多多餅店

营业中

休息中

多多餅店法式甸包 $15（4/10）唔知點解，我覺得好難食，究竟係翻熱得太耐定係其他問題？包底超級硬，好似法國麵包咁，非常失望！地址：美孚美孚新邨百老匯街65號地舖

今朝上咗阿媽屋企，去到見到枱上面有兩個圓圓大大的布甸包，雙眼立即發亮🤩。之前網上見到，一直都覺得非常吸引，一直都好想試，一直都等緊一個機會。估唔到咩都無做，就突然出現喺我面前。我阿媽話係佢朋友尋日買俾佢的，真係多謝晒姨姨🙏🏼。食之前我阿媽放咗入焗爐微焗約五分鐘，食落去包嘅外皮真係十分脆，裡面則煙煙韌韌，口感一流。蛋嘅部分十分厚身，份量驚人🤩，又香又滑，質感細嫩，除咗好香嘅蛋味，亦帶有陣陣嘅雲呢拿香味，甜度適中，滋味萬分。食完真係大滿足🥹！

每一次嚟美孚，我都一定會過嚟買嘢食😏 特別係佢嘅曲奇🍪 但今次令我失望咗🥲咖啡朱古力曲奇🍪 - 我食咗10幾年😂 佢啲咖啡味好濃烈，咬落去都同樣，唔係得香味😏 仲有朱古力醬係中間🤓 但今次咬落去無之前嗰種香🥹 好失望🙍 $30大約有12塊到鳥結糖 - 朱古力脆心糖係我最愛🥰 我不嬲都唔係好鍾意食呢啲糖，因為覺得好黐牙😂 但呢度完全冇呢個問題🥹 入面仲有脆脆，做嗰層次做得好好👍🏻佢比較短期，所以我只係買一袋仔5粒($25)，無買半磅，甚至乎一盒😂新推出嘅法式布甸包 - $15/個，我有聽佢講返到屋企放入焗爐180度加熱3分鐘，但口感不似預期，個包有啲硬，加埋布甸喺入面，未做到一咬就食到外脆內軟嘅感覺，但係呢個價錢都OK嘅總括而言，如果去開美孚就值得一試，但係唔值得特登山長水遠過嚟買😂 我之前會山長水遠特登嚟買曲奇🍪 經過今次之後就未必再會

對上一次食大概係2018年，我最鍾意係咖啡同芝麻，入口好明確知道自己食緊乜，真係癈話啲講芝麻有芝麻味，咖啡有咖嘛味，追住食。今日約咗朋友諗起可以買黎送比朋友試試，自己都順道買啲回味吓，價格唔算加得好犀利，好可惜，放入口無晒應該有既味道，最重係有陣奶油味，我只諗到「將貨就價」呢4個字，本身已經唔平，應該唔敢加價加得太過份，結果犧牲了品質，送的咁既糖比朋友食好唔好意思但今日既姐姐好有禮貌，我半磅想要3隻味佢都ok，見我買細包雜錦味會提我買盒裝抵啲，所以服務無問題。

難得嚟到美孚，一定幫襯下美孚嘅名物，多多餅店勁多人，入去行完一個圈，見到蛋撻新鮮出爐，即刻買咗半打返屋企食。佢嘅size細細個，比普通餅店嘅蛋撻細，要食兩個先夠喉。個人喜歡酥皮多個曲奇皮，熱辣辣嘅蛋撻酥皮好香好酥脆，小心食到一地碎😆蛋漿好滑好嫩，不過就甜左啲啲。本身怕買半打食唔哂，點知話咁快就清哂，不過就唔會特登跨區去買，如果再去美孚嘅話，一定會幫襯試下其他產品。下次會想試下佢出名嘅曲奇同鳥結糖。

特登去美孚一趟，搵多多餅店，梗係要掃貨啦。買咗四樣嘢食，分享下先。1)雜錦曲奇揀左4種味道， 有朱古力味，咖啡味，都好鬆化， 仲要擺左幾日都唔會淋，好食2) 脆心鳥結糖有四種味道: 朱古力，咖啡，芝麻，抹茶。 鳥結糖唔會太甜，中間有脆脆，增加口感，最愛朱古力味3) 朱古力花生呢個係懷舊小食，兒時味道，朱古力coat住香脆花生，都幾好食。4) 拿破崙呢個拿破崙只售$8蚊一件，但係唔好食，質地太淋，冇口感，中間嘅蛋糕層唔出色，可以不試。

