壹號漁船

营业中

休息中

今晚同同事出旺角食飯，選擇咗呢間喺旺角荷李活廣場嘅任食火鍋。上到去先發覺原來佢係有分小菜同埋火鍋，因為我哋想食火鍋。 所以就 去咗火鍋嗰邊。服務員都好好。 我哋有朋友遲到佢都肯幫我哋改遲咗半個鐘，所以服務尚算不錯。 佢仲因為我哋有8個人安排咗一間房。 俾我哋 自成一角，我哋選擇咗比較靚嘅牛肉套餐, 套餐裏面，仲可以選擇要海鮮拼盤或者乳鴿或者龍蝦半隻。 我哋一行八人，全部都選擇咗海鮮拼盤。 拼盤裡面亦都好豐富，有元貝，有鮑魚, 蠔等等。 另外，仲有好多其他嘅配料。 我想特別一提嘅係，佢嘅牛肉真係非常之有牛肉味，所以就算加貴少少都好值得。 另外，仲有可以值得提嘅係，佢外邊嘅小菜，有啲已經煮熟咗嘅小菜，可以食佢嘅牛腩好好味。 另外，仲有豬手，豬肚炆枝竹等等，都係非常好味。 然後當然，有多款飲品任飲。 同埋雪糕甜品等埋單時我哋每人達約300幾蚊，我覺得性價比仍然算是高的。

5月5號趁假期去試個$98另外原價加一嘅火鍋放題，難得假期同平日同價。11點開始任食兩個鐘，特登11點去到，早去嘅話優先坐卡位，算係幾好，同埋無咩人，所以拎嘢食都好流暢。枱面有垃圾袋同湯底，幾方便。本身想拎雪糕，但成個櫃吉嘅，問咗職員，話因為放假所以無返貨，心諗吓？成間餐廳可以無準備，我唔係特別想食高級嘢，但求便利店見到嗰啲普通大路嘢過吓口癮都好，話晒放題。經理一句唔會另作通知，貼張紙喺門口都唔肯，大條道理同我哋講係咁做生意，明白晒，有時唔好怪啲人唔留港消費，連基本嘢都唔做好。講返嘢食，前菜涼拌木耳幾好，牛腩都ok，飲品淨係茶類同啤酒無汽水，丸同菜嘅種類都夠同ok ，湯底雞或魚（要另加$），電話可以落牛豬羊雞同幾款餃，牛要早啲落，唔係好易無同埋等，雞係雞絲，羊少少騷味但接受到，豬一般，餃有隻餡有蝦幾好，其餘一般。唔知夜晚都係咁定係歧視食午餐嘅人，都聽到唔少人講以前見到嘅熟食今次見唔到，又漏單又俾多咗，last order前最少半個鐘都見唔到落完嘅肉，唔要求俾足，有俾到部分落吓肚都好。我keep住留港消費係相信仲有啲餐廳係值得幫襯，但呢間平都好，我相信我唔會再去。

座位寬敞，地方整潔乾淨，食晚飯時沒有人常常催促，平日去沒有限時，食物質素也不錯，價錢尚算合理，整體推薦朋友聚餐可以慢慢傾談，地方也不算太嘈吵，下次可以再去幫襯食飯！

稻香最近降價，回歸最初的$98任飲任食大腸雞煲和香辣魚煲套餐，但食物未完全是真正回歸，都有點看著收費而修改。作為午餐，可以不斷加單選雞和魚，兩者都任點任食，加上外面有數種菜和十多款火鍋食物可挑選，汽水，啤酒和6至8款飲品，1款中式糖水，蘿蔔牛腩和咖哩豬皮魚蛋，4款炸物，牛牛公司的雪糕雪條，算足夠。外面自取的食物味道則不要太強求，雞和魚煲都會讓你滿足的。

旺角壹號漁船雞煲放題平靚正！他們的大腸雞煲雞肉嫩滑，份量十足，大腸份量略少。雞煲食完後可以選擇加湯打邊爐或者再叫多底雞煲。現場提供了豐富多樣的食材選擇，如蔬菜、丸類、豆腐等，滿足不同人的喜好。大腸雞煲小食（魚皮）小食（涼拌青瓜／木耳)牛肉普通，一分錢一分貨亦有大量丸類、蔬菜、鴨血、豆腐等等，非常多選擇。飲品選擇都非常多，除了一般汽水外，更有啤酒提供，適合一班朋友聚會吹水。調味料種類也不少更有雪條，雪糕，小生果作飯後甜品

