堅信號上海生煎皇 (新九龍廣場)

营业中

休息中

外賣叫了生煎包，人蔘烏龍小籠包，秘製豬扒擔擔麵。人蔘小籠包，可能因為為外賣的關係，顯得比較乾身裏面的湯亦不是想像的那麼爆汁。他們的醋不是一種極酸的味道，不會太嗆口。但生煎包令人喜出望外，生煎包的底部煎得非常之趣，但卻沒有焦烤味，豬肉非常嫩滑，並且有小籠包的湯在內，入口有不同的層次，但小心會爆汁。秘製豬扒雖然比較細塊，但是有非常甜的蜜糖味道，喜歡甜甜的味會非常喜愛這個豬扒。擔擔面是他的王牌，所以我亦叫了。擔擔面的豬肉碎非常之多，花生醬不是那種非常濃烈的，屬於比較稀的花生醬湯底，亦是甜甜的，感覺不會太肥。

Ordered via app for a weekday lunch Delivery time is longer than most places, took around an hour to get to the West Kowloon area. Packaging is okay, nothing spilled. My lunch set (蔥油拌麵） was 50ish dollar that came with an egg, veggies and one bao (生煎包) + 1 drink, which I thought was very reasonable and filling.Everything was just okay. The veggies were overly soft and not well seasoned. Quite like the 溏心蛋 and cold soya milk. But the 生煎包 was soo juicy and delicious.I would recommend only ordering

這是我第一次來到這餐廳用餐，讓我印象深刻的是，侍應生細心地將餐具放進水杯中，無疑展現了優質的服務態度。📌四川擔擔麵 +清心蛋+主煎包(1 個)🍜加配-秘製豬扒小辣加配-酸辣湯加配-手工冰粉酸辣湯的味道略顯不夠酸，但實在足料，當中包含木耳絲、肉碎、筍及豆腐等食材。擔擔麵的質地恰到好處，軟硬適中，但湯底酸味略重。反之，溏心蛋十分入味可口。另外秘製豬扒應該是用上半肥瘦的叉燒梅頭肉來製作，外層甜味，入口即溶。手工冰粉本身味道略嫌單薄，不過加上少許蜜糖及葡萄乾後，味道便得到了很好的提升。📌堅信號生煎包(2個) 不愧為招牌菜品，一口咬下去就能感受到濃郁的湯汁噴發，外層金黃酥脆的底皮，令人一試難忘。不過在享用時也要格外小心。豆漿(凍）🥛豆漿的豆味並不夠濃郁，算是一般水平。

14:54落單， 叫左兩個餐， 去到15:10都仲係得兩杯餐飲， 問問伙記要等多幾耐， 樓面同事有禮貌回應話幫我催下。 再等到15:20都未有得食， 行過去廚房方向見幾位夥計都企晒喺度， 但廚房都仲未有任何餐出到， 最後都係cancel 張單走人算， 無謂阻住廚房同事休息啦🙏🏻 從來冇食過呢間餐廳，本身諗住試吓，點知有咁不愉快嘅體驗。 附上點餐手機截圖Ps: 樓面水吧同事都好有效率， 出餐飲速度好快，樓面同事亦都好有禮貌🫶🏻

「堅信號」係一間香港好多分店嘅上海菜館。今日lunch我試佢哋嘅凍芝麻麵，真係冇得挑，特別係夏天食最好。佢哋麵條彈牙，芝麻醬香濃，再加埋啲涼拌嘅配菜，真係一道清涼爽口嘅美食。佢哋最近更新咗餐牌，可能係因為經濟唔好嘅關係，佢哋提供好多抵食嘅套餐同優惠，真係好吸引。我叫咗個套餐，除咗芝麻冷麵，仲有溏心蛋同生煎飽作為配菜。溏心好靚，就好似一個藝術品咁，但係味道有啲奇怪，冇咗味。可能係個蛋煮得太耐，所以冇咗啲鮮味（？）另外，「堅信號」用上QR碼黎點餐，真係好方便。你只需要掃描QR碼，就可以輕鬆地點餐。總的黎講，雖然個蛋有啲小問題，但「堅信號」嘅芝麻冷麵絕對值得一試。不過，如果你去嘅話，記得小心其他菜單上嘅驚喜啊！埋單：$53/pal

