夢見屋 (已結業)

尖沙咀Isquare是我喜歡閒逛及看戲的地方，因交通方便，食肆林立。今日十二點多點路過Isquare，且早上無食早餐，心想先趕在午飯人潮高峰前食晏先，免平白浪費時間在排隊等候上。行行找找忽然被前面陳列精美蛋糕的櫃吸引住，抬頭看店名———夢見屋，細看店外大大午飯表，價錢實惠，便 邁步入内。環境乾淨，擺有可容三十多客人的座位，餐牌内滑蛋豬扒飯相片颇吸引，$58元加一仲連味噌湯，算實惠，就點了這個餐。並打算跟餐加$29買件靚靚自家蛋糕當甜品。丼送上，有點失望，蛋蓋着豬扒，外觀不甚了了，望上去不太滑，但食落味還可以。 豬扒size正常，炸得恰到好處，炸皮不太厚，有肉汁，稔軟，不油膩，算合格。要改進的是飯量徧少，男士們可能就未必夠飽肚及醬汁略嫌有點太多。ko左整碗丼後，聽見後面枱人客不知因何要退换蛋糕，且我也不太肚餓的原故，便打消了要點其自家製的蛋糕作甜品的主意。

放假自己一個人黎到尖沙咀海旁.....靜靜地一個人沉思一下....之後又出返去周圍行吓....行到攰攰地....都係想搵一個地方可以涼下冷氣嘆下Tea....卒之找到來尼一間夢見屋嘆一嘆.......哇.....入到喺裏面都比佢哋個蛋糕櫃吸引住完全抵受唔住佢哋嘅誘域....最終我叫咗個芒果芝士蛋糕....真係好好味...個蛋糕好軟熟可惜我太飽....如果唔係我都想試吓佢嘅朱古力蛋糕....因為好似好香濃咁....唯有下次再嚟試過啦

牛柳的肉質不算太有驚喜，整體感覺味道一般。但有多款式種類的甜品可供選擇， 如果喜歡吃甜品的特可以多考慮看看。至於鵝肝的份量也算多的，店員的服務態度也算不錯，整體感覺還可以。

本身係被出面 d 圖吸引左入黎食。份 menu 都好靚好有 feel 有 style 的。d 侍應生都好有禮貌同主動。但係食物就出曬事了炸豬排飯：一個字 - 林。主要塊排好林，好 dry 無乜汁。火腿黑松露冬烏：一個字 - 滯。完全係流喉到食兩啖已經飽咁滯。櫻花蝦他他醬薯條：一個字 - 咸。雖然外型幾靚，又圈圈型好得意，但係真係咸到傻。唐揚炸雞：一個字 - 硬。我懷疑佢係海膽扮雞既臥底分子，第一口差 d 吉穿口皮，又硬又咸。玉子雪糕抹茶：一個字 - 澀。玉子 un un 地唔錯，有3粒。個雪糕味道 ok, 等 d 雪糕溶左溝下抹茶會好少少，但抹茶本身就澀得滯，又欠左抹茶香味，整體難飲。全部 overall 黎講，款款大體上都比較差同咸。如果比較鍾意咸食物的人應該會喜歡的

昨晚同班姐妹食dinner, meun ge choice都唔係太多野簡，但6 個人都叫左幾樣野。簡好，order ,竟然有2 樣野話廚房冇， o咀囉，星期四dinner時間話冇，算叫過其他。D野黎啦，份量，如果係男士一定唔夠飽囉，我地女士都係ok ,因為太難食，唔夠飽都冇再叫野。 最恐怖係咩，我地坐sofa位，突然對面個fd望住我d眼神好怪，佢話你坐開d個邊，我一望，頂！！成隻小強係到行黎行黎，最後連餐飲都唔飲就走！！真心dirty!! 個fd影影下都唔想影埋其他野，end up所有食物用"好鹹"黎形容個味~

漏單漏咗3樣野，催咗2次都無人覆，無人跟進，成餐飯黎咗兩個小食，等咗個半鐘最後都無埋，最後行出counter 問侍應先覆話漏咗單無落到，我地問點解唔出聲。。。都無辦法啦，唔想再等就叫埋單，點知連埋單都要等成15分鐘。。。。。。算啦，唯有直接行出cashier埋咗張單。。。。

