影片
以上资料只供参考，请与餐厅确认详情
走进石硖尾这间开了三十多年的老字号。推开玻璃门的瞬间，扑面而来的是蒸笼的热气与老茶客的谈笑声，那种熟悉的市井气息立刻将人包裹。我们点了几样经典：虾饺晶莹剔透，透出粉橘色虾仁轮廓，轻咬下去薄如蝉翼的澄皮竟能兜住满满鲜虾，弹牙之余还尝到竹笋的清脆。父亲最爱的早晨孖宝（凤爪排骨饭）用传统铝制饭兜盛装，揭盖时油香四溢，排骨腌得入味又不失嚼劲，凤爪胶质全融进吸饱酱汁的米饭里。特别惊喜是鲜竹卷，腐皮裹著木耳丝、胡萝卜和猪肉碎，淋上蚝油芡汁，$38的价钱已经有饭有𩠌，咬开时馅料还冒著烫嘴的热气。炸鱿鱼须绝对是隐藏招牌，金黄酥脆的外衣轻若无物，里面的鱿鱼仍保持溏心般的嫩度，撒上淮盐与辣椒粉，配著铁观音正好解腻。只是吃到一半想加壶水时，发现楼面阿姨要照顾全场四十多桌客人，举手十分钟才有人应。上菜节奏也明显受影响离席时经过开放式厨房，瞥见老师傅青筋凸起的手正飞快捏著烧卖，旁边年轻学徒满头大汗地搬蒸笼。这种人力吃紧却坚持手工的困境，或许正是老茶楼渐凋零的缩影。希望继续保持水准及增加人手——让这个街坊最脚的好地方，一直流传下去
继续阅读
7月1日去买烧肉饭，斩完之后，阿叔同后边个楼面阿姐话讲，话啲烧肉唔靓，叫啲熟客唔好买。我都心感不妙了，谂住阿叔斩好哂唔好意思退。但返到屋企一打开盒饭，啲烧肉又霉又散。于是今日拎去换，见到入面两男一女七嘴八舌，好话我唔系买烧腩，所以啲烧肉就系咁，另一个男人就话，你唔寻日拎嚟换？大哥，唔系个个都住隔离座咁近架！ 另外个女人就喺度口噏噏，话而家斩过盒叉烧饭比你，叉烧比多左你架啦！其实，我买左盒臭，肉又散既烧肉饭，系咪我系受害人呢？俾钱，仲要受气？烧肉饭$37, 叉烧饭$27,我问师父我而家要翻盒叉烧饭算，你退番$10比我，佢地3个不停迫我要双拼，最后我话叉烧你斩多少少比我算，唔洗你退钱。因为我其实唔舒服，唔想同佢地理论。事后打电话落去同经理讲返个情况，其实而家香港市道已经好差，个个北上消费饮食，香港舖头执得一间得一间。可唔可以唔好咁对消费者？而间酒楼系比员工拖累，唔会再帮衬！
继续阅读
想去嘅餐厅冇开门，就去咗附近嘅茶楼望下，点知劲多人等位，行远少少去到石硖尾嘅多彩皇宫，ok㖞，直入唔使等。谂住叫下午茶特价嘅孖宝点心，但枱面得一张过咗胶嘅点心纸，问店员系咪直接写上去，有冇marker pen？店员话可以喺张吉纸写低想叫嘅点心号码，正当我哋睇紧叫咩点心嘅时候，佢转头就拎咗张qr code过嚟叫我哋要扫code落单，仲热心教我哋个code点用添，而家啲茶楼请到啲后生少少嘅伙记，态度又好嘅真系好难得，见到佢咁热情，真系有啲感动。⭐香煎虾米肠几好㖞，条条都煎到脆口，有用心煎。⭐煎酿茄子而家买少见少嘅双层茄子酿鱼肉，茄子半煎炸香脆多汁，件件都大大旧，好抵食👍⭐潮州蒸粉果只只饱满嘅潮州粉果，入面粉葛、芫茜、虾米、猪肉碎、花生等样样都齐，调味仲唔错添。⭐千层马拉糕呢个失色少少，马拉糕松软嘅，但甜度同咸度都唔够，咸蛋黄落得少，略淡口。加一加茶钱，人均60蚊抵，饮啦。
继续阅读
好耐未食过咁难食嘅一餐 熏蹄不新鲜 啲肉好似摆咗好耐咁 湿炒牛河劲难食 个汁甜甜地 啲粉又冇味 食到一半系想放弃 不如去过第间食 啲嘢难食到一个点 唔明点解仲有咁多人帮衬 应该被淘汰的食肆 🤢
继续阅读
今日朋友相约到石硖尾多彩酒家饮下午茶，其实一般旧式茶楼，都冇乜嘢好讲， 点心一般，服务一般，都习以为常 。其后有朋友失约，叫侍应改茶位， 三催四请 佢都系 挂住同人倾计， 而家香港啲茶楼门堪罗雀点解仲系咁嘅服务态度， 同埋茶楼不嬲畀我哋啲气氛都系嘈喧巴闭，个个客人倾计， 咁去饮茶梗系倾计啦，唔系饮茶做乜啫 。但系呢间茶楼系𠮶啲员工倾计，仲大声过 客人倾计。 今日仲好运气 ，撞到有个员工 久唔久会大嗌一声， 吓到我次次个心都痛一痛， 如果我心脏有事应该死咗 ， 佢可以每一次同啲同事倾计都系尖叫一声，认真要命。
继续阅读