大婆牛肉麵 (已結業)

昨天星期日，一支公在灣仔lunch，原本想到新景園或再興，但都休息大吉，最後到克街的靠得住想吃粥，不料又是望門興嘆。唔想再到處碰壁失望，便到對面的大婆牛肉麵試吓。要了一個細牛肉麵餐，端上桌時熱騰騰兼香氣撲鼻，牛展厚切雖然非常鬆軟但亦嫌毫無咬口，牛肉頗入味OK但牛根不知怎的卻異常之鹹，再飲一啖湯，嘩！那勁鹹勁花椒的味道令我的舌頭立時麻痺了，即刻灌下半支隨身的蒸餾水，但亦無濟於事，完全再嚐不到餘下的牛肉和麵的味道，唔敢再食下去便匆匆埋單走人食咁鹹真係擔心腎臟負荷過重，真係一次都已經太多。

來過三次,也忘了給它寫食評.看雜誌介紹而來的,三次都是來吃晚飯,叫的都是二人餐,因為又有菜,又有小食.兩碗麵或飯 : 大婆牛肉麵固然是首選,可選清湯或辣湯,其實辣湯不辣,還更惹味.大大塊的牛肉很"淋",很入味,咬落亦很鬆化,抵讚. 比起跟台灣吃的也差不多,不用山長水遠去台灣也可吃到有水準的.麵餅亦大,一個人在吃不下,可加$2要酸菜,酸菜味道爽口,可一試.滷肉豆腐麵 : 鑑於試過滷肉豆腐(如下),極之好味,固選之為麵餐,不用兩碗牛肉麵太單調. 下次有機會試滷肉豆腐飯,應更好兩款小食, 試過 :大婆炸春卷 : 沒特別,像是酒數吃的那種鹽酥雞 : 推介,很香口,即炸,雞面有些淮鹽,很口吃,但很熱氣,份量亦大滷肉豆腐 : 十分正的滷肉,調味調的不俗,必試一字骨 : 有點似京都骨,但肉很鬆化,很離骨,味也OK菜 :娃娃菜,白菜,生菜等可供選擇飲品兩杯 另有一碗麵/飯跟飲品餐,$3X-4X 不等很想試三杯雞,才售$3X,很抵呀!!!!門外或一,兩條街之隔也可泊車.

記得一年前在九龍城食大婆牛肉麵,只係覺得牛肉麵,味道一般,唔明點解咁多人食,今次與友人到灣仔店我叫了滷肉豆腐麵,滷肉及豆腐非常入味,連我平時唔食的肥膏都忍唔住食了一兩件,至於朋友就叫了雞翼新竹米粉,佢都話好好味,

鹽水雞飯:原本無唸住食飯，但見到餐牌張相幾吸引，所以便試下，結果都無失望，隻雞都幾滑，就算唔點薑油，就咁配白飯都好夠味，而且份量都唔細，一個人食實夠飽，值得推介招牌牛肉麵: 麵質幾有咬口，唔錯，但d牛肉咁厚同咁淋應該好正，但可惜係d湯辣唔夠辣，麻唔夠麻，淨係鹹味較重，仲搶晒牛肉本身既味，而且就算點了「大碗」，份量亦只是一般，肚餓實唔夠食，如果以招牌麵既角度和價錢，可以再做好d好在女友都幾細食，我地只係叫左呢兩樣野，雖然大家都唔係好飽好飽，但八十蚊埋單，舒舒服服食一餐不錯的食物都ok

媽就去台北, 今日和她食牛肉麵, 竟然被鬧, 因她去到有得食....咁我冇嗎...叫了基本的牛肉麵, + 上湯時菜, 及雞軟骨!牛肉麵正, 湯低濃, 牛肉淋, 不用多說了.上湯時菜好新鮮. 雞軟骨一般.$42蚊已好好啦!!!

好耐冇o黎大婆食麵...記憶中，大婆牛肉麵份量係好足夠的...今次o黎食，麵少了...湯多了，肉啖了...唔知係我唔好彩定係真的差o左，只覺得o的肉係好「臨」...但味道已經冇乜特別...難聽o的講同公仔麵牛肉味o既湯包差不多...但價錢就貴o左...鹽水雞....隻雞好似營養不良...賣相其差...味道...唉，同普通燒味鋪o既白切雞冇分別，但價錢就貴人家成倍...口痕叫了個「五更長旺」...賣相可以，但食落唔辣...兼很油...四十幾蚊叫個大腸雞紅煲...掂唔掂就自己諗啦...總結，咁o既價錢...咁o既質素...還是少去為妙....唔知毓民果間又冇變差呢...

從長洲回來 曬得傷 人也累了被你帶來這間鋪子既以牛肉麵作為招牌貨 無理由不試也來一個排骨飯 一起分享麵沒有什麼特別但牛肉的確很淋 而且份量幾多喜歡的是湯底 很濃 很有味懶理什麼有益無益 就飲了飯不錯 排骨炸得幾香口兩杯羅漢果蜜 不錯算係清清熱吧服務也不錯 轉位也有人主動來幫忙但價錢好似貴了點似乎和你一起沒有勞氣的藉口

大婆牛肉麵 - 非常香濃的湯, 帶點辣, 覺得比毓民牛肉麵更勝一籌. 牛肉大舊厚切, 裡面根很多和炆得很軟, 但肉又不會鞋口，非常好味道。一字骨，同樣炆得很淋，又帶點酒香，水準之作。４０蚊一位包飲品，食到香港最好食的牛肉麵，真的好抵食。

