壹麵館 (已結業)

小弟住調景嶺十幾年從事飲食業亦都十幾年所以我對食物味道有一定要求。調景嶺呢個地方可稱得上係美食沙漠但因為人多餐廳少狗屎垃圾嘅餐廳都可以大排長龍。作為行內人我覺得呢間餐廳嘅師傅係有能力，但可能因為人手問題往往喺繁忙時段食物質素時高時低不過已經比旁邊果間餐廳好幾廿倍。個人推薦晚市牛肉類食物師傅醃牛肉有一手加上係預先醃好比較易保持水準。P.s希望呢間餐廳老闆醒少少樓面加返人手每次見爆場時都係得1、2個阿姐落單建立餐廳聲譽要好長時間但破壞只需要一刻。

午市時間，另一家茶餐廳較多人候位見壹麵館不用候位，便試一試啊！點了葡國雞球焗意，焗意粉熱騰騰的份量夠大盤雞球的份量都多，外皮焗得香脆，肉質未算好嫩滑但不會韌葡式醬汁足夠，意粉亦爽滑掛汁，不會焗得太乾身略嫌的是醬汁味道辣了一點遮蓋了葡國雞那種黃薑粉香及椰香的味道～凍飲加$350元左右的一份午餐，算是正常價格了～不至於難吃便夠啊！論座位的舒適度，這食店比另一家茶餐廳的座位闊落得多至少不會迫得桌上也不夠位置擺放食物同樣的...是不能要求有很好的服務啊！

近來愛上了和朋友點小菜一起吃，經過看到有小菜，便決定在這裏吃了。我們只點了兩個菜：咖哩牛腩煲和椒鹽蝦。點過菜，侍應很快便送上了例湯。喝到一半，咖哩牛腩煲便送上了。吃了一口，牛腩煮得一般般，肉質較為硬，吃下去像是吃炆久了的排骨，硬梆梆的。除此之外，咖哩汁沒有甚麼味，既沒咖哩應有的香味，就連咸味都沒甚麼。我和朋友吃了一半便決定靜待下一碟小菜了（當然我們並沒有抱太大期望）。其後送上的是椒鹽蝦。一放上餐桌，香濃的海鮮味夾雜着椒鹽味便已撲鼻而來。一咬下去，便發現蝦肉十分彈牙，而且椒鹽味濃郁入味之餘又不會太辣或太咸，味道調得恰到好處，配上彈牙鮮美的蝦肉真的是絕配。再加上蝦殼已預先除去，咬下去「啖啖肉」，不會像平時吃蝦時吃得不痛快。唯一可惜的是蝦的外皮不夠脆口，較為軟身，影響了些許質感。整餐飯一碟較差，一碟卻又頗具質素，兩者加起來可說是不過不失。

問佢拿杯茶，個服務員好大聲喝我爸爸「無茶架！茶要收錢架！」之後諗住問下可否拿塊檸檬，之後個女staff，好似係經理，又態度超差，大大聲「要加錢架！」我住調景嶺十幾年，幫親甘耐，隔左段時間無黎，一黎就好bad feeling.隔離檯嘅客人未飲曬杯嘢飲就趕人走，經理仲要大大聲同人地吵架，無顧及其他客人。唉！算了，平民餐廳，但以後請我都不會再來！

部杏霜真係水妮傢咋，淡到咩咁，中哂伏，下次去試新餐廳都係叫奶茶咖啡算數，唉，真心好難飲。仲要，佢俾牛肉麵我，其實我係叫沙爹牛肉麵，佢完全無沙爹味仲係無味，劣食之選。

有一段時間都沒有幫襯了， 因為覺得餐廳環境比較昏暗又不是好整潔和送遞食物時間較耐，食物又一般般，今日因為隔離餐廳沒有位置所以再試一試睇下有冇改善。order咗佢哋嘅下午茶餐， 時間真係有改善， 食物質素都唔錯佢哋嘅楊州炒飯炒得好乾身和好足料。 如果可以再改善下餐廳環境可以整潔啲光猛啲咁就好啦。

今日小熊仔帶小熊妹出門食晚餐就選了比較近又好久沒有去的壹麵館。*為何好久沒有去？因為上一次在壹麵館食早餐，其中一位服務員態度不好，所以每次想去食的時候都會想起那件事，因此就……一直沒有再來，而今次服務員不是上次那一位服務員，態度好多了。*小熊仔和小熊妹兩人在七點左右到達，人流不是很多，所以唔洗等就有坐位了。今晚選了合家歡套餐，一位六十五元一餸一飯一湯一飲品。小熊仔選了魚香茄子煲，菜飯，凍奶茶。小熊妹選了八珍豆腐煲，白飯，黑咖啡。飯的軟硬是適中，菜飯也不會太油，而凍奶茶甜味剛剛好。

某日朝早，咁啱要過嚟呢頭做嘢，開工前諗住搵間嘢坐低慢慢食個早餐打個底先。嗌咗個蕃茄鮮牛肉通心粉早餐，加杯凍檸檬茶。蕃茄湯足料，有蕃茄、薯仔、蘿蔔、菜，而且牛肉都唔少。加埋凍飲$35, 至少足料，算物有所值。我屋企樓下間茶餐廳賣嘅通心粉早餐得清湯加塊火腿，價錢都係差唔多。而且啲呀姐都幾親切，我問一個姐姐某個地方點去，佢都有熱心答我，仲同我傾咗兩句計。以後可能會多咗機會去呢一邊做嘢，到時有機會再嚟食下嘢先。一日之計在於晨，食飽早餐之後又要開始搏殺了。

今晚與友人到此晚餐，侍應在我們坐下來後便催速點餐😅上菜時，態度敷衍。記得上次我一人到這裡食飯，侍應為了想招攬更多顧客，竟然要求我調位😓真失望！總結，我不會再去光顧。

晚上約了友人在調景嶺相聚，隨意在彩明商場的壹麵館享用晚膳。餐廳格局介乎小菜館及茶餐廳之間，除卡位雅座外，亦有數張圓桌。食品有中西美食選擇，亦有茶記常餐供應。一行四大兩小點了一客四人合家歡套餐，內含例湯、白/菜飯、小菜及飲品各四客。例湯是青紅蘿蔔雞腳煲豬肉，湯料看似幾足，清甜味道普通喇。菜飯稍濕了少許。 沙薑雞肉質頗鞋。清蒸黃立䱽魚香可以，但因蒸得過火，口感有欠滑溜，實身。西芹炒斑球斑球調味很鹹，並腍到有點怪。金銀蛋白菜仔金銀蛋很碎，白菜仔一般。 凍豆漿以熱杯盛載，令人有點始料不及。凍檸茶OK。整體食品水準麻麻。******************************泊車情報：商場消費滿$150可享免費泊車一小時($13/小時)。