多喜 (已結業)

原來好近公司有間好嘢，唔係朋友提一提我都冇留意到佢，仲話好好食添! 所以要入去試試。 叫咗雞扒照燒拉麵 ，食物一上枱已經好吸引，因為聞到好香，照燒雞既汁又甜甜地，雞扒厚亦同時煎得好靚，又分開上，唔會浸林咗! 而拉麵個湯底都夠濃香，嘢味，面質彈牙及爽口，冇話煮得太林 套餐仲有螺肉送，但因為我好肚餓所以食哂都唔記得影相，都係好好味㗎 ! 這家餐廳價錢合理，又好食，又好坐，仲唔使加一㗎，價錢真係超值，所以要多d黎食晏!

對上一次聚聚不經不覺已經幾個月前，店鋪地方雖小，就是喜歡她一份雅致！好期待鎮店之寶,我們今晚點了少少：黃咖哩雜菜加法包 燒雞泡魚干忌廉蟹薯餅紫薯薯餅燒牛脷芯 燒黑毛豬 蘆筍肥牛卷 燒雞軟骨 肉骨茶雞翼 枝豆 栗米 燒秋葵 鰻魚飯 燒鰻魚 豚肉鳥冬 豬軟骨拉面 燒甜蕃薯最好屋企樓下有間水準相若的食店！

我老公機緣巧合之下認識左店主，佢話佢喺紅磡開左間拉麵店，本身好愛拉麵嘅我當然去試一試啦，店主親自招呼我地，第一次我地坐近門口，店主介紹我地試下佢地喺日本買入嘅雞翼機整啲雞翼，起初不以為意，食落又真係唔同啲，唔會乾爭爭，啲雞翼又好肥美 😍😍，我老公就鐘意食南乳雞翼，而我就鐘意鹽椒雞翼，自此之後，雞翼就成為我地必點嘅小食。店主仲好好人，請我地食多兩個忌廉同綠茶泡芙 😍😍😍 拉麵又係無得頂，時間岩岩好，唔會煮得太淋

熱到hihi, 原本想去附近另一間，點知勁多人，等位就要企街曬，真係陰公豬，所以決定唔等位，是但就近去一間。咁啱多喜唔洗等位，即入。可能主打串燒，令人誤會只有串燒賣，所以無咩人。其實都有拉麵同飯食。我就嗌左鰻魚飯，有螺肉前菜，加兩蚊仲有凍飲。螺肉超大粒 😋鰻魚烤得極香，燒汁咸甜味道非常好，肉質結實，皮仲帶少許煙韌，零腥味，非常好食。唔單止鰻魚，飯亦係中上等珍珠米，又肥又圓又大粒，黏得黎粒粒分明又軟熟，最重要既係每一粒都被薄薄既燒汁包圍，有味得黎唔會咸，一番👍🏻

上次寫食評嬲到震！今次寫食評係因為佢好味到癲！不能不分享！如果你愛食串燒，你一定要去，因為平時食既串燒都係乾乾同乾，原全係食調味料！仲要回家在飲水今次終於食得到食物既鮮味！回家唔使狂飲水！特別推介，當然係燒雞翼，南乳同略勝肉骨茶味，因為味道較為濃郁！次推介，肥美帶子同（慢）魚*好食過我上星期黑門市場果d! 仲帶露筍牛肉串！必吃！我家兩位公子平時出街都唔會食雞翼，今次兩個要爭食！仲要係有骨雞翼！真係估佢唔到！串燒之餘仲有烏冬，唔使咁熱氣，一家大細都有得食！店主果然用心預備。我又要度下再去食多次先得！人多記得訂位！因為鋪仔細細！

早幾日同朋友到紅磡食晚餐 經過呢間小店 舖仔細細但吸引左我地一班人入去試下首先我地點左個南乳雞翼 雞翼肉質鮮嫩而且好夠南乳味 燒嘅時間岩岩好 好脆跟住就試左個串燒番薯仔 啲番薯好夠甜而表面燒到好脆有種好似焦糖嘅香甜味 值得一試之後就食左呢個雞泡魚乾 好有咬口 配埋個蛋黃醬非常開胃呢個雞軟骨都好好食 好脆口呢個蘆筍肥牛卷 肥牛燒完都仲保存到啲肉汁係度而蘆荀唔會燒得太乾 食完個口都唔會覺得好油而呢個安格斯牛柳粒聽店員講唔係成日有 咁岩我地去食果日有 所以一定要試下 牛柳粒肉汁豐富 燒得唔會過份熟 值得一試最後就係鰻魚飯 呢個飯後到呢度係一定要試！真係超好食 鰻魚燒得好好 佢食落口唔會有太多骨而且唔會食到有腥味 配合埋個飯食真係想食多幾碗經過紅磡想搵野食嘅話 呢間小店真係值得一試

