大宮 (已結業)

行經Apm諗住坐低食個飯，但好失望...舖頭職員話啱啱開門，食物要等10分鐘，點知等到既係凍既吉列豬扒同硬既暖飯😅，仲要$72咁貴，好唔抵，foodcourt唔代表質素可以咁差嫁！

難得同家人一齊去apm 行街，見到美食廣場有好多餐廳，就揀咗去食日本嘢【大宫】。Order咗照燒三文魚定食、牛肉烏冬、而小食就order咗日式煎餃子、和風章魚丸、日式炸雞。三文魚定食入面有三文魚、麵豉湯飯同埋沙律。三文魚用照燒汁整超好味而且肉質嫩滑。牛肉烏冬d的湯底味道啱啱好，烏東亦非常彈牙。日式煎餃子就煎得啱啱好鎖住入面嘅一肉汁，好味。和風章魚丸大大粒，外脆內軟點埋醬汁及木魚食一流 。日式炸雞就熱辣辣，炸到剛好金黃色，點埋沙律醬食食到停唔到口，總括嚟講大宫絕對係我哋apm美食廣場嘅首選。

平時係日本餐廳食個三文魚便當都要過百，但依間餐廳都只係78蚊，而且餐廳仲提供咗好多吾同既選擇，例如係丼物、定食、烏東同拉麵。我地叫咗個三文魚定食，係一個餐嚟既，包咗沙律、味增湯、飯、三文魚同埋杯日本茶。三文魚都幾大條，而且我幾鐘意餐廳調配既燒汁，同三文魚好夾。雖然三文魚啲肉有少少煮耐咗，但係都吾會話好差。另外叫咗燒雞扒烏東，啲烏東有少少偏淋，而且如果餐廳將啲雞扒分碟會好啲，吾係浸到啲雞扒淋咗。烏東有好多湯底可以揀，都幾彈性。炸餃子🥟個外皮炸得好脆，而且入啲餡都好多，好足料，加埋啲餃子豉油真係好正。而且，依家好多餐廳都只係得煎餃，所以有炸餃子真係好難得。章魚燒雖然嚟到嘅時候個外皮已經淋咗，但入面嘅料都好足料，唔係空心嗰啲。炸雞🍗我炸雞比較普通，啲粉嘅比例比較多，所以唔係好多肉。

今晚約左friend係apm睇8點半場, 點知OT攪到成7點幾先收工, 就決定去footcourt食個快飯啦!一入去見到大宮既counter, 食物模型幾吸引, 唔諗咁多就食佢。晚飯時間都比較多人, footcourt要自己搵位而且都幾爆滿, 好彩岩岩有張枱再晏d就要等位啦!炸餃子外皮炸到脆卜卜, 大大隻肉餡飽滿!日式炸雞炸雞d肉都算嫩~燒雞扒拉麵朋友要左地獄湯底, 我試左啖覺得辣勁唔算強但就好有辣既香氣, 拉麵軟硬度適中, 雞肉雖然唔算大舊但有照燒味道甜甜咸咸咁, 不錯。大宮牛肉定食定食包左沙律同湯, 味噌湯味道唔錯唔會過咸。牛肉份量好多, 而且好入味, 撈飯食絕對無問題, 份量之多個人黎講撈多半碗白飯都仲得。最黎飲埋杯熱辣辣綠茶, 快靚正食飽去睇戲!

