多多餅店

营业中

休息中

一直都無留意其實有為數原小的屋邨餅店，除咗賣下菠蘿包、雞尾包、蛋糕等等嘅包點外，亦會有屬於自己台嘅另類專屬出品。今日就去到位於美孚嘅「多多餅店」今次買咗盒pack裝嘅，入面有3隻味：朱古力脆心、黑芝麻脆心、綠茶南瓜籽脆心朱古力脆心原本先入為望地以為會同繽紛樂一樣夾層嘅朱古力味會好甜，甜到膩咁。但結果食落夾層嘅朱古力醬味唔會太甜，而且唔似繽紛樂咁d朱古力醬會gel住個口👍。黑芝麻脆心芝麻香味好夠同好濃。食完之後諗如果係用白芝麻唔知陣味會係點🤔🤔🤔。綠茶南瓜籽脆心入面混有朱古力醬，食落口初初只係得淡啖嘅綠茶味，思索緊點解無南瓜籽味嘅時候，發現南瓜籽味其實一早就出咗嚟，只喺南籽嘅味道同綠茶味太似。但細品嚐下，會發現有一陣陣植物籽嘅油香味口。呢隻味值得去試下🤤🤤。

慕名而來電視報章也有推介香港製造鳥結糖，閒日中午時段嚟到小店，店內客人穿梭，眼見有位小姐買了數盒鳥結糖，職員熱情招待，而我第一次嚟購買乜都唔知，又唔知邊款好食，加上職員只招呼大客，對我也不多瞅睬，我只好小試牛刀買一包最平又係什錦味試個好味先回頭再買。什錦有10條鳥結糖盛惠40蚊一包，回到家急不及待拆開嚟食，聽講姜汁杏仁、咖啡脆心最好味，咖啡味有濃濃的咖啡香味中間脆心，但甜度略甜，姜汁杏仁沒食到姜汁味杏仁尚香口…而其它味的鳥結糖都比較甜沒太特別，唯一好處是糖唔痴牙，但好食程度就一般般！

多多曲奇餅一直喺本地曲奇餅界都名列前茅。最近一個星期，可以一次過食到兩款岀名曲奇餅：「多多」同「車厘哥夫」，論鬆脆度同朱克力嘅味度，都係「車厘哥夫」💯完勝。多多雜錦曲奇 $50半磅朱古力花（牛油曲奇配以朱克力）朱古力同塊餅嘅比例，同想像中有岀入。朱古力嘅範圍，應該要大啲。曲奇脆，但入口缺「鬆」嘅元素。至於上面嘅朱古力，我哋三個同事都一致認為朱古力係「加左朱古力味嘅糖霜加植物油」，欠缺朱古力味，而啖啖有沙。咖啡朱克力（咖啡曲奇配以朱克力）朱克力口感同上。佢嘅咖啡曲奇算有咖啡味，但唔算香濃。

多多餅店出名鳥結糖同曲奇🍪鳥結糖好黐牙 我就唔係好好呢味啦反而曲奇就想試下啦 事關一出地鐵站d啱啱焗起既曲奇牛油香就攻上個鼻🤣好吸引呀唔知大家有冇食過太子間車厘哥夫呢個間又係以香脆同鬆化曲奇而著名既餅舖相比車厘哥夫 個人認為呢間冇咁鬆化🤔同埋價錢都頗貴 俾錢個下都愕然🤥不過相對嚟講又冇咁甜 同幾香牛油味但係朱古力曲奇上面pat朱古力好甜☹️我以為係少少苦個隻先買食落都幾脆口 但係俾我揀 我都係覺得車厘哥夫好食d

今日路過美孚終於順手買盒傳說中嘅好好味手工鳥結糖試, 上網睇個個都話脆心最好食, 就買左四寶脆心鳥結糖$140(38至40粒), 有黑芝麻, 綠茶南瓜籽, 咖啡同朱古力味, 係好食嘅，唔太甜，唔痴牙, 中間有層薄薄威化, 唔同層次mix埋, 推薦大家試試。

一直搵緊我最心儀既酥皮蛋撻一場黎到美孚就試下朋友之間一直推薦既多多酥皮蛋撻其實可能唔係剛出爐既關係，所以唔見得好酥同埋唔見得好多層既感覺牛油味係有既但係蛋味唔香唔出講真 除左平可以唔洗食～

到美孚例必有個指定動作，就是買鳥結糖，一直都覺得多多鳥結糖的價錢唔平，十粒糖要賣$40, 但它有其獨特性，往往吸引你嚟比錢佢使美孚街坊很多人都認識多多餅店，因為歷史悠久，但外來人，其實都很易找，地鐵A 出口，直走向著曼克頓山莊方向轉入百老匯街便到，餅店新裝修後，大大個招牌，遠遠就看到麵包經常新鮮出爐，所以除鳥結糖外，都會看看有咩麵包出爐就買鳥結是餅店的招牌貨，所以有個角落擺放。每次左選右選，還是選擇十寶糖因為一盒有齊晒多種口味，但其實外型包裝，如果未試過，怎樣也估不到需要賣佰幾元一盒，不過久不久過吓口癮，都唔算過分吖十寶味道包括:原味花生、杏仁鳥結、黑芝麻脆心、夏威夷果仁紅梅、咖啡脆心、抹茶南瓜籽脆心、朱古力脆心、藍梅棒子、西梅杏仁、薑汁杏仁個人喜歡脆心系列，咬落去和澳洲品牌的鳥結糖完全不同，甜度適中，尤其包著鳥結糖的透明薄膜，㗳落令人回憶起大白兔糖的情懷後記:除了鳥結糖，還記得上年度朋友生日，我們在多多訂了一個乳豬蛋糕，內裡是朱古力脆脆，餅底鬆軟，但價錢唔平，兩磅價錢為$640, 但比較過其他餅店，多多做出來那乳豬皮是最神似的，值得一讚

