基隆茶餐廳 (已結業)

昨晚市幫襯，点左翠玉瓜抄龍躉球，嚕肉+例湯。整體水準不俗。雖室內座位锢 擠迫，但都算整潔光亮。最喜愛非其食物，反而它的麻石牆，看到它的手工及歷史。至於它負責人Cat姐被讚的善舉，是值得再試

好耐之前見到基隆話告急，隔咗一段時間先去幫襯，隔咗一段時間先出Po😂 (懶人界代表🫡) 因為個日起咗身冇幾耐，唔係好肚餓，所以我就嗌咗小食，🐡就食飯💛霸王雞 ($47)原諒我哋孤陋寡聞，上網Search先知霸王雞=蔥油雞🐔 ，個汁幾香，佢嘅豉油味甜甜地😋 雞肉幾滑，佢個份量都好多😱 跟餐湯，不過我哋加咗$2轉凍檸茶🍋💛芝士漢堡飽 ($24)比萬年冇食嘅老麥誤導，以為個係圓形嘅漢堡包😂 點知係熱狗樣🌭️ 佢個包有烘底，食落脆脆地😙 入面都足料👍🏻 💛炸中翼4隻 ($22)某一兩個位置較多炸粉，所以難咬啲🙀 同埋隻雞翼入面食落冇乜味🤔 唔知係午餐時段未Ready好定點，但係我覺得都係主食好食啲🤣💛紅豆冰 ($24)味道同普通嘅一樣，只係支飲管少幼，完全飲唔到紅豆🫘 所以全程都淨係分開飲😵‍💫

基隆茶餐廳係深水埗站A1出口一出就見到🤓地點非常之方便❣️豆卜蒸排骨✨今次試下佢地嘅蒸餸飯🍚落單嗰時店員仲好貼心咁同我講😇蒸餸飯要等耐少少🤓落完單之後好快就上左碗例湯😉合掌瓜豬骨湯～超足料😋飲晒成碗湯都唔口渴證明無味精💓飲左大概5分鐘湯～個餸就到啦👀十幾舊大大粒嘅排骨、十幾舊豆卜🤩份量會唔會太多啊！！！食完之後真係飽到上心口🤣排骨調味又幾好味喎😆唔會過咸過甜😊肉質偏林🤗不過可接受！$44又有即蒸嘅餸菜+一大碗飯又有足料例湯邊度搵呀😌餐牌仲有其他好多選擇！真係睇到我花多眼亂呀✨相信我好快會再去食過😋大件夾抵食、好味又有良心嘅茶記🥰你今日幫襯左未啊🤓基隆茶餐廳 (深水埗)深水埗北河街141號地舖

茶餐廳可以話係香港標記之一款式多價錢平速度快呢間仲要上至小菜下至例湯樣樣都好食😋加多一樣，有良心👍食肆唔易做，疫情下燈油火蠟樣樣錢明明負擔甚重都堅持派飯難得出深水埗，還有不支持嘅理由嗎？ ➡️下午茶 - 魚香茄子肉絲麵 $38tea time 炒粉麵跟飲品加完價都係38蚊本身真係無咩期望一打開盒，炸麵底咁有heart😍買外賣跨區返歸到食得起碼半個鐘無汁嘅位仲脆㗎！crazy汁濃稠適中唔會太油剛好平衡炸麵底油膩感食到底都唔會積滿油 ➡️晚市套餐 - 2款餸連2飯2湯 $148蜜豆雲耳炒龍躉肉魚肉好新鮮呀！勁厚身又唔會過熟鞋口起碼有5，6件大大盒蜜豆雲耳好爽口 柚子醬金沙骨有成8件唔會得骨有肉食醃得入味勁好送飯 最難得，係連例湯都好好飲！老人家成餐讚不絕口話好食過唔少酒樓搭車去買都覺得抵呀～不日再會💪🏻💪🏻💪🏻

今日去深水埗考試，阿sir話要早30分鐘去到報到，咁既然要早啲去，咁就不如直接去深水埗食個靚早餐先至去考試。去到基隆茶餐廳，門口個叔叔好好招呼，坐低之後叫嘢食，嘢食好快就到，沙爹牛肉唔難整，但係整得好食就唔容易。佢個沙爹牛肉又入味，肉又夠冧，跟住杯奶茶香濃滑度非常好，食完個咁滿足嘅早餐，考試亦都相當順利，一日嘅開始最好嘅莫過於係咁。

