大卡司 (已結業)

第一次飲大卡司，叫左最普通但個人認為最試到真章的綠茶！入口冇苦澀味,甜度適中,good!一定再會試其他

很好...很喜歡珍珠奶茶的味道..喜歡珍珠奶茶的味道...我很喜歡珍珠奶茶的奶味...而且奶很重...自己很喜歡那淡淡的奶味...因為別都會很甜...所以比較中意茶味/奶味重小小.點解唔直!!??因為佢地一刻意俾小就覺味道明顯不太好..有次叫加奶..我就好似係到飲 所以很喜歡珍珠奶茶的味道......

試過幾次，次次都要等幾分鐘！叫左大杯珍珠奶茶，都幾多珍珠，差唔多有三分之一~~~份量就幾好喇，味道就...勁甜！！下次一定要叫少甜！另外服務都幾好既....

同方生先行經此店,例牌又叫左杯”凍頂烏龍奶茶加椰果”　呢一次記得叫店員幫我少冰喇~唔使2分鍾奶茶已經整好到手,話少冰真係好少冰,得數粒浮喺面!奶茶依舊滑同有淡淡茶香,椰果雖略甜,但咬椰果時吸一口奶茶,唔上可以中和甜味,椰果同奶茶仲好夾tim~叫少冰係冇錯,唔係貪佢多2啖奶茶飲,而係底下ge椰果絕大多數到可以吸入口中,減少浪費同埋,若果一向飲開港式奶茶的,真係唔好貪新鮮走去飲台式,港式奶茶一向偏重口味,茶同奶味都較濃;同台式奶茶有分別,所以兩者又點可以一齊比較呢!?

第一次光顧感覺唔錯員工既態度蠻不錯.有禮貌不過似乎缺人.個個都好忙連收銀都冇人叫左兩樣都係朱古力(唔太記得名很抱歉)有套餐選擇.好抵食.朱古力唔太甜而且熱辣辣都唔洗等太耐下次會再光顧

行街就最好一路拎住杯嘢, 一路行一路飲就最正喇~~ 啱啱响千色入面見到呢間, 見橫掂未試過, 又費事周圍搵, 於是試下啦~~~見到佢有部份飲品有得免費加料(珍珠, 仙草,...........仲有幾樣唔記得), 於是叫咗杯炭燒奶茶+仙草..............仙草份量都裝有1/4杯左右, 奶茶色非常奶, 好似勁多奶咁..............但飲落就發覺冇想像人咁奶, 而且好香咖啡味(其實係炭燒味), 至於D仙草其實即係涼粉, 整體上配合得唔錯, 又唔會太甜................

今日見到都OK多人排隊！！就諗住試下個珍珠奶茶！！order左個大杯珍珠奶茶$12一睇就覺得有D怪怪地,睇到杯野有野*底!!搖左2野就算了第一啖飲巳經好唔掂!!!太甜d 珍珠超難食,又細粒,咬落去一下就散,完全唔知食緊咩..又冇咩茶味!結果冇飲晒就掉左了....

今日去深水埗大卡司買左炭燒珍珠奶茶和茉香椰果奶茶同老公Share飲, 兩款都幾好飲, 先要讚一下"炭燒珍珠奶茶", D珍珠同其他台式店有D唔同, 比較細粒, 入口好似好多粒珠仔在口中轉轉下的, 好得意, 而炭燒味都幾特別."茉香椰果奶茶" 我選擇了以椰果配搭, 好香, 椰果好味, 加起來味道好Match, I Like it.

近黎1，2年元朗出現左好多間台式飲品店但我最愛既都係大卡司可能因為我鐘意重奶味既奶茶多過鐘意重茶味既奶茶所以重茶味既奶茶我係唔鐘意重奶味既大卡司必定係我揀奶茶既必到之處每次必叫珍珠奶茶價錢合理奶茶好滑頗甜不過我鐘意甜所以唔介意總括黎講鐘意飲重奶味既奶茶既朋友們可以試試大卡司

下晝5點幾經過, 天寒地凍又見人龍, 嗱嗱臨叫一杯熱飲暖肚<服務>只有2個人睇鋪, 一個專注調校飲品, 一個負責落單收錢加包裝, 根本就唔夠服務, 客人一般要等1-2分鐘先可以落到單<食物>叫咗一杯 "熱碳燒珍珠奶茶", 盛惠十大元, 真係非常抵, 味道有點像麥精, 不燙口即拿即飲很鍋心 備註 : 雖然係小店, 但希望响港島區見到您哋啦 !

同普通珍珠奶茶唔好味道既? 呢個甜甜地架 我簡左茱香奶茶, sales推介加椰果, 話好多人都會咁間初初都覺得奶茶加椰果既味...會好怪..但信左個sales結果有驚喜！奶茶係白色既！當然茱香奶茶會淺色D, 但呢個真係白色, 遺憾冇影到相>^< 因為一到手就飲！味道唔同一般奶茶！椰果係菠蘿味架！好多, 每啖都有架正呀！第一次飲到咁特別既奶茶味！下次經元朗會再試試炭燒, sales推介都係加椰果真係下次要試試, 或者各位飯友試下再分享俾我知呀

奶茶味道不錯! 碳燒奶茶好好飲,有d咖啡味! 買奶茶唔洗錢加一樣配料! 珍珠細粒的! 平均奶茶細杯十元,大杯十二元,有蓋印仔十個以上送一杯飲品! 服務態度不錯(最基本的服務態度都比到你) ! 價錢都ok!

十一月十四日 (星期六)去完濕地公園,我們到了元朗搭車回家見口渴,又看見我早聞的大卡司,決定買杯珍珠奶茶一試大大杯,只是十元,奶茶很甜,而且富茶味珍珠大大粒,而且爽滑彈牙,有很多粒很滿足,很解渴,開開心心回家!

何止深圳，我在廣州都見過佢既終跡。不過廣州的除飲品外仲有小食。百香綠茶(加珍珠)：由於不是平常的奶茶加珍珠，因此雖然喝下很清，不過夾上珍珠有點怪紅豆沙奶茶：點了少甜都是太甜，下次應該叫半甜。紅豆沙襯上奶茶出奇地合，而且有點像吃雀x的紅豆雪條加珍珠總結來說：普通。反而會更多去台北站

今日，買左一杯 木瓜奶茶 果陣，有一幕真係嚇到呆左，入面整飲品的人...用佢嫻熟的手勢黎沖調飲品...本來都沒有大問題只是，用同一隻杯黎沖制各色各樣的飲品而沖製過程中 只是偶爾用水 洗了一次就算了...好似有點過份....飲品整體上 味道都唔錯...因為我點的是 木瓜奶茶 飲到底而唔會有失味的情況(因很多地方都用大量的水來節省成本)如果不計算衛生情況，這家店只是比其他貴了3-4元...但質素都已經比他們高出很多。