影片
营业时间
今日营业
10:30 - 22:30
星期一至四
10:30 - 22:00
星期五至日
10:30 - 22:30
以上资料只供参考，请与餐厅确认详情
寿司种类多，更新鲜，价格也更划算寿司郎必点品：玉子烧 鳗鱼 三文鱼腩 蟹柳建議：工作日的下午來就餐，就不用排隊喇！ 味道：三文魚新鮮，飯粒口感OK，整體水平良好。價格：平價，人均100左右，性價比好高。形式：回轉或者平板下單都行
继续阅读
呢日又去咗「壽司郎」食壽司，真係排隊排到傻！足足等咗一個鐘，人山人海，真係超多人食。不過依然好期待，因為佢哋嘅壽司新鮮好味又多款式。一入到去，見到佢做緊螃蟹祭，我平時最愛嘅茶碗蒸都變咗「蟹爪茶碗蒸」，蛋依然咁香咁滑，而蟹鉗都算幾大隻，大大嚿肉👍🏻今次仲特別試咗新出嘅魷魚筒飯，魷魚外皮柔軟，裡面包住香噴噴嘅米飯，米飯吸收咗魷魚嘅鮮味，味道豐富。另外又試咗平政壽司，魚身紮實，肉厚，食落新鮮！唔錯😌仲有唔可以錯過嘅，一定係佢哋嘅甜品，叫左我最愛嘅朱古力香莓芭菲！層層分明，香滑嘅雪糕搭配酸酸甜甜嘅香莓，簡直係完美嘅結尾。上面仲有一塊朱古力蛋糕，咬落去好有層次感，真係令人回味無窮。總括而言，「壽司郎」真係值得去食，雖然要排隊，但完全可以原諒！
继续阅读
講真啊，壽司郎呢間店真係幾正嘅，但係有一樣嘢就有啲煩，就係每次去都要排隊，仲要排成粒鐘咁耐！你諗下，肚餓到咕咕叫嘅時候，望住前面條長龍，真係等到心急如焚啊。不過呢，可能正因為咁，先證明咗佢哋嘅人氣旺啦。雖然排隊時間長，但係一諗到入到去可以食到咁新鮮美味嘅寿司，又覺得忍忍都值得。只係希望佢哋可以搵啲辦法改善下排隊嘅情況咯，例如增加啲座位或者優化下排隊流程咁，咁樣就更加完美啦。講下佢哋嘅寿司先，寿司飯嘅醋味調配得啱啱好，酸度適中，米飯粒粒分明，口感软糯又帶啲嚼勁，唔會一夾就散晒。好似嗰三文魚寿司啦，三文魚色澤紅亮，紋理清晰，一睇就知好新鮮。放喺口入面，魚肉鮮嫩肥美，油脂豐富，輕輕一咬，魚油嘅香味即刻充滿成個口腔，同醋飯嘅味道融合得超正，真係食完一件想再嚟一件！再講下嗰海膽寿司，海膽嘅顏色橙黃橙黃，望落去就好誘人。入口即化嘅口感真係冇得頂，鮮甜嘅味道瞬間爆發，同米飯嘅搭配簡直係絕配，不過價錢就有啲小貴啦，$.27蚊一件，但係為咗呢個鮮味，都係值得嘅。仲有嗰魷魚筒飯，魷魚筒夠晒彈牙，口感爽脆，裏面嘅米飯吸收咗魷魚嘅鮮味，食落去香口又唔會覺得膩。不過都有少少美中不足嘅地方，就係魷魚筒飯嘅米飯稍微硬咗少少，如果可以軟少少就更加完美啦。至於價格方面，整體嚟講都算係比較親民嘅，有平有貴，可以根據自己嘅預算嚟選擇。對比起其他高檔嘅寿司店，壽司郎嘅性價比真係高好多，同樣嘅食材，喺嗰啲高檔寿司店可能要貴幾倍價錢，但係味道都未必比得上壽司郎。好似之前去過嘅某間寿司店，雖然裝修好豪華，但係寿司嘅味道真係普普通通，價錢仲貴到離譜。總之呢，壽司郎嘅美食係冇得彈嘅，就係排隊呢個環節有啲考驗耐性囉。不過對於我哋呢啲忠實粉絲嚟講，為咗食到心水嘅寿司，排下隊都係心甘情願嘅啦。你哋有冇試過排咁耐隊去食壽司郎啊？
继续阅读
我有個朋友非常鍾意去壽司郎, 我之前未食過, 所以佢就誠意拳拳咁樣帶我去食, 佢一早攞咗飛, 之後就有一個比較後嘅時間同我哋集合, 就好快有得入坐了！佢價錢的確唔算貴, 而且每嚿壽司上面的材料也算幾大舊, 就算攞咗好多碟之後, 最後大概每人都係200蚊以下, 都可以再嚟食, 不過就要預好啲時間先得, 因為佢都好多人排🤔
继续阅读
三文魚半敲燒軍艦一般般北海道產白子天婦羅剛炸好，很燙熱，不錯，但我對白子沒有特別感覺，白子壽司也吃過，北海道產白海螺很爽口，上次在東京吃的北寄貝也是很爽口的，北海道的貝類也是特別好的白鳥貝不錯的，可以一試秋刀魚可以的特盛蔥花吞拿魚軍艦蔥花吞拿魚軍艦到壽司郎都經常點的，但不久前到東京，吃了藏壽司和濱壽司的，他們的更綿密好吃! 希望香港也會有藏壽司的分店而濱壽司也可多開幾間分店！寒鰤魚寒鰤魚腩寒鰤魚與炙燒紅葉鯛刺身盛寒鰤魚腩肥美，刺身更好吃，但炙燒紅葉鯛就一般， 銀帶魚兩件魚片近未端那裏還是相連，沒有完全切開鮟鱇魚肝軍艦不是每個月也有的，其他壽司店也比較少見，所以看見都點來吃，平宜又美味。鯡魚卵軍艦一般鰻魚海鰻鰻魚好吃，海鰻一般微溫甘甜紅薯蛋糕一般炙烤瀨戶內檸檬芝士蛋糕檸檬味如果再濃一些會更好百年茶舖抹茶蒙布朗蛋糕不錯，中間是白色的忌廉。炙燒焦糖鵝肝鵝肝很creamy ，不錯的茶碗蒸不錯，蛋很滑北海道南瓜焦糖燉蛋蛋糕好吃千層蛋糕好吃，推荐
继续阅读