多利民素食 (已結業)

住左大埔咁耐都未去過呢間鋪頭食，媽媽今天就帶我黎食飯既款色都多，lunch 黎食可以叫雙餸飯，亦都有d 小菜可以叫😲😲😲但最令我surprise 既竟然係餃子😲😋🤤一上枱見到大大粒已經好開心，入面既料ok 多，唔會只係個皮厚，湯底都有d 生菜送黎食，想食得健康d 又夠飽可以食個餃加份菜🥦🥦🥦另外媽媽推介是例湯，呢到既例湯用料十足，有啖啖菇味，清得黎夠哂濃，岩哂又想健康又重口味既我😋😋☺️

上網得知大埔墟街市附近，有間平價既素食店，咁啱同兩位朋友行完山，又去試下先喺大埔墟街市行過去大概十分鐘，門面係黄色都幾易搵到。入到去，座位好迫，走動都唔太方便，見好多人都係食套餐，食完即走。更加多既人係索性叫外賣自取。我地三個人去到，無人會招呼坐位，見有三個位，即刻搵位入去。叫左兩個套餐，加多一樣送，share黎食佢既套餐係好抵食，$40-$44，有一送，一白飯，一豆漿/湯。$40/$42既套餐仲可以叫雙拼。叫左一個黑椒素鰻魚，黑椒汁淡淡地，素鰻魚好好食，外面炸過，再包住一層紫菜，里面係豆腐。雖然一啲真鰻魚既感覺同味道都無，但素鰻魚係好食既第二個套餐叫左麒麟卷，好大卷，外面既腐皮炸得好香脆，里面用料豐富，好食最後，叫左個小菜，桂花炒素翅。呢個要$98，仲貴過兩個套餐既價錢。不過素翅係貴既。用左西芹，三色椒去炒。我自己覺得唔係特別好食要提提係佢有個短髮樓面態度都幾惡下，感覺好似去食澳牛一樣，快落單快食快走，同平時既素食店感覺好唔同

下雨天…相約了👩吃齋的朋友來下午茶，因她之前吃過早餐；覺得不錯，所以建議來這間素食店。進入店内，不太多人，我們坐了卡位。牆上貼滿餐牌，很多選擇！想了很久，不知吃什麼……而且朋友好像想吃麒麟卷飯，便點了！她也點了另一個炒飯，一起分享。(進食間，不少👨👩一個人來吃)兩個套餐，先上湯，味道剛好，清潤！很快主菜來了，味道不錯，但真的很油膩！弄得晚餐也沒有胃口了。。

最近喜歡吃素....今晚喺大埔收工....一於去屹立大埔多年嘅....多利民素食...！門口成日會有好多不同嘅佛教活動貼出嚟裏面嘅陳設十年如一日....都幾懷舊每次嚟...我都鍾意飲佢哋冇味精嘅老火湯今晚係青紅蘿蔔小豆湯佢哋都有一啲早餐同下午茶....雖然冇乜特別....都算幾抵食我今晚叫咗個...咖喱豬扒素鰻魚飯都算有幾多菜今晚呢個素豬扒就燶咗少少嚟呢度食素...當然唔好期望有好多唔同種類嘅新派食....而且呢度都算幾平民化....亦唔會有太花巧嘅素食....但係能夠屹立大埔咁多年....都算有佢嘅原因....我最鍾意食佢呢個素鰻魚...即係炸腐皮因為都算幾香口...

