大家樂 (裝修中)

不能用app或自助點餐機購買，必須要到柜枱排長龍，而食品質素差劣，素翅淡而無味，义燒有渣，咕嚕肉只4舊，白飯硬而無飯味，明明加了十元轉倉魚，但來了條不知什麼魚，最重要是全部飯餸都不熱，包括兩杯普洱茶，以前間中都會來吃下午茶餐，都未至於這樣不濟，這次大肆宣傳這個賀國慶餐，下次如果有其他節日或慶典，再推出類特價餐都不會再幫襯，應該是說以後都不會再幫襯，免得貼錢買難受，這樣賀國慶，不知代表什麼意義，高！

見到友人差唔多晚晚都去食口水雞/海南雞套餐，於是就跟佢去食下係咪真係咁好食，我地各自點了口水雞套餐及海南雞套餐。無骨海南雞套餐(配紅米蛋碎炒飯、例湯及凍低糖綠茶)：雞肉無骨嫩滑，有色澤望落去唔乾，炒底夠熱，飯粒唔硬，主要脾位及胸位，例牌3個醬汁，個人最愛沾薑油，例湯OK至少唔會無味煲到淡曬，凍綠茶加冰由低糖變成無糖。口水雞套餐(配白飯、例湯及凍低糖綠茶)，辣度低，平時唔食辣嘅可以一試，但千萬唔好拎個汁黎撈飯，否則會好辣，整體上賣相唔錯，比海南雞更惹味。當晚全場爆滿，出餐速度仍然keep 到好快，讚讚讚!!!

真心一讚大家樂的海南雞飯好少可有呢個質素！勁嫩口！有surprise！配汁都好好，酸酸甜甜好開胃，真的有意外驚喜呢！白飯質素就好像越來越差，但我平時食唔晒既餸今日係食晒既！海南雞飯餐有埋野飲都叫FULL SET！PAYME而家做緊優惠，可以LOOP住用優惠都幾抵食！另外，亦都食左久違的咖喱飯，都係一樣濃味好食的！今次試的牛三寶飯，係牛面肉、牛脷同牛筋，感覺大家樂好似第一次有呢類既牛款式食，就試下，都OK，不過唔食多D飯就好快肚餓~

下午肚餓，求其選間餐廳，大家樂首選。有新野：芥蜜豬扒治，就試一試佢啦。嘩，意想不到！包皮脆，豬扒也一樣脆，同豬扒自家製醬汁很夾。不過豬扒塊肉比較薄，都幾失望。整體味道… 無要求的人可以一試。另外普通西多士餐，不用說了。普通的東西何必介紹。

本人一直每個星期日及公眾假期會到此店光顧，雖然不是會員，但係都算係熟客仔，22/8早上8點40分曾光顧此店，因為現時疫情關係，所以基本上堂食相應減少，那天仍留購買J2 早餐包括：烚蛋、腸仔牛油多士、火腿通粉和熱咖啡。價值$25，問題係唔知是否太早關係？所以食客食完離開仍然沒有任何樓面姐姐收拾餐盤，變成就算找到位置也要自己收拾，後來坐了大約十分鐘，才見到有三個樓面姐姐出現，但係只係一個姐姐一边收拾餐盤一边和食客打牙較，最後三個樓面姐姐索性餐盤也不收，三個係取外賣的櫃台旁邊企埋一齊傾計足足5分鐘有多，但係我張枱的餐盤足足擺放了超過25分鐘有多，終於激嬲了我，其後也打電話去Hotline投訴，直到31/8早上7點40分再次光顧，

豬扒較為乾身，但係賣相不錯, 加咗3色雜豆,蘑菇 顏色較為豐富 焗飯豬汁比夠以前的改良了 ， 飯汁夠稀 豬扒較乾身食落覺得有少少柴味，加上用四粒波籮焗更香份量較以前大,足夠兩個人食

