夏麵館 (已搬遷) 新店位置

每次去到圓方都見到呢間夏麵館排大長龍 經過又聞到陣陣花生醬香味 於是决定一試入到去見到有好多坐位 好多人坐低叫咗碗擔擔麵 食下辣嘢等待時間就奈咗少少 我諗主要係太多人 啲員工做唔切碗麵都算大 好重花生醬味 不算辣 味道都ok;)行圓方呢間都係一間好選擇 唔算太貴 ok多選擇

來到圓方，唔知食乜好，見到有夏麵館就無諗過一支箭同老公入左去，因為我地多年前開始凡去上海都會食，係香港經過就二話不說去幫趁，因此今次都不例外。2:30，不用等位，我們點了嫩雞煨麵和黃魚煨麵，還有燻魚。先來我的嫩雞煨麵。一望已經大打折扣了~~麵質太淋，湯色不濃，餸太少。食落口，麵淋到"無朋友"，一定是煮過時，未食過夏麵館有咁淋嘅煨麵這間的湯不像平時其他店的濃湯底，其他店一飲便知是落足料 & 夠時間來煲的....跟住來老公的黃魚煨麵，亦是大失所望~~~那麵質還比我那碗淋得多，是淋到一夾起便會碎那種真的未食過咁差的麵。此時老公跟一位阿姐說為什麼這麼淋？！阿姐只拋下一句：煨麵係咁架喎！便走去了.... 這是什麼態度？！以為我們是第一次來吃的遊客不知道嗎？！ 真是人都癲！我試了一口他的黃魚湯，嘩！得腥啊！平時食的是很濃很香的鮮魚味，宜不得快快飲了全碗湯，但是這碗？！唉~~~~~~那個燻魚最後來，仍是不滿，那個汁太淡太稀了，魚是脆脆的，叫做可以搭夠囉....我不知是將貨就價，還是那裡太多內地人所以要求低呢？！總之大失所望！以後不會來這間夏麵館了~~

之前嚟 elements 食過幾次擔擔麵都OK好味, (Causeway bay 分店超難食!!!!)但係今次出事喇!!!! 好水汪汪係湯加一層辣油係面 冇花生味好彩麵冇淋 pat pat未食過咁差嘅擔擔麵 成 $44有相為證!!

我總共吃過兩間夏麵館，一間係呢間，一間係荃灣，荃灣果間得個平但難吃，呢間就好吃好多，好似荃灣個唐心蛋超咸，呢間好吃好多。

到商場逛街會發現其實所有的食店都似曾相識，可能正如電視節目所講小商家跟本沒有本錢在大型商場開業，商場租務部亦不會冒險出租給一家很有心但無背景的創業者吧……走進夏面館，連鎖經營的確有優勢，地方寛敞，坐位舒適，衛生良好，服務員衣著整齊有禮，剛剛坐下已送上開水及熱情招待，對白雖機械化但態度親切，但因不是太餓只叫了小籠包及紅燒牛肉面小籠包即叫即蒸，等了一會便上枱，皮薄肉滑，入口熱騰騰，但肉質沒有很新鮮香濃的感覺，不過不失紅燒牛肉面，大大碗，湯底太清，但正好把汁濃味重的牛肉突出，面質有咬口，$55元算合格可能胃口開了，再多來紅油抄手，大小剛好，一口一件，不太辣，帶點甜味，不錯棒棒雞？跟雞絲粉皮好像無什分別，不過那個芝麻醬實在太香，連粉皮一起入口感覺超滑溜總結是一客上海粗炒，傳統炒法，油多味濃配料少，但那個面好像太淋，不過這個價錢在圓方晚膳還是可接受

突然很想吃熱騰騰的湯麵，所以選了到夏麵館。點了一碗獅子頭湯麵、翡翠苗、麻辣肚絲和蟹粉麵。獅子頭湯麵非常大碗，但只有一只獅子頭，孤零零的。。。味道都可以。蟹粉麵則麻麻地。翡翠苗好吃，但份量太少太少了，五十多元一碟，也太過份了吧。麻辣肚絲很麻辣，味調得好，如果多點肚絲會更好。覺得退步了，有點失望。

排骨無乜特別, 個面就幾好食, 個湯底都幾好飲呢隻咁 ge 蛋, 真係諗唔到點解值 $18 囉, 食左係咪曉飛?!賽旁蟹我至 like, 加埋醋, 一流! 咕嚕魚塊, 我兩個囡食唔停口, 比平時食多成碗飯 仲有個小籠包, 唔記得影, 好似 $53/4粒, 味道無乜特別, 可以不試!侍應服務非常好, 叫添茶都好快黎添 (茶位每位 $9)上餐速度極快, 地方乾淨企理, 坐得舒服, 商場有大量洗手間,最o岩我呢 d 成日一家大細出動 ge 人