食得肉多，間中都想食下素清清腸胃，之前經常都會經過呢間素食舖，今日決定入黎試下。餐廳有各式各樣素菜客飯，食飯包湯或豆漿，亦可加錢轉其他嘢飲。落單後店員好快就送上老火湯，雖然無用肉去煲，但飲落依然清甜，湯料有冬瓜，紅蘿蔔及大量眉豆，全部都煲到好淋好好味。今日叫咗最基本嘅羅漢齋飯，份量都幾大碟，材料有雲耳，紅蘿蔔，豆卜，珍珠筍，菇及娃娃菜，每樣餸都唔會炒得過熟，食落唔會太鹹，用黎送飯一流。唯一美中不足嘅係無我最愛嘅筍片，如果可以加埋就好了。總括黎講，呢度嘅素食味道唔錯，價錢亦平民，下次要黎試下佢啲素扒了。

Lunched here with Gran, it's your typical oily style cooking, didnt order much, choi sum, aubergine with pickle and tofu with chopped mooley.. not much flavour, lack of spices.. (they could of left salt n pepper on the table).. it's pretty much Buddhism decor all round. Staff were the rush rush "com'on eat up and get out" sort, hasty and no patience which is expected in HK so normal really Lol. The owner just blanks you when you want something. Think he picks and choose who he serves. Would i c

呢一間係大埔唯一一間齋舖坦白講呢間齋浦屹立大埔都已經好多年.....有我前份工到而家....大大話話都10幾年嘅時間馮係喺大埔初一十五我實會來呢度食齋因為都冇其他選擇老實講如果佢哋喺食物上多啲花款咁就會再吸引啲見呢個招牌就知道係大埔齋鋪佢哋都有做早餐不過味道和款式唔係有太多選擇但係勝在有人情味因為入親去嗰啲都係街坊街里我叫咗個咖喱豬扒素鰻魚飯🐥🐥🐥🐥🐥🐥個份量都幾足夠...所以我叫小飯...免得浪費素鰻魚都係用腐皮做....所以冇乜特別之感豬扒就用冬菇味道還可以勝在夠大塊其實佢成間店舖嘅精髓....在於呢碗冇味精嘅素湯水不過希望佢下次多啲選擇拉

呢間素食 位於大埔新街市對面街，唔知開咗幾耐，但係我五年前都有食過，都仲係好好食（我離開咗香港）蓮藕餅鰻魚呢兩味餸可以推薦比大家，鰻魚係紫菜加炸腐皮，如果配返佢元配既黑椒汁，會更加好味，但係佢黑椒汁好似係日日新鮮製造，如果太早嘅話係食唔到黑椒汁嘅，所以我先改配左做咖喱汁，都ok蓮藕餅，唔係間間齋鋪有得食， 就算有都要訂，但係佢好似我每一次叫都係有，一個字，正

住大埔既朋友應該對「多利民」一d都唔陌生。呢間街坊齋菜館屹立多年，主打平價健康齋菜。大部分齋菜都係以套餐形式供應，一個餸、白飯加飲品/無味精例湯。是日同男友又去到飯堂開飯，我照舊叫節瓜素扒飯跟豆漿。素扒口感的確似肉，配上軟稔節瓜清淡之中又滿足食肉既慾望。男友則點左黑椒素鰻魚。「鰻魚」其實係紫菜包邊，入面係腐皮，有趣又好健康！「多利民」更喜歡用椰菜鋪底，絕對可以令你涉取足夠既纖維！唔想食飯既朋友仲可以轉通粉。埋單只係$82，平過茶餐廳又健康！

炸芋酥卷芋蓉(入口即溶)配上炸的腐皮卷(好香口)腐皮卷住芋蓉(好結實)唔會散開~素牛肉(以豆制品造)配黑椒汁炒(好惹味)蒸豆腐豆腐好幼滑(切得好薄片，扇型擺位，好有心思)炒飯好乾身(唔油膩)黑麥汁(甜甜地)好飲素食店貼滿的格言~

今晚要過大埔接仔仔回家，一人飯局，正好去多利民吃個素飯，令人意想不到的是晚上七點多，排著隊等位的食客很多，雖然坐位有點狹窄，但都無阻貪心的食慾，實在太多選擇，每樣都想吃，這裡為滿足客人嘗試各式菜式，可以選擇雙拼飯。我最後選擇了素芙蓉蛋飯跟例湯南瓜雜豆湯，南瓜清甜，瓜肉軟而有口感，大讚素芙蓉蛋飯，材料豐富，除了蛋香外，有紅青椒和綠豆芽的清爽，素扒的菇香，非常惹味這令人懷念的菜式，童年的回憶，每次都令人捧著滿足的肚子回家。

