夏銘記 (已結業)

時間：14:45，星期六，4大1小 今日去到有張枱剛剛走哂，我地想坐底但趕人走！話唔做小朋友生意！叫我地下午茶時段先好黎呀！😡我未試過食呢間野，但態度咁差！就算係勁好食我都唔會再去！

工作路過，朋友話呢間魚蛋好彈牙，最緊要係老字號有保證，佢話12點後人多排長龍，我們早15分鐘就到，速速吃了個魚蛋粉、魚蛋麵（$33），果然好味！沒有其他花臣，有啲鋪頭加炸蒜蓉，變得搶了魚蛋嘅味道，呢間唔會

今天星期五，決定跟同事去吃點特別的，於是我們找到了位於西環的老字號，聽說最有名的潮洲粉麵，中午時間就走過去。到達以後，店面真的很小，但是門庭若市，外賣的也超級多，我們等了大概五分鐘左右就可以。本來想點魚蛋雲吞麵，原來雲吞早就賣完，於是就試一下魚蛋魚餃麵另加一份炸魚條。魚蛋魚餃麵湯底清甜，麵質爽口，潮式魚蛋有魚鮮味，是店家自己打的，魚餃皮非常薄，卻不會一夾即斷，師傅的巧手不容小覷。炸魚條重點是這個重量級的魚條，魚皮炸得夠乾身，一咬下去非常juicy，成功鎖住魚汁，彈牙非常，而且是厚切，是非常厚，那個口感的滿足無法形容。炸魚條原來即點即炸，而且每天限量發售，吃完這個魚條我想再也不用到別家吃了。

建議縮減份量3分1剩3分2份量適合個人享用現在份量過大而又沒有散賣還現在天氣轉冷應該放在有加熱器皿範圍內讓客人感覺是剛完成的鮮炸魚肉片原因我在中午最旺場時都感覺有的凍其他遲啲到嘅老細很定唔好得過我應好似以前香港仔老謝咁熱騰騰咁就包好食我很定畀101分你希望老問接受小弟見議祝生意興隆

聽朋友講呢間舖頭係老字號，都幾有名氣， 所以今日去呢到食個午餐，我叫咗魚蛋麵， 店員都好快手，好有效率， 食落啲魚蛋真係好滑，好好食， 極力推介呢度嘅魚蛋👍👍👍 正呀!下次會再幫襯😋

我是油蔴地舊舖的老街坊，專誠帶我5歲的女兒遠道而來捧場的!眼見老店東也在場，本想和他打個招呼!誰知步入店內，少東便向我說:你的女兒吃得快嗎?現在午飯時間……我未聽罷便掉頭走了!不知所謂!這樣對待客人嗎?難道有小孩一起便不能光顧嗎?況且門外也沒有人在等候!我知香港地租金貴，蝕不起便不要在香港開店吧!相信店東沒有小孩吧!一點同理心也沒有!有小孩的不要去阻他發達!和舊舖相比態度差很遠，以前老店東服務很好的，有說有笑，因此才能留住一班支持者，現在的少東不用說吧!永遠不會再光顧此店!

今次食潮州四寶河粉！河粉算是薄型嘅，清爽又滑。料好實在豐富，紫菜好多，魚蛋牛丸都不少，只是湯底過於清淡，但是加了炸蒜和蔥花，口味算是相當好了！下次可以試試其它嘅嘢。

此店少東態度極度傲慢。食慢少少會因為外面有客人排隊為由，會有說話聽。若果有小朋友更慘，少東會叫小朋友食快啲，一碗咁熱既麵，請問如何能要小朋友食快啲呢？我都係生意人，生意當然想做多啲，但客人係咪應該至上呢？得一客千言萬語，失一客三言兩語。請少東銘記！

態度極差 唔喺繁忙時間 叫得少嘢喺度嘈就算食物有幾好食 （其實一般）服務態度唔好已經無下次如果咁計較一定要有最低消費， 咁又唔寫清楚？叫得少就話 「個個好似你咁就收檔」咁唔該快啲收檔

