大壹燒鵝 (啟田大廈)

营业中

休息中

朋友平時附近理髮都係食譚X米線，明明附近甘多餐廳，梗係要試下其他野啦，一眼望去雖然係街尾，但見到大壹燒鵝既燈牌係最光亮，反正未食過就吸引左我地去食。餐牌選擇好多，但我地兩個都第一時間諗二人行滋味套餐，$288任選三餸一湯，一黎抵食，二黎節省時間。🥄老火靚湯今日係老黃瓜燉雞腳湯，非常清甜、清滋。🥄日本花菇雞腳燉螺頭湯呢外我地加左$38 升級螺頭燉湯，上菜見到用功夫茶壺裝湯，好有特色。燉湯好清，花菇螺頭味突出，而且可以保溫，飲哂D湯仲可以沾上醬料食湯料。🥢招牌即制燒味（任選兩款）我地簡左大壹叉燒皇、馳名香妃雞，叉燒有燶邊效果，食落肥瘦適中，肉質嫩滑，微甜且有炭燒香氣。香妃雞係髀位，肉質非常嫩滑，唔洗沾蔥油已夠味，估唔到燒味都做到甘出色。🥢馳名紅酒燴牛尾上碟香噴噴，肉質軟稔，肉味濃，味道較鮮甜，牛尾份量非常多，抵食啊。🥢野菌勝瓜魚湯浸魚肚雖然好想第三個餸都食肉，但食菜又點少得，材料豐富，清清地，食完甘多肉減少罪惡感。

係香港地成日都會食得到燒鴨，但燒鵝就唔係間間舖頭都有，好食嘅更加買少見少，今次就搵到嚟藍田食一間以燒鵝為主既鋪頭，做好安心出行同埋量體溫就安排入座，一入餐廳就覺得地方好大、環境好乾淨，比起一般食小菜嘅店舒服得多。嚟到呢間餐廳點可以唔試吓食燒鵝，因為我地人唔多嘅關係，所以就咁叫咗個燒鵝下庄就夠。燒鵝上枱賣相好靚，鵝皮燒至色澤鮮明，鵝肉肉味重而且新鮮，應該燒完無耐就上枱，唔會食到擺左好耐果啲霉霉地既味道，鵝皮燒至脆身，咬落口除左脆之外，仲帶有些少油脂，食落口相當滿足，配埋酸梅醬一齊食簡直絕配！除咗燒鵝掂之外，其他小菜同樣出色，呢碟豆豉鯪魚炒油麥菜鑊氣十足，菜身炒至乾身上枱，豆豉鯪魚量多，相當足料，菜身嫩滑唔老，就咁呢味餸都夠送飯！仲有叫咗個瑤柱黃金炒飯，炒飯鑊氣同樣相當十足，飯粒炒至乾身而且粒粒分明，配埋鹹蛋黃碎嚟炒，令其賣相真係好似黃金一樣，再加上瑤柱碎，令炒飯既層次感更多，讚！

見大壹燒鵝開左好多間分店，但一直未有機會試。今日難得放假，就過黎食下。位置喺藍田站附近，都幾方便，啟田對面就係。雖然佢有唔少小菜選擇，但都係叫左大壹燒鵝髀飯，$98，好吸引，招牌菜點都要一試。果然冇令人失望，燒鵝肉肥美，賣相超正，皮脆肉嫩，而且咬落充滿肉汁，帶油香之餘又唔膩。如果飯多啲汁撈就更正。另外加左老火湯，老黃瓜湯，都幾足料，降火之選。最後黎多杯凍檸茶，清涼解渴，有機會都想試下佢其他燒味～～

