影片
港铁显径站A出口, 步行约3分钟
继续阅读
电话号码
28666178
营业时间
今日营业
全日休息
星期一
12:00 - 22:00
星期二
全日休息
星期三至日
12:00 - 22:00
以上资料只供参考，请与餐厅确认详情
-
网上订座服务暂停
當晚老闆應該有一圍朋友上黎聚餐，明白大家聚會好開心，但大家真係嘈到不得之了，特別係老闆可能想炒熱氣氛。而且二樓較為密閉空間，真係好應聲好有回音，真心嘈到頭都痛埋。同場連我在內有三枱客人，見大家連傾計都有難度。另外咁岩安排嘅位置比冷氣風口兜頭吹足一晚，有嘗試過問職員可否調位但被拒絕，結果食晒成餐飯其他空位都無人坐過😓 雖然職員有協助撥風口位置，但隔一陣又會跌返原位照兜頭吹。食物質素方面都比較一般，枱面嘅玻璃水樽底居然有厚厚一層青苔嘅物體🤢明白呢啲玻璃樽係好難清潔（或者根本唔可以期望有餐廳會認真清潔），但真係見到都怕怕唔敢飲用。有拎過隔離空枱嘅水樽想用，但發現都係一樣咁污糟。仲有膠水壺嘅底都一樣滿滿嘅污糟物🤢🤢🤢🤢🤢可能大家都叫野飲或者飲啤酒無咩點發現，但真係幾倒胃口。成餐飯連加一都$300，但環境嘈雜又冷氣吹爆頭，啲水樽仲生晒青苔，搞到同朋友都食到極度唔開心！
继续阅读
平時係大圍約朋友見面傾計，多數都會去夢想小館，因為夠曬chill☺️🍟芝士薯條 好鍾意呢度嘅芝士薯條熱辣辣夠晒香脆芝士又夠多🐥炸雞皮又係要必點嘅小食 香脆鬆化 不會好硬同一口油送酒神器🥩紐西蘭肉眼扒配意粉肉眼扒油花豐富，味道甘香，口感軟腍，一啖肉一啖紅酒 滿足意粉就略感乾了點🍰心太軟配雪糕呢個甜品都係即叫即做 上枱時心心眼朱古力香濃的味道四溢，切開之後軟滑流心就在蛋糕中流出來，吃下外脆內軟綿，配埋雲呢拿雪糕一凍一熱很滋味
继续阅读
今晚同屋企人慶祝諗住食餐好嘅，平日見到咁多人食應該唔伏，咪諗住試吓，點知就出事本來餐湯、薄餅、餐包都幾好喎，主菜點左牛油果三文魚薄餅，蘆荀帶子忌廉炒意粉同芥末寶雲酥西班牙豬鞍，前兩者味道不錯，但個豬鞍完全唔掂，雖然佢賣相唔錯，但一上枱已經聞到一大陣騷味，我開頭以為自己個鼻有問題，到食落好鬼臭，屋企人食咗都話好騷，同個女待應講，佢解釋話係芥末味，跟住冇再理我啦，我哋唔敢再食，成碟野剩返2/3未食，但埋單照收錢，好啦，咁垃圾都比人食，呢度唔會再有下一次.
继续阅读
呢兩日一直落雨☔️BBQ告吹 轉場入大圍因為無book位關係 所以坐出面但反而發現係岩哂一大班朋友或者家庭吹水 圍爐既好地方呢度西餐上至Pizza小食雞翼下至蒜蓉包田螺餐湯啤酒應有盡有我地兩個先叫#羊扒意粉老公千叮萬囑我要記錄低一上碟就聞到好香既蒜香烤羊排味 兩邊香烤煎至金黃脆脆 切下一口肉汁配上醬料 好juicy🥰🥰#鰻魚炒飯鰻魚炒飯誠意大足出邊好少食到咁大塊嘅鰻魚👍🏻通常出面都係切鰻魚切碎到好似牙籤咁呢度炒飯配菜仲有粟米粒同紫菜我一個都食下食下都無意中食晒一碟✨#大圍#吹水#好地方#推薦#意粉#西餐#pizza#hkfoodie#hkfoodie#hkig#18區搵食
继续阅读
今晚去左大圍顯徑既夢想小館食晚餐，餐廳裝修得好有心思，好精緻，令人感覺好舒服。服務員都好有禮貌，態度又好好。 上菜嘅時候，我地都好驚喜，因爲大部份嘅菜式都好精緻，好好睇，而且味道亦都唔錯💁🏻♀️係村屋黎講又夠chill👍🏻我哋點左幾款菜式，有雞泡魚干、鵝肝多士、煎羊架同水牛雞翼。 📍雞泡魚干（$48）⭐️⭐️⭐️⭐️⭐️魚干香口美味！要黎吹水談心既好菜式👍🏻加上沙律醬，同朋友飲2杯，佐酒既好選擇💁🏻♀️📍鵝肝多士（$98/件）⭐️⭐️多士焗得香脆，鵝肝的味道非常濃郁，而且口感非常滑順，一咬即溶。 不過鵝肝略嫌唔夠香脆，如果再焦香啲會更好，但性價比唔夠高📍煎羊架（$188）⭐️⭐️⭐️羊肉煎得略帶焦香，但肉質仍然非常嫩滑，加上一些香料和調味料，味道非常豐富，非常值得一試👍🏻加上薯蓉，整體味道不錯👍🏻📍水牛雞翼（68/4隻）⭐️⭐️水牛雞翼烤得香脆，但好似同坊間正宗既水牛雞翼略點不同，醬汁另上既，感覺好似遜色左啲。📍Hoegaarden⭐️⭐️⭐️⭐️最後，我地飲咗 Hoegaarden，真係一個好配菜嘅啤酒！飲咗幾杯之後，真係感覺好舒服，好relax。 餐廳係一個環境佈置精緻，食物好味，服務好好，令人感覺好舒服。餐廳主打都係街坊生意，我會再有機會試下其他菜式💁🏻♀️
继续阅读