上星期五晏晝公司飯唔多掂，食得唔飽，夜晚去打個邊爐平衡下心理先~八點幾嚟到見d位坐滿曬， 條隊長長哋，排咗一陣，阿姐應該做到燥，唔係幾好脾氣....叫咗一個鍋加三樣配料，一份牛一個魚滑一個烏冬，另外加咗兩個大檸樂。好彩啱啱有人走唔使點等，不過要爐要特登叫阿姐先見到我哋。嘢食正常，牛都算新鮮，係份海鮮差d, 嚿魚唔知點解無咩味，同食落有種唔知點嘅感覺，總之幾唔新鮮，但整體絕對平靚正。半夜有d胃痛, 唔知關唔關嚿魚事，定晏晝個硬過條命嘅豬手喇

星期六去沙田第一城嘅大家樂食下午茶,  揀左個燒鴨湯瀨粉配紅豆冰, 盛惠$29蚊. 真心覺得係全城最抵. 初頭心諗有冇咁著數?!   點知..... 碗粉黎到....  一反開啲燒鴨, 就見到全部都係骨, 得返陣皮 (仲要係件件都咁樣), 我當刻真係以為自己order左個"有骨冇肉片皮鴨".如果真係要因貨就價, 我建議個產品名加個"味"字, 變成"燒鴨湯味瀨粉配紅豆冰"比較貼切.不過值得一讚係佢地嘅紅豆冰, 啲紅豆煮得幾稔, 味道又唔太甜..推薦評分: 3/10  <--個分係俾杯紅豆冰 #警惕 #平野冇好野#安慰自己 # $29可以食到有骨冇肉片皮鴨瀨粉底

本人這兩天都光顅中午飯和下午茶，基本上清潔收拾餐盤個班阿姐態度巳經有所改善，見到客人都識得打招呼。唯讀是水吧經理和收銀員態度依舊惡劣，就算之前和我有爭執有經理，現在有些時候見到都會閒聊，但是中午一個男經理和一個女經理，男經理望埋去就眼睥睥，女經理回來就玩雜耍，為什麼這樣子說呢，那個男經理每次埋水吧交飛，老是用一種好像有佢有十寃九仇的眼神來望住顧客。至於那個女經理就更加利害，當廚房出食物的時候，個女經理不是用手輕手將食物放在餐盤上，而是用手將食物拋到餐盤上，即是證明她有足夠自信心萬無一失。跟著輪到收錢員態度依舊惡劣。

冬天最鍾意烚下烚下, 不想自己整, 就來個簡單火鍋, 今晚選了大家樂一人前火鍋.湯底試了沙爹湯底, 開始火鍋前要先呷一口湯, 清楚喝到沙爹味, 但開始烚東西後, 已開始嚐不到沙爹味道了, 沙爹味偏啖, 只感覺到油油的清水!肉類&配料 (款式、份量、新鮮度)火鍋配料算多款式, 但有些數量只得一件, 例如水餃, 魷魚, 雖然說是一人份量, 吃完後也很飽肚, 但視覺上有點量少的感覺. 牛肉和豚肉各一包.海鮮一碟包括有蝦兩隻, 魷魚一隻、魚片兩片.其他類一碟包括有肉丸兩粒、腐皮包一個、水餃一隻.蔬菜類一碗包括有南瓜兩片、粟米一小件、車厘茄兩粒、蟹柳一條, 木耳幾塊和麵一個, 蔬菜類看似算豐富, 而生菜很少, 如果計埋墊盆底那兩塊, 都有四塊既.幾塊炸魚皮, 脆口好味.還點多一包烏冬.講新鮮, 就真的不能說新鮮吧! 例如牛肉豚肉片, 不覺有肉味.全部東西都求求其放埋一齊上枱雖說快餐連所店不能要求高, 但如果放得好一點, 我相信賣相都能加分，尤其是那碟肉丸、水餃, 馬虎到一個點! 求其執餸上枱就開餐.總結: 一個好的火鍋, 除了湯底要吸引, 配料也是重要的一環, 大家樂一人前火鍋，價錢抵食度一