今日因為見客關係去到藍田區見客都已經差唔多成六七點非常之咁肚餓所以就諗住喺藍田區度食一食飯解一解肚餓天氣實在太熱本身都冇乜胃口而且附近都冇乜好食嘅餐廳忽然之間就見到呢間帶一燒鵝見到佢嘅牌面都非常之咁靚所以就入去試一試佢哋嘅餸菜而且仲見到佢哋話係新鮮喺店入邊燒製燒鵝所以就同個同事入咗去醫肚雖然呢段時候好多食肆都係冇乜客但係估唔到嚟到呢度住宅區呢度嘅等位同埋入座率就非常之咁高差唔多全院滿座可能同事一坐低之後就一定係叫佢最出名嘅燒鵝例牌叫咗下裝一份一上到黎嘅燒鵝斬得非常之咁靚唔單止佢嘅皮非常之咁趣趣博博而且仲唔會過分油膩食得出燒鵝嘅新鮮味道可能就係因為燒鵝喺店入面制作果然新鮮製作好嘅燒鵝係非常之咁好味見佢嘅小米做得非常之咁出色之後我哋叫多咗雙拼就係燒肉拼叉燒瀬粉燒肉少少肥再配上鬆化嘅外皮冇得彈個人覺得叉燒就正正常常不太出色再配合埋個粉非常之咁好食最後因為口痕方面叫多咗椒鹽豬扒揸得非常之咁香脆估唔到小區嘅燒味店都非常之咁出色值得一讚

「又係佢自己話去藍田食飯嘅, 又係佢話介紹我食一間超好食嘅燒鵝, 但又係佢話自己傷口有啲發炎所以今次食唔到燒鵝。」 呢啲內心小劇場，基本上我係由內心戲已經埋怨到出口， 但係朋友依然超有信心話其他菜式都會令我滿意。原來大壹燒鵝在食家界都有不錯的口碑， 而且都有三間分店剛好遍佈港九新界。 在「被逼」 戒口下， 選了二人套餐的大壹叉燒王 拼 玫瑰豉油雞， 金銀蛋浸時菜和菠蘿咕嚕肉。大壹叉燒王 拼 玫瑰豉油雞其實除了燒鵝外， 這裏的燒味都是出名的。叉燒因為健康因素我們要求比較瘦的， 但不代表它乾身和柴皮， 相反這些瘦肉依然能夠吃出它的細嫩， 個人覺得甚至有慢煮效果 。外表燒得剛好， 帶點燶邊， 麥芽亦都掛滿外層， 帶出肉的甘香， 肉質亦相當鬆化。玫瑰豉油雞真的帶有一份玫瑰香， 雞件本身非常新鮮， 亦都相當厚肉， 嫩滑程度爆錶， 每一啖都滲出雞本身的肉汁和油脂香。金銀蛋浸時菜炎症朋友的清淡和健康之選。撇除對朋友的怨氣， 這個浸時菜是絕對的好味。 基本上配料的皮蛋和雜菇已經調味得非常好， 尤其是雜菇各自發揮所長， 各自帶出的香味和味道令新鮮的時菜提升一個檔次。 皮蛋亦都嫩滑甘香。 整體性出色的菜式

前兩日下晝嚟買外賣燒味，除咗燒鵝，諗住想試吓佢嘅燒腩仔，點知賣晒，不過燒鵝和叉燒味道真係唔錯，所以今日再嚟，今次堂食，枱面上只有午市套餐，再問侍應原來有full menu，兩個人叫咗兩個午市燒味雙拼套餐，可以分享試齊四種燒味，一個米粉一個瀨粉，再加個小炒王和薑蔥蠔，一杯熱奶茶，一杯凍檸茶。先來飲品，凍檸茶好多片檸檬，茶色深有茶味，奶茶都唔錯，跟住嘅燒味，份量OK，燒腩仔真係唔錯，皮脆肉滑，貴妃雞都好味，肉質鮮嫩，皮薄唔多油，叉燒有少少燶邊，燒得幾好，肉質都唔錯，不過覺得太多蜜糖甜咗啲，燒鵝皮薄肉厚，感覺到好多種唔同嘅醃料，，不過四舊有兩舊都係皮包骨，旁邊加咗啲榨菜，幾開胃，兩碗粉都好大碗，質地都好好，之後嚟嘅小炒王，好大碟，好足料，不過食落似小炸王多啲，裏面好多材料都係炸，好油，材料真係好豐富，反而想佢多啲韭菜花，魚乾蝦乾實在真係太多，最後食唔晒覺得有少少嘥，最後嘅薑蔥蠔，成煲滾熱辣放上枱，大概有六七隻，蔥夠多，不過薑就少咗啲，食咗第一隻，發覺好大浸臭味，相信啲蠔係急凍，雪咗好耐，兼處理得唔好⋯⋯所以之後成煲冇郁過，侍應嚟到見到，就同佢反映，都諗住照埋單，點知個侍應話不如買過另外一樣嘢

