大丸ラーメン

营业中

休息中

經過數十次都排長龍由無興趣到對佢產生好奇再驅使到我願意賭上珍貴lunchtime嘅45分鐘嚟排隊😆事實證明客人蜂擁而來係有原因嘅一開始排隊頭10 分鐘，waitress已經會過嚟招呼你簡介一下menu選擇內容呢個時候就要揀定自己想食咩聽講呢度嘅豚肉係必定要加多一份先滿足到所以我都加咗一份揀咗櫻花蝦豬骨湯底之後就耐心等入座入面大概10個座位左右師傅係日文溝通好地道無添加味精嘅湯底勁濃郁😭😭😭豚肉啱啱好 似好溫柔咁烹調佢幼面掛得比較多汁睇落雖然唔係好大碗但絕對會捧腹出店😆隱藏食法⭐️加昆布醋落食完拉面嘅湯底度即刻昇華咗去第個層次立即減去heavy感變得light咗微微嘅酸味飲湯底變得開胃！！個醋勁好味！

之前睇完youtuber 推介呢間拉麫，一直都放在係bucket list，但每次經過都好多人排隊；今日十一點半左加去到，終於有機會等到十二點開門就入去食啦貝丸 HK$108咁早去排隊就係為咗呢個貝丸，佢係期間限定嘅拉麪，通常開鋪頭兩個鐘就賣曬~ 貝丸上面有五隻大大粒嘅花甲，肉身偏厚而且好有鮮味~ 至於湯底，今次我就揀咗鹽味，味道唔會太鹹，配埋彈牙嘅拉麫一齊食，好味~ 黑丸 HK$88黑丸即係醬油豚骨湯底，湯底嘅味道偏濃，但係食完唔會覺得好口渴；至於叉燒方面，佢同其他拉麪店嘅叉燒好唔同，係用慢煮嘅方法煮成嘅~肉質比起其他日式叉燒嫩好多~整體感覺呢間拉麪幾高質，聽人講其他拉麪都一樣好食，希望下次可以試到其他款式嘅拉麪

每次經過都會見到好長嘅人龍喺度排隊，無論晏晝同夜晚都係有呢個情況。同埋有了解過呢間舖頭係由🇯🇵日籍🇯🇵廚師🇵主理嘅，搞到成日心思思想試吓佢🐲🐉。鑒於拉麵店唔係一個會慢慢食慢慢傾偈嘅地方，對於同朋友出街食飯懶得轉場嘅我未必會係頭號選擇🤪今次諗住揀咗喺附近睇波，就一於試吓佢啦💪🏻 八點鐘開始排咗九個字左右就入咗去食。店員會喺你排緊隊嗰陣時俾個餐牌同餐紙你mark低你要啲乜嘢，一入到去坐低就差唔多有得食🤙🏻坐低冇耐主角就現身啦💪🏻今次我揀嘅配搭係蝦丸幼麵多油🤤通常一開始我會飲啖湯先唔知今次係咪叫咗多油嘅關係，”畢”尼”畢”去都好似係面嗰浸啲油😂不過飲落去係好香嘅，蝦味好重🤘🏻佢哋正常碗麵會包半隻糖心蛋，食得出係日本貨蛋黃幾濃質素唔錯。湯底唔會係好杰嗰一種，味道豐富同啲蝦油櫻花蝦好夾。今次配搭幼麵雖然唔係好掛湯嗰一隻，但係每一啖都有濃郁嘅蝦味。拉麵另外一個主角就係叉燒。味濃淋滑唔會柴食落口好正。個人覺得佢切得太薄好似任食打邊爐嗰啲火鍋料咁樣🤣🤣如果佢切得大塊D厚身少少咁就正啦😍佢做到嘅話如果賣貴啲我都會接受😋總括嚟講，我會比90分同埋一定會返卓😂💪🏻但係食親都要排隊呢下就kick kick 地

The small ramen shop is owned and operated by the Japanese. It was already crowded outside the entrance when I arrived at my destination. While you are queuing, the shopkeeper will give you a menu for ordering your ramen.I ordered ramen with shrimp and pork bone flavours $ 118. As a standard feature, the ramen comes with three slices of pork, half an egg, seaweed, shredded wood ear, and green onion. You may add additional toppings to your preference.There is a rich shrimp broth in this ramen, to