去咗沙田報名學揸車，行咗去第一城睇吓有咩食，冇咩特別選擇之下，食咗個大家樂。你間第一城嘅分店都幾大，有兩個大嘅舖位，中午時間可能係接近兩點鐘嘅關係又唔係話好多人。帶咗個最出名嘅厚切豬扒飯，老公就點左新鴛鴦飯，兩個夾埋都係＄80左右大家樂係我心目中最出名嘅都係呢個豬扒飯，賣相就一般啦，上面嘅醬汁好化學，都係唔知乜嘢溝出嚟，上面仲有番茄，菠蘿，講返個主角啦，豬扒就真係幾大塊，同個飯盒差不多大，厚切就一般啦，值得一讚嘅係咁大塊豬扒都係得一細舊的骨頭，另外飯係炒飯底嚟嘅，對於女仔來講其實都好鬼飽，我都食唔晒。老公食嗰個鴛鴦飯係而家新出嘅，一半係好似豬扒飯，另外一半係葡汁雞皇飯，老公就覺得豬扒飯比較好食啲，因為個調味比較濃，其實個size係我嘅正常豬扒飯二份一左右啦，旁邊嘅葡汁雞皇飯，雞肉就比較少，葡汁都係一般啦，咁對男仔來講個份量都係足夠的。我哋兩個都係要左杯熱咖啡，就唔需要額外加錢。

睇報紙有個$88燒雞餐, 又有飯又有汽水, 好似好抵食,  但真係一分錢一分貨囉~Happy Friday唔煮飯, 老公去買呢個餐外賣返嚟食, 但見佢差不多大半個鐘先返到嚟, 入門口都未放低d嘢, 已經怒氣沖沖係咁話呢間嘢好唔掂, 原來佢話外賣果度, 等的人又多, 包外賣的人又少, 佢等咗一陣, 個牌又未show佢個no, 但見有個中佬一買完飛就走埋嚟, 放低張飛就話個餐係佢, 而個肥仔經理又唔對飛, 就咁比咗佢, 再等多幾分鐘唔對路, 先追問個, 點知個男經理走咗去又唔理佢, 佢問水吧都話記得佢個no已出餐, 原來係頭先個中佬拎咗我地果份, 激死佢, 變相佢要等返中佬果份, 好彩佢又點下有冇比漏嘢 (平時我老公係唔會點的), 點知真係比漏咗個薯餅, 真係辛苦哂老公~ 燒雞只雞都算OK大, 不過好多唔知係油定係汁, 所以一定要戴手套食, 雖知佢一定係雪雞, 但個肉質又冇想像中咁差, 唔會好鞋, 只係好鹹啫~ 粟米好似用糖水白烚咁, 有D甜, 但唔係粟米的甜~  海鮮飯其實唔覺有乜海鮮? 而且又冇乜汁, 淨係知呢個係飯囉~ 薯餅爛哂的薯餅, 唔知係咪人家發老脾整爛, 正常拎返嚟係唔會爛囉

本人今天照舊食J2早餐，仍然包括牛油多士，烚蛋，腸仔，火腿通心粉和雪碧汽水。首先，原意想叫芬達橙汁汽水，但是沒有，完全想不通為何沒有橙汁汽水供應。其次，只是早上八點不到，水吧人龍巳經很長。第三，排到水吧交飛，要求多士燶一點，結果那個女水吧經理給我看一塊完全未有炕過的多士，於是我又要等，究竟是水吧經理連廣東話都聽唔明呀，還是她不明白多士燶D都聽唔明。跟著想到放胡椒粉的抽屜拿胡椒粉，結果是整個抽屜是吉的，好像開鋪前完全沒有加添的樣子。最後，仍然是沒有員工清理枱面，不是沒有，而是一個女水吧經理在場裡不停地兜圈子，見到熟客就收，其他客人睬你都傻

今天早上再次到達光顧早餐，仍然如往叫J2套餐，包括多士，烚蛋，腸仔，火腿通粉和可樂汽水。價值$23套餐，結果拿著早餐找到座位後，但是烚蛋一如以往，打碎蛋殼後，第一隻一開始就巳經是蛋白和蛋殼連在一起，變成了火山口，於是到水吧更換另一隻，點知第二隻又是變成火山口的樣子，也懶得再到水吧浪費時間再換第三隻，因為擺明廚房出問題囉

今天到這裡食早餐，一如以往，又是食一般又昂貴又難食的垃圾，今天更加憤怒，因為一如以往，執枱員工不做事情，變相顧客要做埋員工，自己收拾餐盤，結果飲品倒瀉到地上，有客人好心通知收銀員，通知水吧找員工到來清潔，結果員工到來第一眼就駡顧客自己亂來，也不反省自己不出來清潔和執盤，完全不懂得自我反省。