坤記士多

营业中

休息中

第一次登上蒲台島，兩個多小時跋山涉水，早已肚內空空，回程途中來到的坤記士多。蒲台島居民稀少，能夠提供餐飲的食店更是寥寥，或許正是這個原因造就了這間士多的「盛名」。🍜紫菜餐蛋麵並不稀奇，麵是最簡單的泡麵。蛋比較新鮮，煎至五成熟上下，中規中矩。餐肉兩面煎得幹身，入口略酥。🍵相比餐蛋麵，綠豆沙糖水更有印象。天氣炎熱，行山長途跋涉之後，喝一碗冰涼的糖水，身心舒爽。入口有明顯的陳皮味，仔細一看，果然見到陳皮身在其中。

一場入到蒲台島觀光一定試下呢度嘅餐蛋麵名物最好食就係個紫菜後尾仲買咗兩包返去可能有地道嘅風味所以再加埋肚餓冇咩選擇所以特別好食變咗好好味嘅上菜的確唔錯老闆好好人。。明明就叫一碗麵都肯畀多個碗仲冇加錢小島嘅風味唔錯很有人情味

想食好多年嘅紫菜餐蛋麵！紫菜餐蛋麵$40真係幾好食吓！！餐肉正常野，煎蛋驚得幾好！然後紫菜加公仔麵原來可以咁好味！本身呢碗公仔麵冇落好多味粉，而正正因為咁樣，突顯紫菜嘅存在！寶礦力$15係差唔多中暑嘅情況下，一罐冰凍嘅保礦力救番我一命😆而且特別覺得好飲！幾多錢都抵啦！最後買多支酸梅湯、茶菓、一餅紫菜！酸梅湯$15又好飲！少少甜、少少酸！好解渴！茶菓$5OK幾特別，我食咗紅豆味，一粒粒有少少咬口👍🏼

行到最後到碼頭，一定要經過坤記，因為吾穿過系去吾到，所以吾使周圍搵優點-好友善同落力sell，但不是hard sell- 吾使搵-有紫菜等手信順便買埋。改善點-系浦台島食野用發泡膠碗，又吾環保，又失去食老店感覺-島上有幾間坤記，吾知道邊間系真，定所有都系。因為見到個個客用發泡膠碗食緊麵，感覺吾多好，所以無系哩度食紫菜餐肉蛋麵，反而去了環境更好的耀記。系哩度只是買了老闆娘熱烈介紹的“茶果”，食完幾好味再問清楚,原來系斑斕豆沙西米果至真-外面由斑斕葉混合西米 ,無茶果咁深色，比較吸引，西米咬口比茶果更有彈性，好。𥚃面再配豆沙，吾系死甜果種，好酸梅湯第一口有冰，融左之後更好味。

蒲台島名物紫菜餐蛋麵,蛋煮得剛剛好,事頭婆為人友善健談,向您介紹現在蒲台島的情況,就如一本活生生的歷史書,哪裏還有海草昆布如同會等售賣價錢合理,到哪裏消磨半天時間也是一個不錯的選擇.

知唔知蒲台島最出名係d咩😀唔係佢既日出，都唔係燈塔，而係當地原住民特製既紫菜，號稱係全香港最好食既weed - seaweed！.坤記士多既紫菜餐蛋麵（$30) d (sea) weed 多到爆唒🤤，老闆係上麵嗰陣仲好體貼咁問我同個fd 洗唔洗要多d紫菜，最後仲醒左碗紫菜湯我地飲🥺至於餐蛋味就當然同你平時係街或者屋企食到既無分別啦😂但係係坤記食野，食既當然唔係野食咁簡單，而係濃濃既人情味！睇住店家幾姊弟係自己面前打鬧同問d客前一晚有無因為大風訓唔著，大家悠悠閒閒咁係被大海環繞既世外桃源你一言我一語咁討論緊美景...... 我有一剎那以為自己翻左去昔日嗰個無憂無慮既香港🥺

