經過會再試埋其他味😛

近期大熱即點即制嘅均香糯米糍💁🏻‍♀️對上一次假期黎買拎完張飛要1個鐘先有得拎，今次平日夜晚黎即刻有得拎🥹買咗3款唔同味，呢道嘅糯米糍皮比較濕潤，好軟糯，擺到第二日食都唔會變硬🤩◾️開心果味 • $12咬咗一啖啲餡都唔會鬆散，跌到周圍都係，堅果味重，甜度如果可以再減低20%左右會更好◾️黑芝麻味 • $8同開心果味一樣，啲餡都唔會散，經典口味◾️芋泥味 • $8最有驚喜嘅一款味！芋泥唔會過甜，仲有少少顆粒感，有口感🤤🤤

呢間本地老港式餅店，時不時都推出新產品，而今期令大家長期都要排隊就係即叫即整嘅手工糯米糍，有6款口味㗎！糯米糍攞上手會攞到成手粉，因為個皮本身都幾黏身，不過外皮嘅厚度不一，有時厚啲，有時薄啲。💚 開心果糯米糍 (HK$12)． 開心果碎粒、花生碎粒和糖粒，一齊炒香，所以餡料暖暖的，口感豐富，不過感覺加咗好多糖，我覺得太甜，開心果味唔夠香，比較淡🤎 花生糯米糍 (HK$6)． 好多的花生粒，被與糖一齊炒香後，好香脆，不過同樣都令我覺得太甜🖤 黑芝麻糯米糍 (HK$8)． 爆餡的黑芝麻，香濃味道，相對甜度啱啱好💜 芋泥糯米糍 (HK$8)． 芋泥軟滑口感，芋頭味濃厚，不太甜喎！

今年開心果當道，周圍都有好多開心果既產品，作為開心果控又鍾意食糯米糍既我，食過幾間，但均香既開心果糯米糍最值得推！首先即叫即包已經加左分，咁樣先keep到糯米皮保持較糯。開心果味一咬開黎內餡已經要爆出黎，食得到粒粒開心果既口感，而且有大細不一，口感更有層次，整體味道唔會太甜，皮又薄！榛子朱古力味呢款我都好鍾意😂完全係金莎內餡既味道，只係冇咁多朱古力，反而冇咁膩同埋漿口，鍾意食金莎既人一定要試😋花生呢款就比較普通，花生冇特別香，冇麥記憶點，糯米糍外層係加左椰絲🙃完全唔係我杯茶🙈

今天下午大約 14:00 購買三個開心果糯米糍，當時沒有其他顧客，只有我一人。購買完後，女店員給我一張籌 (8號)。我問店員給我這張籌有甚麼用，她說因為是即做，所以要等一陣，做好後會叫號碼取糯米糍。等了一陣就叫8號，可以取糯米糍了。回到家後跟家人一起享用，發現其中一個糯米糍的餡料是芝麻，而不是開心果。芝麻餡是全黑的，開心果餡帶點綠色並混有開心果粒，兩者有明顯分別，附圖就可以看得出來。老實說，當時沒有其他顧客，就只有我一個，而且女店員也說過糯米糍是即做的，那就排除了拿錯其他客人的糯米糍給我。另外，開心果糯米糍表面會鋪上一些綠色開心果碎，而芝麻糯米糍是不會的。那就很明顯是店員把芝麻糯米糍的表面鋪上一些開心果碎，刻意做成開心果糯米糍的樣子，這樣做生意真的不老實。

呢間主打即做即賣糯米糍，仲有好多月餅、雞仔餅既傳統食品賣～不過今次淨係買左糯米糍同雞仔餅試👀🔅開心果糯米糍 ($12)開心果味幾濃💚，有粒粒果仁口感，撈埋砂糖，食落偏甜少少，唔怕甜既幾推薦試～糯米糍皮無啲人講咁厚，但軟糯偏黏，視乎閣下鐘唔鐘意呢種口感🔅花生糯米糍 ($6)花生粒都唔細，都係加左砂糖所以偏甜，表面仲沾滿椰絲💬糯米糍賣呢個價錢又夠大粒，夠抵食～但留意返擺得耐啲餡會出油，手感&口感都會偏濕啲腍啲，所以記得要快啲食✨

