大堂酒吧

营业中

休息中

下午茶時間2:30pm-6:00pm(High Tea Set..$398 for 2)雖然傳統high tea..有講究點食法不過依家實在太普遍~好多地方都有得食依唔依傳統規矩..好睇個人+其實已經唔太著重反而..我會鐘意想食咩..就食咩先(唔想咁約束呢)當然我都係由鹹點食起..之後夾雜又鹹又甜因為有d甜品太甜~要食返d鹹點中和一下(哈哈)"迷你豬肉腸熱狗配蛋沙律".."焗迷你菠菜酥"熱狗腸用豬肉岩我食~味道淡淡..蛋沙律夠蛋黃香如果個熱狗包可以焗返脆熱~整體感覺會更好"菠菜酥"反而好唔錯~酥皮有牛油香..唔油膩而且淡淡菠菜有適當鹹度~比預期好食"迷你法蘭西多士"中層有豐富花生醬~多士炸得金黃香脆已經加埋牛油及糖漿..少甜既感覺好ok"黑椒牛胸肉蘆筍筒"另一半話唔太好味~個筒又唔夠脆"迷你芝士撻"~個撻又係唔脆(感覺唔係新鮮整囉)"鵝肝多士"(繼魚翅後..鵝肝我都已經罷食了)另一半話依個好味~鵝肝夠甘香喎"千層火腿三文治"~依個無咩特別"煙三文魚火箭菜牛角包"三文魚質素ok~同樣..如果牛角包焗脆身會更好"哈蜜瓜伴巴馬火腿伴藍莓"完全見唔到有藍莓~火腿味道普通"雜莓撻仔"~朱古力餡夠

生日PACKAGE包一個生日蛋糕同埋汽酒約好時間, 就有專人送上房啦個蛋糕好靚啊, 係朱古力慕斯CAKE黎, 個底盤係雪凍左既, 保持住蛋糕既溫度, 抵讚食落味道都唔知, 朱古力濃得黎又唔會太苦, 甜度適中汽酒味道就普通啦, 不過真係夠哂凍

時間過得真快，不經不覺家姐的心肝寶貝Tiger B已經一歲了. 她訂了黃金海岸酒店的brunch，幫小寶貝慶生之餘, 一家人也輕輕鬆鬆的吃一頓自助早午茶餐.這間酒店是我家母親節, 父親節, 各人大小物生日這麼來年來, 總會來慶祝一次的, 貪其不像市區般繁喧, 以前多數都是去下層食均lunch buffet, tea buffer & dinner buffet, 今次brunch, 還有現場live band, 邊食邊聽頗有周未悠閒的氣氛! 生蠔、長腳蟹、龍蝦等海鮮都是開一餐大家首輪的進攻, 可惜我吃的那隻龍蝦有欠鮮甜, 蝦羔亦甚少, 問及在坐的各位大小人物, 原來評語也是一致! 相比之下,長腳蟹比較好, 是多肉又鮮甜. 海蝦、翡翠螺也不錯!小妹吃buffet從來沒有咸甜冷熱的次序之分, 到第二Round便走去取甜品. 幾款蛋糕都試齊, 大致都幾有水準, 綠茶味的就香醇, 中間還有朱古力脆脆, 朱古力蛋糕味道香濃郁香；Cheese Cake的芝味都對辦喔!甜品過後, 拿了塊羊架, 還可以, 不過多了一點羶味, 牛仔骨較好些，肉質鬆化!一向不會在自助餐吃粉麵, 見Water仔捧一碗食到

由於太太join的那個package是可享用酒店內多款餐飲優惠的，其中一個可用的便是可以在這裡吃個二人的chocolate fondue tea set...坐於一個頗為寬敞的梳化座位上，一邊聽着外面live band的演奏，另一邊則享用這個fondue，實在是樂事。不過要說是悠閒呢，那又說不上，因為旁邊的小友已是"冇時停"四圍走了....除了有主角的朱古力漿之外，配料大多只是普通的棉花糖、芭芙、手指餅及各類切粒水果。最美味及特別的是其中一款有大量芝蔴粒洒在面上的脆餅，是脆卜卜之餘又夠香口....朱古力漿放於一個標明以瑞士蓮朱古力製作的白色heater內。姑勿論裡頭的朱古力是否Lindt的出品，但本身的杰稠度是頗適中的，而且也夠香濃，的確甚不錯....不用額外付錢便可享受如此水準的chocolate fondue，已是不可有太多的奢求....

