大家樂

营业中

休息中

噚日（28-9-2024 Sat）晏晝，同老公去大家樂食晏，因為要用喺Carbon Wallet嘅分，而睇到夠換兩張$5.00嘅大家樂素食焗飯。我去搵位，老公負責買，攪完一輪，佢就買咗兩個一樣，$59.00嘅焗素豬扒飯，我飲熱檸水，老公加$3.00飲凍檸茶，咁各減$5.00，就係$54.00同$58.00。咁我哋開動喇，一食啲飯，咁硬嘅？食多幾啖至見到原來有紅米，素豬扒好厚，而佢係由黃豆做成，但又冇乜難食嘅味道，而整體味道同真正焗豬扒飯冇乜分別。不過真係太多紅米，我食好耐至食晒，而老公食咗大半都已經好飽，食唔晒做廚餘。而熱檸水都有啲澀。其實我哋唔知呢個係紅米飯，以佢份量係太多，建議如果客人要求減份量，就相對地減收價錢，否則會做成浪費。服務：我哋食完走嘅時候，執嘢嘅年長員工都有禮貌地提醒我哋攞齊嘢。抵食係2.7分上次食評係2024年4月30日刊登嘅呢篇： https://www.openrice.com/zh/hongkong/review/blue-%E7%9D%87%E8%A6%8B%E5%8F%8D%E8%83%83-e5435817

26-4-2024（Fri）放工後，決定嚟呢喥買飯盒食， 因為有優惠券，原本想試佢哋$57.00嘅海南雞焗飯，但都係搏唔過，諗起佢哋有燒味飯，於是決定要燒味飯，原本諗住要$48.00嘅四寶飯，但眼見四寶唔係好吸引 ，於是改要$47.00嘅燒味雙拼飯，問收銀有冇燒鵝？佢答係只有燒鴨。咁我就揀燒鴨白切雞飯。 收銀話有凍檸樂送嘅。OK冇問題，咁用晚市$4.00劵就變成$43.00。買完飛就等，等咗5分鐘就有齊拎得，一直都感覺到啲飯係熱熱地，返到屋企打開睇，賣相好核突，白切雞嘅部位已經唔吸引，甚至係核突，啲餸又排列得唔整齊，甚至乎似被人食過咁。都唯有照食啦，燒鴨俾咗胸位，冇乜問題;雞肉就本身都鹹鹹地，但真係冇乜肉食，雞皮又膩;白飯就因為啲汁都好夠，所以都OK，但係份量係好少，我已經食咗個蛋撻，都叫做飽飽地，但竟然食完呢個飯盒仍然覺得唔夠。2.83分杯凍檸樂正常冇乜問題。上次食評係2023年12月5日刊登嘅呢篇 :https://www.openrice.com/zh/hongkong/review/blue-%E4%B8%80%E8%88%AC-e5164204

大前日(2-12-2023 Sat) 晏晝同老公拎嘢過去北角前食下午茶,去邊度食?我聽到老公話去大家樂,於是就行嚟大家樂,差唔多去到,佢問我去邊?我答大家樂.佢話佢頭先講大快活.都行到嚟喇,咁就唯有食大家樂啦.我哋嚟到時佢去買嘢食先,我就搵個位,我見有人飲紅豆冰,於是都心思思想飲,搵到位喇,老公都嚟到,咁到我去買嘢食.睇下老公張單,佢要咗$34.00嘅炸醬麵西多士同飲熱檸水,我就要$33.00嘅公司三文治粟米加$7.00要紅豆冰.等咗一陣所有嘢都有,我哋開餐喇.先食西多士,凍嘅算數,花生醬唔算多,口感正常.2.5分炸醬麵微辣,口感正常.3分公司三文治有蛋,生菜,番茄同兩種唔同嘅火腿,塗上適量嘅沙律醬,都係正常嘢.3分粟米係冇牛油,但都甜嘅.3分紅豆冰最差,冇味,紅豆冇起沙.1分衛生:人手唔夠,冇人執嘢,被客人堆到成張枱都係.上次食評係2023年5月26日刊登嘅呢篇:https://www.openrice.com/zh/hongkong/review/blue-%E5%B7%AE%E5%92%97-e4835920