同屋企嘅長輩慶祝生日因為有成10幾人所以每一次都只能夠揀中式餐館本身今年都有啲頭痛，究竟去邊度食嘢？點知佢哋自己見到啲promotion話呢一度食一圍菜好抵本身我就一般上幫襯呢間但因為生日主角自己決定咗咁就硬着頭皮去食呢一間啦點知每一味餸都有驚喜例如呢一個開邊龍蝦蒸有人唔係太鍾意蒜蓉係可以叫佢有一啲龍蝦少啲蒜蓉，一啲龍蝦就落返正常份量蒜蓉另外佢可以加錢有壽包食咁樣就唔使買生日蛋糕都真係幾方便特別留意就係佢個廁所係超級凍，所以去廁所嘅時候不妨着返件外套先

1月2O日揾食肥華同靚媽在九龍城唱完K，做埋啲私人事務就搭小巴出旺角，到呢間在星期一至星期四做特價$98一位嘅，雞煲加火鍋配料放題，而此店呢個應該係，平盡旺角嘅任食任飲火鍋放題，但食物質素一啲都唔比同區，做梗佰幾蚊一位嘅火鍋放題遜色。主角回味大腸雞煲，份量及味道正常冇將貨就價👍👍其他火鍋配料鴨血超得👍👍👍牛肉片，滑牛，羊肉片，炸魚皮，原隻墨魚仔和蔬菜類都值👍👍五花豚肉👎👎熟食蘿蔔炆牛腩👍㗎喱蘿蔔魚旦👎👎👎糯米飯👍👍總結呢餐埋單，肥華靚媽兩個人食足兩個鍾，都喺衹須兩佰多元，仲要滿意此店嘅，環境，食物及飲品質素和員工服務態度，真喺找完数笑住走嗰隻。👍👍👍👍👍😘😘😘😘😘

餐廳: 壹號漁船 (旺角)地址: 旺角彌敦道610號荷李活商業中心2樓A及B號舖最近想約同事相聚食下飯傾下偈, 大家就商量去一間抵食既火鍋放題, 無意間喺網上發現到呢間好似幾抵食, 就網上book定位. 我地揀左$138 精選美國肥牛120分鐘午市海鮮點心自助火鍋放題這盤食物看起來非常豐富，包含了多種海鮮和肉類。盤子上有幾隻新鮮的大蝦，色澤鮮艷，肉質看起來非常鮮嫩。旁邊是一些貝類，可能是蛤蜊或其他海鮮，散發著海洋的鮮味。盤子的中央有兩個小碗，裡面盛著白色的食材，加上綠色的蔬菜，可能是生菜或其他葉類，還有一些橘色的魚子裝飾，增添了色彩和口感的層次感。在盤子的另一側，有兩個紅色的塑料盒，裡面盛著薄切的牛肉，顯得非常誘人，肉質看起來鮮嫩多汁，適合用來涮火鍋或燒烤。整體看起來是一頓非常豐盛的海鮮和肉類大餐，非常適合與朋友或家人分享。旁邊還有一罐飲料，可能是茶或汽水，為這頓美食增添了清爽的口感。這道美食由糯米飯和咖哩魚蛋組成，呈現出豐富的色彩和口感。糯米飯的部分看起來金黃酥脆，上面點綴著一些花生, 增添了香脆的口感。糯米飯的質地軟糯，口感綿密，散發著淡淡的米香，與堅果的香味相結合，讓人垂涎欲滴。

訂咗檯11點，待應真係唔夠，不過你等到的話態度又唔差，只不過人手係有問題，好彩水是座檯自動加那種，唔使煩。✨🥢鴛鴦燒賣$18: 居然有老友價$18好抵食👍🏻！有肉香味，唔錯。✨🥢風味臘腸卷$18: 又係老友價，抵食👍🏻！不過臘腸唔夠香，而且係平面開半，每個包得半半截，唔夠喉😅✨🥢鮑汁鮮竹卷： 合格，略嫌個芡汁杰咗啲😅✨🥢 香麻叉燒酥：皮唔夠酥，不過味道可以✨🥢脆銀魚海皇啫腸粉：呢個好香好惹味，腸粉夠滑；銀魚仔加添另一層口感，正😋👍🏻埋單$127兩個人好抵食，下次可以試埋火鍋嗰邊