$48。水煮牛肉麵：牛肉份量不多，ok辣，麵多，大荳芽，足夠兩人share$55。口水雞：約十件，好好味，食咁多地方最好味係佢，雞有雞味，皮又夠滑，加埋蔥花同吃，超正！重點係個醬汁，又麻又香，十分惹味$26。夏麵館小籠包：四隻，肉唔鮮，皮唔滑，好普通棒棒雞：就像雞絲粉皮，上面是芝麻醬和雞絲，下面就是粉皮，汁有些花生粒，但個汁唔辣烤夫：又硬又大舊又偏甜麻辣肚絲：勁多筍絲，但超小肚絲，份量好參差，肚絲煮得太淋，欠爽口，唔好味蟹粉小籠包：同夏麵館小籠包相似，蟹粉超小，無汁，真係麻麻地$3。茶位

放工去左element 行街街，本來諗住行出佐敦食飯。行下行下就九點…攰到投降，唯有係返商場入面食。之前幫襯過德福既夏麵館，小籠包同担担麵都幾好。因為已經九點，加上element不嬲都冇咩人，唔駛等位；無哂卡位，枱同枱之間既距離好少，好似搭枱咁…眼闊肚窄既我地又嗌得太多喇… 蒜泥白肉 $45﹕薄切腩肉加上爽滑粉皮，配上辣椒蒜汁，惹味開胃。不過我都係鍾意譚仔果個極多蒜既版本多d~ 蟹粉小籠包 $48﹕比普通既貴廿蚊，不過食唔出太大分別。皮整得唔係幾靚，一夾就穿。 糖醋魚柳$48: 推介菜色，果然有水準。酸甜味剛剛好，魚肉啖啖肉而且爽口。 上海粗炒$48﹕主食冇嗌到担担麵，非常後悔 勁油既炒麵，配料又碎哂；加上唔夠味，愈食愈無胃口，要靠豆板醬先清得哂加$3位茶芥，埋單$212。

閒時與友人相約左圓方行逛，時間剛過左午飯時間，肚子都有點餓了，咪搵下野食囉~友人推介夏麵館，價錢不太貴，，味道不錯 (大家都知圓方大部份餐廳都偏貴的，不唔想食m記，唔通去star bucks 食cake 咩~)去到門口，就見到好多人呀! 雖然係星期六啫，都過左午飯時間啦~ 都唔知攪咩鬼。算啦! 都係要等等左大約15-20分鐘左右就有位，坐底我地order 左~~小籠包 - 味道可以，內有湯料，包厚左少少，總括都可以接受，最少夾起唔會容易穿雞絲粉皮 - 味道一般，感覺好乾，好似放左好耐，不過醬料好味，麻醬好香加埋辣油剛剛好，若粉皮係即叫即整，會好好多囉~蝦兵蟹將伴麵 - 好味道，個料好濃好香，感覺好似好多蟹粉 (可能係咸旦王)，成碗都係黃色的，麵就爽口，讚!排骨擔擔麵 - 湯底好讚，又濃又香，辣咪剛剛好，不過排骨就少少，粉太厚，可惜麵條略少

去Elements 咁多次，我們都沒有來試過這裡，人龍店嘛，所以都好難會排咁長隊會試．今次放假，買了２：４０pm戲飛，本想到利苑飲茶，點之到利苑時約1:15pm，那些只對熟客熱情的receptionists, 望也不望下我們就叫我們1:30pm再來，好呀，我們頭也不回，直去夏麵館．都要等約十分鍾，不過都好過受人冷淡對待．入坐了一張四人小圓檯，好呀．餐牌和皇室堡那間有不同，無所謂喇，照點了我們二人的 favourites.　我們點了小籠包，排骨湯麵，酸辣海蜇，燻魚，紅油抄手等共五款食品．燻魚，呢度唔似鼎泰豐或金滿庭咁用倉魚黎做，呢度用鯇魚．一碟有五六塊，都唔算細塊，甜甜地都幾好味道．不過鯇魚比較多骨，但係肉質就滑點，所以和用倉魚黎做就各有千秋啦．排骨湯麵，上海的排骨並不是廣東人的排骨，上海的排骨是豬扒，一般都是用蛋漿腌過後炸一炸然後切件，與湯麵分開上，呢度的亦然，因為夏麵館主打的是麵，本著對它的麵的期望，可惜呢碗麵令我失望了．它太硬了，沒有一般拉麵的彈牙．豬扒也是一般而已．酸辣海蜇，來的是一小碟，＄４８一碟，係呢ｄ小館來說算幾貴，可能海蜇來貨貴呢．呢度的海蜇是絲來的，配上冷酸辣汁，非常醒

