城軒中菜廳 (已結業)

但凡用餐於大學裡的食府，千萬不可有太高的要求。平心而論，這裡的食物質素並不十分高，但以價錢論，事實上又是可接受有餘；六人中午飲茶吃了廚、特、大、中、小點心共約１８碟，不用加一，埋單HK$300有找，實在價廉！服務一般，派枱十分公平，人齊才可入座。河蝦菠菜餃／炸蝦角：以河蝦製作，較海蝦清甜，蝦的份量亦充足。千層糕：是懷舊的做法，有８成蓮香的水準。芋蓉春卷：也是懷舊的芋蓉做法。蒸蘿蔔糕：食到粗條蘿蔔，有清淡的蘿蔔甜味。牛栢葉：大件、嫩滑、不油膩。

尋日星期6去左city同朋友影畢業相, 一行10人2點零鐘既時候就去左8樓飲茶, 但間茶樓就真係唔得, 我地坐十二人檯叫佢比個轉盤, 佢竟然話我地張檯太細擺唔落轉盤...十二人檯都叫細, 我想問下點先叫大??於是我地索性自己動手去搬個轉盤過黎, 兩個侍應(實際係兩個大嬸)仲要奇怪我地點會擺得, 之後我地點左點心......一間酒樓無燒賣同蝦餃都已經算喇.....但我地另外所點既奶黃包同鳳爪成半個鍾都未黎....於是我地又問下個兩位侍應何解點心遲遲都未到.....一問之下先知佢地寫錯左檯號....個兩籠點心o係無人認領既情況下比佢地擺左入櫃筒....我地就係咁睇住佢係個櫃筒度拎返出黎.......然後同我地講叫廚房再蒸過比我地.......不久後個阿嬸就拎返個兩籠點心比我地.....一睇我地就知係放係櫃筒個兩籠仲要係無蒸過.......因為一d都唔熱.......即時我地成班人都無名火起!!!有無攪錯呀!!!有咩可能比d咁o既野d客食架???其中一個阿嬸仲要推御責任, 推說係另一個阿嬸落錯單....最後我地決定cancel晒所有o既點心, 埋單閃人!!而其中一位朋友亦就此事同酒樓經理反映

今日lunch break 同班同學去戈度食... 又唔係話好抵食.. 食o左唔係好多o野.. 但係d 野食真係麻麻地... 推介o既係甜點,,, 芒果雪米糕.. 真係幾好食..d waiter o既服務都唔錯... so far so good ...

一班舊同學聚會，預先留定位晚上七點幾到此食肆，原本諗住叫八餸一湯，落單後等了十五分鐘足足被改左四次單，變成六餸一湯，都算勒仲要有一味涼瓜炒火鴨絲足足等左兩個鐘有多，如果唔係個招呼周到既靚姐係度我諗必俾喊包佢~~~~~~~

我是城大舊生, 對學校有一份感情, 所以偶然都會帶父母來吃. 我覺得食物質素是ok的, 也不錯, 但最唔得的是服務, 也不是說職員的服務態度不好,只是好明顯他們並不夠人手, 好多時招了很多次手也沒有人見到我們. 再說, 可能人太多的關係,上菜也頗慢. 好像是上一次我們去吃, 第一碟菜來了後, 隔了很久少來第二碟, 這點就真的是要注意和改善一下.至於價錢方面, 我也不覺得它特別平, 上一次我們三個人去, 也吃了三百多元, 每人平均要百多元. 我覺得都算是貴的, 以一家開在學校內的食肆來說. 不過, 環境都算是不錯, 那也無所謂了.

我以前到過這間城大內的酒樓飲茶、食飯都有很多次，今次講吓飲茶的水準啦！城軒的裝修一般，價錢也跟出面旺區的酒樓差不多，但當然比鄰近又一城的平宜﹔先講茶葉只是普通茶樓貨式，食品方面不是非常出色，但都是即叫即蒸，上枱時點心都很夠熱度，而且亦有不少選擇所以都算合格。每次就算是星期六午市時，都只是等一陣就有位，而且靠近九龍塘火車站，這是我最喜歡約朋友到此茶聚的原因之一。

dim sum so so. relatively cheap compared with the chinese restaruant in Festival Walk.

我上一次去城軒食氣鍋雞, 比我既感覺係十級難食, 佢落得太多田七,成個鍋苦到入唔到口既, 而且所謂既雞,得兩舊雞頸同幾舊好細好"鞋"既雞肉,絕對唔係你講既咁抵wor~!!!

