堅料豬手車仔麵店

营业中

休息中

11/10 當晚 一行 4 食 私房菜菜式為1/ 8隻 椒鹽鮑魚2/ 7條煎沙追3/ 4條海參+4隻鴨掌（海參為自備料，已一早處理好）4/ 紅酒燴牛尾5/ 小炒王1-4 項味道還好，小炒王 不入流埋單 5項餸 接近 $1600性價比 極低，不推薦預約私房菜

機會係留俾有準備既人😎。小妹提前預約好左煲仔飯同埋特色小菜。希望一試老板既廚藝。1. 是日燉湯 - 蘋果雪梨瑤柱螺肉湯 2. 咸魚蒸肉餅 （媽媽既味道，肉餅要入口鬆軟有彈性，豬肉一定要自己剁🔪 ，配埋霉香鹹魚🐟 簡簡單單配碗白飯都已經好好味）3. 豉油王炒大蝦（大排檔風味，蝦殼沾滿豉油香，蝦肉爽彈惹味啖啖肉😋）4. 花甲粉絲煲（粉絲吸哂花甲湯味，味道鮮甜🤤）5. 西蘭花炒魷魚（西蘭花爽脆翠綠，魷魚清淡鮮甜口感好）6. 青炒豆苗（炒得青脆嫩綠，重點係冇草青味😀）7. 清蒸東昇班 （老板娘話係一道小朋友唔食得既魚魚😹蒸煮時間啱啱好，嫩滑零腥味。）8. 白鱔臘味煲仔飯（相當霸氣既煲仔飯💪🏻 材料包括上層滿滿一層既白鱔，下層又係滿滿一層既臘腸，膶腸，臘肉，臘鴨。 全場嘩然！一打開蓋，香味撲鼻。米飯粒粒分明，沾滿臘味油香。個個都讚不絕口。飯焦係主角，香脆唔會有苦味，頂瓜瓜！）

一天前先預約了煲仔飯，因為即場叫，一定要預訂。今日一黎到就食得。我地點咗一人份量，材料有潤腸，臘腸臘鴨。上枱熱辣辣，香味撲鼻，加埋啲煲仔飯豉油真係好正😍😍呢度嘅價錢可能比出邊貴少少，但係食材用料真係高質啲，尤其是潤腸，肥瘦適中👍🏻飯焦亦都脆卜卜。好味😋另外我哋叫咗一碗車仔麵淨餸，蘿蔔超入味，牛筋腩都正😎湯底夠濃，食得出都係用心製作。每日都會有唔同嘅晚餐小菜提供，下次都會過嚟試吓！💜繼續支持小店。

啱啱去咗附近嘅《堅料豬手車仔麵店》食晚餐，咁啱啱有空位坐低。店內氣氛似香港細味嘅食堂，牆上張貼嘅菜單簡單明白。首先點咗碗陳皮蒸深海泥鯭，蒸得剛剛好，咬落去彈牙而又唔爛，陳皮嘅清香與魚嘅鮮美絕妙結合😋。鹹菜胡椒豬肚煲又係另一個驚喜，一送上嚟就冒住煙，熱辣辣嘅口感同鹹菜嘅酸爽齊齊襲嚟，每啖豬肚都係剛好嘅腍度，我哋兩個朋友差啲要同埋喺煲底面爭啲瓜埋食😂。嗰日午飯時間我哋又再黎，呢次叫嘅車仔麵就更攞命！我啲印尼撈麵底竟然口感彈牙得滯，而隔籬友人嘅咖喱湯麵底更加係味濃香辣，正！至於滑滑豬手🤤與微靭牛腩餸嘅配合，每啖都過癮，特別係牛腩嗰種鮮味，係市面上罕有得睇。真心話，呢間嘅飯菜直接講就係得嘅啦，好食得滯，冇得輸嘅。下次仲要試吓佢哋嘅其他經典，話晒香港美食冇得頂，下次幾時再來呢？👀