一直都想幫襯呢間良心茶餐廳，今日終於光顧了。午餐「焗洋蔥雞扒飯」（$44）好耐冇食過茶餐廳嘅焗飯，係食回憶的味道。飯是炒飯底。蕃茄湯牛肉米+火腿奄列（$40）茄底好濃，而且又多料，價錢相宜。

之前堂食已經試過基隆羊腩煲，堂食並無火爐提供，以煲仔菜形式呈上～依家餐廳仲推出咗 #一家共度抗疫特選套餐 💛可以外賣番屋企，開個爐慢慢嘆😋食完羊腩，仲可以加啲火鍋料打邊爐🥰♡ 古法枝竹雙冬羊腩煲 $280羊腩煲入面除咗份量唔少嘅羊腩🤩仲有有枝竹、馬蹄、冬筍和冬菇作配料羊腩燜得軟腍入味😋皮脂肉比例岩岩好👍🏻醬汁超濃郁，枝竹、冬菇都索哂羊腩汁，送飯一流🍚♡ 鹹蛋蒸肉餅 *套餐已包*肉餅超厚身，脂肪明顯較多所以令肉餅juicy到不得了🤤肉質緊實有咬口～美中不足係鹹蛋太硬了🥲有機會係鹹腌製時間過長，但肉餅實在太juicy幫佢加番唔少分🤣* 送兩飯兩湯

新年緊係最啱食盆菜啦，貪佢盆滿砵滿好意頭嘛！好彩朋友係出雪姨事件之前已經訂左基隆既盆菜，如果唔係真係冇機會食到呀！不過可能基隆個邊太忙啦，朋友諗住send個msg去confirm送貨時間但冇人覆，但係都準時送到左！雖然盆菜入面既食材都係熟既，但記得要完全加熱哂先好食！我地落左附送既南乳汁入去，一邊加熱一邊聞到陣陣香味，令人流哂口水！盆菜份量好多，有齊足足十六款食材！貴價既食材有大蝦、冬菇、鮑魚仔、蠔豉、遼參同髮菜。大蝦好大隻，食落鮮甜彈牙，而鮑魚仔、蠔豉同遼參就細啲，但味道都唔差，至於冬菇索哂啲南乳汁非常好食，最重要既係髮菜，份量多架，不過髮菜始終唔係咁環保大家少食為妙啦。肉類就有切鷄、炆腩仔、豬皮、燒鴨、魚蛋。最中意既係燒鴨，除左啖啖肉之餘，仲真係食得到鴨皮有陣陣煙燻既香氣，食得出係用心之作！素菜方面，就枝竹、香芋、白蘿蔔、豆卜、西蘭花。香芋超級粉，勁香口，好好食，不過要快啲食完如果唔係成個煲都會變到好杰。白蘿蔔清甜冇根，加埋啲南乳汁又係好好食。豆卜夠軟身，索埋啲湯汁我覺得係最好食既野！其實一直都聽過其他人講基隆既野食唔差，希望疫情之下大家都多啲幫襯小店啦！

年初4，食基隆盆菜，由1月23號WhatsApp到29號，先有人覆訊息，真係好多人買！😂😂😂至於今日去拎，我哋個大盆菜竟然漏咗單，臨時幫我哋轉細盆菜，好彩都夠食，份量都多，呢個問題真係要改善下！🙏🙏🙏細盆菜（3-5位）自取價錢$588個人口味總評分：7/10地址：深水埗北河街141號地舖

年廿八的下午，訂唔到盆菜就去碰下運氣，行入去餐廳度買，原本問門口靚姐，佢話賣晒，後來佢問另一位店員check，竟然找到一個，咁好彩比我買到那天的最後一個一人盆菜喎! (HK$128/個)✌🏻十六款食材，我嗰盆有十四款：1. 大蝦 — 鮮甜爽彈2. 冬菇 — 腍身入味 (食咗入口先記得未影相𠻹😅)3. 鮑魚仔 — 比我想像中大隻㗎！4. 蠔豉 — 細隻一啲，不過好有蠔豉味道5. 遼參 — 勁大條！6. 切鷄 — 雞髀肉有2件喔！7. 枝竹 — 勁大塊, 仲要不只一塊, 有三大塊！8. 豬皮 — 爽口9. 炆腩仔 — 腍身入味10. 炸魚蛋 — 好味, 有好幾粒11. 香芋 — 好粉, 好腍12. 白籮蔔 — 清甜無根13. 釀豆卜 — 有好幾粒, 腍身14. 西蘭花 — 一大棵，綠色的靚花 以下這兩款食材就玩失蹤了🤭 15. 髮菜 — 可能師傅睇咗雪姨條片嬲得滯唔煮佢啦?16. 燒鴨 — 是否被第二件雞髀肉取代咗呢？🤷🏻‍♀️ 整體來講，真心覺得好味呀😋，所以一餐食晒，淨返啲南乳汁，雪住先留嚟煮麵食先😁