聽朋友講呢到既bunch唔錯~近近地~同媽媽去食一餐好~帶佢去左呢到食個BUNCH~個BRUNCH 由11:30開始! 可能因為係重陽節,人唔係好多~仲好~舒舒服服~個BUNCH 有得任飲紅白酒香檳~~我梗係要香檳啦~~仲加左粒士多啤梨TIM~食冷盤先~都幾多刺身既choice~~即切既HAM~YUMMY~!!!! 仲有十幾款既芝士呀~~~有好多由師傅即叫即做既counter , 好似有蝦濃湯，片皮鴨，炒意粉~味道唔錯~師傅仲會好細心問你既喜好~逐一介紹tim~甜品一般~新意欠奉~最impressive 就係有live band~唔好以為佢地只會唱d 老歌~連jason mraz 同leona lewis 既歌佢地都會唱嫁~~

一對戀人係浪漫的環境下享用過午餐後, 沿海傍慢慢漫漫過去海豚廣場, 回程返去酒店嘆酒店送的下午茶點.兩個被安排坐係寛敞的沙發椅上, 好自在好舒服, 而環境亦好清靜, 沒有好嘈雜的聲音. 最啱戀人蜜蜜細語及傾公事好快侍應就遞上精緻的甜點及二杯咖啡, 一排七件的甜點整體望落去好養眼, 但食落口味道無咩特別. 但相信對於我們黎講食物味道巳經係其次, 最重要的係望住眼前的情人, 雙方眼底那濃得化不開的愛意, 我覺得係咁既環境下與另一半慢慢享受, 的確係人生一大樂事.多謝你, 令我度過左一個甜蜜難忘的紀念日.

是日吃afternoon tea. 由於系平日關系酒店內人不多。就連我們到了也沒有人帶位。走到餐廳中央，才見到一位服務員。她叫我地隨便找個位坐。窗口邊的位置0吾錯，有泳池景，亦有泳客景。1st order 服務員會計住時間差0吾多就走過來問你想order 0羊。但之后就很難至揾到0的服務員，不過就真系可以靜靜地無人嘈傾0下計。我點了杯 Frutti Tutti， 有strawberry, mango etc. etc. 味道0吾錯。出於好奇心，我們還點了Pepper strawberry with vanilla ice-cream。原來0的strawberry用黑椒汁煮過，味道可以接受，很特別的一個甜品。另外，我們還點了cheese cake sampler 0米卑個名嚇親，並不是所有cakes都系cheesecakes。有lemon tart, tiramisu, strawberry tart, cheese cake...0吾知道運送過程中食物是否蓋住，又或者服務員送菜時打了個哈嗤，可能食品沾了細菌，食完之后覺得喉嚨0吾舒服，果晚就喉嚨疼，繼而喉嚨發炎，咳，仲要食藥。總結：環境

閏五月十九‧時晴時雨安排了大半天的自由行，下午在能記吃了燒鵝後，天氣時晴時雨，不好周圍去了，不如選個地方坐一坐，會合朋友們，再開始晚上的烤豬宴。就選了在深井及屯門中間的黃金海岸，也原來都有朋友是從來也未來過這裡的，就當來到新景點吧。這裡的環境很不錯，一行七人，加上後來的Fanny，霸佔了餐廳角落的靠玻璃窗的疏化椅。陽光自外透進來，看著出面的天色，說不出的舒適。懶洋洋的坐了半句鐘，侍應生也不過來催單，讓大家慢慢的想要喝什麼。沒有什麼心水，又不想喝啤酒，就要了杯Blue Thunder，想著其賣相應該是不錯。真的是藍藍的，色水說不出的假，還立即讓我想起每晚刷牙後都會用來潄口的李斯德林......跟起來味道也很一般，甜甜的，有點喇喉，調得不太好喝。看其他朋友的選擇，無論在賣相及味道上，普遍也應該比我的好。舒適的地方，由四時坐至六時半，辦妥了要辦的事，大家談東談西，玩一下心理測驗，就這樣渡過了一個悠閒的周未下午。埋單65元，忘記了飲品的味道，是個很不錯的好hea地方。

