外灘軒

营业中

休息中

同朋友踩單車🚴‍♀️喺大圍交車 順便食飯～圍方食嘢都偏貴🥲所以行去屋村嗰邊睇吓點知竟然發掘到平價上海菜🩵係屋村「冬菇亭」✅有冷氣又闊落無論lunch同埋dinner定價都好親民‼️📍 炸豬扒擔擔麵 ($52)食上海菜最鍾意叫擔擔麵🍜湯底好濃郁又多花生碎🥜 唔算好辣炸豬扒有3-4塊🐷連骨一齊炸肥瘦中等 唔會好韌～不過炸粉略為厚有機會想試吓雞翼擔擔麵✨📍鍋貼 （$12/ 2隻） **晚市追加**下午茶追加‼️$5 / 2隻‼️呢個價錢真心激抵🈹鍋貼底部真係煎到金黃色💛一咬開就爆哂汁 超多肉汁內餡豬肉再加咗少少菜 好飽滿～個底都好脆身 又夠熱🔥呢個價錢冇嘢可以挑剔🤣🤣📍 酸菜魚片 （$118）雲耳、酸菜、寛粉、野菌、芽菜當然仲有主角「魚片」🐠魚片好大塊又無骨 量都好多😙湯底夠酸少油 寛粉都好索味～可以2-3個人share！📍 招牌灌湯小籠包 ($42)總共有4粒 皮薄多汁建議慢慢咬開 因為啲汁超熱🫦好辣嘴一次過飲晒啲汁 全部都係精華🤪入面豬肉都好嫩口 好食～📍鎮江小排骨 （$88）送飯真係100分～ 個汁酸酸地排骨全部都係一口size👄骨肉易分離 肉質都好軟淋～很不錯既小菜👍🏻📍豆沙鍋餅 （$48）

剛好有事忙黎到新翠邨，趁剛好中午時間搵地方填飽個肚，知呢度有冬菇亭梗系去幫襯，好過成日連所快餐。見到有上海菜即刻沖入去試下，午市餐廳有不同飯麵套餐再加小食任選擇，叫左炸豬扒擔擔麵、糖醋魚飯、上海粗炒，再加左鍋貼、小籠包、生煎包同埋雞絲粉皮。。。鍋貼和小籠包都皮薄餡正，多汁到爆出來，跟著擔擔麵份量十足，豬扒炸得鬆脆，糖醋魚塊送飯一流，食到1大半先醒起相機未吃先呀！整體來說，性價比高，有機會一定再來覆綽

呢間上海餐廳隱藏着喺大圍新翠邨冬菇亭吸引區內唔少居民幫襯皆因價錢貼地，性價比高平過大商場連鎖式餐廳好多真正抵食份量足門外貼著 Lunch 時段 低至$19 呢個價錢已經食到一碗陽春麵 同 飲品即刻入去試試見到隔籬枱叫咗上海小菜白飯好似座山咁高▫️小籠包好鍾意食呢度嘅小籠包裏面嘅湯汁熱辣辣．好鮮甜▫️酸辣湯拉麵酸辣到控制得恰好唔會過酸，亦唔會太辣▫️嫩雞煨麵雞肉嫩滑．啖啖肉湯底清甜麵嘅份量充足配埋杯凍豆漿 ． 飽肚又抵食

踩單車踩到嚟大圍當然要搵吓附近有咩好食啦新翠邨冬菇亭原來有上海菜睇吓價錢牌都好貼地．街坊價格幾抵食除咗湯麵之外．仲有中式客飯．同埋鑊氣小炒午市都好多選擇唔夠嘅話，仲可以追加小食食上海菜．點少得叫返兩隻小籠包呢✨酸辣湯拉麵超大碗好有份量酸酸地好醒胃．亦唔會太辣拉麵同酸辣湯比例恰好麵質幼滑．貼心將麵餅剪開一半方便進食✨小籠包小籠包熱辣辣皮唔算厚裡面湯汁好鮮甜下午茶時段追加小食．仲有半價優惠性價比高 好抵食

香港雖然係美食天堂，但其實好多餐廳都唔平下，尤其是係好食嘅中菜😖所以今次就要介紹一間超級良心價嘅街坊小店，大圍朋友真係有福❣️💂🏻‍♀️《水煮牛肉》 $108超鐘意食水煮嘅兵仔見到呢個價錢梗係要嗌一個，點知一上菜我真係嚇親，咁大盤仲要咁多料？！入面嘅牛肉好嫩好淋，而且個底仲要係我最愛嘅涼皮唔係一般嘅寬粉😍好驚喜真係，咁惹味送個菜飯食真係爬咗成碗😂評分: 95/100💂🏻‍♀️《炸豬扒擔擔麵》 $52擔擔麵又係我嘅至愛，香濃嘅花生味再加埋啲炸豬扒落去超級正😚豬扒同麵嘅份量都好多，又唔會厚粉，繼續都係性價比無得輸評分: 90/100💂🏻‍♀️《雜果甜酸魚塊》 $68如果平時都鍾意食酸酸甜甜嘅你，呢一個一定要嗌，啲魚塊非常厚實，大大舊外脆內嫩，加埋啲糖醋汁好開胃🤤停唔到口評分: 95/100‍ 💂🏻‍♀️《鍋貼》 $12/2 下午茶價$5/2隻係呀，你冇睇錯係$5兩隻，呢個係下午茶價。晚市都只不過$12有兩隻，唔係講笑，一咬落去啲汁噴咗過對面😂個底又脆入面有多肉汁，老實講呢個價錢香港真係無咩地方搵到仲要係堂食🙆🏻‍♀️評分: 90/100總結：店員服務態度好親切，野食全部都有驚喜！完全係超出價錢嘅超水準

