城峰閣 (已結業)

🥰有幸被一位城市大學教授朋友招待，呢間係新裝修好既餐廳，同時話說要係教授級同時先可以在此用膳，榮幸吃一餐性價比很高的午餐，也見識了在大學當中，寧靜吃飯的過程，在人多擠迫的城市，確實非常與別不同。以下全包一份套餐盛惠 $168烤焗丹麥豬鞍配香橙燒汁伴烤薯及雜菜呢個名好長，好難諗到用配、伴、及，得啊！最近去不同西餐廳食豬鞍都係來自加拿大，今次食嘅係丹麥豬鞍，侍應一放低個碟真係喜出望外。有兩大塊豬鞍擺你面前，我哋三個冇肉不歡嘅人，大家都係叫同一個餐，即係同一時間有6塊豬安喺我的眼前，何其震撼！講返塊豬鞍，肉質算係軟淋，有少少黑毛豬嘅香，同埋師傅烤焗嘅方式相信拿捏時間做得唔錯，因為豬肉最怕過火，就會無晒肉汁，所以呢塊豬鞍係中上水準。同時配上香橙燒汁，有兩塊細細的橙皮我都食埋，就唔會有好肥膩嘅感覺，塊橙皮都唔係苦㗎。跟住陪咗佢焗薯仔同埋不同嘅雜菜有蘆筍又翠玉瓜又矮瓜又青椒都係幾豐富嘅配搭所以呢個主菜性價比真係高。日式蕃茄粟米沙律配芝麻醬以為係簡簡單單一個沙律啦！雜菜係需要新鮮嘅先會食到個清甜，咁呢個沙律係做得到嘅配上我喜歡嘅紫洋蔥抗氧化極高，同埋紫洋蔥有時會過辣，但係我相信佢處理得好好所以冇個辣

城大 City Top 嘅食物質素一向唔錯，環境又靜謐舒適，今日就跟同事再會一下呢間餐廳～楓蜜三文魚扒 (套餐價 $89）✨Lunch set 包左是日餐湯或凱撒沙律，今日嘅餐湯係西蘭花湯，一聽到就覺得好新奇想試下～ 原來是將西蘭花磨成蓉再放湯，質感幼細到食唔到任何西蘭花🥦 味道都頗為別緻，可以一試～✨全塊三文魚扒都係魚腩，一條骨都冇，好方便🤩 魚皮煎得幾香口，而魚腩位置肉質又夠嫩滑，魚味香濃，正！🥰✨我選擇左跟薯蓉，薯蓉質感柔軟細滑，非常creamy😛😛✨醬汁都係一大亮點，酸酸甜甜咁同三文魚和薯蓉味道好相配～✨飲品方面我選擇加 $3 要熱水蜜桃茶，其實只係蜜桃味嘅茶包，味道略為苦澀，一般般～總結，無論係環境定係食物質素都唔錯，值得一試😊

叫 左一個burger（紫椰菜牛肉）同埋一個是日精選意粉（香蒜辣椒煙三文魚意粉） 今日餐湯係南瓜湯 但湯頭有啲似老火湯咁😂😂 飄浮緊的是麵包糠🙈🙈🙈burger好足料 牛肉係厚身個款 我拎走左塊蕃茄同夾住既菜 都唔能夠一啖咬到哂成個burger 證明真係好足料😂食完超級飽 最鐘意係佢地既薯角上菜時係熱辣辣好脆意粉都唔錯 個汁好香濃、唔太辣每個餐平均都係七十幾蚊 如果想食西冷扒都係九十幾蚊而已 但質素唔錯 性價比高

黎親九龍塘食飯通常都係又一城，今日同事帶路先知原來cityU入面有間西餐廳！冇人帶路都應該唔容易搵，因為係其中一座building既頂樓，沿路都無指示牌。估唔到係U入面有間環境幾唔錯既西餐廳，環境闊落，坐得舒服，餐枱唔會貼近隔離餐廳有set lunch，價錢約$60-90，有餐包、雜菌湯或 Caesar salad，仲有餐飲！我點左個double cheeseburger，伴碟竟然又有沙律菜😂個burger都幾大個，牛肉上面有層牛油果醬，有一塊都幾厚既番茄，仲有溶緊既cheese，睇落都好吸引 食落真係好jujcy，好味！set lunch 真係好抵食，有包有沙律有餐飲，朱古力都唔洗加錢，又唔洗加一，好飽好味既午餐！！

朋友星期日睇早場，係九龍塘貴地段貴食?搵餐廳唔再局限係又一城朋友帶路，黎一個懷舊的西餐廳，就係位於城大上樓餐廳，真係屬隱世仍然傳統裝修，我地order 左 蕃茄湯，新鮮蕃茄打蓉，熱烘烘香濃配包yummy可惜，麵包一般拎貨貨識朋友揀左左油醋沙律正常，到主菜係medium rare steak 😍由steak 到side dishes都好好味互相配搭，牛扒岩岩好，加配菜甜味令人驚喜，可以再試配埋餐飲一set ,無加一

