大丸ラーメン

营业中

休息中

一朝早擘大對熊眼，好掛住日本🇯🇵，所以搵間日本拉麵店🍜止一止思鄉情。大丸拉麵 - 之前睇YouTube+DJ介紹過，都想嚟試一試係唔係真係咁好食。排咗大約30分鐘就有得食。•黑丸 $88麵條-幼麵，油量-普通醬油味同出面其他舖頭唔同，有點死鹹味，豬骨味唔突出，唔鍾意呢種豉油味道。麵啱啱嚟嘅時候有啲偏硬，因為湯底好熱，食到中間軟硬度啱啱好。豚肉切到超薄，普通；半熟蛋冇乜味；食到咁上下，可以加昆布醋，加咗之後醋嘅酸味同湯底完全唔夾。•蝦丸 $98麵條-幼麵，油量-普通蝦湯有蝦香味，但無豚骨味；嚟到個麵好淋，應該煮得太耐糊哂😿，完全唔洗咬可以直接吞嗰種。同店員講咗，重新煮咗一個叫我試一試麵條軟硬度啱唔啱。之後佢哋就收咗我原本碗麵，夾走咗部份淋晒嘅麵，重新放上新嘅麵落去。本身個湯嚟到已經唔算好熱，佢整完之後個湯只係微溫，入面有啲偏硬嘅麵+好淋嘅麵，非常難食😾，失望至極。

🍴白丸 （鹽味豬骨）$88👩🏻豬骨濃湯口味濃郁，拉麵揀咗粗麵，口感煙韌👍🏻 半熟流心蛋，生熟程度適中，蛋味濃郁可口😋 不過食到最後稍為覺得鹹味過重😛🍴蝦丸 $98💁🏽‍♂️蝦丸好食過白丸👩🏻試咗蝦丸真係返唔到轉頭，好鮮甜。我如果唔係唔食得太多蝦，都一定必食蝦丸😋 粗面底十分掛湯👍🏻

今日放工早左，回家路上路經過大丸見只有4,5個人排，即刻衝左過去排。無記錯平時一到6點就已經有成十幾廿人排。今日自己一個食，好快就排倒入去了。平時好鐘意食醬油拉麵嘅我當然要叫佢地個黑丸。佢係醬油豚骨拉麵，同一般醬油拉麵相比，佢多左一份油脂感，但唔會令你覺得好肥。蛋方面，睇圖就知煮得剛剛好，蛋味十足，叉燒相對黎講較薄，唔係厚個款。麵質無煮到勁淋，彈牙掛湯好有口感。今餐好滿足，有滿足倒食拉麵嘅感覺，希望下次放工早放又再過黎食其他口味!!!!!!!!!

大角咀超級人氣既拉麵🍜上次平日Lunch Time黎到，未開門已經排左去隔離幾間舖，今次係平日6點衝過黎，終於有幸食到，無論係環境，連師傅都係日本人，好似置身係日本甘🇯🇵☑️貝丸 $118湯底方面我為左唔想太濃味cover左海鮮既鮮味，所以簡左塩味，貝丸除左有豚肉片之外，仲有左5隻鮮蛤🐚鮮蛤好新鮮，有少少海水自然既味🌊肉質肥美鮮甜😋豚肉片好軟滑入味。湯底清得黎又好濃味，麵方面我簡左幼麵，幼身更加索哂啲味，麵既軟硬度適中，食下食下就成碗食哂😍我覺得整體性價比都幾高，如果下次有時間我會想黎試埋個蝦丸🦐

睇其他人的食評話要排隊，開鋪前半個鐘已有人龍，店員會俾定張餐紙你落定order,叉燒唔肥，係我鍾意的叉燒，蜆好大又好好食，餃子叫了原味同大阪燒，2款都幾好食，係座位迫同枱有D細