呢間經久不衰的美孚老字號多多餅店，令我一直會幫襯的原因系佢新鮮出爐的吞拿魚包。可惜店員態度麻麻。美孚面包店不多，買開面包都諗到來多多買，不過如果不是新鮮出爐，質素就比較差。好在今天買到新鮮出爐包，一個包足夠做一個滿足的早餐，吞拿魚餡多不馬虎，而且只賣8蚊，比好多連鎖面包店都抵食。今次仲幫襯左一盒豆沙香蕉糕。昵個系細時好鐘意的一種甜品，十幾年冇食了，好懷舊。口感很Q，不算痴牙，豆沙略甜，不過質感十分細膩。

難得收到thankyou糖果真係好感動呢個時勢，幫咗人之後有句唔該都好似已經係好奢侈嘅一件事仲要有禮物收！真係就算幾忙，食完心情都即刻靚曬！多多餅店嘅鳥結糖，聞名以久！但實在唔會經過美孚，所以一直都冇試過竟然有人送，寧舍開心！一包有好多隻味mix埋唔係我去買，所以唔知可以點揀後面包裝寫齊有咩味道咩成份連日文都有！好勁！中英日對照我食咗薑汁杏仁同朱古力脆心口味薑汁咬落去先食到杏仁味，之後就開始好薑鍾意薑嘅朋友一定要試！飲啖水再試朱古力脆心咬落去比薑汁味軟身隨即而來就係咬到朱古力脆脆口感好正！未食過有脆脆嘅鳥結糖一定要試下多多嘅鳥結糖偏軟身，合我口味！

美孚地鐵站一出就見到多多，非常易揾～4,5點都勁多人，成間店都好香麵包味。但我既目標只有鳥結糖。其實諗都無諗，買左十寶鳥結，10隻味齊晒($158), 聽落有d貴，但一盒都有40粒既。不過每粒都好細。一返到屋企已經同老婆食左4分1盒，每隻味都食左1粒。我覺得脆心最好味，所以各位可以淨係單買脆心，一盒40粒都係$128, 抵食d。有一隻係四寶脆心$128 (朱古力脆心，咖啡脆心，黑芝麻脆心，綠茶南瓜籽脆心), 下次淨係買呢隻

近日有朋友在英國來港遊玩數天，來了這裡買鳥結糖，吃過便明白了，雖然沒有富麗堂皇的裝修擺設也吸引到海外客人。******************************脆心鳥結糖 (9/10)我先吃了朱古力及咖啡脆心，拆開錫紙包裝，以傳統的威化米紙包裹，充滿懷舊情懷，味道香濃，鬆化不太甜膩，軟硬十分適中。鳥結糖中心包著脆脆部份，減去黏滯感，吃起來又鬆脆，值得一試。另外，綠茶南瓜籽也十分不錯！好重綠茶味好清香，不過南瓜籽不明顯。產品包裝平實但有中英和日文介紹，營養標籤也做得仔細。上網找多些資料才發現原來這糖早已出名了，而且設有網站，若嫌美孚不順路也可試試網上購買，但不好處是有最低消費$300:

今日表弟約埋其他親友一齊飲茶，所以我們去咗美孚大姨媽屋企附近飲茶，咁啱明日就係其中一個表妹生日，所以我們就喺百老匯街嘅「多多餅店」買個蛋糕慶祝！我們買咗個雜果蛋糕，舖面嘅雜果有士多啤梨、菠蘿、奇異果、蜜桃同藍莓，全部都好新鮮，奇異果亦唔會好酸，忌廉好香甜軟滑，蛋糕嘅質感好鬆軟，雖然蛋味唔算好濃郁，但都有淡淡嘅清香味，而且唔會過甜！總括：以$80有呢個價錢，可以有呢個質素嚟講，都真係幾抵食同幾優惠！

Went over to sister in law’s home and chill this weekend. Felt hungry in the afternoon and went to check out this bakery shop.Quite a lot of people which had a line up of 4-5 people at the cashier. Wanted to get something healthier and good to share so I got this big bun from below...Almond chestnuts bun: - this bun is big, will be enough for about 3-4 people to share with. A nice mixture of almonds and chestnuts. Perfect combo with a cup of coffee

/鳥結糖勝地🍬<多多麵飽西餅>💛椰撻($6)▪️✔️以為係酥皮😲食落原來係曲奇皮😏不過就無乜牛油香la，撻底仲偏淡味添，好在都脆身。✔️表面有蜜糖亮面🍯烘烤過之後表面特別富椰香仲甜甜地🤤但中間就無乜味🙁☝️質地不算太乾，但又無上次百佳個個咁濕潤🤔👉整體無再番食的感覺。✔️🍒糖漬櫻桃少到接近不存在😩....#wwhkfood #uhkfood #hkfoodies #wwhkfood #hkig #hkeat #hkfood #hkfoodie #foodie #foodies #foodiehk #foodieshk #instafood #foodielife #food #foodstagram #foodlover #椰撻成仙日記 #多多麵包西餅

昨天搭車經過美孚，去多多買左包什錦鳥結糖，在門口已拆開嚟試，整體嚟講我個人覺得偏甜， 好似粒粒都要加啲朱古力落去， 似食朱古力脆脆多個鳥結糖，煙靭口感唔夠，anyways, 試過就算了！