影片
电话号码
27272732
营业时间
今日营业
11:00 - 21:30
星期一至日
11:00 - 21:30
以上资料只供参考，请与餐厅确认详情
优惠
94折
坚信号上海生煎皇餐饮现金劵
$47
$50
相关文章
朋友住喺呢一附近，過嚟搵朋友嘅同時就嚟一齊食晏。我哋兩個人嗌咗兩份餐一個係上海菜飯配生炸排骨另外一份係酸菜魚麵。佢哋嘅午市套餐都好抵食，有搭配埋一粒生煎包同埋一個糖心蛋。門市好乾淨企理，位置多，唔使等位，服務態度好好啲店員都好熱情。個生炸排骨外表炸得好脆入邊啲肉好嫩，我鍾意搭配佢嘅辣醬，搭配起身幾好食。同埋菜飯好香都係用佢哋嘅辣醬搭配菜飯一齊食。朋友話佢嗰份酸菜魚啲麵好筋道，好入味。一上枱就聞到香味，查實如果中午嚟食就真係幾抵食㗎。
继续阅读
今日外出training 去到黃大仙 一個唔熟識嘅地方🫣晏晝有成個幾2個鐘lunch time上網搵吓附近有咩食 碌吓碌吓 橫掂咁多時間再成就解鎖埋慈雲山呢個地方堅信號好耐以前旺角立食過 慈雲山分店有堂食 而且環境幾舒服 過咗學校lunch time時間 相對無咁多人叫咗個set lunch🔹️胡麻醬五彩涼麵無特別叫多醬 但都夠撈成碗麵鍾意食麻醬嘅朋友呢個必點 仲可以多醬添份量都好夠🔹️灌湯小籠包2隻都係嗰恰 小心辣咀 小籠包湯好熱 要攤一陣先食到皮夠薄 肉亦大大嚿 熱豆漿好好飲 好重豆味☺️食晒成個set 好飽 下次再試埋生煎包先
继续阅读
平時一向間唔中會食生煎包同小籠包嘅我，可以講話唔太特別鍾意食，不過自從食過呢度嘅生煎包同小籠包之後就改觀，即叫即蒸熱辣辣，抵讚！最估唔到嘅居然有小弟至愛嘅滷水豬手，佢哋叫”古法扣豬手”，超淋不特止，仲超入味，用筷子都夾得開，媲美去親台灣旅行都必食嘅”阿水獅豬腳大王”，最後係不得不讚嘅經理同店員，服務好似置身於米芝蓮餐廳一樣，每次見有客人來臨及離開，熱情嘅經理都好殷勤哋招待！響我心目中呢度已堪稱為慈雲山服務最好嘅餐廳！希望長做長有！！！
继续阅读
好耐之前都食過堅信號，今日經過慈雲山中心，見到有堅信號就再試下啦😋🍜四川擔擔麵 $54 好香濃嘅花生味，配上口感極好嘅麵條，濃郁嘅湯能夠掛上麵條，正！🥟紅油韮菜餃子 跟餐小食，皮薄餡多，清清地嘅味道都唔錯🐥雞絲粉皮 +$18 細細碟可以試下個味都幾好，青瓜絲好新鮮好fresh，清新嘅味道配上麻醬雞絲同粉皮，好味🐓川味口水雞 $72 雞肉嫩滑多汁好Juicy，口水汁有葵瓜子係入面，令到成個口水汁都變得好香，配埋菜飯好岩餸飯食，呢個口水汁亦都唔會話好辣，唔食得辣嘅朋友都可以試吓🐙爆章生煎包 $28 新產品，入面係有章魚嘅肉餡，配上燒汁木魚，好似食緊章魚燒咁，味道好有衝擊力，生煎包入面依然仲有熱辣辣嘅濃湯，不過個人來講比較鍾意食原味多啲
继续阅读
之前食過元朗分店，今次喺慈雲山分店見到下午茶都幾抵食，同埋上次無試到生煎包，所以決定試吓😃🥟上海排骨菜飯$46+$14堅信號生煎包(2隻)+$8洛神花蜜(凍)排骨同菜飯都係badboy比較喜好嘅嘢食😋排骨炸到金黃色好吸引，食落都唔會乾柴，肉質緊實口感幾。生煎包滿載湯汁，湯汁鮮味十足，可惜badboy貓脷無辦法趁熱一啖擺落口，流咗唔少落碟🥲。洛神花蜜酸酸甜甜唔錯。舖面雖然望落比元朗分店細，但其實空間大啲，唔會同隔離枱拼攏，用餐舒適啲，加上店員比較好客👍🏻
继续阅读
您可能会有兴趣的...