大圍冬菇亭一間唔起眼嘅街坊餐廳，價錢親民，午餐嗌到成枱餸都只係$128。當日11點去，人流好少，只有兩三枱客。午餐：擔擔麵$30 （包熱飲，凍飲加$3）糖醋魚塊飯$60（包熱飲，凍飲加$3）追加小食：雞絲粉皮$12鍋貼 $10/2隻生煎包 $10/2個凍奶茶 $3凍豆漿 $3擔擔面湯底花生味濃郁，但麵質略嫌唔夠硬。不過$30呢個價錢冇得彈。糖醋魚塊食得出有魚味，醬汁甜酸度可以，其他配菜例如菠蘿同洋蔥就一般。雞絲粉皮睇落隻碟細，但份量都唔少。鍋貼好多肉汁，幾好食。生煎包相對遜色，皮厚同埋冇肉汁。.外灘軒 (大圍)大圍翠田街2號新翠邨熟食亭地下5-8號舖

2024年3月16日 星期六今日去左大圍冬菇亭既呢間餐廳嘗試上海菜，好似新開張咗半年以上，不過一直都冇機會黎試，見到平時都有唔少人幫襯，而且見到門口嘅餐牌寫住嘅價錢都幾抵食，所以今次就入咗去試下午市餐牌都有幾多選擇，而且要一個主食仲可以加錢要唔同嘅小食，價錢都真係幾實惠，仲有熱飲送添，最後我要左一個午市套餐加一個前菜同飲品首先前菜既雞絲粉皮就送到，份量都唔少，有好多雞絲喺上面，而且灑滿左麻醬，食落去酸酸甜甜幾開胃，加上青瓜好爽口，雞肉都幾嫩滑主菜有上海粗炒，足夠一個人食用，炒得幾有鑊氣，食落去唔會太多油，上海粗麵幾有咬口，而且好掛汁，配料有肉絲、冬菇絲同菜，味道唔會太過鹹，平衡得幾好最後再加一杯熱西洋菜蜜，可以解去粗炒嘅油膩感，甜甜地飲完成個胃都暖晒

新年去完車公廟求籤後，周圍搵野食就發現有幾間冬菇亭，其中一間價錢超吸引🤩$36有齊主食、3份小食、1碗湯同飲品，簡直係時光倒流價🤑下午茶時段追加既前菜、炸物、包點同湯有半價！📝最平策略💰陽春麵$19包熱飲追加刀拍小黃瓜$4鍋貼$5/2隻春卷$5/2條老火湯$3Total: $36（全日免加一）你以為追加份量好少？咁就錯！生煎包、鍋貼勁大件，個底仲煎到好脆🤤鍋貼真係必食之一，不過每個類別只可以追加一次，想再encore就要單點～🌟餐蛋腸擔擔麵｜$46好鍾意擔擔麵個湯底，花生醬濃！帶點微辣，幼麵完全掛到湯😋同時每一啖都食到肉碎💁🏻‍♀️與其去商場幫襯連鎖店，不如發掘下多d小店，支持一下

傳統冬菇亭大多是茶餐廳或粥麵店，估唔到有特色食店開設。上海食品除了濃油赤醬，其實還有健康選擇。見到其他人對外灘軒食評，吸引了我去搵嚟食。午餐選擇真係都唔少，價錢平至$19或正常$60零蚊左右有麵或飯，兼且可以以優惠價追加小食還包熱飲或加錢凍飲，在現時經濟環境下都是不錯選擇。噚日叫了冬菇肉絲煨麵，上枱時睇到咁大碗都擔心食唔晒，麵淥得啱胃口，不會過淋，湯濃郁但不是有味精，絕對可以全碗飲晒。冬菇肉絲份量足夠，想不到還添加蔬菜，更加飽肚。追加嘅$10兩隻小籠包，新鮮熱辣上枱，咬開小籠包內裏載滿肉汁，皮薄餡飽滿，真是出色。能在屋邨裏食到咁有特色嘅非粵菜，而且提供經濟實惠份量，足以能令男士吃得飽，怪不得見到不少男食客幫襯，希望佢地繼續維持，甚至發揮更多創意菜式吸引更多食客。努力吧