19-5-2023 (Fri)請假陪爸爸睇醫生,咁朝早就同老公食個早餐先,去邊喥食,大家樂啦,嚟到時都多人等人嘢食,我就先搵位,搵到位老公買完到我買,兩個買完後等No.,嘢食齊晒開餐.老公同我嘅餐因為加$3.00要凍奶茶,所以同樣$35.00,老公要咗魚湯銀針粉配叉燒包,炒麵,凍奶茶要少甜.我要燕麥炒蛋,腸仔,火腿通粉,牛油厚多士,正常凍奶茶.開餐喇,我嘅燕麥炒蛋份量唔多,食落同普通炒蛋冇乜分別;腸仔係來貨正常冇問題;切開件牛油厚多士時,韌到好難切,已經唔脆喇.凍奶茶同火腿通粉都正常冇問題.而老公嘅呢?叉燒包幾乎冇叉燒,味道就正常;炒麵鹹咗少少,又冇乜料;魚湯銀針粉口感太腍.味道係 2.61分服務:我先搵位,搵到個位但好耐冇人收同抹枱,因為只有一個姐姐.而嘢食亦都等成11分鐘至有,而且啲嘢都唔係好熱,只係暖.我等到叫我no.,就上前問職員要杯水兼想攞走,佢話未齊,欠通粉,咁點解要叫我no.?其實𠲖o家都已經復常,就唔該請返多啲人.而原來,叫凍奶茶少甜係唔落糖漿,而俾一包糖漿客人.抵食同衛生係2.5分上次食評係2022年11月28日刊登嘅呢篇:https://www.openrice.c

是日（被）外賣：酸辣焗蕃茄雞扒飯。盒子甫開，先見左縱一列三蕃茄，後見右縱一列三矮瓜，再見置中一塊煎雞扒。古有禾稈冚珍珠，今有煎雞蓋木耳。總之格局趣緻，好吃與否，食過先知。蕃茄與矮瓜均厚肉多汁，吃得滿足。雞扒未知何故，感覺偏酸，還好肉不韌。木耳一小撮，亦不期待任何調味，幸而口感爽脆，為個人喜好。焗飯是炒飯底，蛋絲鬆軟，飯粒分明，無覺不妥。不得不說，酸辣醬汁做得頗為出色。跟某連鎖米線專門店相比，差得尚遠，可微微的麻香滲進神經內，配上以酸甜為主導的小辣，實有過癮之樂。焗飯芝士更使味覺豐富，「酸辣米線焗飯版」當之無愧。

一向早餐外賣，都有3分之1機會選擇大家樂作為早餐之選，而今日都唔例外，又係食大家樂早餐。今日選擇左大家樂既每日精選早餐，呢個早餐價格實惠，只係HKD$27，加埋凍飲都係HKD$30，但份量就唔算多，一個多士，一隻蛋，一條廚師腸，一碗湯面，以早餐來講就算係咁啦。多士，蛋，腸呢d都係基本早餐組合，正常發揮。而呀湯面就有唔少選擇，平時我都係食雪菜肉絲炆米，但今日就試食野，叫左個火腿扭扭粉，都好好食，好掛湯。

今日 (18-11-2022 Fri) 同老公放假,老公由佢女同事介紹黃竹坑地鐵站隔離嘅熟食中心有好嘢食,就決定去嗰喥食晏,但由於未食早餐,於是先嚟呢喥買個早餐兩份食.由於都晏,想買嘅早餐都冇晒,只有$31.00嘅招牌食晨,有3.6牛乳炒滑蛋,腸仔,揀雪菜肉絲米粉配蘿蔔糕,加$6.00要午餐肉,再加$3.00要凍奶茶.睇見份量係啱嘅,但$6.00嘅午餐肉只得半件,會唔會太貴?我先食雪菜肉絲米粉,味道清清淡淡,口感都適中嘅;而3.6牛乳炒滑蛋好普通; 腸仔同午餐肉正常嘅鹹;蘿蔔糕好軟熟,味道亦唔太濃.而呢份早餐所有嘢都只係暖暖地.凍奶茶就一貫嘅濃味,不過甜咗少少.上次食評係2022年2月2日刊登嘅呢篇:https://www.openrice.com/zh/hongkong/review/blue-%E4%BB%BD%E9%87%8F%E5%B0%91-e4317318