臨近千秋，又係去到深水埗買月餅嘅時候，今次去多一間，就係呢期大熱嘅開心果月餅，大約20:30後去到，都要排隊但唔算好多人，由於實在太受歡迎加上放工先去太夜嘅關係去到已經售罄。但開心果糯米糍仲有，一於照排隊試下~!見到個牌寫住9月14-18日糯米糍暫停，會搬去南豐紗廠...好彩係早幾日來買。大約半個鐘終於買到!(對開心果的執著)，除左開心果之外，仲有花生、豆沙、芋泥及黑芝麻，每款唔同價錢。排隊中順便睇下有咩買。開心果糯米糍，每個$12。買了2個，糯米糍外層佈滿開心果碎碎，口感軟糯，內餡十分豐富，開心果味道濃郁，有顆粒的口感，甜度恰好，美味!有機會再食。

我們於13/9（五）10:30去到均香，人龍已經大排長龍，轉哂彎⤵️去街尾酒樓，排到大埔道。人龍冇乜移動，排咗45分鐘仲係大埔道，爆江已經出黎話開心果月餅得300個左右🥲🥲，但每人可以買8個😳😳。🦦🦦大約12點就緩慢移動到酒樓門口，1點就極緩慢移動到隔離藥房，1點15分總算排到去門口後巷，有個嬸嬸已經出來話冇晒開心果月餅賣🙅🏼‍♀️🥮。但等落單都差唔多15分鐘，因為門面得2個（阿伯就超級慢慢來，有時又搞錯野咁🤣），咁啱爆江出嚟，不少排隊嘅人都叫佢早啲通知，爆江都話做唔切😮‍💨😮‍💨排咗3個鐘先無得買😭😭😭😭我哋買咗1個大黑芝麻雙黃月餅🥮（$60）和3個糯米糍，分別係黑芝麻，開心果，芋泥味。（前面嗰人買得多糯米糍，阿伯已經搞錯咗人地買邊款/幾多粒🫣）我們等姐姐立即人手包都要15分鐘。價錢分別係：開心果（$12）、黑芝麻（$8）、芋泥（$8）。我們不是立刻食，拎番屋企先食，皮好薄，餡幾多。芋泥味嘅皮就好黏，黑芝麻就甜味多啲，開心果味係perfect如果喜歡食糯嘰嘰的話應該喜歡吃💕今次排咗3個鐘都買唔到，希望下次/之後管理系統可以改善🦾大家一齊開心買到，團團圓圓過節🥮

原以為兩款開心果月餅沒有多大分別，怎料截然不同，好驚喜 !雙重開心果 原來是角仔化的月餅!外層好碎，就如曲奇皮。內餡則是滿滿的開心果碎，夾雜少少砂糖，最重要的是濃濃的開心果味!開心果芝士外皮沒有雙重開心果般碎。餡係外圍芝士，中心則是開心果。開心果不是果碎，而是果蓉。濃濃的開心味與微鹹的芝士既平衡，又融為一體，彼實在1+1>2。質地方面，芝士增加稠度，使得內餡黏住味蕾時間更長，讓享受時間更長!

難得去到深水埗 食下啲地道又平既食物⁰̷̴͈ᴥ⁰̷̴͈睇報道好似係話家族生意錦啱佢地係度食緊晚飯都會放低碗筷問我食咩 即叫即做 一個老婆婆為客人整糯米糍另一個老爺爺就負責寫單 收錢不過老人家可能都記憶力唔太好’▾‘以為未收齊錢 但其實已經收曬唔緊要既 最緊要食得開心 ^ ̳- ‧̫ • ̳^ฅ 因為趕車 無即刻食 過左差唔多一個鐘先食不過未食 成個紙盒已經好多粉 ❤︎𝄢.. 必點 開心果糯米糍 $𝟙𝟚超好食 滿滿既開心果味 仲有開心果果粒係我食過既開心果食品 餡料最多 味道最夠而且仲要大大舊 又平 ⸝⸝⸝ ╸▵╺⸝⸝⸝紅豆糯米糍 $𝟞 芋泥糯米糍 $𝟞大大舊 多多料 唔係太甜 $𝟞係抵食既^•ω<^ ੭ 芝麻糯米糍 $𝟠個味道同質感同我相像中唔同 比我預期中好食 個甜度合我心意 我本身以為係一ℙ𝕒𝕥芝麻醬 但原來唔係！ 食既時候有啲脆卜卜既芝麻（？）՞⸝⸝'ᜊ'⸝⸝՞好香好濃我睇食評話啲皮唔得 又好容易黐埋一齊 唔知係咪店家有改善 我完全無呢個問題ฅ(*`ω´*)ฅ

