夢想豆花

营业中

休息中

點了芒果豆腐花，同芋圓芒果，一共113元。兩個人，坐左唔夠半個鐘被趕。「你唔點野啦？咁俾其他人。地方細。」。其實，我地可以坐埋一邊，俾新入尼的一個客人。位置足夠的，點解要趕客？ 又話者，你禮貌D，同我講如果後面客人尼可以讓下位，都可以理解。講真，食物水平大概就係其他糖水舖30蚊水平左右。我叫凍芋圓，你俾我熱都算了。仲要咁差態度？我帶外地的FD尼，就係落我面。咁我就只有留言評論。大家評下理。 中環仲有好多選擇，唔係得你一間！！！

本身唔鍾意寫食評，但真係唔寫唔得，－次不愉快經歷，這是本人第一次寫個老闆問少少野就黒口黑面，完全趕客，so bad👎🏻幾好食都唔會再幫襯，貼滿明星相用明星效應🤣🤣🤣態度差勁，唔怪之得冇人幫襯，中伏，可況唔好食，普通之中普通，豆腐花冇豆味，芋圓極度失望，價錢又貴，加芋圓要$20，地方又狹窄，—入去就有種不舒服感覺，坐位已經寫明唔好「霸佔座位太耐」最好笑對外國遊客，非常友善，無黑口黑面⋯⋯⋯⋯⋯

中環區一帶租金昂貴所以很少糖水舖難得於擺花街有一間糖水店仲已經開了6年我竟然冇試過真係有啲離奇可能門面太細冇留意呢度主要賣豆花裏的甜品還有芒果系列和豆漿類看到一些食評說老闆態度不好我覺得老闆雖然有少少cool唔算話好熱情但態度正常可能舖頭得佢一個比較孤獨說說食物，我哋點咗🔸芝麻糊豆腐花🔸芒果爆珠（有芒果、爆珠、涼粉和椰果）食落豆腐花真係好滑所以食完芝麻糊豆腐花加單食🔸朱古力豆腐花❤️豆腐花選用非基因改造黃豆❤️甜品甜度適中，幾好食我下次仲會幫襯呢度仲有豆漿珍珠等我搵日經過又試吓先😄夢想豆花 (中環)中環擺花街1號廣場地下6號舖

中午吃完飯想食甜品，發現這間甜品店一個人也沒有便入去。老闆沒笑容，又沒禮貌，見沒有客便坐耐少少，點知佢叫我和朋友食完就要走，態度非常差，食物只係一般，以後唔會再去。。

一個星期五嘅睌上同朋友喺中環晚飯完未夠喉諗住搵個糖水食下順便坐低傾吓偈沿途有兩間糖水閂咗門結果誤打誤撞入咗嚟用咗少少時間諗食乜嘢，我諗幾分鐘左右吧？但老闆就串過乜咁叫我哋去第二間食嗰時係冇人等位嘅！我哋無走到，就睇下啲嘢有幾把炮我叫咗個紅豆豆漿賣豆製品無豆味杯嘢勁稀我去超市買支豆漿都仲好飲啲同行朋友叫咗豆花，同樣無豆味，但質地正常入嚟睇comment先知原來咁多人中過伏十萬個後悔入去之前無上嚟望下comment先！夢想豆花喎⋯⋯我去完感覺老闆嘅夢想係開間鋪嚟串人多過整豆花囉！

天氣炎熱，同朋友咁啱路經此店，就入去試吓。同朋友商量期間，朋友還在查看店內有什麼食品，當時朋友話佢想飲果汁，因很多甜品舖都會有，未知道舖頭其實係冇呢樣嘢賣，絕無任何冒犯意思，態度亦相當友善。怎料老細即刻黑面，態度極度惡劣地吐出一句「咁你過對面啦，對面有」，隨後老闆亦再次重複這句說話。由於我哋當時真係冇特別意思，所以繼續order。芋圓味道其實OK，不太甜不太淡，而且有綠茶味，較特別，惟價錢偏貴，甜品份量相對較少。總括而言，食物味道ok，但cp值較低，老闆態度較差，因此不會再來。

中環冇乜中式糖水舖，上網睇一睇見到呢間近近地就去試吓！我想食唔同嘅料，所以就嗌咗涼粉加綠豆沙底，仲有薑汁，不過佢唔知係咪呃我錢，家下家下仲貴囉！一啲都唔值得。淨係講味道就覺得唔錯！又重豆味，亦都非常之滑，質素係平均水平之上！不過去過薑糖水實在太甜，綠豆沙亦都一半半，唔會有海帶嘅（雖然佢都冇寫話有就即係冇）｜涼粉嘅話就好味！清清地又有彈性因為疫情嘅關係，舖頭入面冇乜人流，所以好闊都坐得好舒適！不過兩碗豆腐花成為$72真係非常之貴，始終佢又唔係真係有嗰種質素