夏銘記是少年回憶，記得在油尖旺區唸書時，偶爾也會到夏銘記吃碗魚蛋粉。夏銘記的新店在西營盤，今天特地過來尋回那年少時的味道，下午一時半來到，門外已有八人等候，看看店內座位不多，只有三、四張六人枱，難怪即使一個人用膳也要等上十分鐘。來夏銘記，當然要再嚐嚐它的魚蛋、魚片，我點一碗浄魚蛋魚片、一碗墨魚丸魚片麵和一碟油菜作為午餐。不出三分鐘，點的麵食已到，墨魚丸帶少許墨魚粒，味道不太濃，魚蛋和魚片很爽滑，沒帶一點魚腥味；沒有吃夏銘記多年，印象中和以往的味道差不多，但現在個人口味轉了，較為喜歡質感實些、重魚味些的魚蛋。這店既是老字號也是蔡瀾至愛之一，一試無妨！

由勝利道時代開始，到百老滙電影中心附近結業，到現在由老闆兒子於德輔道西重開，我一直都是「夏銘記」魚蛋粉的粉絲。重開後首度光顧，當然是想看看那熟悉的味道有沒有改變。坐下後看到牆上掛了一幅夏老先生擠魚蛋的畫像，想到往日的情景，心中還是暖暖的。想也不用想，當然先叫魚蛋粉。湯頭還是淡淡如水的老味道，某程度上不會搶去魚蛋的光芒，河粉滑身但不會過份驚喜，但吃夏銘記的重點是魚蛋和魚片。幸好大致還是熟識的味道，魚蛋和魚片不會像坊間的白魚蛋般過份的爽彈，但魚味充足，又不會過鹹，是傳統的味道也。嫌湯淡口的話，只要加點此店的自製辣椒油，此物辣得來有層次，加一點味道即起變化。感覺魚蛋的味道並非百份百像舊店，問老板用的魚是否和以往不一樣，他說現時水準更好呢。因為以往在九龍時魚靠人交來。現時在港島方便親自去香港仔攞魚，更易做好監控。是否新味勝舊味我不敢說，但畢竟八成像舊店，我也滿意地收貨了。唔夠喉，叫多個紫菜凈四寶，當中有魚蛋、墨丸、魚餃同貢丸，幾款都有水準，魚蛋外墨丸屬我的第二最愛，爽口清新，貢丸及魚餃也不會像大量製作的沒甚肉味，反而看得出心機也。最後要買番一罐細辣椒油，此物用來點魚肉燒賣來吃的話，絕對能化腐朽

今日想快手食完唔餐繼續做野， 就叫左個外賣粉， 差不多5分鐘後會行到，打電話叫定外賣先，好貪心想食好多樣野，因為通常佢地的份量都不大的，所以叫了墨魚丸拼魚片拼魚餃拼雲吞河粉再加紫菜，聽電話的女士話『呢個唔係4寶價錢呀，會貴啲』，我話『好呀，無問題。』入到店跟坐櫃面的婆婆說是來拿外賣的，她都無問我要甚麼，她就話 『$54 蚊啊，最好食嘅妳都叫晒，識食啊！』哈哈，真的嗎?  付款後大約等多2分鐘食物就做好。魚餃，墨丸，雲吞都有2粒，魚片有3片，紫菜都有頗多，這些連湯一起放.另一碗就只有粉及蔥花。魚餃可能浸在湯耐了，啲皮有些散了，肉質仍好吃，亦唔會好多肥肉，只覺咸了些。墨丸好彈，不是淋淋的一隻。雲吞不是很大粒嗰款，每粒都有完整蝦一隻，肥肉不多是我最喜歡。魚片吃得出係新鮮，但都係咸咗啲。今日叫河粉，覺得比麵份量多很多呢，上次點幼麵，唔夠飽呢，這次就飽到食唔晒。