超高人氣拉麵售完即止😨|為咗一碗拉麵你可以去到幾盡?🍜|大角咀人氣超長人龍日本師傅主理拉麵店🤤|大丸拉麵 大丸ラーメン「期待每步也是祭典，遺憾事隨便留在背面，悠然擁緊夏焰」今年香港拉麵界好多新星冒起，各有特色，今日就為大家介紹下依間係大角咀由日藉師傅主理嘅人龍拉麵小店，賣點係用大量貝殼類煮出香濃嘅海鮮湯底，小店只有十數個座位，分開午市同晚市，中間有落場時間，所以經常可以見到客人未開鋪就已經大排長龍，想幫襯嘅朋友可能要預早少少可以食到第一轉，而且招牌拉麵會售完即止，想食嘅朋友要有係炎熱天氣下排隊嘅心理準備。-貝丸(盬味及幼麵) 4.1/5⭐️當日我食晚市，提早半個鐘排隊亦要等待約1個鐘先入坐，店員係排隊時已派發拉麵紙落單，我今次好好彩試到佢地嘅招牌貝丸，店員推介鹽味湯底唔會搶哂海鮮湯嘅味道。拉麵上枱幾吸晴，一排蜆肉整齊排列，加埋糖心蛋，叉燒等配料令到成碗拉麵都好豐富，我仲額加追加咗叉燒添，先講湯底，入口有鮮味但略為咸咗少少，亦可能係我自己期待度太高，湯底部分未令我覺得十分驚喜，至於幼麵同爆心蛋水準正常發揮，不過不失。蜆肉大粒無沙，配埋湯底一齊享用好滋味，叉燒賣相粉嫩，薄切而入口即溶，都算唔

呢間位於奧運既人氣拉麵店長期都大排長龍，聽說係由一對港日夫婦經營，仲專登去日本拜師學藝，閒日我都等左差唔多45分鐘先入到去店內既裝修擺設真係好似日本拉麵舖咁，播住日文歌，加上店員都係講日文，我當左自己係日本架啦🤭黑丸醬油豚骨湯底拉麵，湯底係由熊本產熟成醬油及日產乾貝等製作而成，食得出個湯底係有唔同既味道層次，但對我黎講濃味左d同較油，慢煮叉燒又嫩又腍，整體尚算不錯蝦丸蝦豚骨湯底拉麵，湯底係由北海道產蝦特製濃郁海鮮味噌製作而成，蝦味真係好濃郁，上面仲有d櫻花蝦，食落有點脆口既口感，好得意原味餃子餃子皮煎得香脆，平時都係蘸餃子醋多，原來蘸山椒鹽一齊食係咁好食架喎師傅煮拉麵既時候我八卦望下入面，見到師傅都會將每隻拉麵碗坐熱，務求為客人呈上一碗熱焫焫既拉麵，真係非常細心，咁多人排隊係有原因

今天11：30店未開門已經排滿人，終於1：30可以入座了！大力支持大丸！！！大丸真系我香港食過咁多間拉麵，覺得最好食果間。感受到大丸入面既師傅好俾心機咁去研究同改進自己既料理。食好多次都有驚喜，員工服務態度又好好。食哂個麵可以試下加少少(約半湯匙左右)昆布醋入湯，效果等同鹽味拉麵嘅檸片，湯會完全變左另一個味道，令你好想飲哂碗湯👍🏻

位於大角咀的拉麵店, 早前看到有youtuber介紹，由日本人主理的一間街坊小店，於是趁著假日打算開店前早點去排隊試試，餐廳開5點但4點半門口已經有長長的人龍，幸好第我們第二批便可以入座了，不算排太久，但吃完出來人龍已經要"打蛇餅"了貝丸蝦味湯拉麵 (蝦湯) $118我選了數量限定的貝丸拉麵配蝦湯，由於配料有大大隻鮮蛤，更加提升湯底的鮮甜味，使湯底更加濃厚清香，不知不覺便喝完一整碗湯了；鮮蛤很大隻，不會起沙，每隻均十分肥美，另外有三片豚肉，肉質軟腍，味道不錯！麵款我選了粗麵，很掛湯而且非常有嚼勁及彈牙，非常好吃黑丸醬油味豬骨拉麵 $88另一份我點了黑丸醬油味拉麵，湯底雖然很濃郁，但黑蒜油味道非常突出，甚至有點搶了豬骨湯底的味道；拉麵也配上三片豚肉，雖然薄薄一片，但肉香十足，整體很不錯；下次可以再試試白丸鹽味拉麵關西風味餃子 (5隻) $35非常日式的餃子，很像在吃章魚小丸子，只是主角變了餃子；外皮焦脆，皮薄餡料也很豐富，咬下去依然會有肉汁滲出，火喉掌握得剛剛好，很不錯

💬 相信如果話喺香港最好食嘅拉麵店大家都可能唔會反對舖頭喺黃昏六點先開門入座但係五點已經見到有人排緊隊係我哋前面起碼有10幾個人所以都預咗要等第二輪先至食到排到差唔多嘅時候店員會比定點餐紙記得之前有一個最特色嘅海膽拉麵係好大板海膽毫不吝嗇但係嗰個好似好耐都冇推出🍜 貝丸其實都好好食好鮮味又唔會有沙🥟 另外加左關西風味餃子雖然舖頭座位唔多，但係勝在大家都係食一碗麵所以返枱都好快係值得大家排隊一試當然可能下晝就唔使排咁耐排咁長龍