糯米糍無下次，排左個幾鐘，買月餅先順便買埋、買左開心果糯米糍、黑芝麻糯米糍、花生糯米糍，個皮真係淋到一pat野、可以痴到成日手係拉到抽絲出黎、餡味道ok , 但係個皮真係唔得、未食過咁黏嘅糯米糍

一直都想試下呢間嘅糯米糍，因為有我最鍾意嘅開心果。另外佢地都有賣開心果月餅，但係需要排隊先買到，糯米糍就可以直接入去買🥰<開心果糯米糍💚 💲12> 我自己好鍾意呢個糯米糍，開心果餡料香濃之餘又唔會過甜，糯米皮又綿軟又煙韌，食落去口感一流。最緊要係佢嘅開心果味真係好香，食完一個都仲有滿口嘅開心果味，我覺得唔洗排隊絕對值得一試😋<黑芝麻糯米糍🖤 💲8>而黑芝麻糯米糍價錢就相對上平好多，不過係大家都相信到嘅味，黑芝麻餡料香濃之餘又唔會過甜，同糯米皮嘅口感出奇地搭，食落去每一口都有滿滿嘅黑芝麻香。最緊要係佢嘅甜度啱啱好，唔會太膩，食完整個都唔覺得漏。呢個價錢嚟講，性價比真係高，一定會再回購👍📍均香餅家 (深水埗)深水埗北河街203號地舖

近日 均香餅家的2款開心果月餅大受歡迎，小編排隊嚐鮮！究竟邊款好味道d?即刻話俾大家知。1. 開心cheers （$45/個）採用美國開心果和北海道Luxe忌廉芝士，配上流心意大利開心果醬。個人感想：質感順滑，尾段傳來芝士香氣，有點中西合璧的感覺。2.雙重開心果（$45/個）用美國開心果泥包裹流心意大利開心果醬，吃下去如同吃原粒開心果般濃郁。個人感想：口感豐富，開心果碎很多，配上開心果醬，的確是雙重享受。個人喜歡雙重開心果多些，但如果喜歡口感比較滑溜，相信會喜歡開心果芝士。🤤🤤

試試深水埗老字號均香餅家 ⭐️開心果糯米糍 竟然唔使排隊 .⭐️開心果糯米糍$12/粒表面鋪滿開心果粒粒 但望落比較濕潤對比民豐 均香開心果味濃d 冇咁重砂糖口感🤔個人覺得太濕潤 怪怪地但唔使排隊 係佢加分位.⭐️黑芝麻糯米糍$8聞都聞到芝麻味好香 呢粒皮較厚.⭐️花生糯米糍$6粗粒花生我鐘意 望落爆餡效果一般.#hkfunfoodrecord窮遊香港#hkfunfoodrecord_深水埗.#均香餅家 (深水埗)地址：深水埗北河街203號地舖.⭐️評分：味道：3/5 太濕潤我一般環境：-/5 夏天行過去就係熱服務：-/5抵食：3.5/5.（‼️記住Like同分享 係我繼續搵好嘢動力 感謝支持🙏🏻）.#旅遊 #美食 #hk #hkfood #hkfoodie #hkfoodblogger #hkblogger #hkfoodies #香港美食 #香港好去處 #香港旅遊 #香港旅行 #旺角美食 #旺角必食 #深水埗美食 #深水埗必食 #大角咀美食 #大角咀必食 #太子美食 #韓國菜 #韓國餐廳 #長沙灣美食 #長沙灣必食 #米線 #糯米糍 #開心果糯米糍

希望店家會睇到呢個食評！內餡整得好好食，開心果 同芝麻都好足料同非常香！ 絕對讚！！！但無奈地我買完攞到返屋企（返屋企地鐵4個站，需時30分鐘），糯米糍個皮未食已經溶左，打開已經黏上蓋。屋企人同自己都覺得雖然餡好食，但個皮入口完全濕軟無口感，絕對令人不想回購。。我同一時間去左對面涼茶店買左食開嘅糯米糍，人哋$4一個，內餡雖然無你咁香，但個皮做得好好多，我要再俾錢都會俾涼茶鋪，唔會再買 "濕糯米糍"...糯米糍如果外皮不好，你就浪費左個用料好嘅餡。。。希望店家會做返好個皮。如果唔會有改善，咁希望你唔好再賣糯米糍。。浪費晒你自己用心做嘅靚餡。。。