除夕特登早出門去買基隆茶餐廳既一人份盆菜💛11點開賣我10:30左右到已經見到有十幾人排緊隊😂企企下後邊又有更多人黎，係寒風中排咗一個鐘終於成功擺到🙌整個人凍到震😂返屋企打開，細盆入邊所有菜式擺得整整齊齊，分裝高湯量都好足。企係個爐邊一邊加熱我一邊已經迫不及待開始食😂 髮菜一啲都唔少，茄汁蝦都夠大隻，蠔豉鮑魚仔遼參雖然個size細啲但都好新鮮好乾淨有滋味，燒鴨同切雞個肉好滑同埋都大舊，炸魚蛋Q彈，燒腩仔肥瘦均勻夠腍夠有味，枝竹同釀豆腐索到湯汁更好食，香芋都夠軟糯，唯蘿蔔有少少硬🤏可能需要煮多陣～一人前盆菜 7.5/9其實我極少食盆菜，好似上一次食都係差唔多十年前？去到元朗個村入邊，第一次見到果啲超～～大～～盆完全O晒嘴😂今次諗住可能係最後一次係香港過年，所以特登去買基隆一人份盆菜，算一份支持，亦都係一份回憶💛HAPPY LUNAR NEW YEAR!!!🧧🧧

Geo條👅評分：⭐️⭐️⭐️ ⭐️ (5⭐️最高）基隆1人盆菜 $128之前阿大口雪踩到基隆啲盆菜咁，我就即係同cat姐訂返個啦😛仲要光榮咁幫手荃灣店有得拎，點可以唔整返個👍🏻盆菜方面，味道唔差架，有鮑魚、蝦、鴨、雞、海參、魚蛋、蘿蔔、腩肉、腐竹、最緊要同埋有髮菜啦😂個湯底味道唔錯，濃郁但又唔會太過鹽！我阿媽食隻蝦話睇吓霉唔霉先，阿媽表示冇嘢啵正常啵😂🤣原來我阿媽都跟得幾貼😂🤣仲話$128算係咁啦，樣樣都有啲😆味道中規中矩啦，但有時食嘢係食人情味，回憶，甚至係良知💛希望大家多啲支持良心餐廳同零售啦！

📍基隆茶餐廳話咁快又就過年，梗係要搵返個盤菜食下，呢幾日捕住基隆社交平台，見到有得walkin買一人盤菜，晨早就衝左過去，終於比我買到😎👅一人盤菜 $128外賣一人盆菜，南乳湯底分開裝，返到去整熱返就得，成個盤都可以明火就咁加熱🔥盆菜入面有嘅料張相已經寫哂，基本上都足料，一個人都未必食得晒🥸首先講吓隻蝦，新鮮蝦黎，完全冇梅嘅感覺🌝滑雞係雞翼嘅部份，仲要好入味，燒鴨係鴨髀，都係啖啖肉。海參同埋鮑魚一啲都唔失禮。比較有驚喜嘅係魚蛋，香芋同埋豬皮！！魚蛋真係爽口彈牙，香芋炆到軟林林🤤豬皮亦都吸晒湯底，又無沙👍真係一個人原來都可以盡興呀！！！！！！

因為一個無口德KOL，好多人跑咗去食飯或茶餐。我都點咗個菠蘿咕嚕肉飯餐。價錢$38。係下午茶餐。份量屬細份。因為下午茶原故，細份咗。肉質好彈牙，咕嚕帶點甜酸。入口好開胃，混入白飯好美味。杯奶茶香濃，加埋杯熱奶茶。咁就滋味無窮。我個人推介，可以係5:30 pm點下午茶餐。疫症6:00 pm 後無堂食。因為是最後下午茶點餐時間。

每逢天氣轉涼就會想吃羊腩煲，今次試了深水埗的基隆茶餐廳。見到門外貼的相，羊腩煲材料十分豐富和吸引。$218除了羊腩煲，還附送生菜一份。落單的時候店員說套餐包括了一個飲品或湯。我選了湯，但外賣回到家中卻不見湯的蹤影。😀腐竹是另外加購的，所以份量十足。送的生菜就只得幾棵。腐乳也給得太少了吧。將外賣的羊腩煲倒入鑊中，$218的份量寥寥可數。總括來說，味道是可以的，但$218只有一人份量，性價比實在有點低。