多多餐廳 (已結業)

正當同朋友做完function興致勃勃去食餐安落茶飯，入到呢間野，門口見到燒豬掛左係度，心諗呢間燒味唔錯~最初我朋友叫左個蒸餸午餐，叫埋杯熱飲，就諗住乖乖地等食啦~杯熱辣辣既朱古力就係迅雷不及掩耳既速度放左係枱面... 等左陣，有個中年女人走埋黎，同我朋友講... "無蒸餸喎"咁當然迫於無奈就揀左第二個餐，揀左馳名既燒味麵餐，價值$40，不包飲品的。之後佢手快快寫左"$3"字落張單我朋友就立即同個中年婦女講"做咩加3蚊？"之後中女態度極為惡劣講:"加野飲呀嘛？加3蚊囉"我朋友就講"係你無在先，又唔講轉餐飲野加錢！我無飲過喎，唔該你拎走佢"朋友認為個位中女無事先說明就加3蚊...正當同佢話唔要杯野既時候，佢彈左一句:"唔好要囉，飯都唔好食囉！"當然，我朋友火都黎，之後個中年婦女仲講左幾次: "唔好要囉，飯都唔好食囉！"再者，個中女再同其他職員講左兩次...離晒大譜！太太太離譜啦！竟然係旅遊區對個客叫人唔好食飯做左咁多年人都未試過被人鬧唔好食飯囉..簡直影響晒香港飲食業形象！仲有第二樣離譜就係叫燒肉係唔連皮囉，我地又無叫佢走皮！如果我要走皮燒肉不如我食叉燒好過喇，係見門口吊住隻燒豬先叫燒肉

熟習了上班的新地方，當然會試下一些新路線回公司，看看那一條舒適，看看那條路好就時間。是日的我就從地鐵站鑽出來，感覺不好的，因為通往時代廣場的一段路，實在太不好走。而食早餐的地方，就選擇在這一間位於街市中間的多多茶餐廳，買份pre-pack好的三文治，拿回公司食。餐蛋治，一個簡單的選擇，可是這簡單的選擇，的確是pack了好耐，耐到個三文治完完全全的失去應有的熱力，食落，因為是冬天的關係，仲有少少凍冰冰的感覺添。這種港式三文治，必須要熱食，有熱力才能感受到餐肉同雞蛋的香。沒有熱力，連油脂也凍結了，感覺到就是肉油同食油的肥。味道亦因為熱力的失去，香味就此逃跑了。總之，其早餐三文治，我........不滿。

早前o係屋企附近的多多買左份三文治做早餐, 三文治係用三角形的透明膠盒pack好, 即買即走, 返到公司準備食時, 一打開.... 有半份係正常的, 另外半份......有無攬錯呀!!! 雖然物價高漲, 都唔應該搵條'蛋邊'黎呃顧客吧, 枉我時不時幫襯佢, 呢d 手法衰過加價+縮水, 呢d直情係欺柞, 激到我死下死下, 咁樣做生意有無再過份d呀! 由於發現已身處九龍, 我無返多多找悔氣, 不過已經決定以後唔會再幫襯!!! 呢d手法完全唔要得, 半塊蛋值幾多錢, 人地叫蒸魚餐你會唔會蒸條魚骨比人食呀?

Went here a long time ago, but didnt know the name of that restaurant then, but it is near Times Square by the flyover.It doesnt appear to be a restaurant that specialises in Roast meats but there is a roast meat counter at the front.Found out about this shop because some people were staying at a hotel round the corner so they just got some roast suckling pig, its fairly expensive but it tastes really good, the fat and meat proportion is just right.Next time I'll remember to bring a camera.

門口好多人排隊買燒味, 心想一定幾好吧, 但事與願違, 期望高, 失望大, 下午茶餐沒有燒味份先, 唯有單叫, 期望更大了, 因為通常一些餐廳自以為其燒味了得, 才不設下午茶餐的, 叫了一碟燒肉鴨飯, 分開三樣來評, 最差的是燒肉, 見圖已知一二, 燒肉皮完全不脆, 是UN的, 一看便知, 根本沒有燒過的樣子, 而且肉也些少帶紅, 未燒透啦, 鴨肉幾軟, 可是肉與皮之間太肥, 不能與皮一起吃, 白飯太淋太濕, 一舊舊在一起, 好吧, 明天比多次機會你

天氣凍,想食羊,晚上時間在灣仔,就想起此店.三個人叫了:枝竹羊腩煲$68 - 羊腩肥瘦均勻,配料多,又入味,如果炆腍些就更佳.!薑蔥田雞煲$58 - 薑蔥味濃,田雞滑,好食!燒鴨(例)$45 - 這箇燒鴨有很高水準,值得推薦!大豆芽豆卜$25 - 作配菜,O.K.再加一啤兩白飯,埋單$221,p.s.辣椒油夠辣,啤酒妹勤力.都掂!

