大家樂 (港鐵香港站)

营业中

休息中

位於中環的大家樂的意式肉丸蕃茄意粉是港式快餐店中少見的西式選擇，主打簡單快捷又有飽足感。這道菜以酸甜蕃茄醬為主調，配上數顆肉丸和意粉，外觀紅潤誘人。蕃茄醬偏酸，帶有少許香草味，適合喜歡重口味的食客。肉丸的肉味不算濃郁，但仍屬可接受範圍環境：店面整潔，外賣速度快，適合忙碌上班族價格：約$40左右已包飲品，午餐份量充足，性價比不俗食物質素：出品穩定食物種類：提供多款飯，意粉，燒味等，選擇多元這款意粉雖然不算精緻，但以快餐標準來看，味道尚可，份量足夠，是一個方便又不失飽肚感的選擇

這道炒飯以煎雞胸肉搭配健康醬，不僅價格親民，更適合注重健康和喜歡運動的人。雞胸肉肉質鮮嫩，炒飯算有點味道，不會太清淡，搭配清爽不油膩的健康醬。這道菜口感豐富，美味又營養，是健康飲食的不錯選擇。推介給喜歡做Gym的你。

經過大家樂，見到佢哋新推出嘅素食套餐「葡汁素魚柳焗飯」，好奇心驅使之下就入咗去試吓。點咗呢款飯之後，好快就上枱。賣相方面，焗飯表面金黃香口，上面放左兩塊好大既嘅素魚柳，睇起嚟真係好吸引。第一啖食落口，真係好驚喜！個葡汁好香，酸酸甜甜，同素魚柳嘅味道好夾。素魚柳嘅口感同真魚柳好似，啖啖肉，而且仲好入味。焗飯嘅飯底仲好軟熟，撈埋啲葡汁同素魚柳一齊食，真係好正！我個人比較少食洋蔥，所以食咗啖之後就挑走咗啲洋蔥。如果鍾意食洋蔥嘅朋友仔，就應該會更加鍾意呢款飯。份量方面，我覺得都幾多，畀我嘅話分兩餐食都冇問題。

今次食左個好耐之前食過既香芋葡汁焗雞皇飯, 等左好耐佢再出番, 幾個月前食過一次, 覺得幾好食, 想再食點知冇再出, 可能佢係間唔中會換款, 所以格幾個月再出番黎, 今日見到唔執輸即刻叫, 雖然佢話香芋, 但係唔係好食到香芋味, 感覺係比較杰身既CREAM SAUCE 加炒飯底, 雞都好JUICY, 個味道真係好唔錯, 42蚊一個飯,咁既時勢真係物超所值。

3點3下午茶時間了！🎉；到中環大家樂🪄，見到港式炸醬肉絲即食麵，甘特別就試下先，味道0k👌,少少辣！份量啱啱好,加個炸春卷同個凍綠茶！只係35蚊！好抵食唷！

今日朝早去咗香港站F出口嘅大家樂買咗早餐 好耐冇食過，好抵食！今日我就揀咗吉列魚柳煎雙蛋蘿蔔糕同埋加多個雪菜肉絲米粉 另外加多杯熱檸水！好耐冇食過大家樂嘅吉列魚柳，比我想像中大塊，炸粉亦都唔會太厚，魚柳炸得幾脆身幾好食，加埋佢本身嘅沙律醬，味道非常夾，對我嚟講都非常有驚喜 蘿蔔糕就不過不失，不過勝在夠大件，中間亦都食到蘿蔔絲，早餐都好少有地方可以轉蘿蔔糕 雪菜肉絲米都比我想去中大份，我就費事啲米粉林晒，所以分咗湯，味道中規中矩，亦唔會太差 最後飲埋杯熱檸茶非常滿足

Lunch time 食2點食乜好？🤔係中環返工lunch出去食個飯都at least要$50今次為大家介紹下大家樂平、靚、正既Tea set🤤 真係Happy together吖！♣️鹽酥豬扒滷蛋肉燥飯配黑糖冬瓜薏米茶🍴✨💲28‼️大家無睇錯，係28蚊咋🤗因為疫情關係，邊度旅行都唔使去🤦🏻‍♀️唯有食個肉燥飯當去咗轉台灣，回憶返晒嚟🤣💲28黎講份量都幾多，相信大家對台灣肉燥飯都唔陌生。佢既肉質鮮嫩，美味可口！仲一啲都唔乾添吖！滷汁味道啱啱好，唔會過鹹。香氣十足既滷肉，好送飯！而鹽酥豬扒仲熱熱地㗎，食落脆脆地，無乜炸粉 唔錯！隔住個mon都流晒口水吖🤤 本身個餐係跟低糖綠茶嘅，如果想轉呢杯黑糖冬瓜薏米茶就要加兩蚊。仲諗住台式飲品尤其係黑糖冬瓜應該會好甜，點知有驚喜🤩‼️甜到啱啱好，而且係呢個炎炎夏日嘅天氣飲番杯，有種好清新既感覺吖！

地鐵香港站E出口有間專做外賣嘅大家樂，好多中環打工仔嘅早餐午餐都靠佢㗎啦。呢度冇堂食嘅淨係專注做外賣，到食飯嘅時候都大排長龍，好在佢哋手腳都快，服務來講係咁多人嘅情況下都冇炆憎算係唔錯。食物同喺出面嘅大家樂都冇乜分別。