知道啟田開左一間大壹燒鵝好似好出名，當然要一試啦！難得今日有時間可以去吃，餐廳好多人地方又大好彩都唔使等位，又有卡位坐又舒服。燒鵝飯又夠大碗，燒鵝皮脆肉嫩又夠入味燒鵝好香噴噴，燒鵝又唔會肥仲配上一些榨菜好美味。士多啤梨豬扒，真是有士多啤梨粒，仲有士多啤梨汁酸酸甜甜幾開胃，豬扒又好淋又入味，份量又大份。椒鹽軟殼蟹，軟殼蟹炸到好鬆脆又好肥美，仲有兩隻大大隻又香口好好味。跟餐轉左鮮果益力多冰，里面有一些什果加上又唔會太甜幾正。

今晚回到了藍田這裡找朋友, 來到了他樓下附近的大壹燒鵝吃個晚飯。餐廳內光猛企理, 感覺上很乾淨衛生。椒鹽九肚魚首先點了一份九肚魚作為前菜, 因為實在很久沒吃過了, 嫩滑鮮甜的九肚魚被炸至金黃色, 外脆內滑, 美味可口。燒鵝拼叉燒米粉雙拼燒味賣相討好, 份量多又有光澤, 蜜汁叉燒燒得相當不錯, 不會又乾又硬, 肉質也很上乘嫩滑, 肉汁豐富有口感, 米粉很幼身爽口, 掛湯力亦不俗。燒鵝拼燒腩瀨粉燒鵝的鵝皮燒得香脆有光澤, 鵝肉嫩滑有香味, 燒腩仔亦很出色, 皮脆肉嫩, 而且肉脂分佈平均。蒜茸炒白菜仔炒菜方面揀選了白菜仔, 用蒜茸炒鑊氣十足, 遠遠已飄來陣陣香氣, 而且白菜仔亦很新鮮清甜。凍檸茶多重茶底沖出來的凍檸茶, 茶味特別濃但卻不會澀。

放假去咗藍田朋友家一齊整電腦，整完唔經唔覺已經天黑，朋友請我去食晚飯，附近有間大壹燒鵝唔錯，叫我試吓。餐廳燈光通明，地方整潔乾淨，再望下廚窗也乾淨了，好多燒味包括燒鵝已經賣晒，有點失望。好在職員提點，餐廳重有小炒食，介紹我哋食二人套餐，因為重有少許义燒和油雞，三餸中可以揀燒味，其餘就揀兩款小炒。首先來個老火湯，今日係花生眉豆雞腳湯，真材實料，香甜可口。包兩個飯，軟熟有飯香。义燒拼油雞：叉燒的肉質鬆軟，多汁，香甜而美味。油雞好好彩比咗雞脾，雞肉十分嫩滑！菠蘿咕嚕肉，肉質外脆內軟 ·味道甜甜酸酸，配料用咗新鮮菠蘿，特別好味，重有酸蕎頭好爽口又開胃。椒鹽鮮魷，鮮魷厚肉好新鮮，炸得外層好脆口，鮮魷彈牙，椒鹽好惹味！配飲品有優惠，凍飲加$7、熱飲加$5。凍鴛鴦和熱華田，飲品夠香濃，好飲！

遠望有一大個搶眼招牌, 大壹燒鵝, 見到門面餐牌有好多選擇,有茶餐廳必備的沙爹牛麵常餐, 又有小菜小炒菜色, 包括中,西式套餐, 最吸晴係門口的明爐掛燒鵝, 所以就決定入餐廳, 實有一樣啱食。坐低後, 必叫餐廳招牌菜, 秘製燒味, 因我同朋友太喜愛食燒鵝, 決定叫個例牌, 仲要指定要下莊, 上枱時香噴噴, 見到鵝皮非常有光澤, 食下, 好脆皮, 鵝油超香,肉質有嚼口, 啖啖鵝肉。 另外叫了一碗燒腩仔叉燒飯$56，燒腩仔有多層肥瘦肉, 好淋, 肉味夾了少少肥膏, 好香, 燒肉皮亦相當鬆脆。叉燒較瘦, 但唔會鞋口喎, 面層還有麥芽焦糖口感, 蜜味香甜, 飯底有甜鼓油, 配上叉燒同燒鵝一齊食, 簡直要追飯食呀。而燒腩仔空口食都非常妳味。飲品叫了杯凍奶茶。

