壹號茶記

营业中

休息中

今日食咗好多好味味嘅嘢，特別係呢個咁靚嘅荔枝樹，個荔枝樹裏便呢係蝦膠嚟嘅，實在好特別好好味外邊脆卜卜，真材實料，而且仲可以打卡影相添。另外仲有食咗好多特色嘅菜式，尤其是係個招牌豬扒包，醬汁非常之特別，而且仲有個鮮牛蛋治包，實在係鮮嫩可口嘅牛肉再加上滑滑嘅雞蛋包住，實在太美味大滿足，今日嘅菜式全部我都好滿意，實在太多我都數唔晒，推薦大家一齊去食，重點係性價比高價錢實惠。服務非常之好，又有禮貌又細心體貼，搞到我都好似唔好意思，交通非常之方便，環境非常之乾淨衛生整潔，而且洗手間都好企理，我好滿意，所以推薦俾大家。

有朋友生日想食齋，同老闆娘講可否叫師傅做到。她和師傅很好幫我安排。齋菜做得好好。因為師傅不是做開齋菜特定幫忙做。也能做得好用心好好味，朋友們個個都滿意喜出望外。真心講真係好美味。多謝師傅及老闆娘。下次再食過服務員態度又好，食得好舒服好有親切感，不但食物好還有人情味。有朋友有机會可以一試無介紹錯。

大家食得很開心，份量十足美味，大家可以試下。訂了1圍16人餐，同長者慶祝70大壽，包房，可以唱k, 環境清潔整齊。食物ok, 份量十足，唔洗再加餸。侍應服務良好，有禮。😃😃😃😃

諗住灣仔冇乜嘢食，求其入咗一間茶記都食到咁嬲，一坐低即刻要你搭枱搵一個人坐你對面。然後見隔籬枱阿姐又比餐具，跟住我冇餐具有禮貌地問阿姐攞問阿姐即刻西我面打開個櫃桶好似覺得我唔肯自己攞咁樣其實我係唔知道有然後啲嘢都好遲先嚟，又冇特別。食一個快餐都要50幾蚊，所以同樣價錢唔會再揀呢一間嚟食，性價比又低，又唔好坐，態度又差到死。食嚟食個飯都好似欠咗你咁嘅樣，唔會再嚟囉，灣仔有咁多選擇，使鬼再嚟你依間茶餐廳。食到一肚氣。最尾食咗15分鐘都冇就即刻走，以後唔會再嚟呢一間希望大家都唔好中伏，嚟受氣

蠔餅炸得好酥脆，唔油食得出有迫油，蠔仔多又大粒，重點係好厚身足料，無諗過可以係茶記食到咁高質嘅蠔餅，講真好食過唔小潮州舖，跟餐有飯有湯仲有埋野飲都只係86蚊，好抵食

克街壹號茶記豐富早餐，揀咗超值嘅街坊早餐！雪菜肉絲嘅三餸麵同餐蛋面，再配埋即磨咖啡，只係$30！真係超抵食！三餸麵嘅雪菜肉絲都夠送一碗面，餐蛋面煮得啱啱好，口感彈牙。即磨咖啡，香濃濃郁，一啖就醒一醒如果你晨食想要啲超抵食又美味嘅選擇，克街壹號茶記絕對係一個值得考慮嘅地方！經開記得要試

啱啱開果陣到而家好似食過一次咁大把🤣今次第二次,叫咗個特餐,即係常餐咁,值得讚係上菜好快的（不過可能因為過左繁忙時間?我點半後先入座）好快黎到嘅係野飲😆 我叫咗,雪菜肉絲米線, 份量比其他茶餐唔算好多,味道正常,麵包只係搽咗少少牛油,不過都軟熟嘅,兩餸叫左少見的紅腸有3片加火腿1塊🙃紅腸炸得熱辣辣但偏咸咁,杯朱古力都正常味道夠熱嘅

叫個晚餐,士多啤梨咕嚕肉, 嚟到係菠蘿咕嚕肉/生炒骨. 問服務員點解冇士多啤梨？ 佢話呢個菜係士多啤梨醬. 越食越不是滋味, 餐牌無論中文定英文都係寫有士多啤梨, 也沒有服務員所說的士多啤梨醬味. 服務態度不瞅不睬, 完全當我們是傻仔, 忽略唔回應我們的問題, 也沒有跟進, 應該沒有下次！

食物質素不錯，上次叫了一個煙肉車厘茄意粉，買相不錯同西餐廳可比。加埋熱飲$40蚊。食物環境整潔，員工服務態度好，好有親切感。坐得耐也不會眼啤啤你。我會繼續幫襯。

冬菜肉餅飯 $58.00雖然看似醬油很多，但不會很鹹，肉質也有彈性，用來下飯真的可以令人吃很多飯。孜然京蔥爆牛肉飯 $58.00孜然味不算太重，個人認為合適，不然就會蓋過牛肉味和京蔥應有的味道。牛肉是嫩的！福建炒飯 $58.00 有很多材料:蝦、菇、翠肉瓜等等……汁的份量足夠，可以拌完整碟炒飯。熱齋啡 +$0.00很香濃，聞到香味已經令人醒一醒！熱好立克 +$0.00 好立克粉下得足夠，很濃郁，不會淡淡的，好喝！