🇭🇰坤記士多·話就話半日遊 其實都會用曬成日 因為去呢個島既交通實在要太耐🤣首先你要入左赤柱 再要較岩時間搭佢逢星期六日先有 而且幾個鐘先有一班既船不過都好值得 因為入面風景真係唔錯 而且入面係無網絡既 所以你係真係好似與世隔絕咁黎左個小島遊 好有去旅行既感覺 我地超鍾意🥰佢其實成個島得一條路 而且D路牌都幾清晰 幾易行 不過大家千奇唔好倒轉條路線咁行 你地睇下我個ig story就知點解🤭🤭·海帶綠豆沙 番薯糖水 $15最後行曬我地就係呢間大家都必經既士多食左2碗糖水 不過唔知係咪放假太多人 佢地煲唔切 佢個綠豆沙有D憹左 有D苦澀味🤭個番薯糖水就正正常常啦 好似係屋企煲個個味咁📍蒲苔島碼頭轉右·#rbyeat #rby好去處#rby港式#rby離島

前排平日去左蒲台島行山，去左燈塔，超靚，本身都擔心蒲台島平日無野食，原來都有幾間士多同海鮮酒家開架，所以想平日去既朋友唔駛擔心☺️​​紫菜餐蛋麵 $30​呢度既紫菜同海帶都係蒲台島獨產黎架，坤記呢度仲有得黎做手信架😎唔知係咪行完山落返黎好肚餓，碗餐蛋麵聞落真係好香，麻油味超香，麵條好爽，午餐肉煎得香口，荷包蛋半生熟，蛋黃仲有d流到出黎，火喉掌握得好好👍D紫菜好爽滑，加埋一齊食超正☺️​​海帶綠豆沙 $15​凍綠豆沙超解喝，唔會好甜，但超足料，仲加左佢地自家製既海帶，林林地有咬口，好好味👍​

放假想離開繁忙城市，去離島散下心，見天氣好就揀左去香港最南端——蒲台島 喺赤柱卜公碼頭搭10:00am船，半個鐘就去到啦，行山前先搵間士多食下野，行去四大景點方向4分鐘就見到呢間坤記士多。門口有蒲台島特產紫菜賣，亦指示四大景點方向，好貼心 因為唔係好肚餓，所以小編同友人叫左一碗紫菜餐蛋麵share。<紫菜餐蛋麵 $30>價錢唔平，但好足料好大碗，夠晒兩個人食 見到姨姨即叫即煎餐肉同雞蛋，好新鮮，湯底亦唔會太鹹，最正喺紫菜，好有大海的味道，撈埋麵一齊食好好味。餐肉唔太油膩，雞蛋熟既程度亦岩岩好 呢碗麵作為行山前打底真係唔錯。<紅豆味茶果 $5>食麵食到一半，姨姨就話茶果新鮮出爐，熱辣辣，推介我地試下 所以我地就買左兩個食，點知真係幾好味，暖暖地，紅豆餡唔太甜，班蘭葉糯米亦令口感好香好煙韌。最後行完山小編都買左紫菜做手信 喺香港其實有好多離島都好有特色，好relax，所以放假不妨去多D吸下新鮮空氣，欣賞下美麗既風景

小島，原味道。蒲台島坤記士多。蒲台島最近十分受歡迎，因為坐短時間嘅船就到，特別適合一家大細去呼吸新鮮空氣。坤記士多喺蒲台島其中一間備受關注嘅小店 (係尼個島嚟講，佢都唔算小🤣)。佢嘅麵食，更係十分受歡迎！紫菜餐蛋麵 ($30)。復古塑膠碗，大大塊本地生曬紫菜，厚厚嘅餐肉，煎香嘅蛋，配合傳統公仔麵。尼一碗麵帶嚟真正嘅原味道同兒時嘅回憶。味道不能夠話有驚喜，因為說穿了就係茶記餐蛋麵加咗塊靚紫菜。但行完山，坐係特別有風味嘅海岸，加上老闆員工親切嘅笑容，人情味十足。同時亦令成個體驗加分不少。