紅磡出名多嘢食，今日就專登嚟睇吓有冇意外收獲行咗幾條街最後揀咗呢家家庭式嘅日式串燒店。雖然舖面唔大，但好整潔，感覺幾舒服😌嘢食方面都有唔少選擇我地order 咗雞泡魚乾，好香脆同入味仲有好特別嘅肉骨茶雞翼，食落令我諗起Malay 之旅豬頸肉好有口感，好juicy 牛舌厚切，一樣口感十足，portion 仲俾我地想像中大蕃茄肥牛湯烏冬個湯底真材實料，一定唔係罐頭湯。最後仲叫埋鰻魚飯，一見到已經好想食，醬汁香濃總結：充滿驚喜的一餐，舖頭細細但用心製作。最重要係價錢好平民👍

本人間中也會來紅磡區覓食，這天四周遊蕩之際發現了這家新開的日式餐廳，既有晚餐又有小食，看似幾抵食，內裡也坐了不少食客。晚餐都是約 $60-80 便包主食、前菜、甜品和飲品，非常豐富～中華沙律的水很多，染滿了那海藻的綠色，雖知道是天然色素但仍感覺怪怪的。拉麵的湯雖然不太多，但反而令湯味道更濃，落了超多粟米，拉麵落這麼多是必須吧～冷麵有四絲—雞絲、紅蘿蔔絲、青瓜絲和蛋絲，蕃茄切粒，麻醬略加一點會更好，不然部份拉麵會顯得比較乾。在寒冷的冬天吃實在太有挑戰性了，幸好這個冷麵也不算過份冰凍。薯餅的蟹肉味雖然不重，但內裡質感非常creamy，外脆內軟，非常出色～最後以泡芙總結，一個忌廉味一個綠茶味，不會很甜或大份。見這裡還有很多串燒食品，價錢也合理，下次再來都想試試！這餐的食物整體都不錯，小小的店舖雖然只有兩人工作，但上菜速度不會過慢，而且所有食物都是用心製作，希望餐廳可以長做下去！

店面不大，今晚我地有十幾廿人，好在預先訂枱，店主預先已擺好桌子等候! 每樣食物都很有誠意，感受到全是店主有心機之作！別以為燒串燒會「乾爭爭」，不論肉或菜蔬，全都燒得很香但又能保持鮮味和juicy！特別推介：雞泡魚乾：很香、有咬口、惹味，配合的沙律醬很夾！肉骨茶雞翼：很特別，出面好少食到，十分入味,好像滷過很長時間再燒，食得出店主花了好多心機做出嚟，必食之選！炸蠔：炸得來不乾，仍然有汁在裡面不失蠔味，吾錯！IPP級安格斯牛：新鮮juicy、肉質很嫩柚子豬頸肉：肉厚，鮮，柚子很清新，燒過後很香仍有juicy 肉汁！黑毛豬：很香，很juicy, 總之好味！鰻魚飯：每粒飯都有汁很均勻入味，鰻魚軟硬適中，好味！露筍肥牛卷：味道清新好match，很香，露筍很嫩！木魚絲秋葵：燒得很香，但仍然有汁，配木魚絲很好吃，一吃再吃唔停得口！地獄拉麵：我地攔咗中辣，都幾辣，味道幾過引！雞軟骨、雞腎：燒得很香仍然保留肉汁！蔬菜青咖喱及青咖喱雞：呢個青咖喱帶有香茅的清香，又有好濃椰汁味，好好味！燒鮑魚：呢個要訂先食到，鮑魚邊燒得脆卜卜，口感很淋，有點牛油味，好香！

我們一行12人，預先book枱，店主很有誠意預先已擺好桌子等候,很Nice! 雞泡魚干燒：很香、有咬口、惹味，配合的沙律醬很夾！燒枝豆：香和有汁！肉骨茶雞翼：必吃！很特別，第一次吃，十分入味,好像滷過很長時間再燒，入味得來很香，又有肉汁。南乳雞翼：都是很入味的南乳味，喜歡南乳的朋友不容錯過！炸紫薯：熱辣辣吃好正，配合沙律醬味道很夾！炸蠔：炸得來不乾，仍然有汁在裡面不失蠔味！IPP級安格斯牛：新鮮juicy、肉質很嫩柚子豬頸肉：肉厚，柚子很清新，燒過後很香仍有juicy 肉汁！黑毛豬：很香，很juicy, 總之好味！鰻魚飯：每粒飯都有汁很均勻入味，鰻魚軟硬適中，好味！露筍肥牛卷：有誠意的不計成本之作，很香，露筍很嫩！蕃茄湯肥牛烏冬：烏冬煙靭有咬口，蕃茄湯鮮甜濃郁！

