大佳B甜品屋

营业中

休息中

第一次食依間糖水，啲名完全睇唔出係咩糖水黎🤷🏻‍♀️一定要睇相睇餐牌先搞得掂😅哈利路亞唔太甜，好多料，幾好味。米米沙就甜咗啲，但好鍾意佢有我鍾意嘅麥米，脆卜卜😋

今日叫咗木瓜燉雪耳，木瓜係一片片咁計，雪耳唔使講啦，都係得幾片。。食哂啲料之後係第二張相咁淨返大半碗水。。。真係好垃圾，大佬你都唔好咁Hea整啊。。。以後我都唔會再食

雖然住得近，以往响鴨脷洲幫襯過，但佢搬咗嚟香港仔第一次幫襯，買咗個陳皮紅豆沙及楊枝甘露，但很失望，紅豆沙完全冇陳皮，啲豆雖然一粒粒，但似乎係分開放落去，自己煲過就知啲豆唔會咁完整一粒粒的，糖水沒黐綿嘅感覺楊枝甘露$44但好少芒果，同埋啲芒果唔係新鮮的，食唔出係芒果味道，可能係罐頭掛，响好多糖水舖食過楊枝甘露，但第一次見楊枝甘露啲芒果唔係新鮮芒果，唔值這般貴，以後唔會幫襯又最唔方便只收現金，連八達通都唔用

啲野難食不特止個老闆娘態度又差🙄之後都唔會再食大佳b。講真，大佳b 唔係未食過，係由細食到大，今日去食番，真係難食到不得了。首先，個焦糖燉蛋，一啲焦糖都冇，又冇蛋味，擺咗好耐咁。第二，個楊枝甘露勁希，好似溝左水咁。最差就係個招牌芒果布甸，我以前都好鍾意食，今次一上枱隻色已經唔對路，勁淺色，放入口無味，啲水果仲要唔新鮮，我哋同老闆娘反映，重要好串話無問題，係我哋口味變咗😓，真心無奈，嬲到即刻唔要但可惜影唔到相，見到咁小客都估到應該係差左，但無諗到差到咁，難怪生意咁差，去哂隔離啦。

聽講呢間甜品喺香港仔好出名，所以前幾日去試一試！叫咗個楊枝甘金露，原來係楊枝甘露，加埋一個芒果雪糕球！好食！用芒果整嘅甜品真係好好食！難得九點幾，都唔使排隊！以前D客去咗邊？This is a famous dessert place in Aberdeen, it used to be a lot of people waiting in line, but we are glad that the wait time is only 5 minutes! The quality of the dessert is very good!

外賣3碗糖水加湯圓，都明白外賣要等，落單後同店員講轉頭攞，約5分鐘後番到去，入去望下冇任何包裝外賣，而落單店員亦見到我，我相信如果已整好佢會話我知，咁我就門外等再5分鐘後，落單果位店員出嚟比其他外賣客人，而叫號同我果張係前後號碼，我順勢問我個號碼有未，店員先如夢初醒咁問我頭先唔記得問係咪放埋一齊，但係menu寫到明不另上，點解仲要問，我有d懷疑果陣先整我d糖水再等多5分鐘後，我側邊所有等外賣已經取走，我再問另一店員，我份外賣有未，呢位店員目木表情講左幾個字「湯丸要煲」之後立刻擰轉身入番舖頭再等多5分鐘後，我既糖水終於有，其實真係冇預期買糖水要等20分鐘，買過其他糖水鋪都唔需要等咁耐，或者咁講如果係需要等咁耐，落單係有責任通知客人要等耐啲番到屋企，打開發現比錯左，本身要1紅2綠豆沙，變曬全部綠豆，等外賣過程我有望過廚房阿姐，入面好多時都係清閒，唔理解咁都可以出錯，碗紅豆沙係本人既，而本人係唔鐘意食綠豆沙，所以我覺得碗糖水好難食（張單冇寫錯，係廚房比錯）住左香港仔幾廿年，大佳b都算老字號糖水舖，以前亦週不時會幫襯，真係未試過咁差既體驗

好難食。芒果係切定。搞到氧化都俾人食。所有野都同以前差好遠。有得簡唔會再食～點解可以差咁遠。真的非常失望。愈做愈差，平時都好少打食評。今日食完之後只有無盡既失望😢

一入到去見到平時見開嘅收銀喺廚房，樓面換咗另外兩個。我嗌咗個薑汁豆腐花，個四眼哥仔好疑惑咁幫我寫單，我冇乜點留意到佢寫咗咩。結果嚟咗個同豆腐花一樣樣嘅鮮奶燉蛋，食咗第一淡再望下個樣發覺唔對路，點解實咁多，唔滑嘅。再食多兩淡發覺真係好奇怪，睇下張單先知佢真係落錯單。咁就梗係叫佢幫我換返喇，點知個長頭髮戴帽高大水鞋呀姐好似覺得我出蠱惑，想慳錢試佢個燉蛋咁，一直同廚房個遮遮細聲講，以為無人聽到😅，喺度講啲咩食咗一半先嚟碗，又話咩睇唔到唔同咩。咁你個薑汁燉蛋同薑汁豆腐花一樣樣，只係實啲同滑啲，我食咗咁多次大佳b都冇試過有咩出錯，同埋個menu又唔係多嘢揀。再講你自己小人嘅心去諗嘢啫，唔好當所有人都同你一樣😅🙏

