夢想小館

营业中

休息中

當晚老闆應該有一圍朋友上黎聚餐，明白大家聚會好開心，但大家真係嘈到不得之了，特別係老闆可能想炒熱氣氛。而且二樓較為密閉空間，真係好應聲好有回音，真心嘈到頭都痛埋。同場連我在內有三枱客人，見大家連傾計都有難度。另外咁岩安排嘅位置比冷氣風口兜頭吹足一晚，有嘗試過問職員可否調位但被拒絕，結果食晒成餐飯其他空位都無人坐過😓 雖然職員有協助撥風口位置，但隔一陣又會跌返原位照兜頭吹。食物質素方面都比較一般，枱面嘅玻璃水樽底居然有厚厚一層青苔嘅物體🤢明白呢啲玻璃樽係好難清潔（或者根本唔可以期望有餐廳會認真清潔），但真係見到都怕怕唔敢飲用。有拎過隔離空枱嘅水樽想用，但發現都係一樣咁污糟。仲有膠水壺嘅底都一樣滿滿嘅污糟物🤢🤢🤢🤢🤢可能大家都叫野飲或者飲啤酒無咩點發現，但真係幾倒胃口。成餐飯連加一都$300，但環境嘈雜又冷氣吹爆頭，啲水樽仲生晒青苔，搞到同朋友都食到極度唔開心！

平時係大圍約朋友見面傾計，多數都會去夢想小館，因為夠曬chill☺️🍟芝士薯條 好鍾意呢度嘅芝士薯條熱辣辣夠晒香脆芝士又夠多🐥炸雞皮又係要必點嘅小食 香脆鬆化 不會好硬同一口油送酒神器🥩紐西蘭肉眼扒配意粉肉眼扒油花豐富，味道甘香，口感軟腍，一啖肉一啖紅酒 滿足意粉就略感乾了點🍰心太軟配雪糕呢個甜品都係即叫即做 上枱時心心眼朱古力香濃的味道四溢，切開之後軟滑流心就在蛋糕中流出來，吃下外脆內軟綿，配埋雲呢拿雪糕一凍一熱很滋味

今晚同屋企人慶祝諗住食餐好嘅，平日見到咁多人食應該唔伏，咪諗住試吓，點知就出事本來餐湯、薄餅、餐包都幾好喎，主菜點左牛油果三文魚薄餅，蘆荀帶子忌廉炒意粉同芥末寶雲酥西班牙豬鞍，前兩者味道不錯，但個豬鞍完全唔掂，雖然佢賣相唔錯，但一上枱已經聞到一大陣騷味，我開頭以為自己個鼻有問題，到食落好鬼臭，屋企人食咗都話好騷，同個女待應講，佢解釋話係芥末味，跟住冇再理我啦，我哋唔敢再食，成碟野剩返2/3未食，但埋單照收錢，好啦，咁垃圾都比人食，呢度唔會再有下一次.

呢兩日一直落雨☔️BBQ告吹 轉場入大圍因為無book位關係 所以坐出面但反而發現係岩哂一大班朋友或者家庭吹水 圍爐既好地方呢度西餐上至Pizza小食雞翼下至蒜蓉包田螺餐湯啤酒應有盡有我地兩個先叫#羊扒意粉老公千叮萬囑我要記錄低一上碟就聞到好香既蒜香烤羊排味 兩邊香烤煎至金黃脆脆 切下一口肉汁配上醬料 好juicy🥰🥰#鰻魚炒飯鰻魚炒飯誠意大足出邊好少食到咁大塊嘅鰻魚👍🏻通常出面都係切鰻魚切碎到好似牙籤咁呢度炒飯配菜仲有粟米粒同紫菜我一個都食下食下都無意中食晒一碟✨#大圍#吹水#好地方#推薦#意粉#西餐#pizza#hkfoodie#hkfoodie#hkig#18區搵食

