壽司郎 (麗新商業中心)

营业中

休息中

因為見到壽司朗嘅社交平台page有新嘅菜單好吸引，於是今日嚟到荔枝角分店試試佢。炙燒焦糖鵝肝 $17 - 焦糖配鵝肝嘅感覺係好夾，鵝肝仲要入口即溶，性價比甚高，忍唔住叫左兩碟。寒鰤魚腩 $17 - 大大件，仲好肥美，性價比又係好高。呢兩款新出都係好吸引！！！醬烤鰈魚鰭邊 - 個人認真食壽司必食，又係入口即溶，暫時都覺得壽司郎嘅左口魚邊係可以keep到一貫水準。極上海膽海苔包 - 又係我食壽司郎必點之一，暫時都未遇到會好腥嘅海膽。

✅燒明太子配忌廉芝士軍艦🍣鐘情明太子嘅朋友可以一試❕明太子加上忌廉芝士必定無死，明太子唔鹹，微辛嘅味道同埋忌廉芝士順滑。但小編比較鐘意平時個款燒鱈魚子配忌廉芝士軍艦 （鱈魚子同明太子差唔多，但用鹽醃漬再熟成，比較鹹少少），建議未食過燒鱈魚子配忌廉芝士軍艦嘅可以試下🤤🤤。💰：$17👅：7/10✅ 日本海產白梅貝雙味🍣一款食晒2種口味嘅貝，貝用「生」&「醬烤」方式整成雙味配搭，原味嘅爽脆鮮甜，而醬烤沾上醬油，食落另一個風味❕💰：＄17👅：8/10———-🤍平時少人食款🤍——-✴️ 粟米沙律軍艦🌽🍣聽左床哥介紹，唸住試一試🤣。但其實只係好普通嘅粟米罐頭🌽+沙律醬，冇咩特別，可以唔使試🫣。💰：$12👅：4/10✴️ 茄子田樂味噌🍆🍣聽左床哥介紹，唸住試一試🤣。中日合璧，茄子🍆+壽司🍣，唔難食，幾新奇，但都可以唔使試🫣。💰：$12👅：4/10

星期四的下午, 趁得閒走來食知下午茶, 到時拎飛, 前面大約有五六個號,  諗住半個鐘咪都夠啦, 點知最後等了大約45分鐘先入到.因為中途有幾個手機取號, 居然仲要比現場取號早入去 (因為少食所以唔清楚規矩)然後入到先發現呢家全部都係卡位, 無水吧枱 (少來, 唔知係咪間間一樣得卡位)所以每一個叫號都起碼等5分鐘以上.因為唔係太肚餓, 只係點了幾樣野.三色吞拿魚, 其中最貴個件中拖(定大拖), 唔肥美又有筋, 同相片差幾條街, 反而兩件普通吞拿魚仲正常,至少無筋.三文魚腩壽司, 正常好食.燉蛋, 好食但咸了一點.就好似係呢三樣, 連同加一, 已經90蚊了,  但問題係, 乜都係自助的, 由落單/拎野食/埋單, 都係自助, 甘個10%服務費收來做乜, 不如直接加係食物的價格上啦.

壽司郎一直都是排隊排隊有排隊，等了一小時終於有位了🤣。 上星期日約了朋友去壽司郎食午餐，雖然等了一小時才有位，但都是值得的，我非常喜歡吃日本菜，特別是刺身及壽司，而壽司郎的新鮮刺身及壽司大大滿足我，我特別喜歡吃Toro，當日就吃了四件Toro壽司，Toro非常新鮮，油份充裕，吃了四件已經有點飽了，Toro性價比高，三個字「平靚正」😊我們點了共10 款壽司及刺生，吃到飽飽，我們還點了兩支啤酒，吃壽司唔一定要配綠茶，配啤酒一樣「正」，我覺得可以消消滯的感覺😆。 雖然用膳時間只有一小時，時間是趕着，但也能吃到飽😆想吹下水，唯有去別的地方再跟朋友談心了。

香港壽司郎長期都需要排隊。因為今天加班了，大約9時發現不用排隊就可以入座，所以就入了去吃一個一人的晚餐。職員安排了四人座位給我，這一間的環境不錯，而且職員態度十分殷勤。食物質素方面，我覺得與日本的壽司郎相比是沒有太大分別，無論是壽司、刺身、麵類、甜品及炸物，味道及質素也一樣好的！特別推介：帆立貝壽司好大粒帆立貝，鮮味十足。茶碗蒸質感非常滑溜，蛋香四溢。裡面配料有蝦、雞肉同香菇。蝦三味壽司一碟三款不同的蝦壽司，包括（赤蝦、熟蝦及甜蝦），適合一個人吃！