✨ 夢想豆花 ✨Chill day☺️見到對面街有間細細鋪頭比鋪名吸引過去。入到鋪頭會見到勁多明星相😂知道好耐歷史同一定唔簡單！鋪頭入面位唔多，得6-7張櫈。好彩入到去有個角落位坐。🍫朱古力味豆腐花 $30 👉🏻8/10價錢偏貴 但入咗鋪唔試心又會囉囉攣值得一試 豆腐花超滑入口即化嘅感覺淡香豆腐花 加上 特濃朱古力剛好的配搭 唔會話太甜朱古力又唔會搶咗豆腐花味PS老闆遞碗豆腐花比我個刻我O咗我預計喺好似芝麻豆腐花咁 芝麻溝豆漿再整成豆腐花┄ ♡ 評分區 ♡ ┄💰價錢：8/10🌆 舒適：7/10😚 返兜：7/10 📍#夢想豆花 地址：中環擺花街1號廣場地下6號舖

第一次外賣芋圓紅綠豆涼粉撈，覺得非常好食，仙草有仙草味。紅綠豆又不太甜，粒粒分明。之後食了好幾次，後來不知是否轉了，涼粉取代了仙草，成碗甜品都失色了。不值$65

喺中環想去食中環糖水，OpenRice 見到有間豆花，特登行去試下。舖面好細，幾經辛苦先搵到。入到去，老闆將明星黎豆花的合照貼曬喺牆。牆上亦有明星的簽名。食開荃灣$3/碗豆腐花，尼度同平時差10倍價錢，究竟有咩分別呢？我諗呢個方便最主要係荃灣會棋喺街邊食，呢度有少量嘅位置可以坐低食。兩間比較，荃灣的豆腐花會比較濃郁，夢想的豆花就比較滑。叫左碗芝麻糊豆腐花，豆味我覺得唔夠濃郁，但豆花係幾滑溜嘅。芝麻糊就正常，唔太甜，冇咩特別。另外叫左杯珍珠豆漿，珍珠夠煙韌，有咬口，不過冇乜甜味。豆漿加豆花好夾，鍾意佢唔會死甜。

🍴芝麻糊豆腐花 30 蚊芝麻糊幾香甜 帶有 d沙沙口感 豆腐花好香滑 夠豆味 正😆🍴薑汁豆腐花 30 蚊薑味夠香濃 都算幾辣下 豆腐花夠香滑 十分唔錯#豆腐花 #糖水 #薑汁 #芝麻糊 Score 平均分 <7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#夢想豆花中環擺花街1 號廣場地下 6 號鋪~~~~~~~~~~~~

Craved for something sweet after farewell drinks with colleagues, so we decided to have dessert here. Ordered the sweet tofu custard with Taro Balls. The Tofu was silky and smooth but it wasn't really hot enough. There was a fair amount of Taro balls, and there was one matcha ball as well, which was a surprise. The texture of the Taro balls were nice and chewy, but it didn't really have a strong Taro taste. We were quite full afterwards, overall, the portion was good but I've had better tofu cus

我勁中意食豆花，平時一見到豆花美食都要試下先得。今次就來試下呢間豆花主題嘅美食店。因為早餐食得太飽，中午過來食豆花時就點咗兩樣嘢食，薑汁豆漿配流沙湯圓，芒椰豆花。薑汁豆花好食，豆花豆味好香，加埋薑汁同湯圓一齊食，好食。芒椰豆花嘅芒果好甜，同豆花都好搭。下次再來試下其他野。

這晚在上環食過飯後慢步到中環，在擺花街角頭有間神隱小店，從門外看入去只有近牆邊五個貼牆位，店長手指指內裡小角有張小檯，我們三人走了入內，一檯面積1.5 呎 x 1 呎小檯就三人堆在一起！既然用豆花命名我們各自都點了有豆花的甜品。落單時店員店長只得一人，可能一腳踢比較忙，故真心無禮貌！🤨🥄芒果豆花 （凍）芒果份量都算多但有點酸酸，豆花口感很粗。🥄焦糖蘭香子豆花 （凍）🤔口感同樣粗鞋，加入焦糖個人口味感覺怪怪的組合！🥄芋圓豆花 （熱） 👍豆花還是熱食好，入口香滑甜度適中，芋圓軟糯但欠代表香味，整體還算可以。佰幾蚊不用 10分鐘逼在牆角食三碗糖水，真係食舖租。

食完飯，同朋友來簡簡單單食個甜品。係中環，基本上十分難搵一間專門食中式甜品，好難得有間小店可以offer到。 鋪頭主要賣豆腐花同豆漿，但就有唔同配搭，例如薑汁、桂圓紅棗、芝麻糊、芒果.....薑汁豆腐花（熱）& 芋圓豆腐花（凍）豆腐花真係好滑好滑好滑，又香豆味。上既時候無加糖，枱面有黃糖可自己加。芋圓雖然色水唔係好靚，但食得出有芋頭味，真材實料👍🏻。芋園本身甜，豆腐花唔洗加太多糖，都好好食，好清甜。只係我個人認為個薑汁唔夠薑，可以再濃d。