想返阿媽屋企食健康野之選！幾點可以分享下：1. 風格: 似媽媽煮，健康嘅，同埋菜式都有變化。同埋老闆好中意出來吹水，逐一問客人啱唔啱食🤣有啲搞笑，但幾得意嘅…2. 價錢：佢個鋪位比較偏，所以都明白係做熟客多，理解價錢偏貴。

食碗車仔麵要$87感覺好奇幻，不過食過之後就明白到物超所值。呢碗油麵叫咗豬手、牛脷、牛孖筋、豬腸同柚皮五個餸，飲罐汽水，盛惠$92。作為舖頭名嘅豬手炆得好入味，好有豐富骨膠原嘅感覺，好食，牛脷都煮得好林好軟熟。牛孖筋又係炆到入晒味，好正。豬腸係用豬小腸而唔係平時食到嘅豬大腸，特別煙韌有咬口，好食過豬大腸多多聲。最後係個柚皮，功夫超多嘅下欄嘢，所以出面d酒樓無乜人會做，何況係車仔麵店呢。五樣餸樣樣都好食，唔係求求其其嘅車仔麵，難得。

一直很喜歡這小店，覺得食物質素不錯，疫情下不准堂食也買外賣支持，可惜食物水準變差，湯底只有咖喱黃色不好味亦沒有內涵，要米粉冧d重硬過平時，最慘係冬菇都變酸了，其實就算生意差食物變了也不應該給客人食用，打去店舖問冬菇是否有問題，店舖只冷淡說：哦，係咩，我叫她去試試，她說好啊，謝謝，然後就收線，完全沒有歉意，零意欲說下次光顧時把這一餸的錢退給我，所以很失望唔會有下次，為了$12損失了一個忠實的支持者。

有位識飲識食朋友推介呢間位於元朗的車仔麵一定要試，於是今日唔洗錢搭車就去試下。雖然喺B仔涼粉的大坑渠附近，但係位置真係有少少偏僻，不過又真係好好食。叫咗三款餸，三款都唔錯，牛脷最有驚喜，估唔到車仔麵店都食到咁靚嘅牛脷，無論係牛脷本身同佢嘅煮法都好好，有牛嘅鮮味又唔韌唔鞋。豬手作為鎮店之寶又真係好掂，豬手皮又滑又淋，但豬手肉嘅肉質竟然又保持到彈性，個汁都好味。牛孖筋都唔錯，好淋好入味。下次要試埋其他餸。

見到咁多好評，決定要試下。一般lunch都吾serve煲仔飯但打黎預訂店家話可以提供，於是星期六12點準時到達。除左煲仔飯，只可叫車仔麵/配料，於是叫左豬手，柚皮，蘿蔔，牛肚，牛脷，豬腸，生菜。好快飯已上桌，相信店家按時煮好已預焗。料有臘鴨，雙腸及臘味。飯係我喜歡的較挺身，吾爛，鴨無死鹹，臘腸有少許甜，潤腸少許較鹹，而臘味切細粒，林身味適中。跟小婉醬油，我地加好少因料夠晒味。4人份用個大瓦煲，爸媽評語係飯吾係好熱及無油香。熱度問題相信係已預焗（等左少許時間），近中心的飯可能無煲邊咁熱，不過又真係無乜油香，整體算吾錯，夠晒飽。而車仔麵料，第一次黎，吾知呢道係用碟上及林左好多汁，幾鹹，否則會叫店家跟湯上或走汁。先講豬手，的確係一條毛都無，好林夠晒味，肚好乾淨，切小段。柚皮麻麻，有d苦及渣，蘿蔔非常甜又林，好好食。牛脷一片片但突然有舊脷尖無切幾大舊下兼夾見到條脷樣，有d殺風景。後來食食下真係太鹹再encore2份生菜及蘿蔔，好彩店員無落汁先可以食埋其他野。最後太飽有得打包飯焦及少許臘味。埋單$404, 無問煲仔飯幾錢，或者有機會可以試下晚飯先有的小菜。