咁岩今日出開灣仔, 行過呢間新開茶餐廳, 外面同普通茶記裝修一樣, 午膳時間幾多人, 呢度有散叫亦有 set lunch, set lunch 有個冬蔭公海鮮會 (飯或意粉), 選了意粉試試, 等左 5-10分鐘上枱, 放係面前呢一碟, 單係賣相已經要俾滿分, 雖然份量好似好少, 但原來都幾夠飽, 而且講明係海鮮, 蝦就一定唔會無, 有兩隻大蝦, 兩隻青口, 仲有魷魚, 蜆肉等等, 意粉同海鮮都好有冬蔭公味道, 最主要佢唔會太酸太辣, 係岩岩好, 餐飲點左凍咖啡, 味道唔錯, 不過冰就多左少少, 可能唔太識用佢既網上點單功能, 原來可以揀少甜少冰, 自己無睇清楚, 唔關餐廳問題另一方面係員工好有禮貌, 地方乾淨, 新開最緊要做到呢 D, 希望一直都 keep 住咁好, 可以再返頭幫襯

見佢新開張咪入去試吓啦！叫咗個下午茶乾炒牛河…. 加一杯熱奶茶，乾炒牛河份量正常…. 味道都唔錯….. 食完係飽嘅，不過佢杯熱奶茶就真係一啲都唔好飲，冇茶味….. 又唔滑， 一睇顏色都知唔係靚茶，克街咁多茶餐廳…. 下次都係試下第二間啦！

我哋一行八人一齊同朋友慶祝生日，因為朋友介紹，所以知道原來佢哋係可以book房啦，可以去食小菜啦可以有其他嘅款式，上次同朋友食都好好食，因為好鍾意食佢個西餐嗰個卡邦尼意粉，好多芝士粉夠味，另外我就想食蒸鱔，所以朋友都嗌咗豉汁蒸鱔，佢哋啲冼好新鮮好肥美好好味，食落去都好多油香，果然佢哋個買手好識買魚。應該真係新鮮去街市每日去拎貨，另外特別讚一讚佢哋嘅例湯好出色，直頭飲完好想下一壺拎返屋企飲。我哋之後又叫咗一個冬陰功海鮮意粉，估唔到喺茶餐廳係食到一個冬陰功海鮮意粉原來係咁好食我其實由細到大都未試過食過，但係佢搞到我食咗兩碗，因為我覺得好惹味同埋係好適合我哋鍾意食少少辣嘅人！之後仲嚟咗一個Pizza我哋唔夠5分鐘即刻食晒，其實成餐餸真係好平$1000左右多啲每人都係百幾蚊就食到咁豐富，同埋我覺得好似去咗一啲高級餐廳嗰度食啲西式嘅料理一樣嗰啲味道係好好食㗎完全估唔到一間茶餐廳可以做到出邊咁高級嘅水準真係好抵食早晚飯飯堂都得。反而佢啲黃金蝦就唔係好夠鹹蛋黃同埋佢嘅炸物都未做到好好食！但係佢個咕嚕肉真係好出色，整得好好味，連個擺盤都好靚。我同老闆娘傾得好投契啊，因為老闆娘（陳家姐）都好健談，仲知道

午市前來，點了(E) 龍蝦汁海鮮意粉，跟餐揀了西湯，沒問題，一般荼餐廳水準，主餐一來呆了，用一隻高級餐廳的碟盛載意粉，份量少得可憐，誇張說句，三啖就食完，另外整碟意粉沒有一滴龍蝦汁，意粉也不是由龍蝦汁烹成，亦完全沒有味道，海鮮方面， 一隻細蝦、一個魷魚圈、幾粒蜆肉，配以四片四份一的茄子和兩半粒車厘茄，連基本荼餐廳水準都不如。環顧四周，食客點的其他餐看似沒問題，份量大大碟，唯獨這個(E)餐要扮高級。餐廳門口貼上試業期間多多包涵，這個(E)餐，真的要多多改善！比起前身的《文華饕記》，水準不止差一皮，暫時應該不會再來，等他包涵完先考慮。

先旨聲明，係開飯第一次寫食評，因為依間實在令我不吐不快係附近開工，見剛開張，咪去試下，依間個鋪位以前好似叫文華老饕，唔知兩者有無關係？叫咗個午餐“涼瓜班腩”，四舊班腩，幾片涼瓜，炸過的班腩塊上淋啲汁算數，涼瓜好淋，賣相、味道同量都係一餸、兩餸飯水平，飯也如是，兩餸飯用果種最普通飯，加杯凍飲賣你62$.環境緊逼，每位之間距離好近無隔斷絕對絕對絕對唔會有下次。