因為朋友介紹，所以去咗食。我同我個friend八點幾 兩個人等咗一陣就入得去啦 ( 見到啲侍應好似好忙)。 我同我個friend叫咗一個黑松露什菌三文魚燴烏冬 同吉列豬扒湯烏冬， 叫咗兩個野飲好快就嚟啦。 嗰個烏冬好好食，啲烏冬好有口感， 唔似平時食嗰啲烏冬咁樣咁冧( 但其實我覺得似 扁意粉 但比起扁意粉佢更加有彈牙嘅感覺)。 我個friend個吉列豬扒烏冬啲吉列豬扒係分開上嘅 差唔多食咗半個鐘都keep到咁脆， 多炸粉唔算太厚。最後食咗個士多啤梨芭菲， 酸酸甜甜加埋下面啲脆片好夾， 配埋下面啲啫喱，唔算太”漏”。環境唔錯，但啲冷氣有啲凍同有雜聲有啲嘈， 隔離枱係咁話個冷氣好嘈。啲燈光好有氣氛。侍應嘅態度幾好， 好詳細咁解釋個menu畀我聽， 因為佢個menu有啲加廿幾蚊有蛋糕有嘢飲，自己一個人睇可能有少少混亂。價錢對我呢個學生嚟講有少少貴， 但間中一次都覺得物有所值，值得再去。因為太肚餓，冇點影相就食左啲野，得張芭菲嘅相。。。

抹茶泡夫 $28賣相真係好靚😍成日都覺得啲野食整到咁靚，會唔忍心整爛佢地同食佢地🙈食落就一般，唔會食到雙眼發光咁誇張囉😗————————————————整體得分：6.5分 (10分滿分)————————————————👅食評：1️⃣口感 6.5/10外皮成都係軟熟口感，軟淋淋咁。不過👅覺得如果可以有少少脆面先，再咬落啲先有軟嘅口感會正啲🤔咬大啖啲會爆一大pat綠茶吉士出黎😋爆到成口都係，感覺幾幸福🙈食落都creamy同滑嘅。2️⃣味道 6.5/10始終👅唔係港女抹茶控，理解唔到香港各大港女至愛：抹茶紫薯拉絲控...係控啲乜佢嘅抹茶味，以一個正常人黎講，👅會覺得...有抹茶味囉😂3️⃣抵食 6.5/1028蚊又唔算好貴，相信抹茶控唔會省個幾十蚊食件全舊都係抹茶嘅Product😂不過賣相真係好靚！攞黎打卡呃like都唔錯

復活節假，周圍都好多人，唯獨呢間唔洗等位，又未食過，咪去試下，點知伏伏地。 嗌咗2個 dinner set，大蝦煙三文魚意粉同埋咖哩免治豬肉烏冬，飲品係熱黑蜜抹茶同凍忌廉抹茶，再加一件栗子蛋糕，total 食咗 $230到。個大蝦三文魚意粉，蝦呢就得2隻，三文魚得好少，仲要係好碎，味道普通，不過男友話隻蝦好似未夠熟，食落怪怪的。咖哩免治豬肉烏冬，黎到發現係幼烏冬，食落似係扁意粉咁 ，溝埋日式咖哩，正正常常啦。飲品方面，凍忌廉抹茶淡到好似飲緊開水咁，可以慳返 $10唔好加錢飲。熱飲黑蜜抹茶反而 ok 喎，幾濃。栗子蛋糕都ok 呀，係甜咗少少。PS. 當晚服務好麻麻，聽到隔離枱話轉咗餐牌無被通知食物照上。 侍應又俾錯湯我地 ( 其實都好小事嘅，同返佢講換返就ok)。不過唔知係咪坐角落位，成日叫侍應都無乜人留意到咁。 最後叫佢地上埋件蛋糕，已經講明上埋件 "栗子蛋糕" 但對方好似未瞓醒咁隔一陣又行過黎問揀咗蛋糕未，結果要再出去睇(明明我已經揀好)，要同另一個侍應落先有得食。

較早之前已經幫襯過夢見屋，但上次只係食過日式西餐 即係佢地嘅烏冬，今次決定試下食丼👍睇到menu 個價錢 以為咁平，一定分量好小啦，咁你就錯喇因為呢個價錢除左碗飯之外，仲有碗麵豉湯！！如果只係一般食量嘅女士，其實唔加錢叫set 都好足夠架喇👍 不過男士嘅話就可能唔夠飽喇.....我地分別叫左西蘭花雞肉丼同炸雞蛋黃醬丼個人好鍾意食呢D 日式定食，因為有菜有肉又有湯仲有幾舊漬物，好均衡好健康👍埋單總共都係$99 咋！！晚市好難埋單唔過百囉！！睇食評見多數人都係介紹佢地嘅西餐，無人講過佢地嘅丼，食過佢地嘅洋食同和食後，個人覺得今餐好食過之前食過嘅西餐😅大家不妨試下