黎到美孚，聽講多多餅店好出名，所以我即刻買佢幾樣名物試一試，我買咗了結糖同埋曲奇餅🍪。了結糖嘅味道超多，我揀咗杏仁味。曲奇餅種類重多，我最後都係揀咗杏仁曲奇，超鍾意食杏仁。回到家裏，先試食了結糖，了結糖超硬，爭啲咬崩咗隻牙，同我之前食喺澳洲買嘅了結糖唔係好一樣，始終太硬我都唔係咁喜愛，啲牙唔夠力啊！食到曲奇餅，只想講一句，好食！夠脆口！我揀咗嘅杏仁曲奇更有雙重嘅脆口感，曲奇餅本身嘅脆，再加上杏仁的脆，正呀！食剩左六塊，儲放左喺保鮮袋，隔咗幾日攞返出嚟食，都係脆口，難怪咁多人排隊去買。不過，價錢其實唔平，而且年年加價。個人而言，佢嘅曲奇餅還是比其他坊間嘅餅舖曲奇做得較好，當別的餅店把曲奇嘅成本都放在包裝及宣傳，我覺得佢還是着重產品本身嘅品質，讚呀！

聽聞多多鳥結咗糖好出名...今日放假特登去美孚買，見佢有個櫃放晒鳥結糖，價錢一啲都唔平，要1xx蚊一磅（冇得散賣....）我喺度諗一陣買什麼味好....企喺度個售貨員好似要逼你快啲揀，唔好阻住佢做生意咁...😤😤最後我揀咗果仁味同榛子味，諗住呢兩個味穩陣啲...點知一食就知中伏....果仁同榛子食落一陣陣油益未...鳥結糖一啲應該有嘅奶香味都冇....只係食到甜味同埋甜味....唔知自己食緊乜🤦🏻‍♀️🤦🏻‍♀️🤦🏻‍♀️好難食好奇怪點解呢粒糖會出名，仲浪費咗我百幾蚊....🤦🏻‍♀️冇下次...

我要減肥，但又極喜愛食甜品及蛋糕，故有時會買這裡的戚風蛋糕，不太肥膩，不太甜，質地又鬆軟，有彈性，有蛋白味，斑蘭味，朱古力味。以前經常食朱古力味，但自大半年前開始，朱古力味淡了許多，已沒有朱古力的香濃，非常失望，現在只好選擇斑蘭味，但今天因有其他甜品食，故揀了蛋白味來配，都可以。

唔知大家對零食，尤其係甜食類鍾唔鍾意呢🍬？大部分人都對甜嘢都難以抗拒，小編心情唔好都會用零食餵飽自己🤤。而今日小編講嘅呢間並唔係一間餐廳或甜品店，而係一間好特別嘅餅店🍪，因為呢間餅店入面嘅鳥結糖出哂名好食🍬，仲曾經上過電視節目。小編放左工都心郁郁特登走入美孚新邨買返兩包食呀✌。✦✦✦✦✦✦✦✦✦✦✦✦✦✦講一講外形先，每款鳥結糖都係用食用米紙包住粒糖⬜，雖然口感上多左陣的簿紙咁，但米紙入口即融嘅特質係非常特別😛。而每一款入面都有唔同類型嘅乾果係入面🥜，增加口感，食落有咬口🦷。而款式有成10種，如果初黎食嘅話我建議可以買什錦鳥結糖，入面有齊10款✋🤚，每款各有1粒，總有一款啱你口味。如果已經搵到啱自己嘅口味就可以買1小包🤭，入面就有同款5粒👏。✦✦✦✦✦✦✦✦✦✦✦✦✦✦🎈咖啡脆心味  入口脆卜卜，咖啡味濃郁，慢慢咁咬仲有啲糖果拉絲，糖分爆燈👍🎈藍莓榛子味  藍莓肉帶啲果甜，乾果比較大粒少少，好有咬口，煙煙韌韌🤩🎈薑汁杏仁味 薑汁味好突出，口腔迴盪住薑辣味，杏仁加薑用糖咁食都係第一次😖✦✦✦✦✦✦✦✦✦✦✦✦✦✦餅店嘅鳥結糖仲有禮盒裝，外型吸引又得體🎁。真係估唔到小小嘅鳥結糖都做到高貴又

