大家樂 (新都城中心二期)

营业中

休息中

將軍澳新都城大家樂，一碟鴛鴦炒飯，半碟有茄汁，只有四至五片雞肉和幾粒青豆，雞肉又乾又柴，還染了深紅色，不知落了幾多色素；另外半碟飯，只有少許白汁和四粒蝦仁，白汁根本不夠送飯，蝦仁得個爽字，完全冇蝦味。另外，一向出名的奶茶，水準直線下降，又冇茶味又冇奶味；茶杯還沾染了不少茶漬和花痕，可能會滋生不少細菌！難怪最近家樂發盈利警告！

今天到這間大家樂來買早餐吃。這次點的是煎雙蛋拼魚柳套餐，魚柳炸得金黃酥脆，入口仍保留濕潤感，雙蛋外層微脆，火候恰到好處。整體味道簡單但不失誠意，相信能夠為大家在上班前，迅速補充能量。環境：分店乾淨企理。 價格：屬親民價位，與份量和質素相符。 食物質素：食材新鮮，出餐速度快，整體口感不錯。 食物種類：早餐選擇多樣，定期有新搭配，滿足不同口味的需要。如果你鍾意煎蛋與酥脆魚柳的經典組合，這個早餐值得一試！

今日喺寶林試咗間餐廳，點咗粟米汁雞胸飯同生菜，真係好驚喜！🍚粟米汁淋喺雞胸上，味道香濃，雞肉嫩滑，完全無乾柴嘅感覺，食落去好有滿足感。配搭嘅米飯又鬆軟，吸收咗粟米汁嘅味道，真係一流！👍🏻而生菜就保持住鮮脆，搭配雞肉食，感覺好清新，令整個餐點唔會太油膩，非常好味！🥬另外，佢哋仲有茶飲，飲落去清涼解渴，整體餐點性價比高，分量亦都足夠。總括而言，呢間餐廳值得一試，特別適合想食健康又美味嘅朋友！推介指數：⭐️⭐️⭐️⭐️⭐️

薄牛扒炒蛋多士轉蘿蔔糕大家樂的牛扒薄皮薄啲, 不過小童都切到吃到，而且39元的價錢吃到牛扒都不錯， 加杯熱華田便是營養好早餐炸魚柳配火腿蘑菇炒蛋 多士轉蘿蔔糕+ 熱檸茶這個火腿蘑菇炒蛋是新推出，今日試試看，轉轉口味都不錯今日食嗰塊蘿蔔糕好似一大嚿粉咁 蘿蔔唔多味道較咸寧願食多士吉列豬扒炒麵 配熱華田早餐吉列豬扒大大塊厚切的 應該是平日午餐用來做咖哩吉列豬扒的同樣那塊吉烈豬扒， 作為小童早餐真係有啲熱氣，所以晏啲要帶佢哋食龜苓膏炒麵味道正常份量適中現在早餐可以揀凍低糖綠茶不用價錢想飲凍飲又唔想加錢這是個不錯的選擇哈哈開心❤️

以前好喜歡到大家樂食下午茶，因為它有牛油粟米非常吸引，但今天到新都城這家分店，真令我失望透了。我同樣叫了雞翼粟米餐， 以為服務員畀漏了牛油，要求她可否給我，她說粟米已浸了牛油，如果要，需加一蚊， 這是公司規矩， 我返回自己坐位，拿起粟米嗅一嗅，是完全沒有牛油味的， 我再拿給他們試著嗅下，他們很快便放了一件新的栗米在我面前（還是沒有牛油的）， 態度非常惡劣 ， 好像我是乞丐，又好似我是搞事似的，好讓我快些走，令人感到非常屈辱。大家樂集團為了慳成本， 縮減食材；服務員態度惡劣，差！差！差！

啲飯唔係少餸就係冇乜汁，魚塊西蘭花啲魚塊可以少到一個點，配咗個竹生鮙，一打開成陣燶味畋出嚟，都唔知點做生意嘅，煲燶咗成煲野都照賣比人，唔係普通嘅燶，係勁大味果隻呀！！！好心唔好將貨就價，係就加幾蚊，唔好縮皮得咁離普好唔好！打去話聽日換過比我，大佬呀，我係而家想食飯，唔係買定聽日食囉！買飯唔通想走多幾轉去換野咩？！連鎖點做得差成咁，啲客好快冇哂囉！！！以前都好好地，激氣！！！！！！！！！！！！！！！！！！！！！！！！！！！！！！

