大家樂 (旺角中心第一座)

营业中

休息中

唔知大家會唔會同小妹一樣每逢喜慶節日就會同屋企人食盆菜🥰而且一定會叫外賣～除咗貪方便唔駛煩之外☺️喺屋企食更加有「家」感覺！今次就試吓大家樂嘅盆菜好唔好食啦🧡 福聚盆菜 $268（四位用）一共有十二款用料😚連白飯同糖水各4碗🦐 南美白蝦白蝦講明得4隻小妹咁啱攞咗隻又鮮又甜嘅屋企人嗰隻啲肉就霉咗...🥠 海鮮福袋豆皮包魚漿，普普通通🐷 南乳炆豬手炆得軟腍，皮豐肉嫩而且南乳夠入味！🐤 玫瑰豉油雞豉油味唔出但肉夠嫩夠juicy～🍗 明爐燒鴨外脆內軟，肉質夠嫩滑🌰 花菇香甜美味，夠大粒！🧆 炸魚蛋同普通魚蛋無分別，正常發揮🌯 枝竹份量偏少，味道正常🫔 芋頭估唔到芋頭味都幾出份量比想象中少🍲 蘿蔔無渣，但浸咗好耐都未淋🥦 西蘭花正常味道，幾入味🥬 娃娃菜味道唔甜，而且好難咬🫕 糖水（芋頭紫米露）甜點適中，餡料好多，正！小妹Top 5之選：花菇 > 南乳炆豬手 > 玫瑰豉油雞 > 明爐燒鴨 > 芋頭紫米露⭐️ CP值：🐘🐘🐘🐘⭐️ 打卡able：🐘🐘🐘🐘⭐️ 舒適度：N/A⭐️ 再食指數：🐘🐘🐘.5（5 星為滿分）備註：只限自取，不設送貨需於取貨5天前（不計取貨日）進行網上

大家樂下午茶餐，真係窮人恩物，永遠無得輸⋯燒鴨瀨粉，配熱檸檬茶，再加多個炸魚皮，合供$33⋯燒鴨夠味又唔乾，好有肉汁，啖湯亦相當唔錯，最緊要飲完唔會有口渴感、瀬粉好彈牙，唔錯！炸魚皮雖然份量唔多，但下午茶就剛剛好！最估唔到杯檸檬茶，茶底真係几唔錯⋯⋯

烤雞2人餐$89就買到😊味道唔錯食到香草🌿味，又新鮮。隻 烤雞 原來都唔細隻，肉都幾嫩❤️自稱麥蘆卡蜜糖就唔知係唔係，不過皮有點甜甜蜜糖味，肉都有香草味真心覺幾好食😋。粟米🌽就普通沒有牛油味（自己加返）但都夠熱，芝士肉醬飯係炒飯底唔錯，不過肉醬唔多肉碎，幸好個味都唔差😂紅豆冰不太甜幾好。滿$100有9折所以叫多個菜$12，再折返即$1.9就可有菜食😂好彩$1.9就覺抵，如果要原價會堅失望。

來到2022年二月，又是中國人過新年的時候。雖然響應政府呼籲，今年不會有跨家庭聚會，但自己家庭都要食團年飯的嘛，所以也要張羅一下去哪裡訂盤菜。放工經過旺角中心，見到大家樂宣傳盆菜，見價錢十分大眾化，訂完便當完成了一件要辦的事。這個6位用的「原粒瑤柱福袋盆菜」說有多達16款用料，包括鮑魚、花膠、海參等，好像有不少配料，但實際上全部也很細份，尤其是蝦，幾乎是「狗也不Ｘ」，反而要靠較大粒的「福袋」─即魚蛋─填肚。如果不是家人有買燒臘加餸，我相信大家是吃不飽的。光顧大家樂因為方便，但真的一分錢一分貨，同樣價錢可能食其他東西更美味，下年我覺得不一定要吃盆菜了。

今日過咗嚟呢度大家樂食嘢，我自己覺得都係普普通通，因為佢出咗一個藍圖，呢個打邊爐嘅味道我覺得都唔錯，只不過牛肉好似剩返少少，如果多啲牛肉就更加好啦，不過下次都繼續會過嚟呢度食嘢。

下午茶餐 燒雞翼 豬扒包 咖啡燒雞翼 燒到又乾又柴 但我就喜歡燒到咁既雞翼 個人口味不同啦今次試下洋蔥味 豬扒包 但我覺得芥末味比較好食重點依然是大家樂的咖啡 又香濃又唔酸 每次都會為左杯咖啡再黎