這是一間立食粥店，順德式生滾粥是傳統食品，竟是以立食店形式銷售。這是一間特殊的快餐集團分店，真是中西合璧，你可以邊食西多士，邊吃生滾粥。午餐飯類食品如未售罄，如荷葉飯，你都可以點選。這是一間獨特的港鐵站內食店，儘管買外送的人多，立食粥的人倒不少。這是一間獨特招牌的食店，不掛同集團的「一」字品牌，默默無聞地賣粥，品質有過之而無不及。這是一間獨特的中環食店，在IFC附近，竟有廉宜如KFC的地下粥檔，很棒呀。早餐時段仍是快餐店風格壓倒粥店。中環多間此集團快餐店都塞滿買外賣西式早餐的白領。此店的點心滿粥-粥餐與其他分店仍有少許分別。例牌粥一樣有兩款（部份分店只有1款），配搭則多達5至8種，似比其他快餐店多。有熱騰騰的蒸齋腸，粉比便利店的幼滑，皮很薄。但混醬則不濟，是塑膠包裝那種。沒有香噴噴的滋味，任你添加黃醬，紅醬，黑豉油，仍覺得失色！另有蒸葱花蝦米腸粉。粥則比預計中好，有茶樓早點的水平。柴魚花生豬骨粥售罄了，我嚐粟米咸雞粒粥更有新鮮感。從未嚐此粥，粟米濃甜，咸雞惹味，盡滲粥內。份量亦充足。每日中午開始有14款順德生滾粥面世，主要有8大種，款式與一般粥店無異，主要是缺了廣州的茘灣艇仔粥。單拼主

IFC呢間嘅經理不嬲好勤力，服務態度好好～ 雖然IFC呢個方向兩層都有大家樂，但呢間服務好d同佢地自己香港人人都趕時間所以佢地好快，所以我自己始終鍾意幫襯呢間多過機鐵站個層～呢個皮蛋廋肉粥，抵食（中環區價錢黎比較），又好多料，多料過傳統粥店，又肯落薑絲同花生；不過今次廚房太趕走葱變多葱，哈哈～

午餐為求快快趣，就買左蒸飯食，我叫左呢份銀牙魚仔肉餅飯。本身有埋銀牙魚就的確幾香，而魚仔都唔會係好鹹，所以我都覺得可以。肉餅配埋冬菇粒係裡面，都幾有口感。加上蒸飯係糙米飯，所以都算係健康。

返工放飯由於趕時間，都係去附近買外賣算啦。叫左碗章魚雞粒排骨飯，飯底係紅米黎架，高纖維夠晒健康，口感雖然鞋十十，但係有李記鼔油撈飯都算可以。至於排骨記骨頭比例大，肉少，連豆鼔蒸實有點過鹹。而章魚雞粒係主角，算係合格，章魚唔會過硬，雞粒就蒸完都尚有雞味。三十多元黎講就算係咁上下。

呢間大家樂只做外賣 不設座位 方便上班一旅。平時都唔會食大家樂，但今日經過見到有粥 中環粥店很少 有都動輒 40蚊 今次呢個係下午餐 25.5 好抵， 而且即叫即滾！ 叫左個肉丸粥，有少少似豬肉丸 口感彈牙 幾好！ 粥都好綿 而且都算大碗足料！而且食完冇特別覺得口乾！ 有蔥條但唔夾 但食粥我覺得落粒粒蔥花好味啲！係中環呢個價錢食味道不錯既粥真係幾抵！評分：7/10  下次會再買！

今次為左趕到個project, 逼不得已要落大家樂食個快餐... 機鐵站果間就吾系好多位, 成間舗企吾到10個人, 好彩黎得早乍...如果吾係就有排等啦今次就嗌左個黑椒雜扒飯, d料相當足, 胃口細d都食吾哂...味道都還可以既咁我同事就點左個叉飯啦, 雖然個飯就普普通通咁, 但勝在有紅豆冰...如果下次趕時間的話, 我會再黎食, 雖然吾係特別好食, 但係真係好快同埋價錢相宜B-)

減肥, 食粥代替食飯, 都不失為一個好既方法! 就去了大家樂買凳粥食, 一直都知道有腸粉, 但係唔知係即拉的. 即時唔理得減唔減肥, 拿拿聲ORDER多一個牛肉粥.肉片粥, 生滾的嘛, 唔錯, 都有一大碗, 食得飽的. 肉片醃得入味, 而且滑滑的, 大家可以一試~即拉的腸粉, 大家見到相入面係兩大條的嘛 , 佢拉好, 會分成4 段, 之後3段係一份, 餘下的一段…WELL, 應該係下一份用的吧, 只係凍0左, 一定無咁好食…個牛肉腸粉, 個皮有點厚, 甜豉油是正常水平. 加一點辣椒醬比較好食. 牛肉的餡同酒樓的是可比的, 所以是不錯. 18蚊咁大碟腸粉, 係IFC來說, 好好的了! 咁大碟, 當然無食曬, 留了一部少下午肚餓的時候再食. 下午4點吃的時候, 雖然凍了, 但是還是不錯, 皮沒有因為凍而變硬, 有水準~