環境係日式風格，好舒適，台與台之間都有一定空間星期日既下午時段，尖沙咀Isquare呢間夢見屋竟然無乜人.. 見佢都係Italian Tomato d friend，應該無死錯人食完就知點解，熱食係失望既！呢個忌廉湯... 食到一粒粒唔溶既渣，湯本身唔夠熱，點攪都唔溶...好多芝士，但相對地唔夠汁.. 上台一陣已經好快"杰"味道就好難整得難食既..說好的紅酒呢？少少味都冇.. 只係淋燒汁上去...或者甜品先係重點啦，呢個係好味既！濃濃既抹茶味，配當造新鮮士多啤梨抹茶櫻花蛋糕，層層櫻花忌廉、抹茶忌廉、抹茶朱古力，面係櫻花粉同鹽漬櫻花，又鹹又甜總結係呢間店約人傾計，享受一個下午茶甜品係可以既

成日都去尖沙咀，但好少去i square 覓食，今日咁啱黎開呢邊買野，買完野有啲肚餓，就順便食埋野先走啦！一入黎先知 原來呢度啱啱裝修完唔怪得之 覺得好似同以前有啲唔同啦晚市有set dinner，又或者叫一個主食再加錢 要蛋糕 飲品最抵食就當然係叫set 啦，但set 好似太大份，所以我地叫左兩個主食 + 兩件蛋糕我地分別叫左拿破崙蛋烏冬 同 黑松露帕爾瑪火腿蘑菇烏冬呢度嘅烏冬同出面食嘅烏冬好唔同呢度用嘅烏冬係幼烏冬，口感有啲似扁意粉拿破崙烏冬上面嘅係薄切腸仔，口感似火腿，烏冬下面有層蛋，所以一上枱就要將烏冬同蛋撈勻，否則蛋會好易燶😂至於黑松露烏冬就比較普通，帕爾瑪火腿味道偏鹹，所以一定要連埋個汁一齊食！我地食嘅時候 蛋糕選擇唔多，得幾款😒我地揀左最普通嘅紐約芝士蛋糕 同 藍莓批紐約芝士蛋糕係好classic 嘅，所以好少有伏味嘅😂最驚喜係藍莓批有幾塊桃喺旁邊，中和左藍莓嘅酸味👍走嗰陣先見到有綠茶蛋糕囉..... 有機會會再試下😁

因為趕著返學，隨便走進這家餐廳，來個快吃。環境算寬敞，有十足的座位供應，不覺迫窄。蕃茄忌妒湯，沒甚麼特別，但可接受。parma ham mushroom pasta，意粉軟硬度適中，白汁配合蘑菇跟火腿很甲，唯獨是用餐分量迷你一點，男人未必夠喉。吸引我的是蛋糕，堂食款色算多。香蕉朱古力是心頭好，非試不可。味道香甜，忌廉很滑很軟，讚。凍奶茶，合格啦，但真不太抵食。很難返氹幫襯，除非專程為他們的蛋糕而來是另計。

夢見屋同Italian Tomato，一直覺得點解佢地咁似，原來係Italian Tomato旗下，其實呢樣唔重要，重要係有蛋糕、日式、抹茶，多女生愛吃，揀佢，應該都係唔會屎錯人之選，第二樣重要，就係個價，係合理既， 飲品+主菜+蛋糕百幾到沒差，曾經幫襯過上環果間各方面都幾好，點知去到尖沙咀果間，就瀨野了。 環境:和風既設計，暖色燈，感覺幾好。 食物: 日本明太子高菜忌廉意粉，咸既明太子+忌廉意粉=濃郁先叫正常，但味好淡，唔好食。 雞肉紅咖喱飯，雞肉韌，咖喱汁唔辣但濃郁。 抹茶蛋糕，,濃厚既抹茶朱古力忌廉，綠茶蛋糕鬆軟，配合左紅豆忌廉，宇治抹茶既組合，有甜苦交集，有皮栗子缺裝飾，好味好味好味。 藍莓芝士撻， 面層佈滿藍莓，撻底鬆脆香濃，中間吉士忌廉，酸甜中和芝士味既漏，有水準。 熟食唔掂，蛋糕好味，服務態度好慢又差，咩料呀，今次失敗了。 夢見屋

我同朋友等左半小時都吾洗，就可以入去!services not bad la!he tell us the last order n we leave beware of the gate“閘門“ i think they are starting to close door or gate!