幾年前經同事介紹，試過呢度出名嘅鳥結糖，真係一試難忘！上年新年打算喺網店訂購，點知好快已經售罄～今次就自己親身拜訪吓呢間聞名已久嘅餅店。咖啡脆心- 香濃咖啡味，對於每日一啡嘅我嚟講，呢款最好味，推介！朱古力脆心 - 濃濃朱古力味，微微花生味，啖啖脆心，但偏甜，怕甜人士就要注意喇～薑汁杏仁 - 薑味味比想像中重，夠辣，杏仁粒密度高，唔算甜，有驚喜如果想試吓邊款味啱自己嘅，可以好似我咁考慮買小包裝，每包5粒，唔同味係唔同售價嘅當然半磅丶一磅裝係最抵，禮盒裝就好啱送禮，所以新年前係幾墟冚㗎～

男朋友生日，佢鐘意傳統餅店，太靚太新潮太花巧既蛋糕唔岩佢，搵左好耐終於搵到呢間有四十幾年歷史位於美孚既餅店。訂左個手繪妖怪手錶黑森林唧圖案cream 蛋糕，我訂左個一磅。提早兩三日訂比較穩陣，如果要新鮮既，師父會朝早六七點整，最早早上10:30有得拎，好有驚喜呀，師父整得好可愛，個邊又襯番圖案，個蛋糕食落係好軟熟，好新鮮，又充滿小朋友鐘意既啫喱，唔太甜，好香，唔漏，簡直係GOOD!!! 值得幫襯既小店！

今日在美孚食飯，食完飯臨走時當然要黎呢度買最出名既曲奇啦，呢度既曲奇好聞名，好多人都慕名而來，我就係每次來到美孚開會後都會指定動作行去呢間餅店買曲奇餅，雖然佢越賣越貴，但都敵不過它的美味，呢度既曲奇款式好多，起碼有十幾廿款，每次買親都要店員每樣都給一點，因為真係好難取捨。呢度既曲奇好多口味，有鬆化，有脆口，有杏仁，有朱古力，有綠茶，有格仔款，真係咩款都有。口感又唔同，就算好似我識做曲奇都好難一次過做得咁多款，呢啲錢都係要俾人賺下。佢呢度既曲奇做得真係好出色，好食過好多一啲曲奇店。所以都不愁冇奉場客！

屹立係美孚30多年既多多餅店每次經過都想幫襯一下.店舖出名鳥結糖但係小編幾鐘意呢間舖出品既曲奇🍪一盒十款既雜錦曲奇每一款都各有特式😋🔺朱古力曲奇🔺咖啡朱古力曲奇🔺合桃曲奇🔺咖啡曲奇🔺合桃朱古力曲奇🔺南瓜籽紅莓曲奇🔺燕麥提子曲奇🔺亞麻籽曲奇🔺綠茶咖啡曲奇🔺杏仁片曲奇每款既味道都好濃好突出而且香脆鬆化，仲好香牛油味其中小編獨愛咖啡系列☕️非常香濃同特別鬆化配一杯熱朱古力或熱牛奶一流🤤.最後曲奇賣相雖然無工廠式既製作咁工整美觀但小編最欣賞既係小店既自家製既感覺💁🏻‍♀️.售價：$138推介指數：👅👅👅👅👅👅👅👅（8/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻🤙🏻(8/10)

我對美孚唔算太熟，唯一一間認識嘅食肆就係多多，因為由細細個就開始食佢嘅了結糖。由最簡單嘅「原味花生」，到近幾年開始越整越多口味，其中一款係我最鍾意食嘅「朱古力脆心」，另一款就係「黑芝麻脆心」。喜歡多多嘅了結糖，原因係唔會太硬，唔會太痴牙，花生粒夠多！至於脆心系列，雖然有別於了結糖，但係口感特別，而且甜味十足，鍾意朱古力嘅朋友就真係要試下。不過價錢係比較貴，呢度40粒齊晒口味就160蚊，平均都4蚊粒，所以我都係間唔中先食下！