蒲台島位於香港最南端，島上只有少量居民。聽聞島上有士多和海鮮酒家，即使是平日都會開門做生意。士多和海鮮酒家都很接近碼頭，一落船就見到㗎喇。所以決定先在蒲台島四周逛一逛，睇一睇著名景點，回程坐船之前再食野醫肚。天氣雖然唔熱，但行完都身水身汗和有點肚餓，於是去「坤記士多」搵食和休息一下。行到口乾，先來嘆一瓶檸檬薏米水。有檸檬的香味，另外帶少許甜味。老闆娘將佢雪到凍一凍，飲落口即時消暑解渴，跟住再整返碗紫菜餐肉蛋麵。一片煎香左的午餐肉、一隻煎雞蛋，另外仲有好多紫菜，配埋彈牙的麵條，食落都幾夾幾好味紫菜係當地居民自己採摘自己曬的，之後仲可以買來做手信添！估唔到在蒲台島這個小島，都可以搵到特色食品，真係要俾個like佢。

行山緊係要買支野飲啦，見到呢間士多好多人買野飲，就過去望下，見到大大支檸檬薏米水都係$15，就即刻買左一支試下，夠哂冰凍，好解渴，檸檬味好濃，不過薏米味就略淡，so far 都幾好呀

早個星期見天氣轉涼就同朋友約個蒲台島一日遊上網search過下蒲台島都應該聽聞呢度有兩樣野必試 就係海帶綠豆沙同紫菜餐蛋麵啦 我地當然唔會錯過 見都經過就點都試一試🤘🏾我地先行山，兜左大半個蒲台島再去坤記士多坐一坐 我地叫左紫菜餐蛋麵同紫菜腸蛋麵 老闆娘大推薦餐肉 食落麵質係煮得有彈性唔會淋哂既 餐肉亦煎得香口 剪蛋有得叫反蛋或太陽蛋 蛋黃唔會過熟微流心 不過老實講句餐蛋麵如果屋企有心機煮都可以煮到佢咁既水準都唔難既 不過佢既麵加埋紫菜 係有啲蒲台島既特色 值得一試🤘🏾之後再試佢個海帶綠豆沙，行到出汗叫碗凍既黎食即刻舒服哂，綠豆味都算出👍🏿下次黎蒲台島可以順便黎坐下😆🤤🤤

是日，終於要去講左好耐，但都未去到既蒲台島。蒲台島係香港既最南端，感覺去到天涯海角咁。因為去蒲台島的船，班次極少！！星期六上午，就只有一班十點既船，係香港仔碼頭出發，miss左就去唔到架喇！亦因為咁，蒲台島保留左佢未開發，最原始大自然的美。神早流流搭船去蒲台島，落船已經十一點幾，又未食早餐，梗係要整番碗蒲台島名物--紫菜餐肉蛋一丁！蒲台島上有好幾間賣一丁既鋪頭，我地揀左無咩人既坤記。(與此坤記同名，因為沒有開openrice，故打在此，我去的坤記在碼頭左邊，近天后廟）味道係正常既出前一丁，面煮至半生熟，不會太腍，而名物紫菜果然好味，爽口無沙，可惜成碗得一小撮，不過因為黎到荒郊，一碗熱騰騰既一丁已經滿足左我個胃，難得黎到，不防試一試，價錢亦親民，外面茶餐廳可能更貴。臨走前買了一包紫菜當手信，回家煮一丁。

蒲台島坤記，紫菜餐肉荷包蛋公仔麵真係好正下，對住個海境夠晒好feel夠晒風味，荒原十里都冇野食既情氾，吹住海風食住熱辣辣香噴噴餐肉荷包蛋麵真係覺得特別正，煎得少少香脆鹹鹹地既餐肉非常惹味，雞蛋煎到好靚既荷包蛋，仲要冇串開，阿姨真係好勁，仲要好好食，一口咬得去蛋黃汁流晒出黎個下，好正！ 坦白我咁大個人自己都唔識煮荷包蛋！ 麵既口感都唔錯，重點係紫菜，香滑既新鮮紫菜，食落紫菜特別滑都重紫菜味，味道散發係湯底入面，簡單既一碗麵都變得冇咁簡單！