今晚去左大圍顯徑既夢想小館食晚餐，餐廳裝修得好有心思，好精緻，令人感覺好舒服。服務員都好有禮貌，態度又好好。 上菜嘅時候，我地都好驚喜，因爲大部份嘅菜式都好精緻，好好睇，而且味道亦都唔錯💁🏻‍♀️係村屋黎講又夠chill👍🏻我哋點左幾款菜式，有雞泡魚干、鵝肝多士、煎羊架同水牛雞翼。 📍雞泡魚干（$48）⭐️⭐️⭐️⭐️⭐️魚干香口美味！要黎吹水談心既好菜式👍🏻加上沙律醬，同朋友飲2杯，佐酒既好選擇💁🏻‍♀️📍鵝肝多士（$98/件）⭐️⭐️多士焗得香脆，鵝肝的味道非常濃郁，而且口感非常滑順，一咬即溶。 不過鵝肝略嫌唔夠香脆，如果再焦香啲會更好，但性價比唔夠高📍煎羊架（$188）⭐️⭐️⭐️羊肉煎得略帶焦香，但肉質仍然非常嫩滑，加上一些香料和調味料，味道非常豐富，非常值得一試👍🏻加上薯蓉，整體味道不錯👍🏻📍水牛雞翼（68/4隻）⭐️⭐️水牛雞翼烤得香脆，但好似同坊間正宗既水牛雞翼略點不同，醬汁另上既，感覺好似遜色左啲。📍Hoegaarden⭐️⭐️⭐️⭐️最後，我地飲咗 Hoegaarden，真係一個好配菜嘅啤酒！飲咗幾杯之後，真係感覺好舒服，好relax。 餐廳係一個環境佈置精緻，食物好味，服務好好，令人感覺好舒服。餐廳主

小店於屋企附近，趁住星期五晚上，到小店食飯同飲番2杯放鬆下。我地一行3人，點左好多野食：▶️晚市套餐-烤羊排配飯套餐包餐湯及飲品，飲品可以加錢轉酒類飲品，岩晒我餐湯正常，反而餐包有驚喜。軟熟又熱辣辣，好味。羊排分量好大，差少少食唔晒▶️蟹籽大蝦沙律沙律菜新鮮，大蝦唔係冰鮮貨，沙律配上蟹籽口感好好，好味▶️黑松露帶子刺身味道好好，但刺身就唔係好夠凍，如果凍啲嘅話呢就一定可以加分啦！▶️啤酒蝦同沙律一樣，蝦好大隻又新鮮，食到舔舔脷▶️蕃茄芝士pizzaPizza超多芝士，好吃

很久無去夢想小館了，適逢朋友生日，我哋就book咗食個birthday lunch🌹蟹膏龍蝦汁帶子意粉 龍蝦汁香燶甘口，意粉有al dente口感，帶子屬細細粒嗰隻，不過都鮮味，呢個意粉食落清新開胃跟餐追加一個小食 雞軟骨 略感沒有鬆脆口感，比較實淨跟餐的蒜蓉多士烤烘鬆脆紐西蘭肉眼扒配薯蓉 肉味香濃，稱不上係嫩滑但有𡁻頭 而薯蓉很creamy，令人一啖接一啖便食晒香草煎羊扒配意粉個份量令我驚喜，好開心有三大件 羊扒肉味不算很羶 口感焦香 同薄荷醬一齊食係perfect match這算是一間家庭式的餐廳 覺得係到用餐舒適 希望很快有下一次

因為導航出了問題，誤打誤撞……去了這間位於顯田的小店這間小店以夢想為主題……是一間非常有溫度的店舖！天氣酷熱，見我哋未揀到嘢食……沒有催促，反而端上冰水，叫我哋慢慢睇 食到咁上下，又話幫我哋轉枱，去個涼啲嘅位……我哋話唔使，佢就set把細風扇，吹住我哋出出入入的客人……都明顯係熟客！成件事好有屋企感覺同店主傾左一陣….原來是個愛貓的人佢話頂手呢間鋪嘅時候，佢連隻貓都頂埋！🤣🤣然後最近，又在街上執了三隻貓BB，最終只有相中的BoBo養得大… 非常親人😍😍大家有時間，都去體會一下這間餐廳的Homey感覺😇😇