這天出海遊船河，回程於西貢碼頭，朋友們各自歸家，我們沒有計劃但又太累不想煮飯，於是坐車到將軍澳選了最快捷方便的大家樂晚餐，吃完立即回家休息。我想吃點菜，但發現不多有菜的餐，就點了個叉燒飯，起碼有幾條菜😅，想不到叉燒的味道及口感也不輸蝕。老公則點了什麼紅燒豆腐飯，可惜豆腐太硬，實在吃不下..

做緊野懶唔想落去食，就請老豆係樓下買個飯上黎食。大家樂8點半就有宵夜餐食，頹頹地叫左個叉燒飯，34蚊，有叉燒飯、油菜、中湯，抵到不得了！平得咁交關都唔期望會幾好食，生菜無咩得別正正常常。中湯係粟米豬肉湯，料好足，細細地一碗有兩舊粟米兩舊豬肉，但湯就好淡好淡，好似溝左水咁。叉燒飯就好足料，大大話話都有成十件，但口感一般，比較乾，唔夠juicy，飯量黎講就好夠。食完真係超級飽肚，雖然唔算好滋味，但三十四蚊黎講真係算係咁啦，經濟之選！

終於等到lunch好想食 燒味瀨粉所以同partner 一起食大家樂外賣等外賣都有得座下。唔錯 唔錯我就叫左燒鴨湯瀨粉 +西多士配蜜糖雞翼冬0茶一杯個雞翼 重 蜜糖好甜 好甜仲要甜過 gogo d雞翼但係 d.肉好易同骨分離食落無困難西多 仲跟左花生醬同煉奶竟然無糖漿有點失望終於到主角laaaa但。。。點解會變左米粉ga....說好的瀨粉呢即刻 食龍肉都無味laa雖然d鴨 好有油香個湯底都好甜但係唔係配瀨粉就好似狗仔粉無菜脯咁希望下次再order唔好再出錯la

好耐冇食個下午茶啦！難得今日放早可以趕得切六點前食個大家樂下午茶！去到見到餐牌多咗好多選擇！特別見到呢一個香芋紫米露！有興趣試下佢！於是就叫左呢一個香芋紫米露加蜜糖雞全翼再加一件咖哩角！一共$27。香芋紫米露👎🏻勁小香芋粒！冇香芋味！雖然啲紫米煲到好爛，但係紫米露實在太稀！慶幸佢冇放勁多糖，如果唔係真係零分！咖哩角👎🏻👎🏻咖啡角入面都唔知放左咩！完全食唔出！好似食緊咖哩醬only!!!!!仲要勁油！食完半隻碟黃色油！恐怖！蜜糖雞全翼👍🏻👍🏻好在仲有隻冇伏既雞翼！如果唔係我個下午茶就超泡湯！蜜糖雞翼的確好難整得唔好食！

近日天氣轉涼，打邊爐生意驟然上升，不少連鎖快餐店均推出「一人火鍋」，花費數十元亦可盡享火鍋的樂趣。好像大家樂的打邊爐，一入食店內已見到一枱二枱都是一人一鍋的邊爐，我選這個 海洋三寶邊爐，七十元左右包了魚、蝦 魷，另外有肥牛、米線、粟米、生菜、蘑菇等等，湯底可選清湯或沙嗲，食材新鮮，欣賞是那牛肉密封包裝，感覺衛生，只是海洋三寶每樣都是只是一件，未算夠喉。 要額外encore魚滑及豬肉丸，再加飲品，埋單大概九十多元， 晚飯來說性價比屬合理水平。

在十號風球的下午，剛剛看完戲散場四點幾左右，未到食晚飯的時候，所以便到戲院附近的大家樂吃個下午茶餐。這個叫酸辣湯套餐，包了一碗酸辣湯、一碗叉燒飯及一杯飲品，盛惠$33。雖然說是細叉燒飯，不過叉燒份量不算少，叉燒沒帶半點肥，稍嫌乾身，加上豉油味道是OK的。酸辣湯只是材料擠得滿滿的，感覺像䊢糊，酸辣感不足，味道只是一般，可能食完碗飯有些飽，所以沒有飲晒碗酸辣湯。整體上，價錢有這三樣食物的組合，而且份量亦不算少，我覺得是抵食的。