第一次黎, 8點幾, 都幾多人等位雖然座位格局麻麻, 又要搭枱, 都坐得幾迫下, 食個快飯啫, 就忍下啦一睇餐牌, 價錢超抵食, 客飯都係$38-$42, 如果想淨餸, 小既$30-34, 大既$60-68素食黎講, 選擇都多荔芋酥卷芋蓉好粉, 入口快溶通常一般素食館既荔芋酥卷都係只炸最外層的腐皮, 本來都已經覺得好好味了但呢到連內層既腐皮都炸埋, 整體都非常酥脆, 達到更高層次份量多, 足夠2-3人食麒麟卷, 由好多層腐皮卷成, 外層先炸過, 裡面包了不少炸菜肉碎, 口感帶來不同層次齋鹵味, 素食鋪必食, 酸齋夠酸, 不過咖哩齋味道怪怪地, 其他款既味道都正常

屋企人想食素，甘就陪佢去食啦。星期日晚七點幾到，餐廳都幾full，在店外等左一陣就有位。安排左卡位，唔洗搭枱，都ok。叫左2個客飯套餐同埋一個小菜。客飯套餐包「湯」同埋「白飯」。「合掌瓜湯 (例湯)」，清清地，有幾件合掌瓜。 客飯「蕃茄滑蛋素肉飯」($40)：碟頭太大，蕃茄有落埋茄汁去煮，幾惹味。客飯「鮮菇節瓜素扒飯」($38)：份量幾多，節瓜炆得好「淋」亦好入味，素扒一般。小菜「煎釀三寶」($75): 落單時，侍應已經講左要等30至45分鐘，ok，咪得囉! 食完曬兩個客飯，等左一陣就到。三寶有「苦瓜、矮瓜，豆卜」，細細件。呢個菜用左黑椒粒吊味，如果唔落豆椒會好D。如果再黎食，下次應該唔會再叫，我都係喜歡食返「真‧煎釀三寶」多D。3個人食左百幾蚊，份量都唔小，都算抵。

大埔多利民素食一間好特別素食一族飯堂，此話何解？這餐廳提供早、午、晚三餐外就連常餐下午茶都照顧周到，簡直就係素食人士福音！呢度提供中西式早晨，就連下午茶都照顧周到，感覺窩心相當清潤湯水，甜甜地暖暖地感覺沒有任何味精添加呢味煎釀三寶賣相已垂涎三尺，有涼瓜、豆腐卜配合冬菇組合成三寶，豉汁味道配合得剛剛好素乳豬用麵筋製成，面層比較乾身！

本身唔打算同大家分享呢一間餐廳，所以無咩影相，但講真素食呢講佢真係好出色，同埋都真係無咩人認識，要大埔既地頭蟲先會識去。之前係大埔做左年幾，呢間餐廳係食素既朋友介紹去，舖頭係信佛，唔可以曬嘢，食唔曬飯要講要少飯，唔係食剩會話你。今日都係叫左我最鐘意既香煎芋絲藕餅，佢脆得黎夠呢又唔油，唔知點解做到中間有D QQ既感覺，真係可幾食好多件，平時食素食一係好油，一係好淡，但呢個芋絲藕餅味道適中，又唔油，口感仲好好。今次仲試左新嘢，叫左一個咖喱黃花魚，我自己可能對藕餅情有獨鐘，我覺得呢個一般，但朋友覺得好好食，其實佢係用腐皮整成，味道都幾好，但同真魚仲有少少距離，咖哩唔會太濃但又淡，剛剛好，我覺得配菜都好好食。兩個人兩個餸兩個飯加埋兩杯豆漿，都係70蚊到，呢個價錢，食得健康又好食，真係好少有。