大丈夫食堂 (已搬遷) 新店位置

好日本食野，通常唔留情。一般揀1000yen既set黎食。無諗過係香港都搵到依類套餐。三文魚檔都只係68蚊港紙！極抵個蒸蛋超好味的！擺盤又好靚！三文魚閃令令苦咖！

經過長沙灣大中華隔離，發覺多左1間日式小店，裝潢簡約但有日本色彩。暫時試業中，營業時間只有午市及晚市(1200-1500,1800-2300)｡午市暫時有9個選擇，我試$58的壽司鳥冬定食有沙津x1，蒸蛋x1，壽司x5﹐鳥冬x1｡沙津算易入口。蒸蛋夠熱，而且夠味。壽司味道合格，而且賣相及份量都不俗。主打鳥冬湯底夠味但略凍(可能天氣冷)﹐餸幾甜幾好食。埋單無加一，附近返工人仕又加個地方食lunch｡

家住附近,一早已留意到呢間新開既日式餐廳。裝修簡潔,掛畫好有日本風。座位不多,但都挺舒適。因為餐廳還在試業中,營業時間只有6小時。中午12-3,晚上6-9。如果唔係咁啱放假都無緣光顧。是日刻意選中午2點多左右入內光顧,避開午市人潮。看了看餐牌,有大概10款定食。價錢大概$58-$88。以呢區黎計算價錢適中。今次老公點左壽司定食我就點左鰻魚飯定食。一份壽司定食只是$58。老公話好抵。有5件壽司,一碗腐皮烏冬,沙律,前菜及蒸蛋。老公話d壽司飯好食,醋味適中。可惜，烏冬質感有點欠缺彈牙,湯底有點淡。不過以壽司定食來説才$58,仲想點??到我既鰻魚飯黎到,我抱住即管一試既心態咬了一口,馬上眼前一亮!鰻魚好有鰻魚味,魚肉有咬口,最重要一D都唔腥又無咩骨!係香港,我就真無咩點食過咁既價錢但又唔腥又好食既鰻魚飯,真係拍得上係日本食既鰻魚!最重要不過係$88！！？？細心既店員落單時問我要唔要加飯,飯桶既我緊係話要啦～珍珠米配上啱啱夠既鰻魚汁，簡直一絕。比同區某間出名食長長鰻魚飯既果間餐廳的更讚。食埋定食跟配既滑滑茶碗蒸蛋。我飽到已經飲唔落加6蚊1支細汽水。埋單$152。又抵又好食。老公同我都覺得以後放

荔枝角長沙灣搵間好食嘅日本餐廳其實都幾難。 最近喺大中華隔離就見到一間新開嘅叫大丈夫。同同事入去試咗唔同嘅菜式， 其中值得推介呢就係吉列海鮮定食， 佢嘅天婦羅蝦，天婦羅蠔係炸得好好味。 燉蛋嘅味道同溫度都夾得好準，而沙律菜食完可再添，可食得更健康。同事又叫咗個鰻魚飯同壽司烏冬定食， 可能係新開張關係，所有嘅食材都係好新鮮。店所用嘅杯碗碟都好有日式風格， 入面仲會播輕快嘅日文歌。聽講遲吓仲會出新嘅菜式，到時一定會再去試。