母親節pacakge中禮物多多,其中一份就是贈送芒果流心蛋糕一個予各媽媽住客享用,訂房時本說蛋糕是送上房間享用, 不過check in 時卻給予coupon在漪泉吧享用,那就移移肉步吧。佔據近窗大梳化中,夏日陽光加上外面樹影處處,真的有點渡假感覺!! 看到鄰桌一家三口將蛋糕吃得光光,心想水準應該很不俗吧?? 難道黃金海岸的甜點進步了??? 這更令我有點期待!!坐了好幾分鐘蛋糕仍未到, 我們笑說一定是現在才切芒果片舖上蛋糕上。登登登凳!芒果慕絲蛋糕終於出場! 原來沒有芒果片的! 全個蛋糕造型簡潔,以一片芒果布丁的心型再加上心型朱古力牌就完成了!還有寥寥幾粒藍莓和紅莓,喜歡吃芒果的大人有點失望。蛋糕以mousse為主,只是mousse質感厚實挺身,似乎用上太多魚膠粉之故,不像其他慕絲蛋糕般輕軟,這種實在感絕對適宜放在自助餐中由人客取用,夠堅挺嘛!!芒果味道不濃,水準非常一般! 中間有流心芒果醬, 應用鮮芒果打成,這部份味道甜甜水準是ok的;最底層有薄薄一層朱古力蛋糕,薄得連朱古力味也感受不到,可有可無的部份;面層心型芒果布丁芒果味道較mousse為重,質感彈彈的有點吃橡皮糖感覺。全個蛋糕最

今天假期沒什麼地方好去..因不想太迫人...老公突然想起不如去屯門黃金海岸行行吧..於是我們便去到此酒店食個英式下午茶...不過WINDOWS SEAT 已FULL了, 只好坐近酒吧位...出奇地張梳化好舒服...簡直想立即訓著...我們點了一個$288 的2人下午茶...雖然食物方面不是太貴的食物.只是很普通的西餅吧...我們一邊聽著音樂慢慢享受食物...去到最後果撻......好脆生果又好鮮....好回味..不過要改善的就是杯薑汁柑蜜..很有薑味可惜太甜..希望下次再來時..又有一個突破吧

難得放假，來整理一吓pending已久的食評。已不能像以往般什麼都寫，索性選些有紀念價值的寫吧！我倆都喜歡於X’Mas選些「身在香港，感覺世外」的餐廳慶祝，今年也不例外，千挑萬選決定來GoldCoast吃自助餐。其實我一向都不好貴多不貴精的自助餐，诀定來這裡，為的並非食物，而是黃金海岸酒店的燈飾佈置，南瓜車、歐陸式教堂長廊，非常浪漫。講番食，我倆被安排在望向泳池的餐枱，感覺很Bali，美中不足是鄰坐的仔妹吧，異常嘈吵。食物極多選擇，露天位置的食物最有睇頭：有大量大閘蟹(雖然细隻，但有膏啊！)、即燒乳豬(香脆！)及乳鴒(啖啖肉！)，是很有誠意的了。冷盤、熱盤有燒肉是很大路的平價貨色，值得一提的只有…er…其實沒有…8pm開始有liveband show，唱得唔錯，不刺耳。聖誕來GoldCoast整體上是一個很明智的決擇。