上星期去咗荔枝角嘅壽司郎試下佢哋嘅新菜單食物質素方面都係保持一貫的壽司郎質素，整體都Ok。吞拿魚腩油脂分佈均勻。唔可以唔提佢哋嘅抹茶紅豆巴菲！抹茶味濃厚，配埋紅豆沙，好滿足。另外，推薦俾大家試下佢哋嘅茶碗蒸，質感非常滑溜，蛋香四溢，裡面仲有豐富嘅配料如蝦、雞肉同香菇，啖啖都係驚喜，真係非常滿足。雖然店內比較忙碌，但食物都快到。點餐係用電子屏幕，簡單方便。整體嚟講，壽司郎真係一個非常值得推薦嘅地方，無論係同朋友聚餐定係自己一個人嚟食，都係一個唔錯嘅選擇。下次一定會再嚟試下其他嘅菜式！

嚟到壽司郎，當然要試食佢嘅新款😍今次都係同上次一樣揀啲最平嘅試食😁北海道產海螺：呢款海螺食落去個質感好爽口，同想像之中好唔同，好似食緊榨菜咁😁，而味道方面亦都幾鮮甜，推薦呢款👍🏿水煮松葉蟹腳：呢款五月份嗰時候都有出過，不過係$17兩件，所以而家$12得一件就感覺唔係幾抵🫠炙燒太刀魚：呢款魚同普通燒魚味道差唔多，勝在夠大件，而且打孖上夠飽肚🐟魷魚秋葵和布蕪軍艦：呢款我覺得需要加芥辣落去先會有返啲口感同味道，如果就咁就會感覺好滑潺潺🫠天然赤須海老海苔包：呢款味道同普通鮮蝦軍艦差唔多，勝在口感會比較好啲，整睇嚟講唔算太特別。壽司郎喇沙拌麵：呢款係泰式風味嘅食物，喺壽司舖入邊搵到算係幾特別，而且佢做得幾正宗，辣味都好夠👍🏿

朋友返喺外國返黎，大家都好耐冇食過壽司郎，一講完大家都想食，即約即食，仲擔心星期六點幾都會好多人，點知唔洗等好耐就有位試左個新野，吞拿魚萩餅，一開始order嘅時候睇相冇為意係乜，一舊粉紅色嘅野，又未見過咪order下囉，黎到嘅時候見到個面係吞拿魚蓉，再望下個位附近嘅新品介紹，原來佢係吞拿魚產品，好似加左d薑，仲有塊紫蘇葉，食落係fresh嘅，都幾夾新嘅野就食左果炸白子，自己就鐘意食唔炸多d仲有個粟米可樂餅都唔錯最後要讚下，order嘅大吞拿魚腩靚返，有返d信心再order🤤

終於試到壽司郎嘅下午茶啦話說佢有三款嘅Part A 第一款就係四件火炙壽司第二款就係四件魚生壽司第三款就係天婦羅Part B 一碗烏冬或者一碗拉麵我今次就揀咗天婦羅烏冬，因為我係特別鍾意食烏冬嘅。呢個天婦羅絲有兩隻蝦兩件南瓜兩件烏冬仲有一片應該係紫蘇葉大家點嘢食嘅時候記得要點埋天婦羅汁啊！

不知不覺 壽司郎 正式進駐香港已經五週年，相信之後陸續會有一連串的活動吧 !?就4月16日起便推出了三款「屬於香港・家的味道」為主題的壽司。是由 #壽司郎 與百年醬料品牌 Lee Kum Kee HK (李錦記香港) 聯乘。當日去吃只試了其中兩款，其中一款未有，看來之後要再去一次。🍣炙燒經典蠔油日本產帆立貝 (HKD 22)因為本身就很喜歡吃這間的帆立貝，所以會暗暗加分。而且其實加了蠔油來炙燒沒什麼違和感，明顯很有香港的味道。🍣真激辣．吞拿魚拌蝦米辣椒油海苔包 (HKD 17)吃得辣的朋友表示味道剛剛好。我自己就覺得雖然辣但不嗆。再加上吞拿魚油脂的甘香和鹹香的三文魚子，非常惹味。另外堂食單一消費淨額滿*港幣$200 或以上，就可獲得壽司郎 x 李錦記聯乘紅白藍小福袋乙個，內裡有一瓶李錦記大辣蝦米辣椒油和甜品優惠券的喔。4月16日起，每日限送100個，送完即止。

