大家樂 (健威坊)

营业中

休息中

呢間大家樂分店由有OpenRice 以嚟令我要出post嘅唯一一間餐廳。 先唔講食物製作味道不達標，連出品嘅食物都係最差嘅 ， 試過有次叫鴛鴦炒飯 ，茄汁雞柳果邊只有1條連2cm 都無嘅肉絲，而其他食物好多次叫多汁，亦都無跟要求去做 ，非常垃圾嘅一間分店。強烈建議有關公司更換經理 ，管理到呢間分店咁垃圾，明明唔係多貨，叫完餐後起碼要等15分鐘先有得拎，咁都叫連鎖快餐店咩？食咗30年大家樂唯一一次要拎出嚟講，呢間管理好有問題。

朝早8:20手機落單，一個簡單細雪菜米，無需餐具，等到8:4x分都仲未有，做左其他套餐跟細菜米又排得後過我既單都未到，問阿姐仲發脾氣，話自己好多單，咁做唔切就咪接單啦。見我拎手機出黎篤就開始叫快d出細雪菜米，其實我係等左18分鐘先開始動起劣評既念頭。我知係完全係我錯，根本唔應該喺咁繁忙既早上幫襯健威坊大家樂，因為咁樣你地會做唔切野。我公司遲1分鐘就捉遲到，亦都係我公司既錯，呢d垃圾公司做係冇資格喺大家樂外賣早餐的。外賣單號：9128

買咗半斤叉燒，原價買$55 ，全部都是頭頭尾尾，不是第一次。見到個廚師，嚿嚿叉燒喺度同你換，換埋啲頭頭尾，換到差唔多你成盒都唔想要，真係冇下次，外賣亦都冇人幫你包，要自己搞掂，真係搵氣嚟受。所以真係冇辦法，有時都唔想北上消費，真係逼出嚟，有時間都只可以上深圳，感受吓人哋啲服務，同埋食物質素唔會咁樣樣同你換來換去，希望大家樂嘅管理層睇到可以改善，唔好事事話港人唔支持香港食肆。

蒜蓉粉絲蝦醬蒸豬頸肉配白飯一開始試試最穩陣嘅粉絲，粉絲生生地、散發陣陣腐乳味，這種獨特的風味總能讓人驚恐交雜。廚師正常把食材以烹調方式結合，但這次我發現了廚師也制造了新食材。這道菜的主角是豬頸肉，它看起來普通無奇，但一夾下去卻散開了。原來，這是由磨爛的肉粉和腐乳壓成一塊塊的豬頸肉，技巧相當高超。這種合成技巧使得豬頸肉口感很核突。夜深了，為了生存，我試了一半的菜，但最終堅持不住了。我決定專心享用伴隨的白飯，這樣吃的話白飯簡直是絕妙。這道菜的價格是55元，但它帶給我一個全新的體驗，絕對物超所值。這樣的美食故事總是讓人回味無窮。無論是發現新菜品還是品嚐經典美味，每一次的味覺冒險都是一次難忘的體驗。讓我們一起尋找更多美食的驚喜，享受食物帶來的滿足和喜悅吧！推介：白飯

今日嚟到北角健威坊，這個商場唔算大，但係有已經有好多間快餐店、餐廳，午餐時間就間間都多人排隊或者等位或買外賣。去到大家樂見到有位坐，所以就決定坐低食，我點咗鮑片福建炒飯+凍低糖綠茶。大約都要等8分鐘取餐，店員都非常有禮貌，取餐時會主動講多謝👍🏻飯和福建油係熱嘅，上面有3片鮑片，其實這些都係螺片，不過通常都叫鮑片比較好聽。鮑片冇咩特別味道，反而係個福建汁和雞粒雜菜幾好，唔會死咸，飯煮得粒粒分明，分量都足夠食得飽👍🏻凍低糖綠茶夠凍但係冇乜茶味，似冰水🤨不過咁，$36嚟計係好抵食而且好味。整體來講係好，會再嚟。