3日2夜package額外送客人坐遊艇出海或食high tea;以我地兩個懶人黎講,坐係度食tea比出海好玩,所以無需考慮.....高茶地點剛好係所住房間對落既漪泉吧,夜晚房內都會聽到呢度既歌聲。我地被安排坐係近舞台既梳化,聲浪係較大,可幸菲藉女歌手歌聲不俗,未至於難以忍受。飲品加兩片曲奇餅、兩粒朱古力先送上。凍咖啡味道一般,總算唔會酸;朱古力內裡軟心,又係質素一般,反而曲奇餅尚算香脆,牛油味香;凍檸茶味道比樓下自助餐所送好飲。女侍應一隻碟送上所有食物,我問"點解唔係三層架既?"原來package所送就係以一碟形式,而walk-in客就用三層架,以作識別。食物看似大堆頭,但好食既只佔一小部份!!最好食就係件蘿蔔絲酥餅,起碼熱熱地夠香口;另外三文魚包/tart都還ok,只係圓餅底味道古怪,支持唔到。甜點就以紅豆綠茶卷同朱古力杯杯較好,前者味道ok,後者造型可愛;有件似乎係提拉米蘇物體,成件濕之之,望到都唔敢食。我唔知道正價high tea質素同呢個有無分別,如果質素有別的話,真係唔送好過送;無分別的話,的確唔值$188呢個價錢lu,而且真係唔好食lu。

參加親戚0係呢間酒店搞的婚宴, 食物唔係中菜而係buffet, 相信0係呢個page 留comment 唔會錯0卦?Appetizer 係serve 的, 一人一碟龍蝦fruit salad. 好好食=)其他0野就係buffet, 款式唔算多, 不過樣樣0野味道都非常唔錯. d 魚生當中最好食係三文魚(又或者係我識揀的關係? 哈哈! =P) ; 另外有阿拉斯加皇帝蟹腳, 好鮮甜=) 焗的蠔反而麻麻. 另外有燒牛肉, 阿媽好好彩拎到0岩0岩roast 完出爐的第一片, 我就無咁好彩喇, 所以覺得肉汁唔夠多, 不過好在都幾腍幾香.甜品款式就出奇地多... 個人覺得apple pie 最好食. 雪糕係Papagallo 獨立包裝的雪糕杯, 不過個人唔鍾意Papagallo, 無辦法.算幾滿意的一餐飯. 不過叫我山長水遠專登入0黎食buffet, 就唔好搞我喇.

2/14，book左依度食dinner~ 地點偏，但環境氣氛一流：有夜景、有噴泉、位與位之間疏落有致，而且每檯送上鮮花兩束，正!　更難得係食物水準都好好：自製麵飽-新鮮好味，可以任食，我都食左2個，哈哈~香芒牛油果波士頓龍蝦沙律-食物擺設好有心思，賣相一流!龍蝦肉好多，配搭香芒汁好鮮甜好美味~ 燕窩香檳忌廉湯-唔算出色，不過口感細緻，幾特別~魚子醬汁蘑菇酥盒-好味道!!蘑菇加上豐富o既醬汁，令我想起南島書蟲o既mushroom toast，但再高一個層次~ 係我食過最美味o既pastry~煎鵝肝醬牛仔肉配馬沙那汁-鵝肝醬好味，但牛仔肉偏咸，一般水準啦~ 相對頭盤/前菜失色少少，不過配搭另外點o既情人節特色香檳，都唔錯架~ 菠蘿椰香雪芭配紅桑子-男友喜愛酸酸的雪芭，勁讚；我則情願佢係一份tiramisu~ 都ok~咖啡或茶-普通過普通，我o既熱奶茶懷疑係lipton出品~心形曲奇餅-個心形唔太靚...都幾香口，當然相比chesa等甜點係弱好多啦~　另外服務生雖然唔夠專業，但態度頗好；唯獨是夜上菜較慢，成餐飯食左3個鐘~ 好在氣氛好，等都等得舒服~ 最後，餐廳仲送一條水晶頸鍊俾我。雖然唔靚

我其實係0係9月12日食ge,但一直都冇時間寫番個食評!0個日食呢個buffet,我真係覺得好正!!!0個度環境好舒服,坐sofa好正~d侍應好好service, 收嘢 又快~食物方面......正!款式都幾多下,有生蠔.龍蝦仔....甜品都有成十幾款,質素好,d 嘢 好食又新鮮,仲refill得幾快~佢即制窩夫好好食,又脆脆地,好口感!0個度仲有live band!我覺得真你好抵食~