多寶樂茶餐廳

营业中

休息中

中上環早餐系列香港人最緊要係咩？係快！作為香港人嘅早餐店，食物質素固然重要，但係朝頭早趕頭趕命趕返工趕返學生死時速早餐出得慢一定係死罪。嚟到呢間食店大家就唔使擔心啦，真心快！快！快！一入門口安排好座位坐低即時落單1分鐘唔使就有得食，講真，傳統茶餐廳早餐，來來去去都係嗰幾味，今次叫咗佢嘅公司早餐，榨菜肉絲米配火腿煎蛋加牛油方包（多士加一蚊）。講到呢度要提醒吓大家，如果你想轉炒蛋係要加兩蚊嘅，凍飲佢都係加兩蚊。但係睇返中上環價錢嚟講，佢算係平呀。其他嘅一個咁樣三樣早餐多數$40起～依一間叫埋凍飲加埋兩蚊都係$35，算係咁。講返食物煎蛋比較細，榨菜肉絲米比較淡，但係杯凍奶茶夠茶味，加番啲分。總結嚟講：趕時間嘅就食呢間啦～

依間嘢嘅四眼阿姐，早餐時永遠拖住網上平台買嗰啲單，搞到好多人遲到。我預早20分鐘前落單，去到等仲要等多10分鐘先有。唔知係唔係網上平台買平啲，所以hold起啲單唔做。但如果你即場用正價買，佢兩三分鐘就整到俾你。成日見到好多人嘈果阿姐。

每日返工都準備想著去這家的茶餐廳試試他們家的午餐 今天中午就去點了他們家的時蔬魚柳餐 真的是滿心期待來著 可是吃的時候萬萬沒想到是炸魚柳‼️已經有點不太滿意，令人更加大跌眼鏡 的是炸魚柳 90%是麵粉 （右圖有真相）魚肉都要拿著放大鏡看才能找到！超級失望呢‼️😮‍💨😮‍💨米飯不知道是用什麼米 一眼看上去就是黃黃的顏色 在上環吃了那麼多家的米飯 吃到這種黃黃的米飯還是第一次😓😓有一句說一句例湯還可以 時蔬也還不錯 這個魚柳就太差

#breakfastforlunch, #cheapeats, #sheungwan, #茶餐廳I can't say this is my favorite, but definitely appreciate for keeping the price low for options in the area.the price reflects most things.. the price is 30% below market. as a return, you should expect similar standard for cleanliness, service, food quality and environment... which I am not mad about

每次去完上環做facial，都發覺冇乜好食， 除咗食雲吞麵之外，就係走嚟食呢間茶餐廳，貪佢有得食炒粉麵飯(因為我走嘅時候大多數都係夜晚七點幾，我都唔知上環邊度仲有茶餐廳未關門)。呢間茶餐廳好明顯係家庭式作業，因為完全冇裝修可言，感覺比較殘舊。佢哋嘅嘢食好平，完全係主打街坊生意。結果，我叫咗佢哋嘅特價炒粉麵飯~咖喱豬扒飯($35 + $2凍飲)，我朋友就食咗個常餐($35 + $2凍飲)。呢個咖喱豬扒飯，雖然只係得一塊豬扒，但好大塊，咖喱好香，以呢個價錢嚟睇，相當唔錯！我朋友嗰個常餐，佢話好驚喜地有兩隻蛋囉，整體味道不過不失 ╮(╯▽╰)╭其實以呢個價錢，喺香港好難食到一個晚餐㗎啦。平民消費，只要唔好有太多嘅外在環境要求，可以推介。

