基哥刮穿煲

营业中

休息中

今時今日喺香港搵一間用心做菜嘅餐廳，實在太難啦，呢間食材質量優秀，雖然都係傳統嘅中式小廚菜式，但廚藝一流，餸菜煑得超好味😋，價錢亦算合理，大廚基哥非常好客，喜歡同顧客傾下飲杯，一個字掂👍。現時見只有6人或12人套餐，希望遲啲有4人套餐就好啦。 我最喜歡就係：XO醬粉絲蟹煲，炒得非常乾身，羔蟹鮮甜，另外就是蒜子乳香白鱔煲，蒜頭竟然完全唔辣，鱔片鮮味，時菜龍躉球，魚肉鮮味炒得剛剛好👍，脆皮菠蘿咕嚕肉，皮脆肉質鬆軟，好耐冇食過咁好味嘅咕嚕肉，難以形容🤗⋯⋯記得要預訂位置，只收現金或轉數快！