大角咀的人氣拉麵店 @ramendaimaru 門口長期都排著一條人龍幸好今天排了大概15分鐘便可以入內 •黑丸 醬油豚骨拉麵濃厚的醬油味每一條拉麵都掛著湯汁在中途加入蒜蓉 也有另一番味道 • 蝦丸 蝦豚骨拉麵滿滿的櫻花蝦吸引眾人的目光先嚐一口湯 滿滿的櫻花蝦香味在口腔爆發櫻花蝦愛好者必嚐❤️另外還有關西風味餃子🥟亦十分好吃 配上木魚碎真的很有在關西的感覺 此外 拉麵店提供的不是冰水而是凍麥茶 十分日本風味加上由日本人主理讓人覺得好像在日本吃拉麵般

YouTuber KOL 推介，日本人開嘅拉麵店，據講個日本人老闆本身係一個室內設計師，後來見到呢頭有甲級寫字樓但冇好食嘅日本拉麵店，就睇到商機，喺呢度開咗呢間店。呢個舖好細，只坐到8個人，似日本啲小店，所以大家要有啲耐性排隊，或揀啲唔係peak hour時段嚟。我好似排咗35-40分鐘，但食完之後都覺得值得排隊一試。蝦豚骨拉麵配幼麵，超好食。白丸豚骨拉麵，個檸檬係重點，令個湯及麵更清甜入口，呢個湯配粗麵，朋友讚不絕口。之後加麵，後上，我揀粗麵試，其實係非常多份量，食完之前個麵再加麵，飽到夜晚。朋友後加蝦湯幼麵，飽咗都食得哂。餃子一般。好多選擇。價錢好抵食，加麵都係$30-，仲要唔加一。

⟡ 蝦丸 $98由於星期六大概一點幾先去到 排咗差唔多一個鐘🕰️ 所以同限定發售既貝丸無緣🥲 採用北海道產蝦特製濃郁海鮮味噌醬汁而成既蝦豚骨湯底味道濃郁帶鮮味😋 配埋三大塊豚肉絕對係水準之作✨People kept rolling in for the limited seashell pork broth ramen from ramendaimaru 🔥 However, we didn’t have a chance to try it as it was sold out at the weekend’s afternoon😟 So we picked the Miso Sauce Made of Hokkaido Shrimp Ramen🍜 The broth was literally rich and fresh, with a hint of sweetness from the shrimp🦐 Three pieces of soft and meaty pork were nice too!🐷 評分: 8/10🌟⟡ 白丸 $88呢度既溏心蛋白夠實而蛋黃熟度剛好呈流心

▪️蝦丸蝦豚骨拉麵 $98湯底充滿鮮甜濃厚嘅蝦味，蝦油同豬骨湯好夾，仲有超多櫻花蝦，超滿足🦐不過要記得快啲食，唔好掛住影相，如果唔係凍咗嘅話湯底就會變鹹。叉燒肥瘦適中，幾爽口，但就偏細塊😅流心蛋好夠流心，好入味🥚今次揀咗細麵，但唔算係掛湯，其實年底係唔錯，只係唔係我太鍾意款嘅麵質🙊♡好味指數 🌕🌕🌕🌗🌑✔︎性價比🌕🌕🌕🌗🌑🌑✔︎環境服務🌕🌕🌖🌑🌑✔︎打卡指數🌕🌕🌖🌑🌑✔︎推介指數🌕🌕🌕🌗🌑✔︎回頭指數 🌕🌕🌕🌗🌑

One of the popular ramen restaurant in Tai Kok Tsui recently. The soy sauce pork broth ramen was succulent and scrumptious. The cha siu slices were juicy and tender, literally almost melt in my mouth! With a modest portion and with a pleasant ambience. It was a good dining experience. Will come here again!最近喺大角咀人氣爆燈嘅拉麵店之一，我點左黑丸即係醬油拉麵，湯底濃郁好味。粉紅色嘅叉燒片又多汁又嫩，入口即融化了！ 份量適中，氛圍好好好似喺日本咁。今次體驗好好，一定會再來！

之前一直有留意呢間拉麵店，好多好評。不過地點對我來講有點唔方便所以就繼續放喺wish list 。當日星期六等咗30分鐘就可以入去～～ 排隊時店員會先俾咗order 紙，再同我地reconfirm 一次，細心。一坐低拉麵亦已同步上枱，睇個賣相已經好吸引急不及待試一啖個湯底就明白點解仲係咁人氣高企。蝦湯底香濃，鮮甜但不油膩; 叉燒有三片，雖然份量不多，但味道同口感絶對值得追加！大家要記得，填完order 紙就冇得之後再加單。值得再encore 的。