元旦約了朋友在又一城睇戲，商場内的食肆又貴又多人，想起對面城大的城軒，便走到這裹吃飯，到達後發覺客人不太多，立刻有枱入座。現在城軒正推出有七、八款的藥材汽鍋湯，每鍋只是廿八元，跟套餐有兩餸一湯及甜品盛惠八十八元，湯款有田七丹汽鍋雞、花旗天麻煲魚頭湯、巴戟杜竹牛尾湯、花旗石斛燉竹絲雞湯等多款選擇，在菜單旁還註明療效。因套餐連湯較抵食，所以每人都要了一款套餐，有二十幾款小菜可供選擇，額外再加一款小菜只收三十八元。我要了一個田七丹汽鍋雞，打開鍋盡就聞到一股濃烈的藥材味，真材實料味道鮮美，看來没有加味精，朋友則叫了花旗天麻煲魚頭湯及花旗石斛燉竹絲雞，也都很滿意。小菜方面揀了鮑貝什菌扒菜膽及三鮮翠蘭炊鹅掌，碟頭味道都不錯，但最欣賞的還是這些藥材汽鍋湯，有機會會再約埋朋友一起再来試埋其它湯款。

果度d 野食都叫可以~但d服務態度認真麻麻...叫來叫去都無人應妳既????

有一次星期六一家大小飲茶，發現點心唔得：蒸腸粉”張”住晒，粉太多喇。蒸點一般，個懷舊小食檔睇得下，係條油菜幾鮮。無乜服務可言。整體來說就同價錢一樣：”平平”(如果比起美心之類的酒樓)

之前試過晚飯小菜，印象麻麻，所以只會光顧茶市。早前有幸被免費招待到此午膳，貴賓房的環境清靜，服務固然有水準。餸菜不斷，可惜要專注談論公事，有印象的小菜就只得以下數款:*龍蝦伊麵: 龍蝦新鮮，肉厚且甜！*枇杷豆腐: 有幾位朋友都讚好*黑糯米: 溝水之作

在城大讀書及畢業, 應該都光顧過城軒.畢業後, 很多舊同學聚會都會相約城軒, 除了因為有城大信用咭免加一外, 當然希望舊地重遊, 緬懷讀書的日子.不過去年裝修後, 再幫襯兩次都不太愉快, 上次有朋友從美國回來,十多人結果等了很久才每道菜才一一送上, 結果敗興而返.今晚兩個人才去晚飯, 心想不是假期, 應該會有所改善.結果一點點了兩個菜, 一是君度橙香骨, 價錢48 元, 一是懷舊小菜蒸芋餅, 特價28 元.等了一會, 個橙香骨去, 一口呷下去, 味度及份量都不錯, 但兩人都覺得個餸只是微暖, 打了個大折扣.我們兩人叫了一碗飯Share, 但結果差不多食完成個餸, 追了兩次都未到, 結果向個侍應姐姐取消. 本來取消個飯都己經唔係好開心, 只見個侍應姐姐向遠方打左個手勢, 示意取消, 跟住對唔住都無講到.好在後來個部長姐姐, 來到講左兩句, 但結果我地都係食完晒第一道餸, 等左一陣才來了第二個蒸芋餅. 跟住先叫返個飯.真係講真好似去飲咁, 逐度菜上一樣.好彩之後侍應由送糖水至收費都很有禮貌, 條氣先順番D.城軒大堂上掛左個宣傳口號"靚過酒店,平過飯堂". 第一句就心照啦, 講返第二句, 今

又話又平又好味gae? 中大求其一間canteen既質素都好過佢.公平一點,係得冬瓜盅可以. 但係個湯底都係一般上湯,冬瓜點整都唔難好食gar啦.餐廳做梗夏日生果小菜系列,得個名.1.番茄旦花煮蜜桃-好簡單o既一個小炒,但係食唔出咩特別,好似平時d番茄旦花加罐頭水蜜桃.2. 香芒脆奶伴椒鹽鮮魷-d所謂脆奶好似早茶賣唔晒番叮咁,冇芒果味. 椒鹽鮮魷呢d基本o既食物都可以淋G G.離譜!諗唔到有咩原因可以再o黎!

近期幫襯得幾密，因為點心OK，價錢相對比又一城平，所以係唔錯的選擇。點心: 腸粉(好似係叫素菇腸粉，總之係素腸粉)，千層糕，棉花雞(依家已經冇賣)，蒸蘿蔔糕都係我喜愛的選擇。不過粥就麻麻。小食: 香茅鳳爪、蛋撻幾好特價炒飯、麵都算大碟，料雖然少o的，不過味道唔錯