畢業後再次回到母校的西餐廳食個午餐，發現裝修後，環境靚左同埋啲位舒服左。入到去同朋友一坐低2人枱，職員就好體貼咁即刻擺多張枱俾我地放袋。我因為都幾肚餓，所以就叫左海鮮意大利飯嘅set lunch，包左西湯(有紅、白2個湯俾大家選擇)、蒜蓉包同埋餐飲，朋友就叫左個魚跟薯菜食，講番我個餐先，唔好見個飯嘅份量好少咁，食完都幾飽同滿足。最後餐飲就叫左杯熱朱古力飲，好味。環境坐係好舒服，近窗位置可以睇到泳池，適合小聚傾計，多人聚會亦有大房。聽說下午茶時間仲會有tea 自助餐食添，價錢唔貴先係重點，下次再黎試吓先。

周六2點先係九龍塘搵食，唔想逼，等，趕，就唯有嚟呢到！諗住食午餐，可惜已經收咗，要等半個鐘食下午茶。好在餐廳外有地方坐住等。下午茶係$48自助餐，一邊等，一邊見侍應推出食物，好似好吸引，差不多時候，人開始多。最後安排了靠窗座位，暖暖的陽光射在枱上，悠閒極了，食物是小，$48食環境部夠。至於食物，剛才以為吸引，實質又唔係好得，沙律有青瓜，粟米，鹰咀豆，雜果沙律，包類有pizza ，三文治，熱食：有白飯，炒飯，咖哩魚旦燒賣，腸仔，之後就炸，炸，炸，炸。甜品有啫喱，蛋糕仔！飲品反而有6款選擇。$48 加一自助餐，看似抵食，查實內容，味道好一般，當然一分錢一分貨，今次我係食環境及陽光！

City Top 真的不得了！完全想不到大學餐廳入邊的西餐會這麼高級！魔鬼魚扒都有得吃！小妹孤陋寡聞，之前都不知道魔鬼魚是能吃的😂第一次是跟一班朋友吃的，有朋友跟經理一早就訂了六人份量的聚會晚餐，有五個courses: starter、兩個mini soups、一個meat platter for sharing、甜品、飲品每人都只要付三百幾蚊！重點是真的都非常好吃，吃得出都是用高級食材，如果在出面一定吃不到這個價錢聽經理說可以一早跟他預訂要吃什麼，City Top好flexible，吃什麼、用什麼價錢都可以跟經理商量，這一頓飯品嚐到魔鬼魚真是一個驚喜！之後我又再跟另外幾位朋友去，又叫了魔鬼魚扒！下面分享一下我這兩頓飯吃了什麼！這個是starter，非常讚！2個Mini soup，一個是洋蔥湯，一個是南瓜湯，一次過飲兩個湯真的沒試過！好新鮮的體驗！這個是六人份量的meat platter，有四種肉，美國頂級牛肉、魔鬼魚、火腿和大蝦，水準一流，好吃，好吃，真的好好吃！滿足有飽！Banana pancakes熱騰騰的非常讚！第二頓飯就叫了À la carte入面的食物，這是starter，

聽講9樓換了公司, 和班朋友去試下. 想不到廚師十分高水準, 真係用最好的材料. 連薯仔, 秋葵等配菜和汁醬也做得非常出色. 肉類一食就知道經過細意挑選, 絕對係自己想在city super 也買不到的優質食材.尤其是香煎鱈魚柳拼皇帝虎蝦配龍蝦汁, 隻蝦又大又爽!服務員也很熱心, 介紹食物和倒水等都十分勤快. 價錢係比以前高些, 但這個價格在街一定食不到這樣好質素的食物.仲有時令生蠔和青口等, 萬分期待下次再去.環境清靜整潔, 十分適合傾計.

今次去食晚飯就升格及升價了，可能跟換了裝修有關吧！過往比較簡潔，現在換了雲石枱，沒有枱布，因為去了幾次，今次轉換了風格後，依舊是與友相聚的好地方！因為人流始終不多，地點也方便。轉了風格後（可能轉了老闆）餐牌的格調與價錢都升格了！綜觀來講，選擇晚餐比單點食物實惠，但套餐的食物選擇未必適合大眾口味，過往晚餐的款式比較多且價錢較實惠，百多元有交易，換了手就要二百鈫起錶，但食物水準較過往高，無論賣相及味道都是！所以是一分錢 一分貨！

非常美味的西餐，服務態度非常好，餐廳環境清雅，食物的質素很好，價錢卻意外地低，我已光顧幾次，每次去中午的餐牌都不一樣，雖然是大學入面的餐廳，質素卻有如酒店一般，非常值得一試！我非常喜歡餐廳的雲石餐桌，令食物在手機鏡頭下非常好看，當然味道也是一流！我以往也有去過城峰閣，以前覺得水準不怎麼特別，但聽說餐廳在八月份重新裝修，由一間新公司經營，想不到居然可以在大學裏頭品嚐到高級的食物，享受高水準的服務！價錢又低，以後城市大學的學生們可以享福了！

