壽司郎 (禾輋廣場)

营业中

休息中

今日食買玩係禾輋見到有呢間店，當然二話不說，食咗先講。午後時間唔駛等位，可以慢慢品嘗。開心選了雞軟骨，吞拿魚卷，熱清酒，當然仲有必食的軟雪糕啦。enjoy holiday 就是幸福。

依家壽司郎有返電話拎籌系統，真係方便好多！唔使好似以前排隊兩個鐘今次星期日食，已經提早兩日拎籌，但都午餐時段滿晒位，唯有拎11:45早少少做午餐😋如果一早知會食，真係要提早幾日拎籌，選擇心儀時間去到基本上即刻可以入座，限時60分鐘梗係即刻落單叫嘢食，壽司好快都送到特選中吞拿魚腩 真係幾好食😆值得一試呢個蒸水蛋超級推介 每次食都好好味夠蛋味又滑同超級熱吞拿魚3併都唔錯 一碟試晒三種口味又平啲呢個好似係油甘魚壽司 油脂啱啱好好鮮甜反而帆立貝今次普通 鮮甜美唔夠三文魚就正常依啲咁特別嘅魚，唔係每個人都啱口味仲有個南瓜天婦羅其實整得好好掛住食，唔記得咗影相😂真係到60分鐘就會有人提我哋要走

捉住八月的尾巴，九月頭中食到八月嘅餐牌！慶祝五周年，有一個富山螢光魷魚，我覺得呢個係熟咗嘅，我個人比較鍾意食之前生嗰隻多啲。雖然鹹咗少少，但係我覺得惹味啲🥳魷魚三味，依然都係咁好食！茄子壽司都係有驚喜嘅😂仲有豚骨拉麵同蕃薯條。番薯條係甜品口感，凍冰冰，有雪糕口感，但外皮比較硬。每次都會叫南瓜天婦羅，因為真係好好食，個炸皮夠薄夠脆！呢間分店經常有得book位，如果朝頭早11:30到12點，基本上唔使排隊。近近地可以嚟食吓。

我從來都未試過，一個鐘頭內不停食雪糕。為了"我推的孩子"。連續第三日壽司郎，今日仲要連食三杯雪糕🍨，終於畀我連中三元。甜到糖尿病🤢，冇辦法啦，因為好多分店都缺貨，盡力最後衝刺，希望換多幾隻唔同款。

沙田禾輋壽司郎就專登由市中心過黎食，80幾張飛等左差唔多一個鐘，算正常時間啦。兩個人食左19碟野埋單270幾蚊，人均大約130幾蚊都係可接受範圍。，只因為質素就比較一般，而且啲飯太容易散，一夾就散，搞到成日分開三四啖食。食得比較多既係三文魚不過感覺真係唔夠肥美同大塊，咁比較好食既可能就係蟹棒壽司。水煮松葉蟹腳味道真係無特別又唔夠鮮，再配埋舊飯又係格格不入，完全分開既款式。貝三味壽司味道唔夠鮮味，唔太岩自己口味。總結黎講，唔係所有款式都係ok，啲飯好易散其他壽司都比較平平無奇不過不失。唔算好吸引。

生鮮食品是夠鮮味的，甜品也很好。但是天婦羅炸得油淋淋，過晒火。軍艦壽司的紫菜是淋的，呢樣最差。唔係成日食壽司郎，但都間中到不同店。有反映意見，雖然職員話減免碟數，但我們無接受，因為唔係想r著數。希望來緊會有改善啦！

禾輋壽司郎第一次食好難食，賣相又核突，出邊叫號個喇叭又超級大聲！心諗可能係新開張好忙嘅原因。比第二次機會食點解都仲係咁難食，今日抱着希望有改善嘅心態試第三次！都係超級無敵難食。點解禾輋壽司郎會咁難食。食過咁多間壽司郎。禾輋壽司郎真係好難食。可唔可以將屯門個壽司郎搬過嚟？永遠唔會再幫襯禾輋壽司郎？真心講！爭鮮分分鐘都好食過你，又要嘥時間排隊、點解其他分店嘅質素同呢一間比可以爭咁遠！希望真係可以改善吓，咁難得沙田有一間壽司郎！試咁多事都係中伏，好失望

講到壽司郎大家都唔陌生啦等咗好耐，終於嚟到沙田唔使再出城先食到啦沙田嘅壽司郎喺禾輋商場地下仲有標示 教大家喺商場行過去食物方面同其他分店一樣一樣水準，一樣抵食呢間分店喺平日六點之前都冇乜人排隊直接行入去就搵到位！大家得閒就可以去食啦🤣

星期六晚上約六時到現場拿籌，大約等了一小時便可以入座了，假期來說也不算多人，不過如果7時才拿籌應該要等一個小時以上，我們一個小時便可以入座，太好了！食物方面，三文魚類不錯，甜品最好味，南瓜天富蘿必吃。2人用膳時間為1小時，最後結賬$250。用餐體驗不錯。

只要你12:00點前到，快過學生入坐，就可以唔洗排隊直入去！⭐️松葉蟹軍艦濃郁細緻蟹醬，蟹柳絲提升口質感，配上米飯，咸香剛剛好！⭐️特選大吞拿魚腩比較失望，無之前咁肥美！似中吞拿魚片！⭐️三文魚牛油果卷爽脆青瓜，鮮味三文魚腩，就是牛油果醬太少了！⭐️珍寶魷魚天婦羅外皮香脆，魷魚口感軟糯，份量十足，是正常壽司的三倍，好飽肚！⭐️醬烤鰈魚鰭邊最喜愛的壽司之一，魚邊被輕輕燒過，令油脂更為突出，配上半片紫蘇葉，香氣十足！👍🏻⭐️牛舌壽司真是無特別，可以不點🥲⭐️日本產番薯天婦羅見到秋季限定當然要試一試，炸得外脆內軟，香甜的番薯入口非常粉嫩，香氣撲鼻，可試！⭐️朱古力香莓芭菲最後當要要食返甜品做結尾！雪糕奶香味十足，紅莓酸甜可口，凍得格格脆口，朱古力布朗尼香濃，是少女的口味！⭐️焦糖果仁蛋糕特飲是半溶沙冰🍧配焦糖，蛋糕粒吸水過腍，有些失望！