見呢間舖開了一段時間，今天終於有機幫襯！在下午茶時間，其實不是很餓，但出於對麵食的喜好及嗜吃。一入這店，收銀位置掛了一塊外表一看便知副歷史的金色奬牌，上面寫著本食店蔡瀾先生推薦⋯⋯，令人更有期待！我立即下單叫了一碗魚蛋墨魚丸雙併粗麵多葱。十分鐘左右，麵到。望落賣相是不錯，但雙併的份量實在太少！兩粒魚蛋加兩粒墨丸，太少了！麵的份量也不多，但可以接受。咀嚼那珍貴的四粒九，魚蛋是柔軟形，少許彈性，有魚味，但沒有令我留下深刻的印象，尤其是他標磅是潮州魚蛋，和我之前吃過的都有不及的感覺。墨魚丸呢，有墨魚的香味，但太細粒，及沒有一粒粒墨魚肉的質感，結果跟魚蛋一樣，印象不深⋯⋯主打的粗麵，是給我最後的一點安慰。聽過蔡瀾先生嗜麵食，果然他的麵是極之彈牙，加上味道好的清湯（湯是有點薑辣）禾和清蔥的清甜，補救了部分肉丸的不足⋯⋯價值＄34，你說合理嗎？我想每種丸多一粒還可以😂😂😂

餐廳於1983正式成立，2015年退役了，今年年初於西營盤重新開業。個人特別鍾情夏銘記的魚皮餃及鮮炸魚片，魚皮餃外皮晶瑩剔透、 煙煙靱靭 ，每日由店員親自包成餃狀。 因為爸爸是潮洲人， 魚皮餃曾是他的拿手小菜， 製作餃皮功夫多又複雜，坊間有許多店舖都是直接購入的，老闆依然堅持自家製作，實在難能可貴。金黃的魚片鮮甜鬆化，魚蛋雖然不彈牙(因老闆堅持不加入硼砂)，但魚味濃厚。爸爸曾經教我，有許多廚師會加入硼砂，令食物更彈牙，叫我們少食為妙。從前以為爸爸亂講一通，今日才知道這些並非虛言，看來要認真聽爸爸的話了。黃鱔魚的炸魚皮，香脆可口，放入魚湯內發出吱吱咋咋聲。店舖的魚蛋、魚片、各式餃類和辣椒油都是自家製，由於廚房佔了大部份位置，店舖只有數張圓枱提供給食客。由於座位有限，故店舖長期需要排隊等座。

有次返咗去石塘咀（以前喺度讀書）搵個朋友，撞正下晝兩點佢就問我想食啲乜。咁等緊佢返屋企攞嘢果陣喺7號差館附近轉咗兩個圈，就話有間台灣嘢喺對面馬路、一間有幾個人排隊嘅魚蛋粉同埋佢隔離一間疑似懷舊冰室但有少少貴嘅茶餐廳有少少興趣。結果我哋去咗試下呢間夏銘記，見佢上晒報紙話復業、又子承父業咁，由油麻地搬過嚟西營盤嘅魚蛋粉鋪，聽聞佢未結業前有成四、五十年歷史，而且朋友話成日都見到一好多人排隊。去到見到好幾個排隊人士都有返咁上下年紀，心諗都唔會有衰，因為年長少少嘅人好少會貪新鮮，所以食呢間都好難中伏吧～等咗唔洗十分鐘就輪到我了，但朋友未到我就讓咗下一組人入先。喺呢個時候老闆好好人咁問我要唔要入去等（我婉拒咗，始終想同朋友一齊入去嘛）坐低之後，有位姐姐見我哋左望右望就向我哋推薦紫菜魚三味，而我哋亦好乖咁嗌咗2碗（一碗走青）。由於我細個果陣習慣咗食魚蛋粉必定叫枝忌廉（一間喺士丹頓街叫細記嘅，有冇人記得？），所以少不免今次都嗌咗枝。碗粉黎咗，發現魚三味其實只有魚蛋3粒、墨魚丸1粒、魚餃1粒同紫菜一少扎…因為餐牌上冇寫所以不免少少覺得被騙了嘅感覺，心諗早知就要魚蛋魚片河啦。不以為然咁加咗幾滴辣椒油提提味