垃圾中的垃圾，打電話訂位時只能訂18:00或19:30，訂了19:30，19:15到場時被告知要等到19:45，最後等到20:00才能入座。明知道任食火鍋限時兩小時，但提出不合理的訂座時間給客人選擇。垃圾。

經OpenRice網上訂位，去到竟然說要先到先得，準時到也沒有枱，話要等到七點幾。對於我們已定位者沒有保障，也失了預算，現場也有很多人訂了位也沒有位坐，不遵守制度的食店，平日只有幾台客，皆因今晚氣溫降了幾度，就多了很多人Walk in，店就接了很多Walk in客，但是已訂位的就不用留位嗎？訂了6:30已經準時去，都說滿座了，我們都不是第一次去，平日只有幾台客，我们都繼續支持，也不是第一次經OpenRice訂位，有記錄儲存，OpenRice請解釋经你們訂位的機制是否蕩然無存？

朋友說要去這家店。中午12：00.再遅一點很多食物都會缺貨。於是我預先訂了位，去櫃台攞位職員叫要去另一櫃台辦理。但那櫃台根本沒有任何職員在...老點真係香港飲食業的文化。

【油尖旺區】【壹號漁船】有一晚無啦啦得閒，就同咗馬鮫去旺角打邊爐。佢話想食嘅呢間，我記得以前係稻香嚟嘅，仲喺嗰度食過一蚊雞，而家唔知係轉咗名定乜嘢。不過唔理啦，去到又真係有任食火鍋。成人晚市有個叫「任您配」火鍋放題幾好，價錢 $268 一位，平日平十蚊。頭盤可以揀兩款，我哋要「時令特選海鮮盤」同半隻「波士頓龍蝦」，我唔太食海鮮，都係佢食多，選料都係靚嘅。而火鍋放題我哋要「A餐」，係食「特級肩胛肉眼」同「黑豚肉片」，兩者都係合情合理之作，唔係嗰啲好難食嘅貨色，一般我都接受到嘅。佢仲有其他火鍋料，都係不過不失啦。而自助區亦都有炸嘢、飲品、混醬、丸類同菜類係任飲任食嘅。而比較特別嘅係佢哋有芝麻糊，不過我就食得有啲飽，所以都冇乜點食佢哋自助區啲嘢。嗰陣佢哋晚市火鍋正價 88 折，埋單 $525 兩位，旺角算正常囉。。。（地址：旺角彌敦道610號荷李活商業中心2樓A及B號舖）

今日係老公生日， 來旺角1號渔船食放題 98蚊加服務費 冇寫錯！ 這個價錢可能係全港最平雞煲火鍋放題 ！ 雞煲有三款 香辣雞煲奇味雞煲 榴槤雞煲 我哋揀咗香辣雞煲（bb辣 ） 雞肉既不過鹹又夠香 香又不過辣 雖然雞煲可以任食 但我哋決定留返個肚打邊爐 自助巴有炒蜆 凍墨魚仔 凍蝦 牛筋腩咖哩魚蛋.....！ 魚皮響鈴丸類和蔬菜加埋都有四十幾款 ，而飲品區更加誇張 三十幾款飲品 啤酒都有五款 仲要係大牌子喜力百威 泰國象啤 日本麥啤 黑啤 甜品有甜筒 雪批 雪條 雪糕杯有五款生果 98蚊平過茶記啦 ！滿分！唔試都對唔住自己！😋

訂座5:00，原來5:30先比入座，要係樓下戇半個鐘先上得去。呢樣OpenRice 要處理下。坐底黎左個海鮮拼盤，一睇就知，龍蝦冇膏，好瘦，蝦仲郁下，鮑魚開左花，魷魚都好味，魚件好多魚油，食到成口都係油（大舊個隻）魚片都可以，蠔大隻好味，丸冇特別，魚肚正常。諗住問下要煮幾奈時間，男侍應哥哥話：變左白色就得啦。你地就知道服務有幾好啦！其他免費任食，因為唔食牛，所以叫左豚肉，硬，冇味，牛一既豚肉都好食過佢。韓蠔第一次叫幾好，之後就黑忟忟，黑蠔見到都唔開胃🤮。蜆大大粒，好食，叫左好多之都係大粒，仲有任食菜，汽水任飲，糖水有芝麻糊，牛奶公司雪糕。想食蝦，要加錢，想食拼盤咁大隻既蠔，要加錢。當然仲有其他食物要加錢，已經唔想睇。最後埋單，$589.5，我大約7:15埋單，7:30前話埋單有88折，冇check 單，唔知有冇打折。