大前日30-1-2022 (Sun)朝同老公買餸前食早餐,去邊喥食?大家樂吧,好耐冇嚟,我哋嚟到都有好多人等出餐,而買飛時,話銀針粉已經賣晒,咁我就要$33.50,E18嘅牛乳炒滑蛋,牛油多士配紐西蘭魚柳,飲熱檸水.老公就要$28.50,E12嘅牛乳炒滑蛋,牛油多士配火腿2件,加$7.00要皮蛋瘦肉粥,都係飲熱檸水.等咗接近10分鐘終於出到我哋嘅餐,睇見牛乳炒滑蛋份量好少,紐西蘭魚柳炸得深色,牛乳炒滑蛋係滑嘅,而蛋汁其實係最後淋上去,炒蛋本身係全熟.紐西蘭魚柳外脆冇雪味,ok 嘅.而牛油多士都烘得脆嘅.最後熱檸水又係澀嘅.老公嗰份我冇試過.服務:等餐嘅時候我先去搵位,搵到喇,唯一一個執嘢嘅亞姐好有禮貌咁叫我等等,佢執咗先.而原來佢重要兼顧送餐俾唔方便嘅客人,忙到佢死,但佢都依然好有禮貌.上次食評係2020年7月11日刊登嘅呢篇:https://www.openrice.com/zh/hongkong/review/%E5%94%94%E6%AD%A2%E5%B0%91%E9%B9%BD%E5%B0%91%E7%B3%96-%E9%87%8D%E5%B0%91%E5%86%B0o%E6%

各大酒樓餐廳食店也紛紛推出其品牌月餅，實在令人花多眼亂！若非公司個客好客氣送大家樂月餅劵給我們公司每位，其實！我自己都未買過嚟食呀！當我醒起取月餅時才發現，已過了任何大家樂分店領取，只有指定分店！荃灣有8間分店，只有一間可領取！這間分店位於千色店附近，正是我知道荃灣分店的唯一一間！當日，也有其他客領取月餅，我問店內清潔的姐姐，才知道要找經理領取！ 經理在哪兒？原來走到取餐處幫手！雙黃白蓮蓉月餅一盒4個，室溫之下，白蓮蓉軟滑甜美，鹹蛋黃雖然不及美心月餅油潤，總算不錯！原來還有其他口味月餅，有機會買來試試吧！

今(11-7-2020 Sat)同老公去買西瓜俾爸爸後,老公又話要食晏,我唔餓只飲嘢,佢話呢大家樂飲杯紅豆冰,咁我提議佢食一哥焗豬扒飯.上到去我搵位坐低,佢買完嚟睇,老公要珍珠奶茶.我先飲紅豆冰,冇乜冰,紅豆係大粒但唔夠腍而且唔夠甜,奶亦唔甜,只係奶水好差.味道:0.2分一哥焗豬扒飯呢,件豬扒係大大件,夠腍有口感,飯唔覺係炒飯又硬又乾,冇以前食過嘅咁好食.味道:2分老公睇見杯珍珠奶茶起晒泡,飲落味道係唔錯,黑糖珍珠亦煙韌,但成杯嘢完全冇冰,呢杯係熱珍珠奶茶嗎?味道:2分抵食係2.5分而原來,我哋喺14年有食返呢個飯,嗰個食評: https://www.openrice.com/zh/hongkong/review/%E7%AC%AC1800%E7%AF%87%E9%A3%9F%E8%A9%95-%E5%B9%BE%E4%B9%8E%E9%A4%93%E6%9A%88-e2365833上次食評: https://www.openrice.com/zh/hongkong/review/%E4%B8%AD%E8%A5%BF%E5%85%BC%E5%82%99-e3666833