星期六同呀爸呀媽出去探親戚之前，先搵個地方食午餐，佢哋話呢排成日飲茶，所以換個口味同佢哋去APM美食廣場搵嘢食。其中「大宮」啲食物Display好吸引，姐姐又熱情招呼😊，咁就揀佢啦。大宮有提供單點菜式同二人套餐👫，價錢OK啦，喺美食廣場嚟講就唔算特別平。其中單點就有$12加配小食嘅選項，都算幾抵👍。由於呢度係美食廣場，所以喺櫃位點餐後，就要自行到取餐處拎食物。姐姐指示十分清晰，超級友善💯！我哋叫咗一個抗疾二人餐($168包兩個主食+一份小食+兩罐飲品)，再加咗一碗麵($69)同小食，份量夠有餘，飽飽的🤰。我要咗地獄湯吉列豬扒拉麵，湯底配料包括紫菜、竹筍、大蔥、椰菜同芽菜，吉豬則另上。本身驚地獄湯會好辣，不過姐姐話少少㗎啫，佢無呃我，嗰種辣係辛辣🌶，有啲刺激嗰種，會令你好想咳，幾過癮。拉麵就係最普通幼身嘅款式，其實我一直最鍾意就係食呢款，可能我唔太講究啦😅。吉列豬扒幾好食啵，🐷豬扒同炸粉二合為一，唔會食食下甩咗出嚟。吉列皮少少脆，但同時亦有少少硬，但點番沙律醬食問題已經解決，而且豬扒肉質夠結實，唔錯😋。我媽要咗豬骨湯豬軟骨烏冬，湯底配料包括紫菜、粟米、椰菜同芽菜。湯頭味道幾好，夠味，唔會

一個人食個lunch 唔想去茶餐廳食，就去food court搵野食先，多款式選擇😆行左一個圈就諗好啦😉就食日式野「大宮」叫左大宮牛肉定食同2個小食🥰🔸大宮牛肉定食 $75定食係好豐富呀有白飯、沙律🥗同麵豉湯🍲白飯大大碗，面頭有點黑芝麻，我最喜歡日式既定食因為會有沙律😆椰菜切絲，食又咁多肉要食啲菜中和一下牛肉既份量都好多呀😍味道香濃惹味，汁嘅濃度good good ar撈白飯一流🔸和風章魚丸 $40小丸子有6粒面頭滿怖了木魚👍🏽有小丸子醬汁和沙律醬，外脆內軟呀！🔸炸雞$40見到有炸雞忍唔住都叫一叫先🤤好好味呀😍就咁睇好似好乾咁，點知係嫩滑的而且啲炸粉係好簿

今日放工約左朋友去food court食飯，點知兩個都要ot，所以就改做外賣拎番我屋企慢慢share黎食!大宮牛肉定食、吉列豬扒定食定食包麵豉湯同沙律，唔好睇少佢，份量勁多，絕不欺場! 大宮牛肉個調味好濃，撈飯食岩哂!牛肉唔會好肥，食落入哂味好正!吉列豬扒炸得外脆內軟，食落sharp sharp聲，咬落去肉汁四溢，好鬼滿足!仲有個醬汁可以點，味道同日式炸豬扒飯既專門店有得比!食埋沙律解一解膩真係配撘得宜!滑蛋吉列豬扒飯因為吉列豬扒個樣太吸引，所以叫埋呢個滑蛋吉列豬扒飯，估唔到份量咁多，飯既份量我諗有平時2,3碗飯咁多，真係超值!呢個比吉列豬扒定食唔同之處係豬扒係擺係飯面，而且撈埋滑蛋所以口感冇定食果個咁脆，但滑蛋增添左飯既口感，加埋洋蔥甜甜地，雖然份量多但都好快食哂!日式炸雞、日式炸餃子叫左兩個小食，分別係日式炸雞同日式炸餃子。炸雞係唐揚炸雞，大大粒配埋沙律醬係隔離，啖啖肉好滋味! 日式炸餃子同樣有醬汁跟埋，雖然每隻都細細飯但勝在肉餡豐富，食落都好有飽足感!另外值得一讚係收銀姐姐既態度，平時FOOD COURT D姐姐都比較黑面，但呢度既收銀姐姐又有禮貌又細心，驚我拎得重仲專登分開兩袋