由於早咗放工，就去咗食下午茶！銀聯卡最近做緊Promotion($35減$8), $29的下午茶，有雞翼，燒鴨米同免費升級的紅豆冰！真係抗疫情，抗通脹呀！惟一可惜係無晒瀨粉😔😔😔！雞翼：滿滿的蜜糖，香甜味美！燒鴨米： 分量十足，米粉彈牙！紅豆冰： 紅豆同淡奶的比例適中！但係店面比較細，坐係收銀隔離就有啲嘈吵！有執枱專員，都好快執好枱，衛生ok! 值得一提係大家樂會員食滿3次有$5 coupon! 咁就更抵食啦😊！

香港地吃早餐既鋪頭非常多，不同款式都有，豐儉由人。茶餐廳，粥鋪，Cafe, 連鎖快餐店，選擇非常多。我就最經常去餐記同大家樂吃早餐。咁啱屋企隔離間大家樂裝修完，環境好咗好多，仲多咗兩部點餐機，方便落order唔洗排隊每次去到第一樣野一定係要擺位先，因為經常好多人，之後先去order早餐，款式選擇多，有中式西式，叫咗個牛油餐包，炒滑蛋配牛尾湯紐紐粉，同炸魚柳餐。黎大家樂最主要係為左個牛油餐包，一大片牛油夾餐包既邪惡又滿足，不過個餐包好似比以前縮咗水，個滑蛋加咗牛奶炒都唔差，其他一般正常，個檸檬茶D檸檬又多又大片真係太客氣了

做節，長老訂咗大家樂嘅盆菜。然後夠就叫家族中嘅壯丁走幾條街去搬盆菜。個盆菜係六人份量，仲分咗兩兜，一兜係濕嘅一兜係乾嘅，裏面嘅食物大概有魚蛋、豬腩肉、蠔豉、豬皮、蘿蔔、福袋、瑤柱、白切雞、燒鴨、鴨掌、蔬菜、仲有蝦等等…盆菜個汁係好鹹，食物本身嘅味道都唔係好好味，好多食物例如豬腩肉同豬皮，都炆得唔夠淋， 但係味道就好鹹。瑤柱同埋蠔豉就好乾好硬。冬菇又唔夠入味。魚蛋同埋蔬菜嗰啲，食落去真係冇乜味。食材雖多，但係完全唔好食，真係唔好味

作為一名健身教練, 早餐係要食全餐大家樂近排出左新既早餐, 早餐全餐包羅萬有個隻, 唔記得左42定43蚊, 今朝想食得豐盛d就試下佢。首先野食係需要用兩個盒先裝得哂, 分別係有煎雙蛋, 煎過既蕃茄, 雞扒, 薯餅, 蛋多士兩塊, 茄汁豆少許, 煙肉一塊。合格既有:煎雙蛋, 雞扒, 茄汁豆(唔知點樣先可以唔合格), 薯餅(麥記好味d)唔合格既:蛋多士, 煙肉。蛋多士好似兩塊濕濕地既布咁, 無蛋香, 唔知食左d乜。煙肉好明顯係烚熟仲要無煎過, 又或者佢烚完再煎但煎左等於無煎, oh no煙肉點可以拎去烚架就等於食緊烚肥豬肉片咁, 好難食, 食左啖都擺唔落口了。四十幾蚊完全唔抵, 可以不試, 食起上黎都唔覺好豐富, 員只係佢分開裝好似好多野咁, 寧願食番佢平時個d普通餐, 要出新野就應該做好d quality啦...