補打番呢個紅磡日式小店先之前8號風球後 同屋企人覓食本身想去食雞煲 但係見到呢間 原來我阿e想食好耐就試下呢個啦見佢門面既美食相都好靚炸芋頭餅呢個唔錯喔!! 雖然唔知係咪佢地自己整定係買番黎但係呢個炸得岩岩好 非常好食 我地嗌左2個麵 同其他串燒當日食緊既其間不斷見佢有 Delievery Roo 既電單車入黎拎野食仲話當日因為無預計甘多人嗌佢既外賣我地去到 6點左右啦 都算早啦不過已經有野食賣晒啦西利呢個平食 我覺得佢價值高過價錢雖然佢都有少少港式口味 不過都係好好食🙂

本来以为大学毕了业来到这边很难跟朋友喝啤酒撸串儿了，结果到了红磡发现居然这么多串串儿店😂 选了这家看起来很干净的店，冷气真足！点了外卖，想带到海滨长廊去吃，老板推荐了椒盐鸡翅，16块钱才两个，稍微有一点点小贵，也等了很久才又拿到，但是！我必须要说，真的太好吃了！！肉特别嫩，然后味道刚刚好，没有过重的佐料的味道，我给100分🙋🏼其他的紫薯金针菇什么的都还好，金针菇感觉水分有点多，不如鸡翅做得好。虽然蚊子超多，但吹着海风，吃着串串儿，喝着啤酒，小生活十分惬意😌😉

本人就經常去紅磡食野既，我係紅磡成日食黎食去都係個d野，我見呢間新開張，就諗住入去試下味道如何，點知一試，就真係幾中意呢間餐廳d野食，其中不能不提既就係燒牛脷心啦，真係超好食，好爽口，同埋好嫩😍😍😍真心推介去食，仲有仲有，不得不提，去左一定要試一試距地既就地獄拉麵，真係辣到飛起😂😂不過好爽😍😍，好好味，但有d美中不足既就係價錢真係有d貴，不過我覺得值得既，畢竟一分錢一分貨，話說我個陣唔記得影像😩😩，宜家手機入面淨係得個個燒扇貝既張相，不過都send比你地睇下啦🤗🤗🤗

跟同學一起去吃的！味道很棒，最值得推薦的是他們家的雞軟骨，味道非常棒而且很便宜(22元三串)可以說是物美價廉我點了個番茄濃湯肥牛手打烏冬，湯底很好喝，番茄的味道完全融入湯里，酸酸的牛肉份量也很足，配上滑滑的烏冬簡直就是完美同學非常喜歡吃辣的，也很能吃辣，點了個地獄珍寶虎蝦拉面，她吃了一口很激動的跟我說:“哇！很過癮！要的就是這個味道😂”最主要的是那只蝦真的很大炸的東西也是很棒的！他們家的薯餅三步曲(紫心薯餅，粟米薯餅，咖喱薯餅)對於有選擇困難症的我來說，是一個很好的選擇😂因為我三個都想吃😂對了！！！晚餐還有燒新鮮扇貝買一送一，扇貝可以說是非常的新鮮，吃到嘴裡都是滿滿的鮮甜味，肉嫩多汁吃完東西後喝一口他們家的青檸蘇打瞬間人都清爽了好喜歡那裡的環境，暖色系的燈光動聽的音樂夠勁的冷氣讓人感覺很舒坦！很溫馨💕是個和同學一起聚餐的好地方老闆很熱情，服務態度很棒！衛生也是很好的！因為是開放式廚房可以直接看到過程，很讓人放心有空可以去試試！真的很不錯

在紅磡到處都能找到串燒店，但作為一間新開張的日本串燒小店，他們真的做得不錯。首先店里没有那種港式的孜然粉味，坐得還算舒適。重点推介是味椒鹽雞翼，燒得非常香口。牛脷芯也是一絶，没吃過那麽香甜爽口的。還有燒扇貝：大大隻好鮮甜。去開紅磡值得一試