性价比很高，难怪大家都来排队🤷‍♀️🐟三文鱼吃起来还蛮新鲜的，及软嫩绵滑为一体，口感很肥美，值得鹅肝就不太行嗫…我觉得口感并不丝滑，有点像卤的鹅肝的口感，🍚再配上米饭整体吃起来有些许的干巴肥牛乌冬面🥩肥牛的量很多，而且吃起来带着淡淡的奶香味，粗实筋道的乌冬面带着丝丝香甜🍜，汤底清亮带着鲜甜，还挺不错🕉️味道无功无过，但性价比确实高

March Sushiro sesh: here we go!That triple scallops and salmon roes on rice was my sister’s order, the scallops stacked up so high and they literally fell down like a fountain. Mrs golden-tongued liked the French fries and 鯖魚 sushi with mashed radish. We also got her the tempura crab leg sushi. I tried the wagyu and uni sushi: very rich beef taste and velvety uni. Surprisingly good. The raw marinated shrimp dices topped cooked shrimp sushi was delicious and got approval from Mrs golden-tongued a

🤩專為試壽司郎嘅甜品而來🤩🍫脆脆雷神朱古力蛋糕條 $22 🌟🌟🌟🌟面層係一塊70%左右濃度的巧克力中間夾著朱古力慕斯和牛奶朱古力慕斯底層就係普通朱古力蛋糕好濃嘅朱古力味但完全食唔到佢嘅曲奇脆脆☹️建議攞起包裝食 用羹好難𢳂🙂‍↕️🧀炙燒焦糖半溶芝士蛋糕 $22 🌟🌟🌟🌟享受雙重巴斯克芝士 啱晒芝士控不過食得多都幾膩下 建議分享食用🍓土多啤梨吉士忌廉卡達拉娜 $22 🌟🌟🌟土多啤梨味嘅卡達拉娜吉士味完全被士多啤梨味蓋過🍵黃豆粉抹茶蕨餅 $10‼️ 🌟🌟🌟10蚊有8粒 類似果凍Q彈口感嘅蕨餅完全食唔出抹茶味 只有黃豆粉味🙂‍↕️不過睇到個價 咁嘅質素都係正常😌

喺這家壽司店感受到一陣陣海洋嘅呼吸，環境悠閒得黎又帶啲日式小情調。朋友推介，我就點咗個大吞拿魚腩海苔包，實告你，嗰肥美啲吞拿魚咬落去真係鬆化淋漓，惹味到暈，簡直係海之霸王！再一試疏乎厘海鰻，皮脆肉滑，佢嗰個燒汁香得嚟又唔會太甜，夾埋啲白飯一齊嗌，爽口感覺頂級得滯。呢家仲有得食到幾古怪嘅菜色，黃金脆薯配明太子醬，第一口先係驚訝嘅寧靜，之後就係滿足嘅暴風雨，跨界組合竟然出奇地襯！飯後點埋個士多啤梨梅爾芭來個完美Ending，亦唔會令到人失望。嗰層層疊疊心太軟軟滑，士多啤梨嘅酸甜鮮味係咁融化喺雪糕同鮮忌廉之間，甜而不膩！總而言之，食物又新鮮又有創意，幾件經典款食物都幾到位，對於追求平實美食嘅我嚟講，這家店肯定值得再嚟幾次👍🍣🎉。

今個月嘅壽司郎，出咗幾款新嘅壽司：拖羅池魚、極上脂鏗魚、劍魚大拖羅、生拌鏗魚軍艦、炭烤寒鰆魚同埋甘味溫紅薯。其中拖羅池魚有驚喜，食之前諗住可能會有少少腥...食過之後...唔腥之餘仲有油脂口感，好有驚喜👍🏻👍🏻仲要只係$12😋😋 鏗魚新鮮又好食，但個炭烤寒鰆魚壽司就凍咗，若果熱少少就會再好食啲。今次換咗個新嘅公仔喇，其實係一個好細個斜𧴯袋嚟~ 唔好問我佢係松鼠定係其他動物...我都唔知佢其實係咩嚟😅😅