復興香港仔魚蛋王

营业中

休息中

這一間餐廳，位於繁華鬧市裏的街市，雖然不顯眼但今次在朋友介紹中到這間餐廳食我喜愛的牛腩麵，先說這個牛腩麵的湯底非常濃郁而有牛骨的香味，河粉方面非常之咁有彈性到主角啦，就是牛腩我覺得佢煮的牛腩時間相當之好，為什麼這樣說呢？因為這個牛腩在口中有咀嚼感，但是不會殘留纖維在牙齒上，感覺上有溶化的感覺非常之到位。

此女店員(不用穿黃色制服)態度惡劣，好聲好氣同佢講：寫嘢吖唔該。佢用傲慢態度回應：等一陣，我啱啱返工！當時見佢同其他阿姐圍住大聲講笑！其實樂富分店食物質素幾好，每次食牛肚牛腩都唔錯，可借畀呢個阿姐嘅態度破壞晒。

樂富呢個位置食粉麵方便又唔差但每次去諗住落單幾個呀姐圍住吹水唔理d客幾次都係咁不停大聲講野傾偈收錢又係唔理人老細如果見到可以改善下呢？你間野係好食無但無人招呼想落單唔知搵邊個好

今朝一早見冇咩人，就諗住快快手坐定定係度食碗麵就去街市買餸，見d侍應，自己吹水多過做野，店內衛生亦好麻麻，都唔敢望得太深入，驚見到會唔敢食。🙈🙈🙈🙈餐單內牛類別偏多，最後揀左碗🦐蝦籽雲吞米粉🦐。一上到黎就知係冇味的，於是落左辣椒油，一般魚旦鋪辣椒油都係高質，但呢間就🤦🏻‍♀️，油好少，渣睇落都唔似平時見開的，食落都冇咩味，就放棄啦，米粉就正常啦，雲吞皮算薄，蝦少肉多，而且係肥肉多。

老伯說：俾杯水我洗筷子丫唔該。女職員說：等陣啦呀伯，咁講究就留喺屋企啦。門外等外賣男子說：點解我個外賣咁耐？遲過我叫嘅都攞咗喇喎。。。女職員說：煮野要時間嫁，唔等我退錢俾你啦。買外賣丸嘅女士說：魚旦魚片點賣？女職員：（冷眼沒任何說話）手指住外賣價錢牌。以上是一碗面的觀察時間。樂富嘅街坊真係忍得👍

職員態度惡劣，我想買一啲丸打邊爐，企咗喺門口好耐，入邊有一個職員見到我唔理會，咁我叫咗好多次買丸，仍然不理會，有時間同客人吹水，亦唔理會門口買外賣嘅人客，到我入去叫話想買丸，佢話佢唔得閒，我問佢咁即係賣唔賣，佢話你睇唔到我唔得閒咩，我唔得閒就唔賣！假如你唔做外賣，你可以寫個牌放喺門口，冇時間做外賣，唔需要我企左喺度10分鐘有多之後你話俾我聽你唔賣比我，希望樂富街坊睇到，冇必要唔好喺呢度買完外賣，一肚氣！

今日放工唔煮飯就去咗哩間粉麵店 買咗哩個成日都食嘅五香牛什客飯加個凍飲外賣返屋企醫肚 個五香牛什惹味可口 　味道香濃送飯啱啱好 每個位置都最少有兩件（ 如牛肺 牛肚 牛沙瓜牛百頁 牛腸 ）仲有兩件蘿蔔 除了得一件牛膀 可能唔係人人鍾意佢個口感 整體分量都比較多 記得記得記得拎佢嘅辣椒油 🌶香辣無比🌶食過返唔到轉頭 價錢方面同一般餐廳價錢差唔多 真係好抵食同好好食😋😋有機會會經開附近嘅朋友真係要一試 正正正👍🏻👍🏻👍🏻

今日到樂富街市買餸，見到復興粉麵店好多人食，我同老公入去late lunch。店舖只有5-6張檯，坐滿食客，我地都等了5分鐘先有位，我哋入店要先量體溫，我哋點了五香牛什米、五香牛筋飯同埋凍檸茶。五香牛什米夠入味，配上纖幼米粉好好味，但牛蒡非常薄！牛筋也算大碗，牛筋入味軟硬度適中。枱上的辣椒油也差唔多用完。食物送上速度快，但落單漏了油菜。而且當我們問有什麼菜，店員叫我哋自己睇餐牌。若服務質素改善會大大提升整體用餐體驗!