呢間茶記不得了，一定要大大力向各位推介！你哋睇，佢全間店裡裡外外，無論出面門口、收銀處，以至每個卡位都貼咗安心出行 app。而且 ，呢度啲阿姐每個食客入嚟都必然會問佢哋有冇掃到 QR Code。最令人感動嘅就係，今日食飯時分別有兩位阿叔話唔識裝個 app，啲阿姐 （分別有兩位）仲好有耐性咁教佢哋安裝同使用。喺咁繁忙嘅午巿，都仲咁盡忠職守，咁有耐性逐個教，認真係冧把溫！👍👍👍臨走埋單時我同收銀姐姐講：「好欣賞你哋間店，你哋每位員工都好盡忠職守，好有耐性提醒食客用安心出行，成餐飯令我好感動。祝你哋生意興隆，希望我 80 歲都可以嚟幫襯！加油！」食物質素？呢間店嘅好，已經超越咗食物質素，不過都循例講下啦！今日我食咗個沙薑雞髀飯，加熱檸水。雞髀唔算特別滑嫩，因為熟哂。不過都算腍滑唔嚡，而且都有淡淡沙薑味，配埋薑蔥油，美味進一步提升。熱檸水正常，可以解油膩。$39 大大隻雞髀，夫復何求？

第一次光顧，但失望。價錢正常，但質素不正比，不介意質素可外賣33蚊因平。服務態度：坐底姐姐走埋尼，我諗咗一陣佢個樣好唔耐煩。環境方面：有卡位，但好舊，地方不太整潔。食物質素：叫咗干燒伊面，一分鐘就上枱，所以我肯定佢唔係即煮，仲有不太熱，太乾身，味道正常，份量正常。性價比：偏低總結：我期望起碼即燒，但好失望，附近有其他店都係差不多價錢，但會即燒，不夠熱。如下再光顧，只會外賣，因平，我相信碟頭應該好啲，一分錢一分貨。

中上環抵食茶記如果睇開我嗰啲文章嘅，都知道小妹喺中西區返工，附近好多嘢食，茶餐廳更係種類繁多，多寶樂茶餐廳，一睇佢門面就知道佢經營多年，裝修都有返咁上下歷史。小妹我當然保持繼續抗疫嘅精神～外賣自取😆，今日我就一試佢嘅鮮茄牛肉飯，買返公司食，坦白講呢個材料真係唔係好多，個餸同飯嘅比例，明顯牛肉好少😅，不過味道尚可，個汁有蕃茄嘅鮮味👍，如果今日飲熱檸茶，檸檬就有好多片，而且新鮮，因為唔新鮮嘅檸檬會有浸苦澀味，但係佢就完全冇喇👍呢點係值得一讚，飲完杯檸茶，啲檸檬仲可以繼續返沖添😁😁好扺飲❤️

今時今日 外賣自取既lunchbox包湯只係$32一個 可謂相當抵食食過Curry魚柳飯, 份量大到可以當2餐食.亦食過沙薑雞飯, 可惜雞沒有沙薑味, 而且有點硬又無咩味.佢既tea set亦同樣抵食, 雖然係外賣送上office, 但D薯條都仲Keep到超熱超脆係嗌過附近幾間外賣都做唔到既事.

我哋今日誤打誤撞嚟到呢一間茶餐廳。見到門口，有A - H咁多個午餐選擇，咁就入咗去啦。只可以講茶餐廳一間，唔好有乜期望。我叫咗個梅菜魚腩飯，大少叫咗個鹽焗雞飯。碟蒸魚腩冇乜梅菜，魚腩亦都切得比較薄，味道一般。大少個鹽焗雞，啲雞嘅份量唔係太多，好大舊雞骨，睇落去亦都唔係太滑。白飯有好多，大少唯有食白飯食飽。個午餐仲跟餐飲，雖然我哋每人都嗌咗杯熱檸水，啲杯熱檸水裏面有一兩點好似茶葉咁樣嘅黑色雜質。總括嚟講呢一個係一個頹飯，雖然唔應該有什麼期望，但係仍然有極大嘅進步空間。

