大家樂

营业中

休息中

大家樂每日有抵食早晨推介，原來下午茶都有優惠推介，於是我點了一個$29羅宋湯蕃茄豬扒腸仔湯烏冬同埋$28炒麵多士。羅宋湯蕃茄湯底好出色，味濃郁，烏冬口感煙靭唔會太腍，豬扒好大塊，抵食指數有五星😋🤤

自從冇咗大X活 唯有改食大家樂 唉 係我黑仔😵‍💫 兩次食早餐 個餐包發霉既 另外－次件薄牛扒竟然唔熟😫 D炒麵芽菜超生 好頹 好黑仔 唔再食大家樂早餐 食個下午茶網上落單 又漏單 應該同我唔夾 無緣了

大家樂最新推出的叉燒焗飯絕對是一道令人想試照片很吸引以香噴噴的叉燒肉作為主要配料搭配蓬鬆的飯粒和豐富的蔬菜經過烤箱的烘烤使得食材的風味更加融合叉燒肉的肉質鮮嫩多汁入口即化帶有獨特的甜味和微妙的燒烤香氣令人回味無窮不過一哥豬排焗飯的味道還係較好一哥豬排的肉質鮮嫩外酥內軟每一口都能感受到豬肉的鮮美口感與叉燒焗飯相比一哥豬排焗飯更加豪邁口感更加豐富。儘管叉燒焗飯是一道不錯的選擇但相對於一哥豬排焗飯的美味依然略顯遜色一哥豬排焗飯的豐富口感無論是食材的選擇還是口感的表現一哥豬排焗飯始終都是經典很難取代

久違了單拖帶小朋友到尖沙咀，餐廳係就係多不勝數，不過叫2份又食唔晒好浪費，叫一份又怕唔好意思霸住D位，還是去快餐店好了剛好下午茶時間，人流眾多，好在有2部自助機唔使等太耐叫咗份燒味茶餐細叉燒飯+炸雞脾+熱啡，都不過係$46話就話細叉飯但份量一D都唔少，叉燒肥瘦適中多汁唔柴炸雞脾更加唔使講，酥脆外皮，咬落去超嫩爆汁，剪D肉俾小朋友食飯都爬多幾啖，必食之選﹗熱咖啡不過不失，正常水平有飯有脾，一大一小SHARE食都好足夠

今日又再次幫襯大家樂既tea set，不得不再提大家樂既tea time真係好抵食。今日又食炸雞髀，呢間大家樂都keep得住個水準，雞髀既外皮炸得好香脆，入面既肉既好滑又多汁，正宗係外脆內軟，雞髀份量都好大件，好夠飽。今次個搭配就選擇左燒鵝瀨粉，燒鵝既份量都好多，啖啖肉，再配埋個瀨粉高湯，呢個價錢食到一個咁大份量既tea set，個CP值真心好高。再配埋一杯凍奶茶，為成個tea set劃上一個完美的句號！

而家呢個年代已經越來越多外國餐廳進駐香港，即使唔係好好食，都可以打入香港市場！🥺最近去咗好多年都冇去嘅大家樂，發覺佢哋食物質素，價錢同服務多超好，其實香港人都好應該支持返香港企業，打出國際，讓香港企業揚威海外！👍🏻👍🏻👍🏻👍🏻❣️食物：咁平嘅價錢，竟然可以食到鐵板餐，有酥皮湯，紅豆冰，蔬菜，焗薯，牛扒！而且質素都唔錯，當然唔可以同幾百蚊嗰啲比，呢個餐只係需要$71姐！焗豬扒飯就唔使講，質素保持水準！❣️👍🏻❣️環境：有Wi-Fi，有冷氣，夠光猛，座位上多闊落寬敞，其實算係好好，唔少餐廳都係超級逼夾，不過呢度算係好闊落，坐得舒適！❣️服務：真係冇諗過呢度員工笑容咁好，相當有善，相當殷勤，星期日咁多客人仲會主動幫忙執枱，執枱是總會唔該前唔該後，真係好有禮貌！另外發現佢哋而家有一種類似飛機餐嘅服務，推住架車嚟問你要水定要茶，好搞笑😆，大家仲可以加$5買啫喱或者奶凍，都幾好食😋

幾乎每次嚟到「大家樂」，#小秘書 都係會食 #迷你叉燒飯 併 #燒雞翼，呢次都唔例外，因為貪個餐 #夠飽肚 又 #啱胃口🤤 每次客人用完餐，佢哋嘅 #清潔工人 都會將啲 #餐枱 #消毒，然後貼上label ，係咪咁認真冇人知，不過身為 #食客 嘅我哋，又真係會安心啲嘅🤪非常時期，人流比以前少，而且等餐嘅時間亦快咗好多。以下午茶來講，#叉燒 嘅比例都算多，我特別叫 #師傅 送咗一碟 #薑蓉 俾我，用嚟撈飯認真一流🤩 隻 #雞翼 唔係太熟、仲有啲粉紅色😌 對我嚟講，只可以勉強入口😅 如果可以燒燶啲啲，感覺都衛生啲😉 最後要讚嘅係佢嘅 #奶菜，好滑夠茶味🤤 對要求多多嘅我，總算有交代😌

