大叢小廚海鮮火鍋

营业中

休息中

有好多海鮮，最鐘意係蒜茸粉絲蒸蟶子，仲有紅酒燴牛尾加埋法包，讚讚讚！呢度d服務都ok,係環境有d嘈芝麻雞好好味，必食！甜品我覺得最好食係芝麻煎堆我真係第一次食，其他餐廳都無呢個咁好味嘅煎堆。

七人同行，book 咗位，原本想打邊爐，但係其中一位朋友想食小菜。咁就試下呢度既小菜。店上多數客人都多數係打邊爐，只有兩枱係食小菜。當晚八點鐘點菜，但成八點九先上到第一度餸。相信這店都以火鍋為主打，眼見火鍋配料出得跟快。又係樓上舖，有幾枱食客在吸煙。小菜款式選擇不多。地方不大，很嘈雜，不宜傾計敘會。冰梅骨-酸甜適中，香口乾身，一口一粒。不過成碟約得十粒左右節瓜粉絲煲-節瓜不太硬亦不太焾，粉絲很入味，平凡中顯功架芝麻雞-皮脆肉滑，每塊皮都沾有芝麻XO 醬西籣花炒雙蚌-水準一般豉汁蒸鱔-水準一般，全碟又不超過十舊紅燒豆腐-味道不錯，豆腐不會一夾就散蒜蓉炒菜芯-又係一人一條

以前去過打邊爐，用料新鮮，但近日去過食小菜，反而感覺小菜非常之出色，價錢公道，所以最近再去都轉食小菜，當晚菜單如下:花膠螺頭蟲草花燉雞，煎封一夜情，芝麻咸香雞，胡椒炒大肉蟹，客家𡢄腩肉，懷舊粉絲蝦㷛，蛋家三寶蒸菜遠，鮑汁撈麵。價錢$1688，8位用不包酒水。食物要讚的是煎封一夜情，其實係煎封石班魚，魚身鮮香肉滑。粉絲蝦煲啲粉絲超香濃。芝麻雞，原來老闆選用嘉美雞所以肉質滑有雞味及咸香。鮑汁撈麪係佢地自家制的鮑汁無加味精。其他嘅都好好味，碟碟清晒！仲老細話佢沒有餐牌，因為佢主張不時不食，所以每日係街巿見到有咩新鮮嘅當晚就有咩菜食！👍👍👍👍👍👍👍👍整體係超班，依家仲變咗係我嘅食堂！只可惜忘記咗影相😞😞

本來我一向去九龍城、長沙灣、大角咀嘅火鍋館，甚少會過尖沙咀。今次因朋友要近西鐵站，所以選擇尖沙咀了一向喜歡幫襯火鍋店，一來沒有酒樓那麼多人，二來又沒有咁多茶、小費同貴一貴嘅酒水...哈哈！上網找尋，找到這間大叢，沒有好多人寫過這間食評，只得幾個，但都是正面！所以就試下喇，其實未上去之前都怕佢會好貴..哈哈一上到去，小小的地方已全滿，因為有3張大伙兒在慶祝，比較迫夾！但一坐下四人卡位，好闊落，可以坐6個人！伙記非常好禮同好欣勤，服務好好，一打開火鍋紙，平均都係38-68蚊，手切肥牛都係一百頭，正呀！今次埋單，四個人 1100蚊，食到好滿足呀~~~~ 佢地好多湯底，我地今次點選得蘿白牛腩鍋，好正~~~順帶一提，普通沙嗲清湯都係38蚊~~抵呀！

除咗味一番係我飯堂之外,呢間大叢都會成為我飯堂. 老闆風趣,幽默,亦好客,大家都係美國畢業,所以都有點一見如故! 食物質素好好,而且用心製作,極之有水準!!地方寬敞 小食魷魚鬚同山東泡菜十分好食. 魷魚好入味,泡菜酸甜平衡適當,好開胃!! 金銀菜燉豬展陳腎湯底 - 呢度特式係燉湯. 午飯時間套餐包埋燉湯都係三十幾蚊,十分抵食. 所以到晚市亦有燉湯做湯底. 清甜潤喉,飲咗大半煲先再加豬骨湯開始打邊爐!! 雪花肥牛 - 睇個樣真係好靚!! 呢碟肥牛入口軟滑,牛味甚濃!! 不過我喜歡有咬口,牛味更濃嘅粗獷版. 生猛田雞 - 真係即劏架,上檯時肌肉仲跳跳吓. 我都係第一次食咁新鮮嘅田雞. 果然食落同平時真係唔同. 肉質十分甜而且嫩,正呀!!!! 鮮魚雲 - 真係好新鮮,魚雲滑滑,又係超好食. 鮮打丸 - 每款都極之新鮮,超掂!!!炸子雞 - 原來用上新鮮雞,果然係皮脆肉嫩,有驚為天人感覺!! 炸子雞都食唔少,不過要皮薄又脆,有雞味,肉又嫩真係唔係一般酒家做到嘅水準! 呢度個廚真係唔少嘢喎!!! 白灼魚皮 - 原來佢有款拿手小食係魚皮. 仲要係自己去魚鱗,唔係交貨. 有魚味亦爽口,但又唔會爽到好

呢間大叢火鍋食材非常新鮮，湯底夠料。蠔/牛肉簡直係頂瓜瓜~~~~值得試一試！！早兩個禮拜五同班舊同事試過，見到佢係Open Rice有登記，就緊係要留個食評啦！佢地亦有近期火鍋非當流行既番茄餃，味通非常之唔錯！精選推介：安格斯牛肉 - 夠滑夠多油。美國筒蠔 - 夠晒大隻，直情係啖啖肉。香茜牛肉餃 - o岩晒鍾意芫茜既我。原條東星起片 - 放落爐就咁拖一拖就食得，夠晒鮮甜。牛肉刺身 - 入口即溶，不過好似唔係成日有。記住一定要豬骨湯底啊，個鍋D豬骨全部都啖啖肉，落料好足！番茄湯底都OK的~我地12人每人夾$200，價錢可以接受！

其實HOTPOT 多數都係差唔多............但佢D 蕃茄餃/西洋菜餃~~~真係好鮮甜 !D蠔又好好味 ! 又好大隻~~ 好有口感 ! 又鮮 !水魷 同 墨魚都好新鮮 !由於我唔食牛, 所以唔知O 唔 OK, 但我D FRIEND 話佢個牛刺生就好"正"D啤酒又夠涷 ! 我地成十幾日 飲埋啤酒都係$250/位....都OK 啦!!!!