一間以燒味作主打的茶餐廳，點了一客叉雞臘腸飯作午膳。叉燒頭頭尾尾較多，肉就唔多喇，評分不滿意。相反切雞口感幾滑，味道亦不俗，加上碰巧係雞脾部份，更加good。臘腸偏肥，不夠香，OK吧。餐前蕃茄薯仔湯一碗，出奇地好飲，有點住家feel。餐後凍奶茶一杯，奶味偏重，啱小弟口味。

我買外賣時講明要瘦叉燒肉飯 個阿嬸收錢時面口已經唔係好好 攞得外賣時大大聲聽到係油雞燒肉飯 同個阿嬸講 個阿嬸個阿叔換番 但名嬸隨即加多句"咩依家仲有人食瘦叉燒既咩"當堂起晒火 我鍾意食瘦叉關你咩事 俾錯野我仲咁既態度 錢又唔見你收錯 野又唔係特別好食 一間舖仔都可以咁既態度 咪影衰晒香港人啦 唔該

正月初一‧大霧今時不同往日，大年初一除了不少的食肆有開門，連街市的菜檔及肉檔也年中無休。去堅拿道街市買點貝類海鮮，想起下午只吃糕，有點餓，就來這裡吃件西多。這裡是潮式食物，加上燒臘及茶餐廳食物一網打盡。新正頭還照常營業的，難怪是其門如市。不過地面是滑滑的，衛生環境很一般西多即叫即做，熱辣辣的。麵包薄薄，中間還好是塗了花生醬，溶掉了牛油及加上糖漿，好吃的。25蚊一客，是新正頭的價錢，也無可厚非。熱咖啡價錢是多少？盛惠17蚊是也。不算香濃，但方圓十里想找似樣子的茶檔，都幾困難。

早午饭》《好味的叉烧饭~~叉烧汁拌着饭》《够味又不会腻》《 好快上菜~~~大大一碟~~~店家好心急，，不停问。。食咩啊。。。食咩啊。。。=O= 跟住叫份TUNA SANDWICH。 呀~好味》《 MAYO TUNA~~足分！够饱=O===——外卖好忙》《恩恩 好味烧味 人人爱》《

今日lunch去食左個叉鴨脾飯, $42, 因為唔係套餐所以貴d又唔包野飲, 但係燒鴨淡淡肉, 燒得又香, 肉汁又豐富. 至於d叉燒, 多多不嬲都好好味, 叉燒汁甜甜地好野味醒胃. 叉燒外賣任揀都係$10一條, 有時口淡淡又唔想煮飯, 買番條仲平過自己煮.

老公上星期從銅鑼灣買回家的糯米飯, 與灣仔強記比較, 雖然價錢相同, 可是外觀和份量都相差很遠, 還以為會很遜, 事實味道却不賴。 糯米軟熟煙韌, 有比較之下, 反覺得強記的糯米飯偏韌難嚼, 但用料當然是強記的好很多, 蝦米、腊肉、冬菇、腊腸及潤腸用料統統上乘, 要不然多多的份量怎會比強記多出一倍。雖則說一分錢一分貨, 但味道真的可以, 在老公餓腸轆轆重量不太重質的大前提下, 不失為一個好選擇。

到維園看花展不成，人太多，多得驚人．最終打消念頭。在名店坊「入貨」後，時近六時，媽媽提議到九記，但天生懶行的我，還是叫媽媽放棄九記，用「慳錢」為藉口，打道回府吃飯。要走路到巴士站，途經此店，見門外不少人在排隊斬料，剛好與媽媽又想吃燒肉，即管試試吧！叫師傅斬了一條骨，放在磅上一砰，不消半秒師傅已拿起並說「五十五蚊」。相信這個是「定價」。手起刀落，見在刀光劍影下師傅私底下「醒多幾件過你」，哈。經差不多一小時的車程，回到家中。燒肉還有餘溫，煮好飯後，又是開飯時候！燒肉皮脆，最重要的是肉不少，不像裕滿人家的以骨居多，此處的燒肉，很抵食．肉的味道也不莖，有點肉汁的，很入味。雖然價錢偏貴，但物有所值，不錯！下次可以再來！

好簡單食評, 唔講咁多!皮蛋瘦肉粥+炒麵皮蛋瘦肉粥水還水, 粥還粥。瘦肉切得好厚, 完全唔係果隻feel。有少少油, 好彩夠味, 唔係真係食粥水lor。炒麵好油, 真係好油。一定烚左d麵、炒幾炒就算, 麵質好鬆散、好濕。有dd一底野gei感覺。

我好同意sheepwen和dhhy的意見。上個星期去開鵝頸橋，諗住買隻乳鴿返屋企做餸。見到多多餐廳咁多人，心想這裡的東西應該唔錯，咁我就決定幫襯買隻乳鴿。點知，我問收錢的阿姐(應該是阿嬸才對)攞兩包酸梅醬(我習慣吃乳鴿是要點酸梅醬的)，她竟說買乳鴿是沒有酸梅醬的喎，而且態度十分惡劣，好似唔憂做咁！！阿嬸.....一兩包酸梅醬值幾多錢呀，孤鬼寒。我在香港仔買乳鴿，從未試過唔比酸梅醬的。而且態度比她好幾千幾萬陪啦。可想而知，這間餐廰的服務質素有幾高啦。我以後都唔會再幫襯這間餐廳了！！