今日試左大家樂既肉醬意粉。真係超好味，啲肉醬非常之多，而且啲意粉口感一流，個賣相睇落已經流曬口水，食落真係無令人失望。而且又唔使排好耐隊，好快就有得食。價錢又唔貴，值得一試呀。

星期六一朝返工早左到諗住去食返個早餐，見到間大家樂就咩都冇諗入左去，叫左個深海吉列魚柳+炒滑蛋。 佢可以揀配多士定蘿蔔糕，而我每次都會揀後者，因為真係好好食。嗌完去排隊攞野食個陣心諗：「玩完啦！條龍咁長，一定食唔切。」但好好彩既係廚房啲職員都好快手，出餐上碟，我前面大約10-15個人，結果等左唔洗10分鐘就攞到。啲職員真係好efficient 💛然後講返個餐啦。我都算食過唔少分店既早餐，呢間既質素唔錯！個魚柳唔會太細，又炸得岩岩好，唔會太多麵粉同好鬆化。個炒滑蛋又唔會太鹹，好香蛋味同蛋汁。奶茶好滑好香☺️係個火腿通粉麻麻，如果個湯可以有少少雞湯吊啲味會好味好多

自從搬咗 office 之後大家樂 Café de Coral 已經好耐冇去過，今日行過突然諗想佢地個焗豬扒飯，於是對腳好自然咁行咗入去，又好自然咁叫咗個厚切一哥焗豬扒飯。個飯喺外觀睇上嚟真係好吸引，橙橙黃黃咁😍外在美💯 ，點知食咗兩啖先發覺盒飯唔多熱，而且炒飯底又唔夠乾身，濕泣泣咁，有啲失望🤨 而且價錢都唔算特別平，下次都係飲水算喇。

我記得細細個既時候成日同屋企人黎食大家樂既早餐今日叫左啊哥幫我買個外賣黎個久違了既大家樂早餐其實menu咁多年都唔係好大變化基本既雞扒 魚柳 吉列豬扒果d都仲喺度我叫左個銀針粉加牛扒既餐銀針粉好好食我好鍾意咬銀針粉覺得比較其他粉麵有咬口佢仲要加左d我好鍾意既菜脯配合本身唔係好鹹既湯底味道剛剛好牛扒有兩塊一塊既size都好大 可以參考下下面張圖牛扒冇根而且夠淋比起我喺茶餐廳食既好味其實唔洗加任何汁都已經夠味多士攞到番屋企已經淋左少少同埋凍左我估堂食會好d奶茶控表示佢個奶茶幾好飲濃得黎唔會苦夠曬香滑 落半包湯已經足夠

呢排見無咁忙，落去大家樂食個早餐先返公司呢間大家樂一向都多人。打算叫個豐富早餐就唔食lunch啦蜜糖雞扒配腸仔，轉蘿蔔糕。雞扒有蜜糖味，幾甜而且都算滑。腸仔一向都是我的最愛哦，不過蘿蔔糕比較多粉。加了錢配榨菜肉絲米粉-都好大份而且榨菜肉絲都好多，一定要夠熱先好食。就咁一個早餐真係食到好飽啊！加上配埋凍檸茶就一流，不過呢度凍檸茶茶味比較苦。咁樣一個早餐$36.5，可以捱到下午茶先再食嘢又可以省返d錢啦

諗尼諗去都諗5掂食咩，最後都係食返大家樂。橫掂今日返早左，所以行遠少少消磨下時間啦。原本諗住5寫今次個食評，因為之前都寫過（不過5係呢間），同埋尼尼去去都係食果d野，好似冇咩好寫咁。但今日個早餐真係好驚喜，忍5住要開心share出尼！今日都係照舊，叫左個吉列豬扒餐不過配煎蛋（平時叫開炒蛋）。行到去等攞餐果時，我留意到個外賣盒轉左。之前好似個外賣盒係發泡膠，依家轉左黑色膠盒（我見到個盒突然諗起好似食緊kfc咁😂)，雖然都係5環保，但總比用發泡膠的好。好喇，講返個餐，令我一定要寫今次呢個食評ge原因，係因為d蛋！隻蛋真係煎得超靚，好完美ge太陽蛋，蛋白邊有少少微燶ge香口，但愈近蛋黃位，就開始愈滑！再講另一個餐ge炒滑蛋，都係feel到好滑同埋炒得好靚，個樣滑之餘，又5會覺得好水，今日d蛋真係outstanding咁好呀！