食壽司郎嘅決心就係睇下想唔想永無止境排隊，發覺有一間係唔使排咁耐隊的分店，可以係沙田站行去大約15-20分鐘路程，天橘駁天橋，落雨都唔怕，當晚係平日，等了大約15min就可以入座，好開心啊!!!用餐時間係60min 其實都足夠有餘，入座後先睇下TOP 推介 & 期間限定，壽司都落得快黎得快，口感&質量好過酒店級數，更加唔使與其他壽司店比較，係冇得比較。讚下個茶碗蒸，非常滑嫩&夠味，海鮮材料亦多元化，奈何太多種類，都想試下其他款式，最後甜品係奶茶味卡達拉娜 & 抹茶紅豆芭非。服務員效率快，有事㩒鐘仔好快就應，有禮貌，讚讚讚!!!

試試被壽司耽誤的甜品新店 最近壽司郎開咗好多分店 質素好似有少少直線下滑 今次試試沙田新店 簡單記錄一下.呢次主要試試甜品同埋期間限定食品⭐️奶茶味卡達拉娜$22😋呢件甜品好好食 表面焦糖幾脆甜品都幾實淨 食落口感creamy奶茶味唔重 算係重甜甜品⭐️焦糖布丁🤬👎🏻搖佢完全唔識震 食落口感死死實實 伏求其便利店買都好過佢⭐️北海道產赤肉蜜瓜$29😋好食夠甜 但呢排雷電蜜瓜當做如果大食 建議直接去果欄買4頭 一個都係$140⭐️焙茶瑞士卷$22都算大件 軟綿綿 茶味唔算重 ok啦.⭐️長鰭腩肉配蔥花吞拿魚$12👍🏻足料 吞拿魚厚切 表面大量吞拿魚蓉 可以試.以下3件 壽司飯都做得幾差 一夾起已經半散⭐️蝦三味$17$17 3件 幾抵食 隻蝦質素唔錯 ⭐️香蔥赤蝦$12表面香蔥加埋醬汁 勁香口 呢件好食⭐️壽喜燒牛排$12🤔個名叫牛扒 其實只係肥牛feel🤔成件壽司好鬆散 食牛丼飯 仲開心唔係唔好食 係少少奇怪.如果再開多d分店 質素就黎追上爭鮮.#hkfunfoodrecord窮遊香港#hkfunfoodrecord_沙田.#壽司郎 (沙田)地址：沙田德厚街3號禾輋邨禾輋廣場2樓227號舖.⭐️評分：

一知道話壽司郎揀系香港"中心"(地理上)既鄰里開，系i中返學既我就等到頸到長，終於畢業嗰陣佢就開幕啦總算可以朝聖。雖說尚算新屎坑一個月，但貴為"宇宙最強"，想食請先做排隊黨既壽司郎黎講，3/40分鐘根本係驚大於喜，可能同老牌屋村飲食習慣有關--等位時稍統計過，竟然有五間日本料理，壽司都有三檔（兩間迴轉），仲要同X心旗下元X同層附近打對台，不過現場所見戰況元X似乎體無完膚；亦可能區內知名度不足。要由扮街坊既小弟紹介恥左啲……可能唔少人以為禾輋係個冇鐵到既地方（連openrice都冇教），但其實由火炭站A出口發，都只係需10分鐘路程，轉右沿單車徑直行同路軌平行，經過三條下通道（第二條有樓梯就係去i中），係幼稚園右邊入村，右邊停車場隔離有樓梯上平台，沿有蓋直行就係商場（入門口轉左直行轉右前面左邊就系）。至於食評，連鎖黎講都係一貫水準，大家熟過我啦，完。

開頭仲諗住同屋企人好開心咁走來禾輋邨剛剛新開的壽司郎，點知出晒事，啲老人家第一次嚟食壽司郎覺得攞嘢好唔方便太高，又冇服務，啲豉油冇晒都冇人同我過嚟換，同埋啲嘢難食到想🤮 啲魚生腥哼哼硬骨骨，唔知以為放咗幾日🤢服務又差，衛生極差，送來啲嘢食全部冇冚蓋，仲要一大條軌道，左右都係枱，已經見有人咳🤫啲嘢食已經中晒🍌了🥶開頭都睇過沙田群組壽司郎評價係唔好，始終屋企人未食過都想來試一試，不過真係唔會再有下一次，食開元x起碼好食好多😑

近日開始四週年祭，翻出同新出左唔少餐點，就黎試幾款。之前未黎過禾輋分店，閒日11點黎到唔駛等位，個場都有少少空虛。首推甜品白桃芭菲（$32），雖然顏色單調，但白桃雪葩和白桃都好好食另外試左吞拿魚腩長鯺吞拿魚壽司（$12），其實即係葱花魚腩和普通長鯺吞拿魚的結合版，味道一般，但非常易冧⋯⋯⋯ 未食之前已冧左三次，令人覺得食落有少少麻煩其他壽司和天婦羅同其他分店差唔多，唯一係此分店刀功不太好，如左下角的吞拿魚壽司：中間會分開，不知係咪師傅特殊擺法，另人摸不著頭腦！