每次想食個快飯，都會來呢間位於樂富街市入面嘅，復興香港仔魚蛋王。雖然佢座位好少，但客人食得快走得快，就算等位都唔會好耐。而我必點嘅都係牛肺米加炸魚皮。呢一碗我仲豪華D加左紫菜添哈哈哈！佢嘅魚皮又薄又脆，一啲都唔杉口，一浸落啲湯到，就聽到炸炸聲，令人流晒口水。牛肺亦都做得好爽口，冇臭味，鹹度適中。紫菜吸收左牛雜同湯汁的味道，好好味呀。我食嘅時候都會加D辣椒油同埋魚露，佢嘅辣椒油非常辣，如果未試過，可以先加一兩滴，唔夠辣先至再加！

今日去咗樂富街市買外賣當午餐，去咗復興叫咗鳳城水餃拼牛腩河粉$38，雖然外賣要加$1，但個盒內有分格將湯、牛腩及水餃與湯分開，咁就唔會攞到返公司D河粉發脹哂！雖然唔係咩出奇事，但粉麵鋪有分隔嘅外賣兜就唔係有好多間有！雙拼餸方面：鳯城水餃有三粒，都算係大大粒，而牛腩有四五片唔算係腍但都夠入味，一碗河粉份量夠女仔食，但男士可能覺得唔太夠喇！湯底有腩汁，所以成碗河都好有牛腩味，可以加$9配油菜或炸魚皮！

青菜不會太老，芥蘭好味，湯底味道幾好，環境都算舒適，干淨企理，我叫左個魚皮餃河粉。魚皮魚餃像是新鮮包的，不像包裝食品⋯⋯·平民又港風的車仔麵餐廳，😋😋🤪🤨

樂富街市人來人往，裡面有很多小店食市，種類很多，其中一間經常外面企滿人等位，以主打麵餐為主，等左一陣便有位，座位好少幾張枱，大家要迫迫地，無所謂食完走人，叫左兩碗嘢和魚皮，芥蘭菜，一杯凍飲，埋單兩位都係85蚊，便宜好吃，水準之上，有空再幫襯

牛什店開到開巷，要吃得美味又大眾化價錢，樂富街市裡面一間小店就值得一試，得幾張枱經常要等位，服務員熱情禮貌，年青人厨師快手快腳，牛什就值得推薦，汁底濃味十足，大碗入味牛什再加埋菜心9蚊夠晒飽

樂富難得有好味嘅粉麵店而且價錢又抵食，間唔中都會買外賣返屋企慢慢嘆！點解揀外賣呢？因為鋪頭係街市入面，好多街坊坐低食，好多時都要等位。所以買返屋企係唔錯選擇。同埋佢地外賣會分湯，完全唔駛擔心俾河粉吸哂水牛腩粉一如以往好味，而且牛腩唔會太瘦，所以好夠淋好入味。牛腩同粉麵同湯嘅份量都好多唔會食食下無哂湯！魚片河加色，魚片切得好厚身好大片，有口感，夠彈牙！炸魚皮係每次都必點嘅item，因為佢又脆又大包，而且仲夠薄同入味。跟粉麵加$10都唔駛就有大大包喇！間唔中都會買佢黎返屋企打邊爐呢！值得推薦呢！

香港人喜歡吃麵已成習慣，好似係樂富街市内有間細細地舖，祇得五張枱，所以經常要排隊等位和埋單牆上掛上好多招牌麵我叫了豬手麵和凍檸茶，太座就叫左淨水餃，两隻大大隻豬手和幼麵，材料和麵都好夠份量，拿拿淋食完埋單趕下場，下次要試吓其他款式。