有日去大角咀覓食，路經此地，見到人龍排拉麵店，當時都不以為意，但後來得知，原來係日本人主理，就連住港日本Youtuber都大讚好味，所以我對呢間餐廳留下深刻印象。星期一中午12點20嚟到，門外已經有十幾人等候，對於肚餓嘅我嚟講，真係大受打擊!! 🙉 完全無諗過平日啱啱12點開門已經有人龍….. 等左9個零字終於入座，再等多5分鐘熱辣辣嘅拉麵終於嚟到我面前!!十個有九個都會點蝦丸 $98湯底鹹甜適中，蝦味濃郁；叉燒中間少少粉紅、肥瘦適中、豬味濃、帶點爽口，係好味嘅，可惜只有3小塊😭成碗麵其實唔差，敗點係我點左太麵😢，如果用幼麵會更match。餐廳寫住最佳嘅湯底溫度係60度，除住溫度下降，就會越食越覺得鹹，所以要盡快享用。呢度嘅拉麵湯底係我食過最熱嘅一間，冬天嚟食一流!!黑丸 $88好多拉麵店用黑蒜油製成黑丸，但呢度係用醬油豬骨湯底，對於唔中意蒜味拉麵嘅我非常友好🙊。由於用醬油而成嘅湯底，所以鹹度會比蝦丸高少少，但可以接受。男友醒目揀幼麵，明顯比太麵更適合。日本餃子 $35/5隻配山椒鹽同醋餃子汁，如果乜都唔點其實同大阪王將唔大分別，個人覺得可以唔駛試。😅如果第一次嚟嘅話，我會推介先試蝦丸

路過兩次，因為要排長龍都冇食到。今日放工專程6點開舖前去到，已經有20個人排緊隊。終於同阿仔兩個人等咗50分鐘，排隊時已經預早點餐，所以坐低唔夠5分鐘就有得食，點咗兩碗蝦湯麵同日式餃子，湯味道夠濃夠熱，果然好味。餐牌拉麵款式唔多，勝在夠專，由日本廚師親自處理，加上侍應和廚師用日文溝通，配上店內日本音樂，真係好似身處日本食緊拉麵，喺香港暫時食過最好味嘅拉麵。聽到後面有位女士要少啲拉麵，侍應話會加番叉燒比佢，如此服務，第一次見。

大丸ラーメンDaimaru Ramen呢間係位於大角咀嘅人氣拉麵舖✨12點半到達都需要排1個半鐘先入到場但店員招呼好好，入店前可以揀定想食咩，而且又設有座位坐下🧂白丸(鹽味豚骨拉麵)白丸可以加檸檬片🍋整體濃而不膩，檸檬都有提升拉麵風味，令味道無咁單調🍥非常好味🦐蝦丸(蝦豚骨拉麵)有大量櫻花蝦❤️而且連埋麵同其他配料一齊食非常有口感✨加上小店提供嘅自家製昆布醋令個湯底更加豐富🤤好味到要飲曬成碗湯

今日去大角咀試下個人氣拉麵，去到排隊要等第二輪先到我地，好彩天氣唔太熱，等到一半職員拎凍水出黎俾我地飲，好貼心服務唔錯入去叫左蝦丸拉面，同大阪風餃子食。個湯底非常濃郁鮮味，又冇味精。食完都成個鐘都唔口乾餃子就正常餃子冇咩特別 。

下晝2:15去到，我大約有10多人排隊等候，餐廳內侍應出來給我餐牌，叫我預先點餐，都係一般日本拉麵店正常程序，我當時我和其他食客都已經點了自己的拉麵，我大約排隊排到2:45 ，其實後邊已經截龍，突然間餐廳內的侍應出來跟我前幾個同樣排隊的食客講，今日嘅拉麵湯已經用晒，唔好意思，請你地離開，佢話如果有興趣嘅話，可以繼續排隊入內食餃子或者飲汽水，就咁講完離開。其實排我前面嘅幾位食客，俾我派咗咁耐嘅時間。完！

大角咀人氣拉麵店，每次過嚟食都要排隊，但絕對值得花時間過黎一品佳餚！當日過嚟係星期六夜晚7點半，條隊大概有12人左右，排左一個鐘先成功入座。舖頭拉麵款式選擇不多，但我每次黎都係食蝦豚骨拉麵，因為食完真係返唔到轉頭！拉麵有得選擇油既份量，建議未食過嘅人第一次食蝦豚骨拉麵係揀多油，包你有驚喜！蝦油滲落豬骨湯好夾好香口，食完一口又一口，根本停唔到！食晒成個拉麵後，強烈建議問職員拎自家製昆布醋，加少少落匙羹再加少少湯嚟飲，昆布醋中和左湯嘅油膩感，包保成碗拉麵湯飲晒！唔介意排隊嘅人一定要過嚟食！