過嚟上環附近開會，周圍食飯都貴，地鐵站附近就已經搵到呢間平靚正茶記，午飯時間門口排隊等位，都係要搭枱。價錢非常平民，係呢佢見小賣小，三十零蚊有嘢飲有個飯。唔怪得知門口要等位等咁耐啦。落單阿姐風趣搞笑，係呢個午飯時間，做到咁忙碌都冇黑面。今次試咗原汁牛腩飯😋係冇乜期望嘅情況之下，覺得佢嘅牛腩出奇好味，夠入味又夠林，仲有搭多條菜， 成碟飯抵食夾大件，一定夠晒飽。杯檸檬茶都有成四片厚檸檬，呢個價錢，算係咁啦！

今日第一次上環返工，食飯唔知食咩好，但見到有間茶餐廳排哂隊，之後我就行去睇睇。唔睇還好，一睇走唔到！中上環地區，可以做到30多少少就買到一個飯，唔怪得咁多人去果到排隊。外賣32蚊，仲有10個餐，唔同野食，其中有炒飯炒面，又有蒸飯湯飯，又有特色本地食物。最緊要係，仲要免費包埋湯！咁平既野，唔試都對唔住自己！今日想食清淡少少，試個蒸飯+湯。唔洗等好耐，1分鐘搞掂，可以拎走返去食，效率十足。打開後發覺唔會令你失望，排骨肉多骨少，岩哂我依個食肉獸。個湯味精唔多，又有粟米同紅蘿蔔，健健康康。走之前，仲見到旁邊有個下午茶，飯面都係33蚊，一d都唔貴，值得聽日再黎，期待聽日再試試。

這間餐廳的外賣自取很快，早上趕時間想食早餐，在這裏叫最安心。由於價錢便宜，得到同事歡迎。我們推介早餐，沙嗲牛肉出前一丁或雪菜肉絲通粉，靠得住。而且，這裡洋溢著一種平民、草根氣息，若你久居中環冷氣辦公室喘不過氣來，可到這裡透透氣。

見格黎就係地鐵站就入去試下呢間茶餐廳，平時去開上環都係會去孖沙，點知試新野就立即中伏，呢間係比出面茶餐廳平dd，但係唔算話好平，差距最多10蚊，但係食過一次之後唔會再黎！！完全唔值26蚊，自問要求唔高，正正常常就ok，本身冇留意過價錢，間間早餐價錢都差唔多，只係見佢舊舊地，以為老字號，但係食過一次真係嗌哂救命，仲難食過自己煮。火腿通d通粉係”淋”到好似浸死左咁！！凍奶茶飲落去係一杯冇茶味嘅奶水！！咁普通嘅早餐未試過係可以做到咁難食嫁！！最正常係煎蛋。26蚊寧願食麵包都唔食呢個早餐A。

星期六下晝喺上環收工想去海安食個tea，可惜嚟遲一部四點半收咗工。於是求其搵間嘢食完返歸。見到呢間多寶樂細細間幾街坊，入去試下，見到餐牌真喺嚇一跳，港島區竟然仲有咁親民價錢既老茶。原本想食茶餐，但見常餐都咁抵，就食個呢個啦。沙牛香腸麵配雙蛋方包，餐飲要熱奶茶。沙牛無味好麻麻，但呢個價錢竟然用出前一丁，值得加分，雖然我唔覺出前一丁有幾巴閉，但須知有啲茶餐廳夠膽死要加五蚊先用丁麵，呢間算落本喇。香腸應該係廚師腸，算係港人最熟悉既香腸吧。煎蛋係太陽蛋，稍生，唔食生雞蛋記得出聲要熟啲，不過我就鐘意。方包夠牛油，可惜係凍冰冰，好似啱啱雪櫃拎出嚟咁。最後係凍奶茶，算唔錯，有茶味，最開心係叫少甜，真喺比少甜我，無當耳邊風。值得一提，呢間老茶由下晝二至八有特價炒粉麵飯，只收30，仲連飲品，呢啲價真喺十年前既集體回憶。呢啲街坊餐廳真喺買少見少，希望佢可以繼續經營，服務街坊。