平時都幫襯開，今日22/2新叫左個蔥油雞雞湯麵好味道，雞不會好似出面其他品牌雞做到好梅肉，仲做到彈牙感覺，湯麵唔會煮到林晒👍👍👍豬扒菜飯，雖然味道可以但豬扒好似去左轉非洲再送到我手上感覺一般孜然雞翼🙈🙈平時水準都可以點解今日同豬扒一樣一齊返左轉非洲師傅爐溫不對，最簡單炸物都做到咁阿媽都投訴，叫我過一排先再叫過真心炸到咁都照出餐，貴公司有沒監察一下，正常連鎖餐廳味道都一樣但出品真心同平時差太遠阿媽吩咐下次叫返蔥油雞麵就好了

本身對食物要求已經唔高，但從來都未食過啲咁難食嘅雞同面，唔怪之得晚市一個人都冇。成兜麵完全冇味，但係又好油。啲雞又係完全冇味，唔知食緊啲咩，以後唔會再幫襯呢間。

在下午茶既時段到大角咀堅信號店叫咗個一碗上海排骨湯麵，侍應吖妹同我講今日假日都有下午茶套餐，亦貼心為我改為下午茶套餐，上海排骨皮脆金黃🤩🤩，湯面嘅湯味道剛好，湯夠熱😋，感覺員工服務質素keep得到吾錯，侍應吖妹好詳細，好細心，好有耐心地幫助旁邊用膳的長者🧓🏻👵🏻落單，與此同時，喺門口落力向客人推銷，現時好少有咁多熱心有禮及主動性的員工，呢一位女侍應公司教導十分不錯，值得表揚👍🏻👍🏻

在十一月份 ，我去過一次 新九龍廣場 堅信號餐廳 。叫了一個套餐 ：上海排骨麵， 配涼拌青瓜 及一碗白飯 ，合共62元。 青瓜很爽 ，排骨麵很好味道。 餐廳不是太大 ，因為我是下午茶時間去， 所以客人不是太多， 坐得幾舒服。

今日我自己用網上外賣平台落單落錯地址，大角咀新九龍嘅員工真係好到不得了，即時幫我打去另一間分店截單，再幫我做一份喺大角咀攞，剩係呢種服務態度已好令人欣賞，感激

星期六有下午茶套餐點咗兩大招牌菜式有堅信號生煎包同灌湯小籠包一邊食生煎包一邊等小籠包時間剛剛好兩款食物的肉汁好多生煎包外皮脆小籠包外皮滑好好食套餐有一杯熱茉莉綠茶

生煎包底黃金脆皮😋，包裏面多湯爆汁💦，熱辣辣🥵！尼幾日天氣開始轉冷，間間食肆冷氣都凍到死🥶員工安排入座亦很快，我入到店感到溫度不冷不熱☺️，店舖溫度控制得好好👍🏻，員工同以往一樣主動十分體貼，關心每位客人需要，亦照顧每位客人的需要，值得大贊員工的服務效率，希望可以繼續保持廚房出餐十分有效率，不用等太耐已經可以食到熱辣辣嘅生煎包🥳值得向大家推介捧場，試吓佢哋嘅熱辣辣又多湯汁嘅爆汁生煎包

隔左一排冇食生煎包，lunch就同同事去食，去得早唔洗排隊。叫左個擔擔麵加生煎包。擔擔麵味道香濃，有d肉沫係上面，加左d花生碎，麵吸左湯汁後好好味。生煎包照舊熱辣辣，食嘅時候要好小心會爆汁，滿足。

我經常走黎新九龍廣場食飯，黑衫男主任經常在門外向客人推銷，每次都系在詳細推銷新品及餐牌，亦迅速比位每位客人盡快入座👍🏻👍🏻黑衫女主任無論外賣單又好堂食單都好會幫忙向廚房叫快少少處理，廚房亦好快出到餐，亦沒影響食品水準，又五洗等太耐就可以用餐👍🏻👍🏻有次當時藍色T-shirt 文靜男侍應在送餐，我同朋友食野，五小心跌左筷子，意想吾到我未叫，男侍應已經拎左新筷子比我👍🏻👍🏻，我旁邊坐左個伯伯，黑衫女仔見到客人食藥馬上問了旁邊的伯伯需吾需要杯暖水👍🏻👍🏻

位於大角嘴新九龍廣場的【堅信號】，離MTR出口約十多廿分鐘步程，雖然不算太就腳，可可店內地方乾淨企理，服務也到位，坐得亦舒服，晚膳套餐價錢十分親民，六十幾、七十多便有多款選擇，跟餐加$14便有生煎包２個，再加$12又有酸辣湯一盅，餐飲加$3亦可轉冷或熱豆漿，叫夠四個套餐更可以超值地以$2來多半隻川味口水雞，招牌主打的生煎包十分香口美味，其他食物味道亦不錯、份量亦很足夠，大家都吃得飽飽的，小店沒數加一服務費，十分實惠，個人來說，是很值得回頭的好地方～😋