每個星期六我都會出尖沙咀做運動，今日都唔例外，由於今天日程緊密，中間只有30分鐘用膳時間，所以選擇左一間連鎖快餐店用膳。由於價錢經濟，不論平日或假期/商業區或住宅區嘅分店一般午飯時間都擠滿人，想揾個位都好難。我係第一次幫襯呢間分店，感覺呢間店與其他店好唔同，因為呢間店面積比較大，所以可以擺放到大量嘅檯櫈，係唔需要等位的。我亦喜歡呢間店就係點餐付款後唔需要排隊取餐，只係留意號碼取餐便可以，可減省時間，所以呢餐飯我都唔洗食到趕頭趕命🤘🤘。👇呢個環境，完全唔覺自己喺大家樂食緊嘢，NICE🤗🤗👇呢塊牆身飾面，教人忘掉不愉快嘅事情🤣👇望住呢幾盞天花燈仲以為自己喺度買緊雞蛋🤓🤓👇芝士蕃茄肉醬意粉加配熱檸茶👇滿滿芝士加上啖啖肉醬，意粉熟度剛好，口感超豐富😋😋

lunch time 無食野，所以落左大家樂食下午茶。最便宜既set大概都係二十幾三十蚊左右，唔想食呢啲既話都可以揀貴啲既燒味飯。我叫左叉燒瀨粉，免費升級左紅豆冰，31蚊。已經食左一舊先影，瀨粉好多，肉唔算少。不過叉燒好瘦，無肥肉咁制，好健康。。。調味都正正常常。瀨粉份量都幾多下，都彈牙既，正常發揮！紅豆冰，叫左少冰，都算係正正常常，紅豆都放左唔少落去。花奶底唔會太甜，但係佢啲紅豆雖然煲得林，但係又無乜味，有啲唔知點咁。

今日提早出門口，到左尖沙咀加拿芬廣場地下間大家樂享受返個早餐先。特價餐烚蛋，腸仔加粉麵。粉麵要左雪菜肉絲米粉，多士轉蘿蔔糕再加熱檸檬水。烚蛋-正常。腸仔-可以煎多一陣。雪菜肉絲米粉都正常。蘿蔔糕都好味道。熱檸檬水正常。

由於中午又受制於阿媽在西貢墟泰國菜舖頭裡面，阿姨下達對我的「禁牛令」，即是嚴禁我在舖頭裡面食牛肉的禁令，加上我想在尖沙咀光顧享用牛奶刨冰甜品，所以在尖沙咀「加拿芬道」旁邊的「大家樂」食「牛腩」。不過當我千里迢迢從西貢來到尖沙咀，才發現尖沙咀分店「大家樂」裡面的所有午餐食品，都已經全部下架，換上了下午茶時間裡面的食品飲品。就連我本來很想食的「大家樂」招牌食品「咖喱牛腩飯」，都已經跟隨午餐的餐牌一起消失得無影無蹤，只剩下午茶茶餐裡面的食品和飲品。我在「大家樂」下午茶餐牌剩下的食品裡面苦苦搜查，幾經辛苦終於找到了一款有牛腩肉的菜式。這款碩果僅存的「大家樂」下午茶牛腩食品，名稱叫做「紅燒牛腩粒 · 煎蛋上海麵」。顧名思義，「大家樂」的「紅燒牛腩粒 · 煎蛋上海麵」裡面的牛腩，只得切到很小份量的牛腩粒版本而已。不過我有個很大的疑問，就是究竟「紅燒牛腩粒 · 煎蛋上海麵」裡面的醬料，是什麼味道呢？「大家樂」下午茶時間裡面的「紅燒牛肉粒 · 煎蛋上海麵」，上海麵的湯面浮起了一層，懷疑從醬料裡面滲出來的油份，所以我覺得醬料可能是辣味的沙嗲醬，亦可能只是從紅燒牛肉裡面滲出來的油份而已。疑似是沙嗲醬，又有

大家樂每年出一次大眾化扒餐，今年叫嘖嘖淋，我本身未睇到廣告，一去到大家樂分店，見到己經出市。我點了豬肋骨扒餐，配酥皮車打湯，酥皮車打湯未有，先食豬肋骨扒，有粟米，有車華力腸，洋蔥，番茄，配黑椒汁！我要讚一讚黑椒汁，黑椒味道濃郁，但唔辣，只少鹹咗少少豬肋骨只有一件，以為唔飽肚，但食埋其他配菜己經飽了豬肋骨切開既時間難少難，只要一切開，用手拎黎食，有風味又好食。我最鍾意食軟骨！雜扒餐有豬扒有雞扒，又配車華力腸和粟米，兩件扒鹹左d,唔鞋口既，不過不失。酥皮湯，酥皮熱辣辣，好趣口，湯就一般般，好似漿糊，而且偏鹹。

晚餐懶懶地去大家樂食，叫左個鮮茄炒蛋雞柳飯。茄汁己經極少d蛋又似蛋花多過炒蛋，都算啦，用叉吉下舊雞柳硬到吉唔入，硬到唔似一舊肉，咬都咬唔入完全冇味！完全唔似人食既食物感到被侮辱。身為連鎖集團咁伏令人十分失望！乾到唔似雞柳，咬都勁難咬

小弟同家人一齊食個下午茶，叫左4個茶餐，包括一份全份公司三文治，1碗肥牛魚腐米線，1碗豬扒魚腐米線，仲有一個日式細烏冬配日式炸包同一個蘋果薯仔沙律。三文治係正常，兩碗米線係清湯，都係正常系列。而日式炸包就。。重味d，咖哩太勁，小弟一般般

食物好食，但水吧位執餐有啲差，每逢星期六日都會返早，所以大多數都食大家樂，但計埋今日前後已發現執錯或漏單已幾次，早餐同lunch都試過，本人明白飲食業間中出錯係正常，唔係有蛇蟲鼠蟻就可以啦，但因我都係會成日買外賣嘅人，真係未試過同一間經常出錯，所以唔明點解成日禁多次，希望可以改善，希望可以再細心啲🙏🏻