堅信號上海生煎皇 (福榮街)

营业中

休息中

出名嘅平民生煎包嘅餐廳好似印象中得兩間，之前試過其中一間，今次就試埋呢間堅信號。見到餐廳入邊嘅片段，老闆係特登去上海跟師傅學整生煎包再返嚟香港開店。生煎包果然係招牌菜，皮薄餡靚多汁，即叫即整，所以上菜嘅時候都係熱辣辣，熱都唔可以即刻食用。一咬落去，底層濺到好香脆，知裏面嘅肉汁就會爆出黎，口感非常豐富。另外仲試咗上海粗炒，味道不過不失，感覺太過油膩，同埋味道比較普通，唔算話好出眾。控油抄手都唔錯，個皮都幾薄幾滑，雲吞入邊嘅肉都唔算話太過吝嗇，唯獨是個紅又醬汁就是我決左少少特色。

一入到深水埗呢間餐廳，見到成間鋪頭都係櫻桃小丸子個位永澤同學個頭， 用永澤同學個頭黎埋生煎包，真係有趣好啦既然周圍都係「永澤同學」，咁我就即管試下食佢啦！呢度既生煎包表皮固然十分香脆，咬落去肉汁出曬黎，而且仲係新鮮滾熱辣，食個陣記住小心辣親啊，認真抵讚跟住黎一碟雞絲粉皮，呢度用既係有別傳統既日式胡麻醬，好似酸酸甜甜咁既沙律醬芝麻醬，用黎襯粉皮同雞絲都好開胃下。由於我個人好鍾意食埋曬d鹹酸野，食呢味糖醋排骨菜飯就啱曬。啖啖肉之餘仲要酸酸甜甜到令人食指大動，好啱餸飯。店內親切既店員姐姐又為我們端上呢味雪菜黃魚濃湯拉麵。首先麵既份量多，然後黃魚脆香而且鹹度適中，而且有兩大棵碧綠菜心，最後襯埋啖清清地既魚湯，不俗不俗飲品方面我就叫左大大杯豆漿而我老婆就飲左杯桂圓紅棗水，整體都幾滿意。最緊要係真係抵食，我地兩個人叫咁多野，加埋都只係二百幾。去邊搵？

係深水埗D2出口行5分鐘就到，見到人流極多而非常有特式，梗係要試下啦。一入到黎，就有新鮮出爐生煎包，今次兩個人黎，試左個套餐，果然非常好食。飽非常熱而多汁，有好香濃既芝麻，好有層次，而且好有肉質鮮嫩，中意食生煎包既朋友一定要試下。叫咗個萬事套餐，有雞翼！豬扒菜飯、鮑汁生菜、熱辣辣嘅生煎包，加埋只係$79 ，仲有杯豆漿。一個人食一定夠晒食，而且非常豐富。最中意係同其他鋪頭吾同，佢地有特式，坐得舒服，而且到處都充滿小丸子嘅特色，就梗係吾執輸去試下。最值得一讚係店員服務態度極好，知道我哋的立即同我哋轉位。另外，我朋友點左個雞絲粉皮，非常新鮮，吾似一早整定，中意食既朋友千奇吾好放過。整體來說，係用心之作，而且味道吾太咸。下次經開深水埗係必食。

最近見到堅信號上海生煎皇推出左永澤同學包子，因為個樣太得意，唔可以唔去食下！包子真的跟照片一模一樣，完全乎合商品說明條例，吃起來仲幾有咬口。吃可愛包子之餘，也順便試試幾款素食上海小菜，個純素咕嚕肉又真係同真既一樣味喎。生煎皇原來已經開左好多間分店，這次也是去我家附近的深水埗店，最近搬左過隔離鋪位，全新裝修又光猛又闊落，好坐過舊鋪位好多。堅信號一向好素食友善，宜家無左素食生煎包，但就有一系列素食麵和小菜，我之前食過擔擔麵都幾好食既，今次試下新出的咕嚕肉。最近推出這個超級得意永澤同學套餐，一套兩個包，上面有永澤同學的厭世樣子。新鋪頭裝修都幾靚，而且配合永澤同學套餐，店內掛滿卡通旗子和公仔卡牌，好似主題餐廳咁樣又幾正。店內堂食座位都幾多，有卡位坐仲有個較為隱秘的小間隔。小丸子迷一定要來拍照，尤其是喜歡side track人物的朋友。 甜酸菠蘿咕嚕肉(全素) HK$44這個咕嚕肉可以用優惠價配白飯或軟夾包，不過我唔太食澱粉質，所以齋食咕嚕肉就好開心。咕嚕肉份量唔算多，每舊肉都有個幾厚的炸粉殼，食起來脆口，配埋個酸甜汁係幾好食。 京汁茄子 HK$24 胡麻醬拌茄子(奶素) HK$24點解有兩個茄