大前日(23-2-2019 Sun)朝,由於我想買蘋果食,咁就同老公落食早餐,我又想食炒米粉,又想食多士,邊間兩樣嘢都有?江記,不過老公話呢間差,唔食.咁落荃灣,邊行邊諗,佢話滿粥有多士,我印象中冇,不過都上openrice睇,係冇嘅.經過呢喥,老公突然諗起,大家樂咪兩樣都有囉.係喎,於是上嚟睇.我要$29.00嘅K28點心粥餐,要南瓜藜麥肉丸粥,有豉油皇炒麵,重有烚蛋,叉燒包同蘿蔔糕3選1, 我揀蘿蔔糕.老公就要$42.00嘅X1楓樹糖雞扒豐盛早餐,有楓樹糖雞扒,炒蛋,煎煙肉,茄汁豆,扒茄,薯餅同煎多士,佢飲熱奶茶.我搵位先,老公好快攞咗我嗰份嚟,而佢嗰份就等咗好耐至有.開餐喇,我嘅南瓜藜麥肉丸粥份子唔多,得半碗,肉丸得3粒,粥係唔算杰,味道唔太濃,肉丸鬆軟. 豉油皇炒麵同蘿蔔糕味道都係比較清淡.老公嗰份呢?煎多士係煎醮咗蛋漿嘅白方包,唔係平時啲多士咁脆口,只係諗同冇味,要塗牛油同加糖漿食;.雞扒厚同juicy,唔錯;煙肉正常嘅鹹,夾埋炒蛋食就易啲入口;薯餅扒茄都正常冇問題;最後嘅茄汁豆係凍嘅,冇輕輕地煮返熱,就有啲失望.抵食係2.6分上次食評: https://www.openri

前日(22-12-2019 Sun)晏晝,我唔落街食晏喇,麻煩要食晏嘅老公自己買,佢喺喥買咗兩個,共和$99.00嘅西式湯飯返嚟.佢嗰個係羅宋湯配牛肉飯,飲凍檸茶.我嗰set係忌廉湯配龍脷柳飯,買咗凍奶茶.老公話啲湯好稀,味道唔夠.但我係嗅到佢羅宋湯嘅味啊.其實我唔肚餓,但見佢咁吸引就食,我唔將啲湯倒入飯喥食喇,忌廉湯一樣係稀,味道就飲到蒜同香草味,亦撈到有一舊舊嘅粉漿. 唔鯹嘅龍脷柳腍晒,味道正常.我食咗半碗就唔食,俾埋老公食喇.至於凍奶茶,口感滑,茶味冇咁濃了.上次食評: https://www.openrice.com/zh/hongkong/review/%E6%94%BE%E8%80%90%E5%92%97-e3597357

你哋火鍋套餐個推廣poster上面就寫住下午5:30起供應，但係點解我喺12月1號五點半去，諗住去食火鍋個陣，個收銀員竟然同我講話六點鐘先有㗎呢？佢仲同我講閒日呢就五點鐘有，假日呢冇咁早喎 …… 要六點鐘先有。咁你哋公司張poster根本就唔啱㗎啦！係咪人哋就圖片只供參考，你哋就連文字都要只供參考呀？😡😡😡

今(19-11-2019  Tue)七日假中最後一日假,朝早同老公落荃灣食早餐,老公話食西餐,去邊喥食?茶餐廳?諗唔到,行到呢頭至記起大家樂,於是走嚟.熱氣嘅我本來想食通粉,但用牛尾湯,咁唔食得,唯有要$33.50嘅L3蜜糖雞扒腸仔迷你厚多士餐,飲熱奶茶.老公就唔知咩餐,但加$5.00有兩粒大大粒嘅糯米燒賣,佢俾咗一粒我食,糯米軟糯有少少煙韌,夠味,不過當中都有少少肥膏粒.味道: 4分我嘅早餐呢?迷你厚多士同腸仔都正常冇問題,但蜜糖雞扒就唔多掂,雖然啲肉唔嚡,但個皮係腍晒同有啲韌,好影響口感.奶茶都ok正常.成個食評嘅味道分係3.4分,抵食係2.7分上次食評: https://www.openrice.com/zh/hongkong/r-%E5%A4%A7%E5%AE%B6%E6%A8%82-%E8%8D%83%E7%81%A3-%E6%B8%AF%E5%BC%8F-%E7%84%A1%E8%82%89%E9%A4%90%E5%96%AE-r6557/reviews

嗰日同屋企人去食下午茶，買咗個雞翼套餐，另外……再用大家樂積分換多隻雞翼。點知……當我屋企人出去攞餐嘅時候， 見到嗰兩隻蜜糖雞翼燶都唔燶吓，直頭好似冇燒過一樣。跟住同個職員講，問可唔可以換過另外兩隻，點知個職員同我屋企人講，話今日隻隻都差唔多，仲拎起下面嗰盤雞翼，成盤畀我屋企人睇添！p.s: 其實之前幫襯過其他分店嘅燒雞翼都燒得好靚。