不能walk-in吃，須提早預訂，一鍋臘味煲仔飯，跟足日本茶漬飯食法，吃罷加普洱飯焦，哈哈，小女子失敗之作，又掛住食，忘記影壓軸普洱飯焦😫首先講飯，一粒粒煙煙靭靭、外軟內硬，口感一流，米香鮮明，雖然有臘肉、臘腸，臘鴨，沾滿油香，但每啖飯，竟然無油膩感覺👍👍👍，食到最後原煲拿進廚房加工，倒入普洱茶，混合飯焦吃，加上勁蔥，香蔥撲鼻😻。除左煲仔飯，還有豬腸和豬手都要試😽😽😽

堅料車仔麵堅料車仔麵，對於住係元朗既人並唔陌生，由一個平凡例湯去到車仔麵甚至要提早預約先有得食既私房菜，每樣出品都感受到一種住家的味道今次8個人，預早訂了堅料既私房菜試下，老闆首先會問下客人有咩想食，然後到食前三至兩日會俾會菜單客人堅料每晚都有車仔麵同每晚不同四至五款小菜，老闆係櫥房主持大局，老闆娘就係出面招呼客人，店裏面貼左周刊訪問，受譚小環開鋪啟發，賣車仔麵改善夫妻關係訪問私房菜式方面，今晚8個人，安排了10樣餸，其實正確黎講有13樣野食，因為中途見到其他食客叫了當晚小菜薯仔炆雞翼同豬手，我地見到好吸引，老闆娘就拎左每樣一份俾我地試吓，最後個煲仔飯臨食完時候仲拎反入櫥房，用上湯飯蕉同蔥等整了一個泡飯俾我地。。😍菜式有哈密瓜螺頭豬骨金華火腿南北杏湯牛油麵豉焗大蝦胡椒炒蟹薑蔥炒蟹香煎鮑魚豉汁蒸原條白線花枝片炒日本淮山油鹽水花甲上湯菜心苗椒絲腐乳炒通菜孖腸雞煲仔飯(兩食)

偶然路過一試，確實愛上。自己原本都愛吃豬手，愛吃皮多於肉。但又好怕豬手皮上煮成後仍然有毛⋯⋯堅料豬手最堅之處是店內有一位戴著放大鏡🔍細心執豬毛的女士，好有耐性咁去執。我一入門口就點豬手一份另上，再點其他餸試一下。食物質素不錯，店員服務態度正常，只是店的冷氣不夠，食到一半需要休息抹汗。或者我坐得較近出入口位，所以冷氣不夠。整體不錯，我和丈夫各點了三款餸，交換試了，各樣餸菜都滿意！車仔麵來說算是高質數！

平時都會過來吃車仔麵，因為老闆整的車仔麵真係堅好吃。今晚想吃飯，所以就叫款晚餐，雖然都係家常菜，但吃得出老闆用心製作的味道。鹹蛋剁豬肉，好似好普通，但我自己就整不到咁好味，豬肉嫩滑，加了鹹蛋鹹味都剛剛好，如果有兩條菜就更加好啦！不過白飯🍚可以免費加。如果要食煲仔飯，記得預訂呀！

元朗有唔少車仔麵，較出名永年，合興，今次試下呢間堅料先，叫左豬腸菜芯雞翼，整體來說都幾好食，菜芯夠嫩夠甜，豬腸雞翼就合格啦，佢個咖哩汁夠香，有啲車仔麵過得滯唔太啱我，呢個好

今晚本來打算來吃個無味精客飯，唔記得今日係假期係無客飯吃添。唯有吃返碗車仔麵啦！豬手、柚皮、鳳爪都係我每次都想吃，係外面好難吃到咁有心機煮嘅車仔麵，好味得來又健康，推介!如果吃煲仔飯記得要預定呀！