城峰閣 閒日下午茶 $42 +10% 送奶茶/咖啡收銀處付款 自助形式 冇侍應收碟……送飲品一杯 自助到 bar頭取 有清水供應舊年因食物唔吸引 成年冇去……呢次時間許可 諗住食吓沙律飲杯茶 hea吓午市轉咗餐牌 有驚喜下午茶主食物熱葷 每次唔同 按廚房存貨供應今次有羊鞍 喇沙四寶丸湯檬粉黑椒汁羊鞍~ 肉滑唔嚡黑汁略油膩配食沙律菜 蕃茄仔 中和番 有白飯更好茨角~ 金黃色 靚樣 ……怕熱氣冇食喇沙四寶丸白切雞湯檬粉~ 充滿椰汁香味檬粉滑 切雞滑雞皮爽 好好味……略嫌雞骨碎沾住檬粉 小心雞骨湯唔夠大熱 九層塔生 出唔倒香葉味食埋沙律菜 蕃茄 菠蘿 加件 生果撻飲杯凍奶茶 清茶解解膩 2小時就慢慢地過去超值 好味 滿足晒…… 又再期待下次嘅驚喜

上8樓酒樓飲茶 等位時留意倒廣告9樓西餐廳下午茶 逢星期1--5有提供要準時2:30pm 先俾錢 再安排入坐閒人如我 $42加10% 城大員工學生9折咁優惠嘅價錢仲咁多花臣食夠 $100 送“9折劵“ 或 儲印10個送1位招呼親切 有求都應 好似翻屋企咁食物唔多 都放滿1長枱 要飽肚冇問題嚐肉者就有啲失望 肉類唔多嘅次次唔同嘅 西式意粉 & 中式炒粉麵飯 三文治 小食 甜品 糖水 雖然今次唔係“肉醬意粉“ 有啲失望 有驚喜嘅 大廚制作“芝士西蘭花椰菜花焗豬扒意粉“ 但“家鄉炒米粉“ & “炒飯“ 就太硬身咖喱細魚旦~ 汁香濃 但 魚旦未煮透 魚旦硬未入味咖喱角~ 金黃色唔油 脆口甜品~ 芒果布甸 芒香軟滑 迷你焗雞批~買相靚但唔脆口 濕濕粉粉咁三文治~ 包軟 碎旦沙律治 好味道沙律~甘藍生菜 蕃茄仔粟米粒 薯仔仲有格仔餅 現場即做 自加配料 脆香上次食就係焗雞旦仔 童年味道送 冷/熱飲品一杯 茶水免費提供

黎九龍塘食飯成日都覺得又一城處處迫人又要排隊，城大既呢間餐廳就成左我地既選擇啦幾次黎食晚飯都唔駛排隊，環境又靜，適合想平平地開飯又靜靜吹水既朋友。晚餐套餐約70至90蚊，包湯，頭盤，主菜，甜品同咖啡茶。如果係城大學生或職員就有折，街客就要照價收番加一。今晚點了個軟殼蟹意大利飯同龍脷柳，份量大，味道不過不失。呢度上菜非常快甜品反而有驚喜大大件蛋糕。以佢既價錢同質素，絕對係九龍塘西餐平價之選

機緣巧合下本月的家庭聚餐在城大的城峰閣舉行。因城峰閣始終是大學餐廳的一員，裝潢格局不會很豪華，定價也相對應相宜。週日晚約六時許餐廳空無一人，我們一行二十多人被安排入座於兩張大圓桌。晚市有七款晚餐供應，每客晚餐跟上一份沙律、餐湯、餐包、主菜及餐飲。雖然餐廳食客不多，但出菜的效率仍然很慢。每客主菜跟上的伴菜如白飯及意粉等早已預定，店員不會多問，亦不鼓勵更改。任何改動店員也會告知要收錢，毫無彈性可言。頭盤千島雞絲螺絲粉沙律，賣相選材一般，首批送上的沙律螺絲粉近乎未煮過，硬得吃不下，需要跟進更換。火腿雜菜忌廉湯湯質稠身，味道可以接受。跟上的蒜蓉多士只屬微暖，帶硬，有進步空間。 主菜烤百里香原隻春雞，出菜份量合理。春雞外皮帶脆，肉質亦較預期嫩口，只是配上的醬汁調味一般。雖然筆者沒有親嚐其餘主菜，但普遍都對配上的醬汁有點微言。大蝦華都夫沙律是外加食品，「大蝦」體績不大，味道淡薄。沙律是田園雜菜併上雜瓜粒，爽甜食感普通，在缺乏足夠份量的美味醬汁下沙律的整體味道亦很乾淡。吞拿魚焗薯亦是散點菜式，普普通通喇，無乜特別。整體來說，餐廳食品只屬一般，服務死版欠彈性，有待改善。泊車情報：消費可享免費泊車四小時