上次來這裡吃牛肉麵，不知不覺又已幾年前，是日經過，又看看水準如何？午市都差不多全店客滿，可幸一人座位又很容易入座。完全不用考慮吃什麼，因為也一定是大婆牛肉麵的了。麵的賣相很一般，湯很多，零星的幾件紅燒牛肉混浸其中，有點水汪汪的感覺。喝口湯，是濃濃的牛肉味，還有一點羶味，如果可以有多一點層次就更隹。這啖湯，是會令人口渴，但卻不是味精，是湯太濃之故；牛肉是牛展的部份，全部皆已炆得軟腍，一咬即散，也很入味。筋鍵的部份軟滑，美味。這個紅燒牛肉，仍然對辦。麵是粗身麵條，浸在湯中，未發散的。吃起來還有咬口，索上了牛肉濃湯，都很不錯。不過比較起坊間另一間有水準的紅燒牛肉店，似乎毓民的比這裡出色。沒有什麼招呼，服務連茶餐廳也不如，雖則午市來吃麵，也不用什麼招呼的。連一杯幾難飲的熱咖啡，埋單42蚊，吃一碗有水準的牛肉麵，也不算太貴。

(20/6/08)與有錢朋友聚聚,大家都不太餓,單點了一大婆牛肉麵、蒜蓉炒A菜、炒海瓜子。牛肉麵賣相雖然有點雜亂,不過非常好吃! i mean d 牛肉(牛筋腩), 腍腍的又入味!至於麵,不軟熟, 口感一般,幸好濃湯味搭夠!蒜蓉炒A菜(少油),有住家feel。炒海瓜子,即炒蜆,極冶味!但係蜆肉細少。店不斷有人客入來,我地仲見到李純恩添呀!

既然昨日黎開克街, 咁今日就繼續克街之旅! 滂沱大雨中, 攞住遮嘅師傅行到入克街都覺得幾狠狽, 四圍望下有咩好食呢, 忽然間眼前一閃就見到呢間食店, 咩都唔理下就入左去喇!入到店內, 店鋪光猛而地方唔算好大, 但尚算清潔; 坐底即刻睇下有咩好食啦, 師傅望住個餐牌, 發覺樣樣都幾吸引, 好似好好味咁, 思想爭扎左一陣, 最後決定唔好搏, 叫d最穩陣嘅食物, 於是就柯打左個大婆牛肉麵餐!大婆牛肉麵餐係有一碗牛肉麵, 一杯飲品, 而師傅係叫左凍豆漿, 但係就唔知點解, 搵黎搵去都搵唔到大婆, 奇怪! 牛肉麵賣相唔差, 試下個湯底先, 發覺湯底幾濃, 有少少辣味, 係麻辣嘅感覺, 但就咸左少少; 再試下牛肉, 一夾之下先發現係一片厚切牛展, 牛展一碗有三至四大塊, 入口感覺係超腍勁鬆, 好入味, 少少難咬嘅感覺都冇, 頗正; 而牛筋都係好腍好入味; 麵質煮得洽到好處, 不會太硬都唔會太腍, 唔錯; 要講最差算係杯凍豆漿, 皆因冇咩豆味同埋勁甜, 唔得!總括黎講牛肉麵嘅質素都算令人滿意, 服務一般, 環境尚且舒服, 係冷氣唔多夠啦, 價錢就偏貴, 大婆牛肉麵餐要賣成四十二蚊碗, 四十二蚊碗麵又

以前不時來這裏，吃它的濃味牛肉麵，後來少來了，今晚又來探探老友。叫了大婆雞湯牛肉麵，拍黃瓜和豆漿，麵先來，水汪汪的，不太對板，一口呷下，淡了許多，記得以前無論牛肉湯還是雞湯，都是濃得漿口的，吃到尾湯凍了還會凝，今晚的稀了很多，雖然牛肉仍是那厚切牛展和牛筋，鬆化有肉味，但沒有濃湯相配，很不是味兒。黃瓜一般，不過沒怎麼「拍」，豆漿是自製的，較有豆味，好味與否見仁見智。可能店方遷就了人客意見，但失了性格又是否好事？

行行下見到灣仔到有大婆...驚訝。以為得9龍城才有..唯有入去試下..佈置一樣..叫左個麵同白菜..D菜生到...成碟冇食過囉!好唔掂呀......9龍城仲好食!!

二人餐包麵兩款、小吃兩款、菜一碟、飲品兩杯。作為招牌菜的大婆牛肉麵確實好好吃，有兩大塊好厚的牛肉和一大件牛筋，肉非常入味，軟得用筷子便可以切開，湯底也很有牛味，激讚！相比之下，排骨麵就稍遜，雖然湯底也很濃郁，但太鹹了，排骨卻又無味，而且太薄身，水準只屬一般。這店麵的份量很多，女仔會吃不完。小吃之中，鹽酥雞真是超得，外脆內軟且有肉汁，和在台灣吃的一樣味道，好喜歡！胡椒豬手也不錯，豬皮香滑酥軟，完全不油膩，如果胡椒味再濃一點就更好。菜是灼小白菜，很爽脆，淋了醬油和一點蒜蓉，其實不加蒜蓉清清地會更好吃。朋友說他的凍奶茶很不錯，但我的豆漿很難喝，一股化學味道。地點不就腳，在灣仔和銅鑼灣之間，但單單為了那碗牛肉麵都足以讓我們再來了。

香港食台灣菜的地方不多，今次和他來了這間叫左二人餐牛肉麵--我又唔覺得好咸喎，d牛肉同麵的質地我都幾鍾意擔仔麵--味道都不錯娃娃菜--普通卥旦豆腐--旦d味幾好但豆腐不怎麼樣，且好油鹽酸雞--好脆好夠咸仲有兩杯野飲送兩人吃得飽飽才百一蚊，味道仲唔差，好抵！