之前聽講呢間餐廳以永澤同學為主題，覺得幾得意，一直都想試下，難得今日同老公去深水埗買電話野，順便黎試一試一入到黎，見到周圍都擺左永澤同學既裝飾，真係好cute呀，好似去左日本咁！首先，我地一定要試試堅信號既招牌菜—生煎包生煎包的表皮煎得很香脆，肉汁非常多，食的時候要小心熱！總括來說，生煎包好高質雞絲粉皮份量剛好適合兩個人，芝麻醬味道很香，夠開胃雪菜黃魚濃湯拉麵拉麵嘅份量非常多，黃魚調味香濃，麵質彈牙，而且有兩大棵碧綠菜心，整體很健康糖醋排骨菜飯糖醋排骨係好考功夫既菜，味道不錯，酸酸甜甜，好輕易就食左一大碗菜飯熱豆漿和桂圓紅棗水我地兩個食左咁多野，兩人加埋都只係二百幾，好抵食另外，呢到嘅侍應很有禮貌，服務態度很好

二人限聚令，同朋友食飯只可以兩位。所以都好耐冇出街食。今日早收工，出咗深水埗買嘢，好耐冇出街更加好耐冇食上海野。路過入咗到堅信號，6點前仲係午餐時間，抵食好多，我見左兩個餐。堅信號秘製厚豬扒菜飯雞絲粉皮配豆漿堅信號上海生煎包（2件）迷你蟲草花雲吞雞茉香綠茶一個餐嘅份量剛剛好，最驚喜係「迷你蟲草花雲吞雞」，蟲草花用料上乘，是比較粗身嘅，而且仲有一隻雞槌，兩隻雲吞，飲完個湯成個人都暖暖的。堅信號上海生煎包（2件）質素依然有保證，咬開就爆超多湯汁，超好味。

曾經好鍾意食呢間生煎包，不過裝修之後都無食過，今次同呀媽黎食lunch，仲有折！😍叫左1個set lunch，黑醋骨菜飯，仲有個小食，所以叫左雞絲粉皮，仲有個野飲，再加左2粒必食既生煎包！因為見到新出既永澤同學包包，所以叫左都份，好得意呀！一粒奶王一粒紅豆，奶王偏甜，包好鬆軟，個樣好搞笑，打卡一流🤣🤣🤣黑醋骨有4大件，菜飯好食，2個人share會好d，因為d女仔都食唔哂d飯。雞絲粉皮好大碟，set lunch都幾抵食。不過主要推介生煎包，個底真係好夠脆，入面勁多湯汁，加埋豆辦醬好好食！👍🏿👍🏿👍🏿

行完深水埗，見到成個藝人紙牌在店外，滿心歡喜以為........一試，怎樣知道中仆。叫了一個他的招牌菜，堅信號生煎包四個，怎樣知道....皮厚堅固。完全唔好食，喺有肉汁，但係完全唔好食。表面眼見白雪雪，怎樣知道😳😳😳食第一個，以為得一個是煎得差少少你看，燶到冇朋友，根本食不下。三十元，OMG 😓😓😓😡😡😡只有杯豆漿尚算可以，飲得，他的招牌菜差到冇朋友。本來肚餓，想叫多一個面，也不會再俾錢佢賺。不要貪明星效應，嘗試。

晏晝四五點幾，喺深水埗掃街買小食都係想速食㗎啫，咁唔通期望係Fine dining 咩。已經買招牌嘢食生煎包四粒拎走，喺度等、等、等到我隔離檔雞蛋仔都出爐我都仲等緊，企咗十分鐘，阿姐們都無反應，再等，等到新鮮熱辣嘅雞蛋仔都凍哂，我都仲等緊，忍唔住問阿姐生煎包得未，佢話：「你都係等咗十幾分鐘啫，啱啱先煎，你等多十分鐘啦」，下？啫係等成二十分鐘先有得食四粒嘢⋯⋯ 如果要新鮮出爐即叫即整，點解唔同客講需時廿分鐘，你估個個喺深水埗買街頭小食都肯等廿幾分鐘咩。我就唔洗咁矜貴，最後退返幾十蚊俾我啦，我食返啲cheap嘢夠喇。

招牌生煎包…但係我本人認為 佢嘅招牌菜係厚切豬扒😂😂😍這間上海快餐 都已經吃過三四次了，以往都是吃銅鑼灣分店，感覺比深水埗分店好吃，每次來都會吃厚切豬扒，肉質一啲都唔"鞋"，好"林"😍，淋得未有咬口，但價錢偏貴，小籠包跟生煎包，感覺一般沒有太大感想，正常味道，不過肉質可改善，現在有點鞋