中午嚟咗呢一間外灘軒食飯！佢哋嘅麻婆豆腐飯真係辣辣辣又香口，令人欲罷不能啊！🌶️🍚😍首先，佢哋嘅麻婆豆腐絕對係正宗川菜風味！豆腐嫩滑入味，配上香辣的麻婆醬，真係一絕！麻婆醬嘅辣味好夠勁，但又唔會蓋過豆腐嘅鮮甜，兩者嘅結合簡直係絕配！加埋啲蔥花同埋辣椒粒，令味道更加豐富多層次！🔥🥢🌶️而且價錢上面係好實惠，仲有好多種選擇，又多咗一間中午可以食飯嘅餐廳😋🍗🍲總括嚟講，呢間餐廳嘅麻婆豆腐飯真係絕對值得一試！如果你鍾意辣味同埋川菜，呢度絕對係你嘅最佳選擇！🔥🌶️🍚✨

裝修精緻用心，地方整潔。成間餐廳感覺好舒服，一d都唔似係屋邨冬菇亭既餐廳。食物質素唔錯，價錢大眾化。待別係佢既金牌担担麵，晚市都係32蚊，超大碗。平時去其他餐廳叫一碗担担麵，大多數都係食完唔飽，一定要加野。但呢度碗担担麵竟然食唔晒。午餐仲抵，唔想再讚，費時比人話係打手。新翠自從冇左奇樂快餐店之後，呢幾年都唔想再留係條邨度開餐。終於有間有heart, 價錢又抵，又好食既餐廳。希望你地繼續保持水準，客似雲來。

母親節試試新開新翠上海食店，外賣自取8人餐，原本諗住外賣一定會凍晒，但原來好有驚喜。因老板說我只需WhatsApp 佢就即時即煮保持新鮮，預算到我什麼時間去拎，唔使係店到呆等。所以雖然我訂購8人餐但拎到返屋企都好熱，雖然母親節8人餐比平時8人餐貴了差不多$500，但我見所有餸都加左份量同節日一定貴d,可以接受，取外賣時老板還送了2份母親節香梘花給我，可送比媽咪，非常有心。全家都好讚賞豬手，個個都讚好味道。松子魚好大條，炸得很香口。雲吞雞份量好多，味道都唔錯。四喜烤麩很好味，唔咸。擔擔麵份量都好多 ，味道都不錯，其他菜式都不錯，唯一係蝦炒粉絲味道唔太好，其他餸也很滿意，整體都好滿意，味道好，份量多，下次會再幫襯。

聖誕節正日 周圍人頭湧湧😰只見呢間樓下新開上海菜仲有大把位😯裝修都尚算簡單企理，下午茶時段價錢都ok就決定一試點左2個下午茶餐孖寶，一個主食+小食+飲品，每個$52上海排骨湯拉麵+小食（烤夫）麵無味道，排骨乾淨淨無肉，份量極少🥶張相個上海排骨我未食過架，一上枱就係得呢三舊甩皮甩骨溶溶爛爛咁上枱。我問個夥計係咪個餐就係得咁小嘅三舊排骨，佢答我「係咁㗎 」！上海粗炒+生煎包正常味道，但份量真係極少。一個成人根本冇可能會飽只有一個細碗多少少，而且裡面冇乜料。總括而言，新開張都唔做好啲留住客人，可一不可再😢食物質素實在差，而且份量極少，$52個下午茶其實都唔算平，所以難怪就連公眾假期都沒有什麼人幫襯。

冬菇亭啲舖都轉手多次，終於嚟到呢間新開不足一個月嘅上海館嘅手上，於是嚟個晚飯試試佢手勢。眾人前後腳到，於是先嗌咗個4人餐等住先，之後散嗌。三鮮酸辣湯酸味比重蓋過辣味，料倒係足。四喜烤麩味清甜幾好，但同我喺第啲上海舖食嘅味完全無異，所以唔肯定呢啲係咪現成嘢。鎮江肴肉色澤有啲暗啞，唔得粉嫩，還好試咗一舊又冇怪味。鎮江小排骨陳醋似乎下太多，酸味過咗火位，肉亦太硬，有待改善。跟餐飯量是太多，4碗可分拆8碗。百葉小棠菜似家常便餸，清清哋好齋感，反而襟食。蔥爆牛肉調味唔錯，京蔥確實夠多，牛就少咗。跟住散嗌如下：皮包肉種類（排名分😋）：1. 窩貼（燙口、有肉汁、煎底脆）2. 小籠包（有肉汁）3. 生煎包（席間有人話好食，但本人覺得啲肉有啲鬆散）4. 紅油抄手（微辣、但冇落醋、冇甜䜴油味、蒜味不足、冇爆紅油淋落去，調味不完整）間間都整水煮魚酸菜魚，你估間間都煮得好食？呢間示範咗出嚟。一般酸菜魚係用鯇魚或生魚，佢居然用龍脷柳（撻沙、鯰魚），係就係冇骨，但全冇魚香味、肉浮、鬆散，辣度係大辣，每食一啖都得小心，因每一啖都嗆喉，並缺少了「麻」，完全冇花椒味，一味死辣冇層次。之後嗌左杯豆漿（低糖），飲哂成杯諗住