有一日夜晚心血來潮，想食乾炒牛河就去大家樂買，返到屋企，成碟餸都係熱嘅，牛肉都嫩滑，不過乾炒牛河實在落得太多油，搞到成碟都油冧冧，平日真係唔好食咁多，間唔時食一次就好。

今日週日，到處都是人大家樂唔使排隊，食個下午茶點佐熱狗🌭️+ 鸡翅+ 热辣辣嘎奶茶🥤爽啊、最中意食鸡翅朋友点左意粉套餐感觉麻麻地但是郭过柑蜜酱感觉还OK。再加奶茶🥤哩过套菜先27$蚊好抵，只是食落去麻麻地罗

我點左一份啫啫滑雞煲仔飯，見佢個賣相好似幾吸引，就試下啦。點知，食落去真係平平無奇。啲雞啲鬆軟太淋，而雞冇咩味；啲飯太濕太多水，一啲都唔乾爽，亦冇飯焦；成個煲亦都冇煲仔飯應有既香味、煲味，有少少失望，不過係勝在平，都冇辦法既，食得平野，都預左！個茶就正常，食煲仔飯佢驚我地太油膩故意送茶比我地解膩，呢一點幾有趣幾貼心，算係少少既加分位吧。

大家樂嘅一個焗豬扒飯一向都係好出名，近排見佢㗎呢都有新推廣，所以就一於叫個咖喱雞髀飯嚟試吓。點知真係令人有啲失望，因為佢個咖喱味一啲都唔出，而且好淡，下次唔會再試，都係穩穩陣陣食返焗豬扒飯算啦😞

2021年9月1日 晴話說早排好想食大家樂個鐵板餐, 重拾一下兒時ge 味道, 講左咁耐終於去食la其實我都好耐冇食大家樂, 特別係晚餐時段。記得細個屋企人會成日帶我同哥哥去大家樂食, 一人一個鐵板餐配酥皮湯, 正鐵板牛, 其實都唔可以要求個牛咩質數。個牛都淋ge, 最開心個下當然係淋個汁落去滋滋滋個聲la至於個酥皮湯, 今日係粟米蜆, 個人覺得配周打魚個類會夾d鐵板豬+雞, 其實我覺得兩個個味差不多, 都係大家樂ge 質數la, 但有條腸好開心最後想講下個焗薯同薯仔蘋果沙律都幾好食真係好飽r

食雞肉太多，因事身體會好攰，見到大家樂最近出咗一款新嘅素豬扒焗飯，即刻去試吓。食落去同普通豬扒飯真係一樣味㗎，因為其實原來大家樂都係用返所有一樣嘅材料，除咗塊豬扒之外，都好惹味㗎😍😍😍

大家樂一個焗豬扒飯出名就係人都知，但係佢個咖喱又如何呢？今日去到見到豬扒飯賣晒就一於試一試咖喱，於是叫咗個吉列咖喱豬扒飯，佢嘅咖喱汁唔夠濃郁，但係豬扒就炸得夠酥脆，但係整體來講都比較遜色，應該下次唔會再食。

上次去咗食大快活，今次試吓大家樂先😝估唔到今次食落都好ok喎！🌟我嗌左個牛扒鐵板餐🐮入面有牛扒、焗薯仔、酥皮粟米肉粒湯，淋上濃稠微辛的黑椒汁😍牛扒：牛扒夠大件！🤩雖然唔係厚切，但口感軟嫩，不會過韌，而且牛味濃重，配上惹味黑椒汁，帶淡淡焦香🤤底下仲放咗啲洋蔥同蕃茄吸曬黑椒汁🤩健康又惹味焗薯仔：幾好味😏不過嫌醬汁比較少酥皮粟米肉粒湯：酥皮好正，蔬菜同肉粒份量好多，好飲

早餐，想食個西或，飲杯熱奶茶，最終去左，大家樂，叫左個炸魚柳餐，配厚餐包，加多個牛尾通粉，先講個炸魚柳，外脆內軟，但係再好大陣食粉味，好鬼壓，好彩有啲沙律醬去去味，而個厚餐包就配左塊厚既安佳牛油大大塊 ，餐包既好軟好味，精髓係個牛尾通，其實感覺好似加左水既羅宋湯通，但我介紹大家加一包茄汁同一包辣椒醬，感覺馬上不一樣 。提升到其中既酸度同個辣度，再講講埋杯奶茶，茶味略微，奶味尚算香，但飲完有少少鞋口，但整體都ok