叫左一份晚餐（雞絲粉皮+山煎包+一味餸+菜飯）外賣，係門口企左半個鐘先取餐。間餐廳接太多app外賣單，但根本處理唔切，可能係廚房同樓面都請唔夠人。外賣裡面有杯豆漿，但包裝得唔好，最後搞到外賣袋、外賣盒、餐具、同我對手全部都係豆漿。間餐廳主打係山煎包，個山煎包雖然唔可以話好難食，但絕對唔係好食，只係非常普通嘅山煎包。雞絲粉皮用嘅竟然係日式麻醬而唔係中式麻醬，「雞絲」亦都唔係雞絲，而係雞肉。總結成餐飯嘅體驗：對腳好攰。最好味係嗰杯漏到剩返一半嘅豆漿。埋單$85。無下次！

堅信號生煎包其實真係久仰大名啦～未幫襯之前己經聽聞老闆好多情史，令人津津樂道！開咗咁耐先幫襯，係因為好少食嘀娛樂圈人轉型開嘅食市，可能係偏見，成日形住會靠名氣，唔夠專業咁，有少少中途出家嘅感覺⋯但聽聞話幾好食，有次叫外賣見到，不如試下啦！老實講，我好怕食老一代個種舊式小籠包，個皮好粗好厚，但呢間小籠包我覺得拍得住樂天皇朝果隻！個皮夠薄，又多湯汁，我當日重有叫招牌生煎包，但個生煎包唔知係咪外賣，嘀汁索哂入個包度，冇小籠包咁好食同我好鐘意叫鎮江骨菜飯，因為嘀汁酸酸甜甜好送飯，菜飯自己又覺得懶健康咁，佢個味其實係可以嘅，如果個骨淋多少少，再俾多嘀汁就更加好嘞～個蒜泥白肉不過不失，我覺得講明白肉係要有肥膏，但如果肥膏比例咁高，我見意可以片薄嘀做得精緻嘀有一次見佢旺角開咗分店，試下堂食，雖然嘀呀姐好似譚仔呀姐咁鬼馬，但嘀野真係完全兩樣野！個小籠包就係之前講果種，好老派，厚厚嚡嚡果種，唔知佢係代理咗個名，用返自由師傅定點！但可以肯定佢地冇中央處理啦！因爲我之後重敢叫多次外賣，佢深水埗間店同第一次一樣，所以我唔會食佢第二間㗎啦！哈哈

出名生煎包 今日終於去深水埗分店試左。生煎包ok($36/4個)皮少少厚但我喜歡，底部煎得都好香脆，裡面湯汁都多濃味，不過食時要小心，好熱小心流走d汁 (店舖都好窩心有食生煎包三步曲便條貼左當眼枱上）*外賣係平d $30/4個*做緊優惠阿。另叫左酸辣湯水餃$48 - 好麻麻地 有d稀同淡 。還叫了秘製厚切豬扒拼密椒雞扒菜飯 $58 - 豬扒和雞扒都一般水準不過都欣賞雞扒配獨特甜密醬汁唔錯，不過個菜飯就欠決水準，飯沒有飯同菜香，我吃了一半都放棄了

食個酸辣湯麵🍜下午茶。。中伏了，個酸辣湯無材料，水一般，味道差。。。無言。。下午茶其實選擇都好多，雖然吾知其他食物質素係點。不過個人覺得上海店，酸辣湯麵應該係普通一定好食，點知可以差到咁一定無下次。。

我地一向節日唔會去食西餐 一黎價錢好貴 二黎只有好少選擇 所以通常節日都會選擇中餐或日本菜今日要去深水埗買電腦 所以係深水埗食晚飯 經過見到一間好光又未試過既餐廳 於是入去試下生煎包 我相信大部份人都知道這間餐廳是Oscar開 所以我都帶點期望 餐廳是採用自助點餐形式 在紙上點選自己想食的食物 再交給侍應 特別一提是這間餐廳沒有+1服務費 這個是可讚的我們先點四個招牌生煎包 一上枱的時候 侍應已多次提醒我們要小心燙口 要先咬一小口 啜生煎包內的湯汁 味道不錯 生煎包底是很脆口的雞絲粉皮可讚的是有很多麻醬 所以很美味四川擔擔麵麵的口感很好 好煙un 👍🏻上海豬扒粗炒味道不錯 豬扒很厚很鬆軟 不過粗炒份量不是太多 而且帶點油最後我們還叫了一個炸雲吞這個炸雲吞是全晚最伏的食物 首先雲吞皮很難吃 而且雲吞入面沒有蝦 是全肉 又沒有汁 我們只吃了一粒整體來說食物也不錯 價錢相宜 但是隔離枱的客人不停投訴說食物不夠熱 而且上菜比較慢