當胃口不好時，就會想起江南傳統的雪菜黃魚麵，須知本地沒有幾家滬菜館會做，可推介的亦乏善可陳，唯飲食網站劣評如潮的夏麵館（圓方店），非但黃魚湯底味道不俗，更難得白麵亦是手拉的，放湯後軟滑順喉，久浸不粉糜，質素甚佳，明知認同者不多，但個人覺得很不錯，值得揮筆述之。更多魚湯故事＠http://foodxfile.blogspot.com/2010/08/blog-post_04.html

20-8-2010收工餓到扁, 唔趕灣仔「下場」了, 心血來潮去了 Elements, 又想食碗麵,「自然」嚟了想試好耐的呢度. 9:30pm 嚟到, 門口竟然仲有人排隊 , 不過一條友「攝」位話咁易, 幾乎唔使等就有位了. 為麵而來, 當然要了「蔥油開洋麵」($32), 再加隻「煙燻蛋」($22).煙燻蛋: 蛋白幾深「茶」色, 蛋黃就極溏心, 成件放入口, 味道其實唔多「煙燻」, 不過帶甜味及「茶葉蛋」feel / 日本拉麵「味玉」feel, 蛋黃黏黏糯糯, 幾好食的.蔥油開洋麵: 竟然係一大碗湯麵 + 一小碗蔥油蝦米分開上 唯有自行夾 d 麵落吉碗再撈蔥油食吧. 白麵條幼如 soba, 質地細滑軟熟, 但食落又帶點爽身, 正 蔥油夠味, 沉底勁多的蔥亦香口, 而蝦米就硬硬的, 不過鹹鹹香香, 拌麵食不錯的. 好好食的一碗蔥油麵, 好此道的值得試試.環境乾淨企理, 而阿姐們就一副唔想理你的態度, 食完快閃好了 -- 睇嚟招呼就係呢度咁多喊面的原因?連加一及 茶芥 ($3) 埋單 $63, 小試牛刀食物不錯, 有機會再來的. 下次食黃魚煨麵!

看電影前在elements找吃的，看到這家店看上去OK就進去了。兩個人坐在最裏面的沙發卡位很寬敞。叫了一個嫩雞面，友人叫了什麽我不記得了。面上來的時候看到很大碗，我的嫩雞面看上去清清白白，有少量碎菜。嘗了一下，面面不但看上去嫩滑，吃上去也是，突然吃到很感動。。。說真的我來香港以後沒有怎麼吃到過在上海時常常會吃到的面的感覺，之前各家店吃到的上海面常常讓我疑惑，今天這碗簡簡單單白嫩嫩軟滑滑的面感覺好熟悉。面面是店裡的師傅親手做的，有catch到上海面的重點~~~面其實很大碗的，配了個很誇張的如同飯勺一般大小的湯勺，感覺是沒有加很多味精之類的調料，味道很自然，合我心意。所以我會再去。

陳某放假，去Elements睇小王子展覽，順便去食多次夏麵館。上一次食已經大約係一年前，感覺良好，今次反而遜色左，去到坐低，冷氣非常凍，同侍應講轉位後仍然好凍，但冇辨法，照食，因為太凍，冇影到相，食左：小籠包：好多肉汁，擺放得好所以唔會一夾就穿，一向好鍾意食小籠包，覺得夏麵館既小籠包好好食，推介。蔥油肉絲麵：本身一心黎想食荵油拌麵，上之食完之後一直念念不忘，點知佢話D蝦未準備好，叫我轉蔥油肉絲麵，本身諗住都應該差唔多，只係冇左蝦姐，都OK啊應該，點知係湯麵黎，佢一開始又唔講明，有少少失望，呢個都好食，但比唔上荵油拌麵果陣油香。棒棒雞：想食雞絲粉皮，佢又話呢個就係，又係上到黎先知係落左辣油，係幾惹味既，但陳某覺得辣味蓋過左花生香味，食到差唔多見底果陣覺得太濃太辣，根本就唔係雞絲粉皮果回事。酸辣海蜤：我冇食，陳某食左兩啖就醒起上次又係order左呢個，但味道太古怪所以冇食，今次又中左招。蒜泥白肉：感覺唔到蒜泥味道，D汁味道OK,但冇蒜味，淨食白肉，冇乜意思。豆漿：都係果句，冇味......好比飲緊清水一樣。樣樣食物都係介乎合格同唔合格之間（除左小籠包），入口係冇問題，但就係差果少少就變得唔