今日去開APM，發現真係好耐冇食過呢度嘅food court。望吓望吓又發現幾抵食喎，今日揀咗食「大宮」，有啲定食同拉麵/烏冬。🍲我哋揀咗野菜牛肉烏冬仲有牛肉定食。想試吓呢度嘅小食，人少少可以揀$12一份嘅章魚丸子仲有南蠻炸雞。今日啲食物都偏鹹，🤔真係一定要配飯先得。牛肉肉質都幾韌。🥗沙律菜幾大份，但係啲醬汁就多咗少少。反而呢個炒雜菜就幾啱我，🥬🥕菜嘅種類好多，感覺健康，而且個調味亦都相對較清淡。朋友碗烏冬🍜可能因為落咗豬骨湯嘅關係，的確幾惹味，有肉有菜份量都唔細，水準相對比較平均。

附近工廠區既人食飯有又有多一個選擇啦☺️依家新開左一間日本餐廳🍴今次我晏就出黎買小食填下肚🙈.🥟日式炸餃子 $40餃子外層脆口😇但又唔會覺得太硬. 餃子皮嘅厚薄適中, 一口咬落去仲有汁流出黎❗️岩晒中意啖啖肉既你🙈.🐙和風章魚丸 $40係我心目中既小丸子係外脆內軟入面粒章魚🐙超大粒甘就💯‼️可惜依到既小丸子入面粒章魚唔夠大粒🥺.🐥日式炸雞$38嫩滑嘅雞肉🍗一舊大概一兩口嘅份量, 炸得岩岩好嘅外層配合埋沙律醬❗️如果怕肥唔膩既佢仲放左檸檬🍋係到😊可以吱啲汁出黎，減低肥膩感😍岩哂所有愛食炸野嘅人⚠️間店有拉麵🍜架‼️有興趣既人可以試

餐廳：大宮 (觀塘)地址：觀塘觀塘道418號創紀之城五期(apm)2樓新美食廣場A1號舖最近同老竇去咗APM 2樓嘅food court食晚飯，見到有間新開嘅日式餐廳——大宮🎌，價錢唔算話太貴，一個主食都係六七十蚊，不過喺food court到就難啲搵位🙈，等咗差唔多10分鐘先搵到位大宮牛肉定食 $75所有定食都送白飯、沙律🥗同麵豉湯🍲，加$5仲可以有埋飲品🍵，牛肉香濃惹味🐮，加上白芝麻增加味道同口感，個人認為汁嘅濃度可以稍微減少，令牛肉惹味得嚟又冇咁鹹，不過撈白飯就啱晒😆豬骨湯叉燒烏冬 $69一碗烏冬有三塊叉燒，叉燒唔算太腍，但係就有淡淡嘅肉香，薄得嚟又有啲咬口👍🏼，豬骨湯唔會好濃稠，每一條烏冬彈牙之餘又滲透咗豬骨香味小食方面叫咗個和風章魚燒($40)同日式炒雜菜($36)，章魚燒加上木魚乾同沙律醬同甜醬，咬開見到粒粒章魚🐙，我同老竇都幾鍾意❤️；炒雜菜覺得有少少油膩，但係醬汁再加上白芝麻，的確令到雜菜變得好味又唔單調

平時返工都會經過apm嘅food court ，但都無機會試！難得今日收早加上有人接收工，就去food court睇下有乜食做我哋嘅晚餐！裏面都幾多選擇，由於我哋實在太掛住日本啦！所以我哋揀咗大宮嘅日本餐食！我地叫左兩個定食同三款小食，有大宮定食(牛)，照燒三文魚定食，炸雞，餃子同章魚丸！另外再加$5飲品！而每個定食都包日本白飯，沙律及麵鼓湯！啲小食賣相吸引，餃子同炸雞外皮好香脆同埋食落口好野味。兩個定食都好味，三文魚好滑，魚皮煎得好脆，再加埋個汁一齊食，好徤康！我係食肉獸，所以鐘意食牛肉飯多啲，個汁甜甜，夠開胃。