終於食到大丸...🥹排到傻...開門前半個鐘排都唔可以第一批食😭 好彩既係, 的確好好食😊由日本人開既拉麵鋪係唔同d ❗️非常地道兼高質🤣🤣✨白丸超濃鹽味豚骨🥰 由喜馬拉亞山、意大利、沖繩出產既鹽, 醬汁調配而成, 聽落好猛料😂 雖然我既味蕾只係分辨到, 好濃郁既豚骨味☺️🐖成碗飲哂🤣 麵質揀左普通, 幾彈牙, 至於豚肉, 有三片🤪質素都中上, 然後加多左3片, 飽到顛😛半熟蛋見圖, 好靚蛋黃, 好彩再加左一隻, 大滿足🤝🏻✨蝦丸湯底係由北海道既蝦特製海鮮味噌醬汁, 蝦味勁濃🦐🥹 加上有一大堆櫻花蝦, 撈埋碗湯度食多一個層次😎很好, 其餘材料同白丸一樣, 湯底兩個揀一個既話, 會揀蝦丸🫶🏻 整體味道更突出💯✨關西風味日式餃子有木魚有蛋黃醬, 成個感覺好似大阪燒😂😂 唔太脆, 味道普通, 可以唔嗌🤔

今日同朋友仔出街食飯，佢推介我去大角嘴食人氣拉麵。雖然630左右已經到達，但已經有一條長長嘅人龍係度排隊等候中。既然係朋友仔嘅推介，我哋都唯有排隊等下。幸好食客都係食完就走，所以我哋大約730左右就可以入左。我地點左黑丸醬油豚骨拉麵、蝦丸蝦豚骨拉麵、信州蘋果梳打同埋山梨葡萄梳打，本身諗住叫埋餃子，但一早已經賣晒。無論拉麵、糖心蛋、湯底、叉燒都充滿濃郁嘅蝦味，再加埋大量嘅櫻花蝦，非常好食。總括嚟講，如果唔駛排隊我一定會經常幫襯。

經過數十次都排長龍由無興趣到對佢產生好奇再驅使到我願意賭上珍貴lunchtime嘅45分鐘嚟排隊😆事實證明客人蜂擁而來係有原因嘅一開始排隊頭10 分鐘，waitress已經會過嚟招呼你簡介一下menu選擇內容呢個時候就要揀定自己想食咩聽講呢度嘅豚肉係必定要加多一份先滿足到所以我都加咗一份揀咗櫻花蝦豬骨湯底之後就耐心等入座入面大概10個座位左右師傅係日文溝通好地道無添加味精嘅湯底勁濃郁😭😭😭豚肉啱啱好 似好溫柔咁烹調佢幼面掛得比較多汁睇落雖然唔係好大碗但絕對會捧腹出店😆隱藏食法⭐️加昆布醋落食完拉面嘅湯底度即刻昇華咗去第個層次立即減去heavy感變得light咗微微嘅酸味飲湯底變得開胃！！個醋勁好味！

之前睇完youtuber 推介呢間拉麫，一直都放在係bucket list，但每次經過都好多人排隊；今日十一點半左加去到，終於有機會等到十二點開門就入去食啦貝丸 HK$108咁早去排隊就係為咗呢個貝丸，佢係期間限定嘅拉麪，通常開鋪頭兩個鐘就賣曬~ 貝丸上面有五隻大大粒嘅花甲，肉身偏厚而且好有鮮味~ 至於湯底，今次我就揀咗鹽味，味道唔會太鹹，配埋彈牙嘅拉麫一齊食，好味~ 黑丸 HK$88黑丸即係醬油豚骨湯底，湯底嘅味道偏濃，但係食完唔會覺得好口渴；至於叉燒方面，佢同其他拉麪店嘅叉燒好唔同，係用慢煮嘅方法煮成嘅~肉質比起其他日式叉燒嫩好多~整體感覺呢間拉麪幾高質，聽人講其他拉麪都一樣好食，希望下次可以試到其他款式嘅拉麪