今日放假約左兩個朋友係藍田啓田商場午餐，其中一個係附近住既朋友就推介黎呢間係商場對面馬路既「大壹燒鵝」！餐廳幾夠大，樓底又夠高，卡位座位寬敞舒適，又有大電視，冷氣夠，確實係唔錯餐牌都幾多選擇，除了主打既燒味，重有炒粉麵飯及小菜，連海鮮都有，十分多元化凍阿華田，夠濃凍檸茶，有茶味有檸味熱奶茶，欣賞佢好夠熱，夠滑有茶香，不苦澀燻蹄拼叉燒配瀨粉$56瀨粉爽滑，同夠大碗腩仔拼叉燒飯$56好足料，d餸可以遮得曬個飯9成個微辣榨菜好鬼好食叉燒肥瘦適中唔鞋口夠蜜味，而且每塊都帶有燶邊腩仔都好正，皮夠脆，脂肪層適中，唔乾燒鵝例牌下庄$148燒鵝絕對對得住個招牌燒鵝肉質結實、鵝味香濃、皮脆肉滑！跟燒鵝既梅子醬亦非常出色，梅味突出，酸酸甜甜令人十分開胃！整體燒味質素確實出色

外賣燒鵝米粉，醬汁都無比，燒鵝配醬汁是常識吧腐乳通菜得通菜又無腐乳！切雞米無比薑蓉都算當我無問！熱奶茶糖又無比，無心做真係算吧啦！！！老老實實其實都比出面貴，唔明點解服務可以做到咁差，多人忙唔係藉口囉，買得外賣多數係街坊，想有回頭客都要靠街坊囉。。。

這天想吃燒味，路過藍田的大壹燒鵝，見到不用等位，隨即入座。選擇非常之多， 除了燒味以外，還有很多小炒和粉麵 。先來一碗雙拼燒味粉麵。 燒味選擇了燒腩和香妃雞。 燒腩非常香脆，肥瘦均勻，鹹淡適中。 香妃雞嫩滑可口，雞有雞味， 不需怎樣點蔥油也非常香口。本來這個是雙拼飯，不過有點熱，不想吃飯，轉為米粉、瀨粉或河粉。 瀨粉夠細滑，所以就揀了它， 也挺適合在炎炎夏日食用。飲品配了茶餐廳常見的杏仁霜， 香濃細滑。另外加了小菜，是椒鹽軟殼蟹，一客共有兩隻，即叫即做，需要稍等一回。 新鮮炸起，非常香脆，火喉控制得恰到好處，外脆內軟，保留了軟殼蟹的肉質和口感。

今晚抽起條筋想食燒鵝～呢度寫即燒即賣，自設工場！晚飯時段，唔少人等外賣堂食～樣樣都好吸引呀！ 🤤燒鵝/义燒/燒腩仔/乳豬今晚目標清晰！我要食燒鵝！下次先試其他燒味嘞～🤩巨脾，好大隻～外表色澤靚、油光閃閃～入口油香四溢，皮脆肉嫩～啖啖肉！點返碟底嘅鵝汁已經夠晒味～😋回味無窮～好食好食！另外叫咗個小菜～牛柳粒好腍～配上燒汁好惹味😋❤️今晚燒鵝任務完成！搵晚買半隻返娘家加餸先～餐廳員工服務好，會主動收碟、換碟、有禮貌！👍🏻👍🏻

難得去藍田行下，同老爹搵左一間食燒味～地方光線充足，座位都好寬闊～我老爹最怕就係坐得辛苦我哋坐卡位，可以慢慢嘆燒味～燒鵝拼燒腩仔飯 $58燒鵝咁出名當然要食啦份量好足，鵝皮唔會太肥太油膩，甜酸醬配燒鵝就最夾啦～燒腩仔皮脆肉軟，我老爹佢一陣子就食晒啦～跟餐+7有凍飲，凍檸水例牌叉燒 $128當然叫多款燒味食下～半肥瘦係唔錯嘅，好有光澤，我鍾意叉燒有燶燶地嘅脆邊～牛腩炒河 $88有牛腩、牛根，好腍滑，一點都唔硬，無渣～河粉好入味份量太多都要打包走～拍蒜豆豉泰椒炒時蔬 $78 （油麥菜）炒油麥菜，味道有少許辣，食落有香蒜辣椒特別惹味～菜夠新鮮、乾淨同翠綠～