呢日同好耐冇見既朋友去Apm行街，行左一陣之後我地就諗住去食dinner。我地去左food court，觀塘Apm既foodcourt 都幾多野食。我地搵左間唔錯既日式店。價錢優惠之餘食物質素都唔錯！見呢度啲野食咁抵食，我地點左好多野啊！首先係豬軟骨烏冬，呢個豬軟骨烏冬幾入味，豬軟骨入口即溶。除左烏冬，三文魚定食都幾吸引！三文魚煎到好香脆，個餐仲有埋沙律菜同麵豉湯，好豐富！我地仲點左啲少食，有章魚丸同炒雜菜，都好好味！

今日嚟到APM嘅Apple整完野，肚餓啦要搵嘢食，見到食街好似係新裝修完畢，於是就上去望吓有咩食先😚勁想去日本嘅我見到有間拉麵，即刻心心眼🍜嗌左黑蒜豚骨叉燒拉麵，有誠意同水準嘅拉麵，重點既湯頭，好好飲😋黑蒜味配豬骨既味道，湯底好濃郁，相信用左大量既豬骨熬煮，豚骨既精華全部在湯頭裡❤️拉麵硬度適中，拉麵🍜完美的吸附湯汁，係我最鍾意嘅😚拉麵配料既叉燒好好食，叉燒肥瘦適中，大片又厚，有嚼勁啖啖肉，好入味，超級開胃🤩大宮定色可以揀牛肉同豚肉，我選左牛肉🤪牛肉容易煮腍，配埋洋蔥的香甜和醬汁，簡直搭配得天衣無縫，吃一口，就完全被擄獲。好送飯嘅大宮牛肉😄定食仲配埋一碗白飯，一碗味增湯同埋沙律🥗食完感覺好似返咗日本咁😄泡菜豚肉丼，選用左珍珠米飯🍚豚肉片薄薄的，煮得好嫩滑，再配合自家秘製泡菜醬汁😚 香辣惹味，送飯一流，另外把溫泉蛋放到飯上拌勻🥚，口感複雜，層次分明😃小食嗌左炸雞四粒，雞肉醃得幾入味，雞肉好厚身，雞皮炸得好脆身，日式炸雞果然好嫩滑🤪和風章魚丸，丸子很大一顆，即叫即燒，章魚丸子口味相當豐富，裡面是彈牙多汁的章魚粒和蔬菜，配上燒汁、蛋黃醬❤️❤️

自己一個食咩好，簡單啲去咗#Apm 美食廣場 食日本料理，有 #拉麵 🍜、#烏東、#丼物 🍛同 #定食 選擇，仲可以用優惠價$12 加配小食。我選擇咗：🐟#照燒三文魚定食：三文魚即叫即製，魚皮很脆，配上照燒汁很惹味。仲有麵豉湯、飯同沙律。🐙#和風章魚丸：大大粒外皮很脆，裡面有1粒章魚，加埋醬汁、木魚好味啊。🍗#日式炸雞：炸雞外脆內嫩，大細適中作為小食剛好。唔好以為美食廣場就好普通，原來食物味道都很好👍，就算自己食都可以食得好！

放工成日都諗唔到有啲咩想食，所以通常都會嚟APM度揀嘢食！成日都經過呢一間餐廳，而且佢啲選擇都比較日式嘅，合我嘅口味！我自己就嗌咗個豬扒滑蛋飯，$60左右來講個滑蛋都算好好食，而且仲有入晒味嘅洋蔥，又唔會好咸。豬扒都幾大塊，個炸皮亦都啱啱好，唔會好厚。自己就加埋呢一個餃子，餃子食落口好脆身，但都唔會好油。 我朋友就嗌左個雞扒烏冬，偷咗一啖佢嚟食，個烏冬口感幾彈牙，湯嘅味道一般，都唔會好重味精味。雞扒都好大塊，仲有粟米椰菜嘅配菜，都算好多嘢食！仲可以加$12 嗌2舊炸雞，炸雞上配有沙律醬，$12來講都唔算貴。仲有碗麵豉湯都幾好，入邊有啲海苔。