之前「大家樂」限定期間推出「雞髀雪糕紅豆冰」套餐，看來快要到期。我上次在坑口「南豐廣場」分店吃過炸髀版本，今次意猶未盡，想趕在限定期快完結前，試完剩下的「豉油皇雞髀」。今次我食的「大家樂」「豉油皇雞髀」下午茶，位置在寶林「新都城二期」內，「大家樂」的歷史我就不再多講，簡單點講，「大家樂」樓面都很企理和整潔。其他有關「大家樂」雞髀的下午茶茶餐，我在上次「大家樂」的食評其實一早已經有提及，所以今次我都無謂再浪費口水，今次直接進入主題，講講今次的主角「豉油皇雞髀」好過。「大家樂」今次的主角，豉油皇雞髀連「Dreyer's」石板街雪糕紅豆冰，價錢跟上次「炸雞髀」版本一模一樣，都是收港幣二十九元一客。「大家樂」「石板街雪糕紅豆冰」雖然跟上次的是同一款飲品，但是今次新都城分店「大家樂」是同上了用完即棄的膠杯去盛載紅豆冰，所以紅豆冰看來比上次「南豐廣場」版本的份量大了，闊落了。但是我在現場，看着新都城「大家樂」水吧的員工，在雪櫃內拿出「Dreyer's」雪糕盒，很辛苦地，和努力地刮雪糕球，才勉強能刮到一球出來，完成出來的「石板街紅豆冰」效果，反而沒有上次南豐廣場那麼完整。今次的雪糕球融化速度比上次快

來得大家樂吃飯一早就知道是平民快餐，別期望會有正宗精緻的美食，勝在經濟實惠簡簡單單填飽個肚一餐。平時很少會吃大家樂晚飯，聽朋友說今期大家樂推出了鰻魚飯很好吃而且很多人吃很快賣光，鰻魚飯是我很喜歡吃的日式美食之一，而且是原條鰻魚兼石鍋飯真真很吸引，於是便衝去嘗試。原條鰻魚份量十足已經夠晒吸引，還會以為會有很多細骨或者品質上會有出入，首先鰻魚汁充足，吃了一整條也吃不到有細骨，魚味一般沒有濃烈的魚腥味，飯是用石鍋盛載所以很夠熱，要小心會燙口可以逐少擺放在碗裡慢慢吃，額外有個鰻魚汁淋上飯並吃，再加上蛋絲、葱、紫菜和木魚配料一起吃很好吃，以58元價錢吃鰻魚飯品質上已經不錯可以接受。比較我以前(去年?)在坑口南豐廣場某一間(港式)日式餐廳，那時候60元單點一個鰻魚飯沒有飲品，鰻魚大概想到是用微波爐翻熱，而且份量是大家樂所吃的一半(可能再少一點)，有比較的情況下當然心想會覺得大家樂現在推出的心燒鰻魚石鍋飯很抵食!

街坊價錢嘅魚柳炒滑蛋早餐入面，我最鐘意食大家樂。可能li篇食評寫快餐店好無聊，但佢真係我食過好多快餐店比較出來。大部分快餐店嘅炸魚柳都係好淋，一切就散，雖然都夠熱夠脆，但個粉漿一般冇乜麵包穅，有d仲會好細塊同好鹹。而個沙律醬呢，有部分用偏甜嘅沙律醬係好難食嘅。仲會一舊舊好“傑”今日純粹想讚美下li個對打工仔來講算好完美嘅早餐魚柳結實，又比較大塊厚身，配翻個少少酸嘅沙律醬真係好好味!!!炒蛋夠滑，有少少牛油香，生生地最正。改多士做羅白糕，大家樂羅白糕比較軟身，唔會死實實，所以好好味。加翻杯凍奶茶或者熱檸水，真係開工前嘅心靈安慰以前個人認為藍田廣田村分店最好食最舒服，而家搬左就唯有食新都城分店。初初12月搬來嗰陣d炒蛋好老，食過幾次水準飄忽，直到今日再食，又回復翻水準