＊呢一站大圍＊😋 煙肉番茄生菜墨西哥餅配薯條 (8/10)＊口感超豐富，墨西哥餅裡面有好多餡料＊薯條新鮮炸起，香脆😍 香草煎羊排(薄荷甜醬)配飯/意粉/薯菜(9/10)＊羊排份量算多，有三件，肉質嫩滑，肥瘦均勻＊食落超juice，易咬開＊配薯菜時薯蓉好好味，會保留少量薯仔的口感#foodguy666_大圍#foodguy666_西式夢想小館大圍顯貴里顯田村61號地下#大圍美食 #新界美食 #西式美食 #薄餅 #foodiesinternationalchat

住咗呢區咁耐某日經過唔顯眼嘅地方,抱住嘗試嘅心態入去試試！點知出奇地有驚喜👍🏻樣樣都好食😋環境氣氛好好價錢仲要公道, 估唔到顯徑呢啲住宅區都會有間咁有氣氛加水準嘅西餐,絕對值得推介俾大家👍🏻

朋友住顯徑 呢日到他介紹的店食lunch,入到去正直食妟時間，店員們都幾忙，等我哋靜靜咁睇吓有咩食先Order了一碟椒鹽魷魚鬚脆漿不會太厚 魷魚鬚也沒有炸得過火 也容易咬開 香脆可口的小食蕃茄羅勒水島醬牛芝士薄餅薄餅焗得香脆鬆軟 少少燶邊真係正芝士香濃 也很喜歡羅勒的香味紐西蘭肉眼牛扒配意粉肉眼扒睇落薄 不過肉味香濃 而且筋不多 也很不錯 不過配嘅意粉就乾了點 撈左汁如是 因不索汁 不過細細啖咁食都ok的 Happy meal餐後點了Americano 下次再來enjoy chill vibes

第一次去，沒想過看似普通一間嘅餐廳，卻帶來一些驚喜！食物水準👍🏼特別推介🌹🌹玫瑰梳乎厘🌹🌹環境舒適👍🏼牆上面嘅壁畫好靚環境寧靜，好適合三五知己一路食一路傾！老板及老板娘風趣幽默，令大家賓至如歸！咖啡羊排好特別🤩夢想沙律😍丁香黑毛豬扒唔鞋，好juicy!養生花茶，朱古力奶😍😍玫瑰梳乎厘 — 完全係一個驚喜，唔甜吃著有淡淡玫瑰香味！藉得一家大細，三五知己，一大班朋友一齊食飯/包場！

雖然小店位置比較隱蔽，但由顯經站行過去只需5分鐘十分方便，而且枱與枱之間都比較闊落非常適合同朋友一邊食嘢飲嘢吹吹水，至於食物方面都有驚喜，而本人🤤最愛是德國腸拼盤、貴妃蚌冷盤、生蠔、同pizza🍕……呢幾樣真係好唔錯但冷盤要早一星期預訂，想食啲話要記得！🥴

今日過開嚟顯徑體育館打波打完波之後就喺附近度揀嘢食同朋友顧住傾計行行下就已經行到過嚟顯田村冇諗過村屋都有啲咁高質嘅餐廳餐廳樓高兩層地下嗰層主要係廚房店員亦都好好畀我哋揀樓上定係樓下坐人流唔算好多好適合朋友知己坐低傾下偈食個飯鮮蝦肉香草意大利飯分量都幾多先開夠曬彈牙爽口除咗有鮮蝦之外仲有香菇意大利飯粒粒飽滿分明軟硬度適中以前食過意大利飯通常都勁濕唔鐘意個質感今次完全改觀燒雞肉牛油果薄餅餅底薄身同脆皮餡料有雞肉同牛油果很足料芝士仲可以拉絲

估唔到屋村都有高質素西餐推介安格斯牛扒 鮮蝦天使麵 牛油果燒雞肉Pizza, Parma ham salad 都好好食& 份量足夠飲品 荔枝乳酪 好rich 👍🏻👍🏻👍🏻記得book 枱😚