今日接完阿仔放學來食招牌芒果布甸食過好多次，今次終於有影相雪糕好味，芒果夠甜布甸內也有不少芒果另外仲叫左花生糖不甩好熱好煙韌不痴牙，好好食我同阿仔都食得好開心😄😄😄

喺朋友推介之下，晚餐食咗一餐非常非常之好味。同一個朋友，我食完晚餐之後去食甜品，都係推介嘅，點知就出事。我叫咗個鮮芒果汁底雜果黑珍珠，個芒果汁一啲都唔甜，雜果竟然係西瓜、哈密瓜同埋火龍果……… 可能我孤陋寡聞，我真係未食過雜果裏面係有火龍果㗎，火龍果本身冇味，加埋唔甜嘅芒果汁同埋本身冇味嘅黑珍珠，我真係唔知自己食緊乜。

今天在香港仔晚飯後，想吃些甜品， 上openrice 搜尋一下 ， 在香港仔的甜品舖剩下的已不是很多，於是選了這一間大佳B。這店舖很多年前是在鴨脷洲大街的，搬來香港仔也不少年日了， 進內一看，牆紙依然沒有變，帶來少許多年前的回憶。 看看餐牌 ，選擇也不少。我們共要了三款甜品：1. 艷陽雪山燉蛋2. 楊枝甘露3. 香蕉船總的來說，三款甜品不過不失，普普通通，也沒有什麼驚喜， 至於艷陽雪山燉蛋 (名字改得就好了)，如果採用正宗的焦糖燉蛋，就可特別加分了。今時今日，港南區甜品店舖數量不多，有這樣的水準，總好過沒有得吃。

之前有晚同男朋友食完飯，就去咗香港仔食甜品～.🔸 (HK$50)成個甜品係橙黃色調好吸引，綿綿雪花冰，配上新鮮芒果、百香果魔豆，食落好滿足❤️！.🔸 (HK$38)呢度嘅特色甜品之一。一個甜品入面有齊：哈密瓜、西瓜、火龍果、芒果、涼粉等等😍。另外追加咗一個芒果雪糕 (另加HK$8)。.💡妹豬仔話你知💁🏻‍♀️～除咗西式甜品之外，呢度嘅中式糖水亦唔錯㗎😚～.(以上價錢僅供參考，一切以甜品店為準).

番薯糖水、感覺啲番薯同糖水係分開嘅。啲番薯係後加唔係一齊煮. 有點失望。 諗住天氣凍凍哋食返碗熱辣辣糖水 好似自已係屋企煮咁. 薏米府竹唔夠熱。三粒湯圓要另加$12。不過個頭髮馮鬆嘅男仔幾有禮貌

曾經憤怒，吃碗腐竹糖水賣光雞蛋，居然索取原價，這麽犟的老細，叫人生氣。這一氣，氣了七年。這七年，花開花謝，我學會了應付日常生活裡，種種情深緣淺。待得雲淡風輕，雨過天晴，放下這枚雞蛋的我，終於釋然。「與天拼不與自己拼；和人鬥不和肚子鬥」，大度的我邁著碎步進店。翻menu發覺甜品五花八門，其中很多只是某溝某，有刨冰、有糖水、有布丁…有中西；也有冷熱。我選了較昂貴的鮮芒果椰汁撈河（$40），朋友則選了便宜的水上人糖水（$23）。先介紹我的甜品吧! 芒果很多也很甜，椰汁河粉則帶種椰子的獨特香氣，粉條大小均勻整齊，加上芒果汁，非常美味滑溜，且賣相不俗，就是份量太小，性價比不高。再說到朋友的糖水，其實就是烏豆、雲耳加個蛋，是水上人的傳統食物，味道就是-甜! 卻聽說有補血的功效，朋友每次到來都吃一碗。受肺炎疫情影響，客人很少，只有2，3人，一頭金髮的職員看來沒精打采，遇到我們揚聲落單，他馬上瞳孔發亮、步履輕盈如同被軟件「激活」…這可憐的年青人應該很悶吧？

買外賣真係勁黑人憎話要紅豆沙就俾綠豆沙我我覺得係因為紅豆沙多人食，綠豆沙賣剩庶諗住我拎返屋企先見到，都唔會換就俾綠豆沙我唔通我買外賣都要好似買3咁要打開個蓋check咩都唔知係佢地撞聾定有心仲等我滿心期待左幾個鐘今晚食紅豆沙